群記爽腩店 (已結業)

說起爽腩, 很多餐飲只可以限量供應! 原因是來貨有限! 爽腩又叫崩沙腩或蝴蝶腩, 是牛腩的邊位, 有筋膜帶少許肥, 吃起來肉質鬆化又不韌, 難怪認食之人都愛吃!招牌爽腩, 芊如點了湯米同吃湯底有牛味很清甜, 爽腩肉味濃郁, 入口又香又稔一點也不韌, 筋膜QQ的而且有咬口

呢間群記爽腩店,見佢周圍都有分店就食下你啦叫左呢碗又有牛丸又有牛腩牛筋咩都有齊哂,岩哂樣樣都想食既我味道唔錯,個湯底仲要係你去泰國食泰國魚旦粉個隻味🏻鐘意食泰國魚旦粉既你可以一試

在烈日當空之下，正當小弟苦腦邊行邊上網搜尋附近有什麼特式食物選擇時，突然一道涼風從一扇剛開的透明玻璃門傳出， 令原本一身蓋上了厚厚的炎氣一瞬間被卸下，身軀得到數秒間解脫。 而當中還輕帶出陣陣---- ~~~ 回頭一望， 就看到一間簡樸但光線充足的潮州粉麵店， 心想應該是間普通魚蛋牛肉粉麵店。誰不知，舉頭三尺上的。。。"門牌"! 更刻上有"爽腩"兩字高掛， 我腦裏即時導出兩條公式--- <爽腩 = 牛肉> 及 <有牛食之地 = 必留一腳印>！ 擁有"牧羊人" 和 "牛魔王" 身份的我，牛魔王意識已經自我甦醒， 雙腿已經不由自主地向著綠洲進發， 跟著就向店內職員說出"一位", 然後被安排就坐！坐下觀望店內四周環境，心想此店都是跟什麼"生X", "大X" 等等牛腩粉麵店同類， 相信來客用膳十有八九都是點選爽腩粉麵， 而且我肚子太餓也不想看餐牌直接點菜算了吧。 可是看見大部分用膳中的客人檯面上都是一碟又一碟有小山邱般的白飯配上一碗浸滿香濃牛味湯汁的牛肉， 玄之又玄!!! 為何來粉麵店用膳不是選吃粉麵， 而是選擇白飯？ 還見大部分人也將碗裏的牛肉湯水一口也沒喝

牛腩 同飯分開上。牛腩味道一般，無乜特別，湯腩無乜腩汁 。可以一試。杯野飲算幾好。店面細細，服務一般還可。 爽腩唔算太爽，無入口即溶的感覺。份量一般。幾十蚊算幾抵食。

今日去食下午茶，好抵食，仲有凍飲送，岩晒行到好熱既我。叫左牛雜河食（$25連飲品），因為唔洗諗又可以試晒幾樣。牛腩幾淋，好入味，牛栢葉唔靭，牛肺好正，好爽口，彈牙。 湯底係腩汁, 河粉連湯食好味。

路經灣仔，病病地，煎炸野少食，剛巧路過，又見到牛牛專門店部位分得仔細！又睇下佢同華姐大利有可分別！點了一碗面豬墩崩沙腩面，崩沙腩面是牛的橫膈膜，筋膜連少少肉，肥瘦剛剛好，又唔會太淋，唔錯，份量都好，但就係切得差一點厚度，口感唔係好夠。面豬墩軟軟糯糯甚為討好。兩款肉都好，但係牛味好似唔係好出，反而湯底牛味濃，又唔覺太多味精，好！面雖然彈身但煮得有少少未夠熟…不過唔算嚴重！整體感覺一定比大利好…

前幾天下午剛做完job在街上閒逛時，五臟廟忽然發出訊號，要揾D嘢填肚。原先想找間漢堡店食個牛肉漢堡，及後經過灣仔道一間牛腩粉麵店，想起朋友說過質素不錯的，遂趁機入去一試。望望餐牌，除了基本的坑腩外，還有多種不同部位可供選擇，好似牛爽腩、崩沙腩、牛面頰（牛面珠墩）、牛脷和牛展等，都幾齊全幾特別，而且價錢都算大衆化，最貴果款都只是$29，由於我去的時候已屆下午茶時段，這價錢還會包括一杯熱飲，實屬超值。我叫了一碗牛爽腩河粉，可能因一隻牛的爽腩部分不是太多，所以只有數塊爽腩加幾件牛腩充數。爽腩軟糯彈牙，帶少少肥油甘香口感；牛腩雖有點偏瘦，勝在咬落鬆軟唔韌。湯底色澤呈褐色，飲落味道濃郁唔油膩，但牛味偏淡；河粉闊度屬傳統size那種，吸收了湯汁，正好中和了濃膩感，細嫩順滑，跟牛腩或魚蛋一向是絶配。值得一提的是粉麵裡頭還伴有清甜無渣的蘿蔔和爽口芽菜，為味蕾帶來了一點點清新感覺。綜觀整碗爽腩河質素未算超班，不能與中環歌賦街那間名店同日而語，但將貨就價下，一分錢一分貨，亦不會要求太高，個人覺得是各有特色，算是超值好食，值得推介的！

星期六是日進修，但上堂前要填飽個肚是常識吧。小弟好鍾意食牛，灣仔咁多清湯腩食店，今日先試呢間！睇一睇個餐牌，E，牛嘅好多部位都有得食喎。如果牛食家都知，好多同類鋪要食啲靚牛都比較貴，最緊要係份量仲要好少，食極唔飽嗰隻，但呢度個價錢真心唔錯。今次食佢個爽腩，其實都幾正，入口好爽，肥肥哋，但都有啲肉畀到口感。但可惜係底好少，有啲覺得唔夠食。

聽朋友說這間啲牛腩唔錯，中午lunch就嚟試下。叫了一碗爽腩河，首先，個湯唔錯，有牛味，幾濃郁，今次俾啲腩太多筋，有啲韌，但味道還是不錯！而且都好足料又大件，抵食！

一直都好喜歡牛腩麵, 而我對牛腩更是情有獨中。好多時去一些港式麵店, 我都會點牛腩麵。當天平日晚上快九時多了, 因沒有特別想吃甚麼,所以, 就走入了這間途經的麵店。店舖門面光猛, 全白色亮燈, 把所有污糟野都照得出。當然, 他們家的衛生是不錯的。調味料乾淨整潔。檯面也不油不黏, 對一間港式粉麵店來說, 簡直是太令人驚喜的整潔。我與肥膏坐下, 即點了牛腩米 HKD 25.00不知道原來會落這麼多蔥茜...當堂個心離一離...好重味而且落好多。牛腩肉質易咬但味淡...少少牛味都沒有。味道淡得像是用滾水拖完水一樣...太令人失望了吧。這是間知名道頗高的粉麵店, 想不到牛腩品質如此一般。而湯頭就...一般, 沒甚麼味道。另外是在湯肉內的白蘿蔔, 超。級。淡。味。是不是用白水煮熟白蘿蔔, 然後放進湯上檯就算?白蘿蔔淡味到一個頂點...而且好不巧的...我吃的是白蘿蔔頭/尾, 好多渣...因為完成不了一整碗麵,我們多點了一碟炸魚皮 HKD 10.0010蚊一大碟算好抵了, 魚皮OK好吃。夠脆夠鬆化, 又有魚皮及炸料粉的香味,令人想一吃再吃!雖然牛腩很一般, 但以25蚊來說已是不錯的。

琴日難得有心機行遠少少食...見到群記下午茶有平就諗住入去食...仲群記記得上年開張既時候有好多公公婆婆排佢既麵食...開左咁耐都未食過...我叫左既係下午茶牛腩河20蚊有個呀哥幫我落...見到張單寫25蚊就問下佢點解啦...佢話3點先下午茶時間, 我仲爭少少, 寫得好清楚! Fine! 咁想轉過其他野食啦, 佢又話煮左啦...FINEEEEE!!!牛腩河: 好多牛腩, 好靚咁wor...湯好香好夠味...河粉唔會太淋, 但係痴埋一舊舊...蘿蔔無渣...但係...牛腩河最重要既牛腩就係佢既死穴!!牛腩好硬, 咬唔郁, 咬到牙較都甩...而且入面好乾, 好似煲湯咁, 咬開有一條條肉絲乾...而且肉中間仲酸酸地...我好少好少會食剩肉, 但呢次係唯一一次我食得一件肉既牛腩河(難食仲要俾咁多我)...如果牛腩咁難食我叫淨河多色唔好???(1.5/5分=四捨五入只好揀2分)另外店入面有一位姐姐幫其他人落單, 明明個客比我更早入去, 但呀姐話未夠鐘, 可以幫佢地落單先...(當時佢落完單58分)1) 點解男員工唔可以提醒我爭少少先下午茶時間? 或者可以先落單?(當時2點54-56分)2) 點解

在香港，牛腩麵店通街都有，不過要講好食，來來去去都係果幾間。而且，大多的牛腩麵店，不是清湯腩就是潮州牛腩，當我們看見這兩個詞，頓時會對該店的信心大增。香港的牛腩麵名店，要數的確是有排數，要試晒多家的出品來做大比較，可真是要花時間同花胃力。而這一次，我只想介紹一間，這就是《群記》，是西灣河太安樓起家的那一間《群記》。《群記》，好多朋友會都會想起老字號大埔的《群記清湯腩》同粉嶺的《群記牛肉圓豬手》，但此《群記》不同以上的兩間《群記》，三者是沒有關係的，這由西灣河太安樓起家的全名叫做《怡景群記爽腩店》，是以爽腩為名的牛腩麵店，是次我來到其位於灣仔道的分店，一於試一試。來到這《群記》梗係食麵好，來者人人都食麵，吃完就走，縱使店外有小人龍，因為個個人都係快食快走，等位並不算太耐。當然，我一早12點左右來到了，是頭一批午餐客。是日的麵食，當然是押在招牌的爽腩麵啦，湯底是牛肉、牛雜湯，有牛的味道但不是太濃，不過爽腩的口感，味道同腍既程度總算沒有令我失望。爽腩，又叫崩沙腩，是牛腩近肚皮的那一個位置，通常都會帶一層爽脆煙韌的軟組織，夠腍的話，是既爽口又可口的，而這一個爽腩，做出了這一個味道同感覺。隔了日

其實早半年前當灣仔群記新開張時，小肥已經同公司經理排隊食過碗免費牛腩牛丸河，記得當時感覺都好正面。上星期再次光臨，店舖門面及室內環境衛生冇乜大改動，不過冷氣明顯比剛開業勁。樓面伙計多咗，而且較初期熟練，繁忙時間雖然滿座，但效率頗高，完全唔會浪費時間，落單需時僅為九秒九 ，麵食三分鐘內送到，餐具全於餐桌上搵到。小肥叫咗碗「崩沙腩湯米」。湯米不單個碗大，米粉同崩沙腩o既份量都同樣十足，27蚊碗絕對抵食 ！熱辣辣o既米粉唔會過腍，湯底濃郁得黎又唔油膩，芽菜爽脆，但問題係崩沙腩有少少韌，所以扣咗一分。雖然因健康理由而家少食咗澱粉質，但為咗要支持良心食肆 ，XO仔決定每個月最少黎幫襯一次！

下課後找個簡單晚餐吃，聽聞這兒的牛不錯，故來吃個麵填填肚子~難得這兒有牛面豬 ，即點了它的牛面豬麵試試~ 牛面豬切薄塊，肉質炆至腍，牛肉味不濃，遜於大埔的群記~ 幼麵則煮得過腍，梘水味不算重，反而有很重粉味，怪怪的，若不是有大量葱花、蒜粒和芽菜仔同吃，未免難於下嚥  難怪米粉和米線早已售罄~男友點了坑腩河，腩肉比牛面豬優勝得多，爽中帶腍，有鮮味；河粉是一般麵檔出品，沒有特別~我們另加了淨牛丸，牛丸反而有驚喜，彈牙爽口、牛肉味重，比以前吃過的元朗勝X更好~ 一分錢一分貨，整體價錢不算高，故牛主食份量不多，以麵底、芽菜等配料充數，但整體份量尚算合理~

今日，路經灣仔道，經過一間新裝修的店，見它在窗廚貼上一些名人推介，便趟門而入(因度門是趟的)，只餘一個位，坐下便滿座，整間店來說是小店，坐位不太闊落，食客基本是食完便走。跟著看價錢，就覺得商宜，一碗牛丸河$25，腩河為$27，見它有「面珠登撈粗」，即管叫一碟來試，$32，加碟淨蘿蔔，$12，幾時都覺得蘿蔔最配牛腩，外加一杯絲襪奶茶，跟麵只需加$6。如在中環，一碟腩撈，差不多要此價錢。碟淨蘿蔔先來，其後是「面珠登撈粗」，最後是杯絲襪奶茶，先試蘿蔔，味道較清淡，可以接受，但有幾舊有渣，跟着試主菜，面珠登撈粗，先飲啖清湯，有牛骨味道，兼且清甜，然後食一片面珠登，發覺味道近牛展，隨後試撈麵，看得出撈麵有芽菜，麵因有涀水，如加上芽菜，會帶來爽口兼清新感覺，直得加分，群記撈麵是傳統潮式撈麵，故不用蠔油，而用沙茶醬，感覺新鮮，但敗筆的是粗麵，不知是否淥定Ｄ麵，放在一邊，故Ｄ麵貼在一起，無法「撈」起，失敗！最後要將Ｄ麵放回清湯，Ｄ麵才可散起。杯絲襪奶茶，原本沒有期望，誰知有驚喜，竟然更勝蛇竇奶茶。總的來說，價廉物美，值得推介。