老長沙湘菜館

营业中

休息中

好耐冇食中菜，同朋友去開銅鑼灣，見到有間中菜館，就入咗去食。菜單好多選擇，我哋叫左店員推介嘅擂椒茄子皮蛋、香辣串串蝦同氣鍋魚頭。因為怕太辣，所以叫咗小辣。首先黎嘅係香辣串串蝦，蝦炸得金黃，食落帶啲麻辣，連殼食更能感受風味。接著係擂椒茄子皮蛋,材料有皮蛋、青椒、蒜頭、茄子，係地道嘅湘菜，雖然其貌不揚，但真心好食，非常開胃，如果唔係店員推介，我哋應該唔會試。最後就係氣鍋魚頭，魚頭非常大，除咗好有魚味嘅魚肉，仲有魚肚、魚雲，食落爽脆Q彈香辣，配埋酸菜食一絕。總括而言，鍾意食辣嘅朋友唔可以錯過嘅一間餐廳。

老長沙湘菜館係銅鑼灣新開業嘅湘菜館，餐廳佈局有啲似私房菜，大廳只有數張細枱，另設三間獨立房間，名為洞庭湖、瀏陽河、湘江，廂房可容納多人，私隱度足，宴客開P均一流！農家窩窩頭 $68/8個好得意嘅小饅頭，饅頭口感鬆軟，仲有個大凹位，方便釀入餡料！餡料係梅菜、辣椒、二荊條、蒜頭等炒製而成，集香、辣、咸於一身，配小饅頭食真係一流，仲幾飽肚！酸辣魚皮 $68酸辣爽彈嘅魚皮，係好開胃嘅涼菜！孜然寸骨 $168豬仔脾烤到外面乾身香口，入面肉質軟嫩兼入晒味！由孜然、辣椒、蒜頭等組成嘅無敵增香組合，真係超級惹味，令人欲罷不能！紅糖糍粑 $68即叫即炸嘅糍粑灑滿炒香咗嘅黃豆粉，做成外脆內綿嘅美味口感，正！藍妹 $28可樂 $22食香辣嘢嘅良伴，餐廳同時供應各式中式烈酒，詳情可詢問店員！茶位 $15/位

喺銅鑼灣食中餐嘅選擇唔多，今日就去咗老長沙湘菜館食嘢，試咗佢地嘅午市套餐同脆皮咕嚕肉，套餐可以揀可樂或者加$8換椰青水。老長沙湘菜館嘅午市套餐好有湖南風味，木桶飯係佢哋嘅招牌，係將飯同配菜一齊喺木桶裏面蒸煮而成。雞汁脆荀炒臘肉木桶飯好好味，臘肉多汁鮮美，荀筍爽脆甜美，雞汁香濃，混合埋飯粒食好好味。小炒雞木桶飯嘅雞肉好鮮嫩，配菜亦都好豐富。脆皮咕嚕肉叫咗就即刻整，外皮酥脆，肉質鬆軟，醬汁唔會太甜，好好味。全部嘢都好好食，一個碗白飯唔夠食，哈哈。

老長沙湘菜館嘅湖南菜式非常出眾，其中煮辣更加係遠近馳名。今次一試果然印象深刻！1️⃣烤魚⭐️⭐️⭐️⭐️⭐️叫左一條桂花烤全魚，先係將魚身炸得卜卜脆，惹味香口，烤魚鍋底汁落左豐富配料調製，小辣已經好夠味，唔會喧賓奪主掩蓋魚嘅鮮味。魚身大大件啖啖肉又嫩滑，食到停唔到口😋最正係烤魚鍋嘅配菜，有土豆片、粉條等，吸收晒湯底嘅精華同埋魚嘅鮮味，食到欲罷不能！最抵食嘅地方係358一條烤全魚，居然送八支啤酒，十分貼心😍因為食過烤魚嘅朋友都知辣辣地會好想飲嘢，而八支啤酒本身都值百幾兩百蚊，所以條魚好似半價咁，真係性價比極高！2️⃣小炒雞⭐️⭐️⭐️⭐️雞肉肉質都好滑，口感彈牙，炒香左之後好夠鑊氣，加上呢個係一個午餐，八折之餘仲要配埋飯，又一抵食推介～3️⃣千葉豆腐⭐️⭐️⭐️以價錢$138嚟講，個人覺得烤魚抵食好多～加上本身以為千葉豆腐係指一啲豆皮之類，但原來湘菜係指魚片之類食物，附上圖片俾大家參考吓，下次點菜嘅時候可以留意～

今日去到銅鑼灣L square呢一間餐廳食正宗嘅湘菜！朋友同我一向都鍾意食辣，所以佢就揀咗呢一間餐廳試吓，而且呢一間餐廳係新開，亦都令到我哋格外興奮 餐廳地址都唔難搵，距離地鐵站大概5分鐘路程 店員為我哋確認Booking之後就好快入到去 頭盤我哋叫咗個手拍青瓜，青瓜配酸辣嘅配搭，非常襯，而且味道唔會過辣，青瓜亦非常清甜可口，作為前菜非常開胃 另外推介嘅有鐵板水晶粉，水晶粉非常煙靭，配上辣嘅調味，熱辣辣非常好食 配菜有椰菜，食落更加令到口感豐富 農家小炒肉一放上枱就聞到香辣嘅味道 分量來講都算幾多，而且非常有鑊氣 呢個餸係我同朋友最愛嘅餸 做得非常出色 飲品就每人一罐加多寶 都好耐冇飲加多寶，配上辣嘢食中和下都唔錯 餐廳店員最後仲送咗糖水俾我哋食，非常親切！以一間新嘅餐廳來講都算有幾高嘅水準！餐廳嘅裝修亦都唔會太迫，整體用餐經驗非常愉快

聽湖南朋友講過佢家鄉菜重口味又重辣，一直想試試真正既湖南菜，上網搵到哩間新開無耐既老長沙湘菜館試下。店面簡潔，有包箱房間，當晚都見到一大班人係房度開茅台飲得興高采烈，好彩佢地房門隔音好，關左門唔會嘈到出面。大盤有機花菜 $88炒得好香辣辣地非常惹味，特別在有一d細細片既炸豬皮係入面，好邪惡但入口勁香又脆，哩盤菜一定要撈白飯😋糯米蒸排骨 $158第一次食依味餸，幾得意喎排骨肉汁滲左入糯米飯，加埋淡淡荷葉清香，排骨口感腍身彈牙，肉香突出無乜調味都夠哂味👍🏻潮式蠔仔烙 $188私心愛吃潮州蠔烙，哩個蛋香濃，但無蓋過蠔仔鮮味，煎到燶邊表面香酥，好食👍🏻食完重口味野飲啖熱茶，滿意👍🏻

​湘菜係中國八大菜式之一，而此間係非常地道的湘莱館，環境干凈高雅，還設有獨立房間，私房菜的高質素，值得推薦，喜歡的千萬別錯過喔。Menu有好多小炒地道菜，簡單叫了幾道菜，留戀至今，好好吃，那味道地道得似身在長沙。​💥鐵板水晶粉 ：用紅薯粉和豬肉未做出的美味佳餚，最下層仲有雞蛋打底。味道酸辣，入口濃香，口感更是既奭脆又軟韌彈滑，超開胃。​💥農家窩窩頭 ：好有特色的農家湘菜。窩窩頭鬆軟味香，加入梅菜青椒粒更入味。​💥酸辣魚皮：入口彈牙爽脆，味鮮口感爽滑，再加入芫荽指天椒，色香味俱全，超正。​💥養生甲魚王加土雞可選(牛鞭，土雞，公雞蛋，鮮鮑魚，干張壽麵，生蠔，花膠)甲魚補血滋陰補腎，滋補強身，養顏美容。肉質鮮嫩，甲皮口感彈牙，再經過炖煮後，胶質浓稠。加土雞，味道仲更鮮甜入味。超正的一道菜。​今天試左幾個菜，大開胃口，超飽大滿足。

朋友想試中式菜，找到這間新開的餐廳.餐廳有幾間房for 包房用.空間不算大.💠鐵板水晶粉 $98口感清爽，且配料豐富，在熱騰騰的鐵板上煮熟的水晶粉，加上肉、蛋和蔬菜等各種配料，一口下去，鮮美的味道會讓您回味無窮。💠長沙臭豆腐 $108以豆腐為主要材料，配上各種調料和醬汁，口感酥脆、香氣四溢，它的味道比較濃烈🤭💠酸辣魚皮 $68以魚皮配上酸辣的調味汁，口感酸辣可口。它的特點是魚皮薄脆，入口即化，讓人回味無窮👍🏻👍🏻💠紅糖梭粑 $68糯米粉炸至金黃色脆，口感綿密、甜而不膩。它的特點是外皮酥脆，內裡軟糯，加上紅糖醬汁可口美味😍💠農家窩窩頭 $68賣相很特別，很適合打卡😂用麵粉、水和鹽製成的麵團，搓成團子後蒸熟而成。中間是空心，再加入菜脯、肉碎、蔥等多種食材，外皮鬆軟、內餡豐富的特點，口感香醇，十分美味🤤

比較少食地道嘅湘菜，有機會就嚟老長沙試下，位置好方便，餐廳好新淨、光猛同闊落，入到去感覺幾精神餐牌提供嘅選擇都多，有埋圖片，方便大家點菜孜然牛肉木桶飯($98)小炒雞木桶飯($88)乾扁四季豆($88)幾款小菜都用上大量香料嚟炒，有辣椒、尖椒、蒜、蔥、青椒等，炒得好香，食材本身新鮮，牛肉口感好好，孜然味好香，小炒雞啲雞件切成細件，更入味更易食，有啖啖肉嘅感覺，四季豆食落好爽脆，幾款主食都好好味，而且唔會話太油膩，係好正宗同地道嘅湘菜除咗熱茶，午餐仲有汽水，食完濃味同少少辣嘅湘菜，飲返罐汽水好正餐廳好坐，店員殷勤有禮，食物地道之餘好抵食，有機會一定再嚟試其他嘢

日日出街食飯， 食嚟食去都係嗰幾味， 有啲悶，今日想搵啲新菜式試下，近近哋就去銅鑼灣喇 。喺開飯網見到介紹湘菜 ，湘係湖南嘅簡稱， 湘菜主辣， 對於食粵菜嘅香港人來講，到底啱唔啱胃口呢 ？唔使擔心， 喺呢度食飯， 有辣有唔辣， 有大中小辣 ，餐廳真係好窩心❤， 照顧唔同人嘅口味 ，我哋平時係唔怕食辣 ，所以湘菜對我哋嚟講應該係有吸引力。 睇住開飯網嘅地圖按圖索驥 ，一路搵到銅鑼灣駱克道 the L Square 一樓， 𨋢門一打開， 就見到好骨子嘅餐廳， 潔白嘅裝飾， 有啲似私房菜格局， 間咗幾間房， 用湖南嘅名勝來命名，例如洞庭湖。 打開餐牌 ，真係一新耳目， 有啲平時未見過嘅菜名， 養生甲魚， 湖南殺豬菜 ，糯米蒸排骨， 農家窩窩頭等等。 第一次食湘菜 ，梗係要食啲有代表性的， 我搜集過資料先來。 第一 ，小炒黃牛肉，用大量嘅配料炒牛肉絲， 有蒜， 青辣椒，紅辣椒，酸辣椒， 蔥，芫茜 ，將牛肉絲爆香 ，牛肉鮮香嫩滑， 喺五顏六色嘅配料誘發下， 發揮出色香味最佳表現 ，成為餐廳嘅賣點。第二， 農家窩窩頭， 呢個菜真係好特別， 六個啡色嘅窩窩頭， 圍住一小碗 蒜頭辣椒炒梅菜， 見到就流

愈來愈常見d 商廈成躉都係餐廳，有時唔知食乜好，流連下呢d 大廈，睇下地下d 水牌，隨時有新發現。呢間銅鑼灣L Square o既樓上鋪，係食中菜的，鋪頭唔大間，間o左三個包廂廂房之後，出面大廳其實也只剩下三張檯，帶有私房菜o既格調。先來點涼菜，手拍青瓜($58 未加一) 同開胃雲耳($58) 用上高身一d o既碟盛載，感覺精緻。青瓜新鮮juicy，汁液有助中和辣度，而d 雲耳都幾爽口。都估到作為正式湘菜館，d 食物辣起上o黎可以非常勁！所以我地都特意同o左店方講所有o野食，bb 辣就ok～農家小炒肉($128) 非常棒，用上豬腩片，口感肥美，同埋個醬汁又惹味，送飯一流……窩窩頭我聽就聽得多，食就真係第一次，之前o係d 紀錄片中提到係熊貓都可以食o既食物o黎！農家窩窩頭($68/8 個)，佢似饅頭，但自身帶甜，啡啡地色，從英文menu 會揭示佢係由玉米粉造，就咁食已經幾好食；包埋d 餡，會多一種梅菜o既鹹味，但係又好鬼夾～鐵板水晶粉($98) 同埋瑤柱蛋白炒飯($88) 都係掠肚仔之選，前者因為比較多汁，實際辣度都幾高！水晶粉類似紅薯粉，佢除左加入椰菜絲同辣椒、肉片，沉低仲有隻炒蛋的。

是日由朋友推薦的湘菜館—「老長沙湘菜館」，位於香港銅鑼灣The L square 1樓。餐廳裝潢簡潔雅致，充滿中國風味，非常適合與家人、朋友或商業伙伴一起享用美食。Menu(未能盡錄）：餐廳的服務態度很好，除了有菜水，再等上菜時還提供瓜子小食。我們叫了：1️⃣酸辣魚皮10分推薦😍太好吃了。這道菜是由魚皮、辣椒、花椒等調料熬煮而成。魚皮的質感柔軟，口感爽脆，且不帶油膩感，十分適合夏天吃。而辣椒和花椒的味道非常開胃，讓人有食欲。整道菜品酸辣可口，非常適合開胃，是一道非常不錯的下酒菜。2️⃣農家窩窩頭（8個）充滿特色的湖南菜。沒想到製成品十分大😆這是一道麵食類菜品，由發酵的面粉製成，體積較大。窩窩頭就像空心的饅頭，一個圓拱形的形狀，配上梅菜+青椒+辣椒，口感軟又酸甜，十分開胃。加上是澱粉質食品，十分飽肚3️⃣鐵板水晶粉這道菜是由水晶粉、豬肉、生菜等食材烹製而成。水晶粉是一種透明的粉狀物，質感嫩滑，口感有點像幼薯粉。此鐵板的底還是雞蛋🥚好特別的☺️鐵板水晶粉煱氣十足，廚師在烹製過程中加入了一些特殊的湖南調料，好辣🥵不過，是真的好吃啊！4️⃣潮式蠔仔烙這道菜以蠔仔為主要食材，加入了豬肉、蛋液等食材。烹製過程中先將

今日有外國嘅朋友來香港，諗住帶佢哋食啲特別啲嘅嘢，經過朋友介紹知道銅鑼灣有新嘅正宗湘菜館，老長沙湘菜館。朋友對佢嘅評價唔錯，所以我就預早book咗位了。餐廳位於銅鑼灣嘅商業大廈裏面一樓，唔算太難揾，入到去，有啲似私房菜嘅感覺，除咗出邊有三四張枱之外，另外有大約三間嘅唔同大細嘅包廂。湘菜香港其實唔算少，但係正宗嘅就唔多，所以我哋都係叫老闆娘介紹有啲乜嘢好食，老闆娘亦都非常熱心，幫我哋推介左不少美食。殺豬菜其實係一個辣炒豬什，裏面有豬腸，豬腰要同埋豬肝。豬腸，好多人唔食豬腸，係因為太油或者有異味，但係呢度嘅豬腸細粒非常乾淨，而且處理亦都非常細心，將多餘嘅油脂切咗出嚟，可以話係將平常嘅食材發揮到最好既味度豬腰同埋豬肝口感亦都非常好，唔會好似出邊有啲餐廳咁用過多嘅化學野或者梳打粉醃到爛晒，保持返佢哋應有嘅口感，但係火候啱啱好，唔會過老。調味方面，亦都十分出色，好多人會將川菜同埋湘菜混淆，甚至乎好多湘菜館做出來的味道根本就係川菜。但係呢度就完全唔同，冇四川菜咁多嘅花椒麻辣。辣椒嘅香味非常直接，配埋爆香過嘅蔥斷，無論就咁食，送酒或者送飯都係一流。永州血鴨，估唔到除咗法國之外都有中式嘅血鴨，相傳呢道