聘珍樓

营业中

休息中

想一家人開心食好啲，有包房，中菜一圍，可以試下訂。聘珍樓其實好有水準，屬於中上價。其實呢個寶號應該超過20年歷史；大家可以留意吓，佢的裝修、環境，服務都有返咁上下，枱同枱之間有距離，吾合背貼背坐，安全啲。坐低試埋啲食物，你會發現係好食吾濃味，如果三五知己想坐返兩三個鐘頭，吹水飲茶實在是不二之選。疫情之下，屋企人想訂一圍枱，見到有個餐$7500比12人用的。但八人限聚，間酒樓都肯一個價錢俾我哋分兩枱，仲可以比一間大房，我哋諗過都幾好，覺得夠安全又私隱度高。總體來講可以接受，食物吾算高貴，但四平八穩，干干淨淨，我媽好開心，因為可以大聲講嘢，又笑，有兩個小朋友可以行嚟行去，活動空間好夠服務尚算貼心，叫侍應幫手影相都冇托手踭，食完又冇趕我哋走，坐足三個鐘個餐份量好夠，果然足12位用，加埋送啤酒汽水橙汁！最後，我哋仲打包左成碟炒麵，炒飯同埋甜點。實在食吾晒☺️

圖一相片圈住為白灼菜心，因朋友下午要上課埋單前同服務員姐姐講要多一碟灼菜心拎走嘅之後就埋單，姐姐仲好好服務咁去落單，到碌咭時我哋都無為意睇價錢對單，分單亦以為酒樓方便計數。返到屋企先發現同一樣嘢（圖二）換個名竟然收費貴一倍🤬🤬問咗朋友碟菜分量味道都一樣，除多咗個外賣紙袋裝住，而當時落單職員及埋單職員全程都無講過提過碟菜有咩唔同，收費唔同等等字眼⋯搞到自己都覺得自己好大浸水魚除🫣因為第一次幫襯又係過海添，雖然心有條刺但都唔想去煩咁多，放出嚟希望大家以後食飯要對單，拒絕❌被做水魚最後想講幾好味都無心情喇，更會同朋友散播以後不會再幫襯👎🏻👎🏻

纓红宴招待十分差，出菜十分慢，10:30,黎到，10:45叫可以上菜，當時只有幾枱客，更何況預計左，第一到菜係燒肉，居然要11:30先上，第二到菜11:55先到，問點解咁耐，就話黎緊，結果每道菜大約每25－30分鐘先出，本耐預計2個鐘內食完餐飯，12:30－1點走人，大部分人下午返工，點知食到大半左右，大部分人都趕住走先，最後生果要13:35先到，我地13:45左右先走，無諗過食圍菜會食3小時，我晤會再黎消費

農曆新年約朋友聚餐多數都會選擇飲茶🥢， 大年初四到聘珍樓飲下午茶， 位於鑽石山龍蟠街3號荷里活廣場2樓208號舖。 初三到了一間質素一般的酒樓， 幸好聘珍樓比較好😆。 點心 ～ 春風得意腸粉、芋角、鹹水角、叉燒包、牛肚、蝦餃、馬拉糕、鵪鶉蛋燒賣、棉花雞、燒賣和牛肉球。我最喜歡芋角🤤，外皮酥脆，內層口感滑軟有肉汁，好味。 其他幾款味道正常， 價錢中等。 鑽石山荷里活廣場沒有太多酒樓選擇，聘珍樓 不算性價比高，但都可以接受☺️。    聘珍樓地址: 鑽石山龍蟠街3號荷里活廣場2樓208號舖

始終都係鍾意食中餐多啲！有水準又骨子嘅中餐廳唔係太多！聘珍樓通常都係我想選擇之一！兩個人就叫咗鴨舌、南乳粗齋煲，同埋豉蒜陳皮蚊大蝦！佢可以接受少鹽少油嘅安排非常之好，但係就真係少味左南乳粗齋煲就變咗冇乜味哈哈！鴨舌係非常之值得推介！佢係起晒啲骨㗎，可以成條食，但係有保留返入邊嗰個軟骨，正正正！仲有中間嗰啲應該係沙葛絲，整得好好味陳皮炆大蝦就比我想像中嘅陳皮味就冇咗，但係就反而係辣嘅唔知點解？！整個不過不失啦！

話說今日係父親大人嘅生日，所以同佢去食餐好嘅，就book咗位於荷里活廣場嘅聘珍樓樓食個靚靚中菜北京填鴨兩食糧食講緊係平時用麵粉皮包住北京填鴨咁食，再加生菜包北京填鴨北京填鴨都幾正，層皮脆卜卜又唔會太油膩蟹肉花膠燕窩腳蟹有花膠燕窩都幾足料，湯頭亦都唔會話太鹹太油膩，啱晒老人家食熱蝦球鮮果沙律蝦球沙律就麻麻哋，蝦球唔算好新鮮一陣冰鮮味，蜜瓜可能過咗時，亦都唔夠甜脆皮五層肉個燒腩仔分量唔算好多，同埋唔係好夠熱，質素平平彩蛋手拍青瓜蒜頭味都夠重，最鍾意就係蒜味重嘅青瓜

去完比較特別既 恐龍公園（ 坪石公園）玩完完全熱溶左 轉戰商場涼冷氣午餐補給 呢間見到有枱可以直入 想也沒想就衝呀🔸原隻鮮蝦餃 $40蝦都大隻但皮略厚🔸雞包仔 $33呢個最正 超鬆軟 餡亦恰到好處 食到尾無咁熱都仲係好好味🔸鵪鶉蛋燒賣 $33這個也不錯 大粒新鮮🔸蜂巢荔芋角 $33普通 乾左 粉太厚🔸布拉腸粉 $42腸粉厚左啲 索價貴🔸黃金炸饅頭 $28推介 金黃鬆化 🔸椒鹽多春魚 $75魚太細 炸粉太厚同無味 索價貴 CP低🔸老陳皮紅豆沙 $38紅豆夠綿 也夠陳皮香🔸鮮榨西瓜汁 $38*3去完公園身水身汗來杯鮮榨真的又甜又透心涼 話說我飲左少少 就被兩父女騎劫對分左😂🔸茗茶 $16*2還不錯 🔸XO醬 $18呢個可以叫佢收返省下錢啦 但湯圓爸想試 其實無咩特別🤣食飽飽去埋茶樓廁所 乾淨企理又唔駛出返商場排隊 舒舒服服睇比卡超去💓

襯星期六扮吓孝順先剪完頭髮未夠12點就去咗拎飛等位，都算好彩早到一步，因為我拎完飛之後佢就截咗龍☹️要12:30先再開返排隊🙃🙃🙃等入座大概等咗一個鐘，都係多得好多人放棄咗張飛😏點心即叫即蒸，所以都算每一籠上枱嘅點心都熱辣辣♨️♨️♨️質素都算唔錯，亦都估唔到佢有鵪鶉蛋燒賣😳😳😳呢樣點心細細個嗰陣食得多，但而家好似唔係好多地方有😛餐廳嘅座位都好闊落，唔會話好多人迫埋一邊。價錢係偏貴，只係環境同對得住個價錢

有D趕時間，諗住唔使等位就入去，點知係reception等左3分鐘，無人理；望入去全場得一個waiter.......執緊枱，望到我，繼續執終於等佢執完過黎問我幾位，我話兩位，跟住佢行入去，我地咪跟住行......佢擰個頭黎話，「我叫你等等」.......可能我年紀大，聽唔到；兩條友又行返去個門口又3分鐘後，佢再行出黎，叫我地坐係近門口的枱枱面上除左枱布外，係乜都無又等左3分鐘.....有人黎派碗碟等.........真係好喇........好似望見家鄉嘅感覺終於食完，舉手埋單......舉左5分鐘都無人理，最後唯有我行去搵人埋自己單﹗一流﹗食物，無乜特別服務，好深印象；個個都黑口黑面好心佢收人呢個價錢，就請多幾個工作人員啦，莫講話D工作人員做到黑晒口面，連食客都係一樣﹗唔會再去﹗

琴日佛誕去食飯因為朋友住附近我就訂咗呢間比較好嘅酒樓食啦，滿心歡喜但係等咗個半鐘都未入去，我哋定三至四人枱，見好多人出嚟但係又冇嗌飛入去，我哋咪同職員了解，佢就話有啲人訂咗兩張大枱要比另一張枱佢哋喎，有啲已經入咗去喎，咁我咪同另一個客人都同佢理論啦，這個客人喺度等咗好耐嘅，冇行開話成個鐘都冇郁過四人枱，就話只見到冇飛既人入去，經理出嚟先至郁返四人枱，向朋友了解，呢間野出名俾熟人，咁樣做生意，食物又唔係特別好，我仲要食都係咁好口乾，飲好多水都唔得，極度差劣酒樓

周末約咗屋企人一齊飲茶提早慶祝母親節，早咗成個幾禮拜book枱，要book 兩張檯一齊坐。屋企人一早到咗，話要等，佢哋話ok, 我哋到咗問佢，佢就話係要等㗎啦，其實我哋都唔知咩事，話Ok, 整整吓佢就話嘟埋個安心出行就入得，入到去點知佢俾咗兩張大斜角既枱，我哋問有冇啲平排嘅枱， 佢就話冇，仲講人人都係咁㗎啦。咁OK啦我哋就坐低咗。點知我出去洗手間見到有四張吉枱可以平排咁坐， 咁我就問部長可唔可以調過去，個部長話唔得㗎，有個客一定坐其中一張枱，咁我就問佢咁另外果兩張呢？佢話唔得啦，人哋訂咗。咁我就話其實我哋都係一個幾禮拜前訂咗嘅，佢話依家真係冇位啦，陣間有位我再幫你安排啦。最後當然就係不了了之⋯⋯如果想一家人開開心心去食餐飯， 呢間野真係唔係一個好選擇，食物又貴，質素一般，呢個價錢可以係出面搵到更多更好嘅選擇。

自從疫情 真係好左好多出去食晚餐 難得可以同家人一齊食飯 當然要去番婆婆最愛既聘珍樓最鍾意呢度環境清潔又夠靜 餐具又唔會油淋淋咁 疫情下清潔真係好緊要呢度既差燒同燒腩都係婆婆喜歡 我都覺得唔錯 椒鹽九肚魚都好好食希望呢度唔好咁快執啦

見2:00就過嚟飲個下午茶，但發覺下午茶只有一張粉紅色紙，但是點心並不多炸雲吞，真心沒什麼特別，仲要是特點，要成40多元，未計加1，真係貴叫了下午茶紅色紙的點心，鳳爪其他餐廳酒樓，鳳爪都會有啲配菜，花生或芋頭，但這間是沒有的。鳳爪都有五六件，棉花雞就三件小雞都可以，味道普通。鳳爪不夠濃郁味道。正價蝦餃雖然40多元，但係入邊都有一隻蝦。不錯。但奶皇包就真係太差了，包入邊的所謂奶黃餡，少少奶黃汁，好似食緊一個白雪雪的包，太差了

疫情期間，好多餐廳都唔需要等位，所以可以係一個好好嘅機會試一次平時想去，但好多人等位嘅餐廳。今次，我哋就去咗鑽石山嘅聘珍樓飲茶，食點心。除咗平時食開嘅點心之外，呢度仲有擔擔麵，皮蛋瘦肉粥等，比較飽肚，而且都幾好味。點心嘅質素都唔錯。我哋最鍾意係佢嘅九肚魚，同埋擔擔面。最後叫一個甜品芝麻糕作總結。平時去酒樓，都唔會太過留意酒樓裝修佈置，但聘珍樓係比一般酒樓華麗少少，可能係呢一個原因所以收費亦都比其他酒樓貴一啲。

⭕️全部職員戴上口罩店內座位較密，客人大多是熟客仔二個人12點來到，茶樓接近九成滿好多人，大家一盅兩件野食未到時，已接近滿座，淨下預訂了的十人枱我們點了三個點心，一個小食，一個甜品。大概有六七成飽因食物質素下降，食唔飽都轉場食馬拉糕，不夠鬆軟，扁扁的而且有濕氣金錢肚，咬得費牙力，未夠稔蝦腸，不過不失！手撕雞，是切的，好多肥肥和雞皮炸奶餡料古怪以$16位茶錢來睇，食物質素有待改善呢期一星期只會出街食一兩餐一心來呢間茶樓飲個靚茶可惜，太失望了！