聘珍樓

营业中

休息中

是日同娘親慶祝母親節，試下老字號粵菜，標明冇落味精同人造色素有個哈碌位，激到朕好嬲又好笑，準備左個特別蛋糕送比娘親，已千叮萬囑陣間我比訊號先攞出黎比個surprise 我娘。點知.....突然有個著白衫既行埋黎話：呀！你地個蛋......（然後佢驚覺自己講錯野，即刻u turn走左) well......thanks......6大2細食，先叫左3個小食豬手，唔油膩，夠林燒肉唔會太肥皮脆，好食薯仔絲配菜好味道bb女食晒已去骨可以成粒食鴨舌，不過味道唔夠之後黎個片皮鴨2食新鮮好味2食配生菜包，炒得好香好手勢再來客迷你唔知咩斑火喉岩岩好，好滑食剩得棚骨跟住西蘭花帶子蝦球，家人比讚最後一客瑤柱蛋白炒飯個炒飯真係要讚，唔太濕又唔油，又足料基本上成餐飯冇食剩任何野，好味到冇得留低，成家都好滿足總結：價錢：6大2細食左約1600，老字號食物有水準，絕對值服務：店員自動波換碟，見食完小食就跟手上小菜，侍應數量多，唔會有被忽略舉極手冇人應情況（係衰唔醒水爆響口有蛋糕）環境：乾淨，寬敞唔逼，現場竟然有人live彈琴，有驚喜食物：每道菜都有水準

復活節第一次在這裡飲茶，由於附近的酒樓都要等好耐位，只有這間不用等候，入去之前已經知道收費比一般酒樓較高，心想食物一定會比較有水準，但是這樣的收費給顧客十分差的食物，不要說是大酒樓水準，連一般的都比不上，很難食，以後不會再幫襯。

親戚為小BB搞百日宴，既為慶祝，亦當作親友團聚。餐廳安排於大堂另辟一室，已備酒水熱茶。齊人了，可以上菜了！　紅雞蛋酸薑　　滿月酒彌月宴，當然有紅雞蛋。還有酸薑片呢！鴻運乳豬全體　酒席必定有乳豬。乳豬皮夠脆，皮下脂肪及嫩滑豬肉，甘香肥美，已經夾了几塊呢！好邪惡呀！生財多子柱脯 　大大粒瑤柱，配生菜及髮菜。翡翠玉帶桂花蚌　帶子及桂花蚌很爽口彈牙，西蘭花很新鮮。百花釀蟹鉗　　大大件，幸好不太彈牙，口感似翡翠豆腐。本身不太喜歡實篤篤似雞肉腸的釀蟹鉗。紅燒蟹肉花膠翅　翡翠遼蔘扣鮮鮑脯　鮑魚片有一環一環的圈狀紋理，是真鮑。薄身鮑片，刀功一流。遼蔘軟棉棉，不彈牙。鮑蔘翅肚，今天每一款都嚐到了。清蒸海星班　比較喜歡食大魚的魚鰭，因為魚身大大條，擔心肉質會老。而魚鰭部份的肉質比較滑呢！蒜香脆燒雞　呈上時是熱辣辣。雞皮的脂肪很少，肉質尚算滑溜。但放涼後，雞肉變得較硬，要趁熱食。叉粒薑米蛋白炒飯　蟹肉燒伊麵　　麵身中間没有氣孔，似是未經油炸。一咬即可斷開，不煙韌。鴛鴦糕點　　合桃酥配桂花糕合時甜品～紅豆沙　　紅豆沙不太甜，可放心讓几位小朋友食用。雖不知這個酒席價格，但封了利是給小BB，就當作是這一頓的消費吧

飲個茶 食個飽。聘珍樓講到明冇味精 岩曬我。先黎燒腩仔～皮超香脆 卜卜聲 肥瘦均勻 肉質幾嫩口 配上荀絲 爽脆 微微辣 好配搭。义燒包～餡料唔會太咸 义燒半肥瘦 面包幾鬆軟。鳳爪～今日好咸 雖然好腍 口感不錯 但堅咸。蒸蘿蔔糕～ 幾足料 好多蘿蔔 臘腸臘肉都好甘香 不錯！蛋撻仔今日失準 唔太鬆脆 又凍冰冰。今日真是有點失望。

我地叫左４人套餐加餸加甜品。套餐內蒸魚，雞要吹要等超過45分鐘才上台。套餐內紅豆沙要吹要等至少30分鐘。仲要話紅豆沙不足夠以綠豆沙代替。亦不知為什麼可以埋單時，看到有張台上红豆沙。係咪要叫更加貴才可以有正常服務？對於這冬至晚餐十分失望。敬希望各位小心。

成日去D間聘珍樓，環境夠乾淨舒服，staff有禮貌又醒目😉野食午市點心晚市小菜都好食(ps我唔係打手😂😂)嗰晚叫咗叉燒，蜜汁味夠，半肥瘦，正~最近必點嘅虎蝦銀絲煲~虎蝦新鮮易剝爽口，又大隻，粉絲軟硬適中之餘最重要係入哂味，精華所在~仲叫咗翡翠豆腐~清清淡淡，夠香滑~甜品叫咗紫米露同壽包(因為生日😂)~嗰日紫米露少少失準，有Ｄ偏稀，但同平時一樣椰香味夠。壽包有蛋黃，但已經壓碎所以唔膩又唔會咬落突然一舊野好硬~

飲茶的話 聘珍樓係我其中一間常去的。中價 但勝在無味道 環境不錯 食物水準保持得好。今日又和媽咪去飲茶。义燒腸粉 ～ 腸粉夠滑 义燒唔會太肥。义燒包 ～ 今日略為失色。包好濕 而且唔係好熱。义燒焰一如既往 不錯。蛋撻仔 ～ 曲奇皮好香牛油味 鬆化。有蛋香 如果再減一點甜更好。（利申：我好怕甜）鳳瓜 好好食。豉汁夠曬味 鳳爪好腍 好正。潮州粉果 ～ 皮好薄 但有兩隻都爛左 焰料好足 配XO醬食 一流。棉花雞 ～ 我的飲茶至愛。魚肚好入味 雞脾肉好滑 花菇大大隻。正。今日雖然唔係樣樣做得好好 但依家飲得滿足。相比好多出名大酒樓 點心得花巧 或者得個咸字 聘珍樓樸實好多。

因臨近中秋，我們一家到這食飯聚一聚，已知道這間是高級菜館，食物一定是貴的。我們揀了套餐，第一道上的乳豬已經很失望，乳豬皮不夠脆，是我食過最難食的，其他的菜式也是一般，不是很好吃，最後上的荷葉飯亦是難食，我們根本未吃飽，但真的不想再吃。我以為這老字號，好像名牌一樣，食物一定好食，點知太令人失望了，我們11大人1小童共消費了$5750，真係非常唔值，適合只求體面不計較食物質素的人仕。

平時晚餐多數在屋企附近搞定, 今晚多搭幾個站去到好少光顧的鑽石山站。初初以為鑽石山荷李活廣場會有好多選擇, 點知餐廳數目比想像少, 而且大部分是大型連鎖店, 有些失望。每間餐廳都大排長龍, 唯獨這家聘珍樓沒有人龍可以直接入內。酒樓樓底雖然不太高, 但柱位尚算少, 環境開揚舒適。最搶眼莫過於這一大幅印有日本古時居民生活的風屏, 頗有特色。有百多年歴史的聘珍樓從日本引入, 食物質素有保証, 價格屬中高級。小菜絶大部分over $100, 茶$12/位, X○醬$15。芝麻西檸軟雞$110擺放整齊的雞件外層包上濃密的芝麻, 西檸汁是另上的。平時食的西檸雞都是煎炸雞件後淋上西檸汁的, 這裡的做法十分不同頗有驚喜。雞件已經去骨, 方便進食。雞肉嫩滑, 可是雞味不太重。外層的芝麻十分香口, 為平凡的雞件多添層次感。只有兩個人食, 多食幾件後有些油膩。腰果野菌安格斯牛柳$180牛柳嫩滑, 7份量頗多。配上濃味的茨汁, 十分惹味。另外, 有3款菌類, 加上脆口美味的腰果, 為這菜式增添不少味道。

七一假期相約了好友在荷里活廣場用膳，因要顧及一眾小老闆，寬敞舒適的用餐環境尤其重要。在水牌前左顧右盼，聘珍樓應是最好選擇。餐廳裝潢簡潔舒適，座處寬敞。一行四大三小，一份四人餐剛好，不用傷腦筋。滋潤煲靚湯：是日靚湯是木瓜煲豬𦟌，湯料足，湯水味道自然濃郁，甜美可口，忍不住添了兩碗。明爐燒味拼盤：叉燒拼燒鴨，選材其實不錯，可惜叉燒過瘦，略硬，調味亦稍鹹。燒鴨味道OK，但同樣乾瘦了一點。翡翠駌鴦蚌：鴛鴦蚌爽口，西蘭花感覺微微炒焦了。清蒸沙巴龍躉：魚香鮮度不俗，薑蔥豉油調味香口，滑度中規中矩。瑤柱蝦乾浸時蔬：以芥菜作時蔬，比較少有，賣相淡黃，不太討好，食味普普通通喇！合時甜品：有紅豆沙、紫米露、芋頭西米露及馬蹄露四款選擇，不算少。一碗馬蹄露，出品熱辣，滑口帶爽，甜度適中。回顧整頓飯，以湯水最好，蒸魚次之，其他只屬普通，加上碟頭細，食後感有少少失望。

之前於銅鑼灣試過聘珍樓D點心不錯, 今天再與家人來到荷里活廣場一試, 等左大約個幾鐘12:30左右進入食肆, 環境十分嘈雜又迫夾, 枱與枱之間簡直係零距離,蝦蛟($33) 皮薄餡料足, 很爽口但無味, 一d蝦本身嘅鮮味都無...燒賣王($33)賣相很好, 食下去,蝦很爽口, 但又係無蝦味鮮, 只有肉味叉燒包($25)外皮不錯, 可惜叉燒又乾又硬上湯鮮竹卷($25), 高湯好味精, 鮮竹卷內完是素竽角($25)炸得過左火喉, 好油脆皮燒肉($65)皮很脆但好油, 又多肥肉, 食完滿口都是油, 好似張凍左燒肉放落焗爐爐熱再俾客人干炒牛河($9X-$1XX), 又係唔掂, 河粉只有色無味, 又油, 炒到D牛肉超老,牛肉球($28)無牛肉味, 同只係於街邊賣十元二粒嘅牛肉球貨色差唔多。豉汁鳳爪 ($25) 已經左多耐令到骨皮分離總括來說,聘珍樓都算係比較高檔食府, 可惜食物嘅質數真係令我大跌眼鏡,而且侍應既服務質數欠佳, 無人斟茶兼黑口黑面, 似乎唔多想做生意, 真係好失望, 又貴又難食，呢間都算係數一數二

年宵已過，農曆新年正式結束，但仍餘波未了，仍有親戚未見，唯有等待周日，等大家都有空閒的時候，才在酒樓一敘。團拜地點選在荷李活廣場內的這間「聘珍樓」。聽住在附近的親戚說，前次農曆年初五來到，要等兩個小時才有空位，想不到這次我們一行接近十人，竟然不需十分鐘便可入內，都算好運。一大班人，當然叫得滿枱都是點心，「蝦餃」、「牛肉」、「鳳爪」、「排骨」、「腸粉」、「鹹水角」等固然走不掉，就連較少吃到的「錦鹵雲吞」、「雞包仔」、「椒鹽九肚魚」等也有叫到，各款點心的價錢雖然偏貴，特別是廚部和味部的出品，即使簡單如「白灼菜心」，也要劃一價收$60一碟，但點心整體水準不俗，特別是以下幾款點心小食，更是必吃之選。「脆皮燒肉」水準甚高，雖然未能完全做到五層樓，脆皮、肥肉、瘦肉層層相間的效果，已算是水準之作，值得一試 。「椒鹽九肚魚」新鮮熱辣上桌，味道適中，不會過鹹或不夠味，外脆內軟的九肚魚，甚為好吃 。「荔甫芋角」同樣熱辣得很，入口鬆化，味道也好，同樣出色 。上綠下白的「奇異果石榴凍糕」雖然沒有前面三款點心小吃那麼好味道，但結合奇異果與石榴兩樣水果的味道製成的凍糕，單聽名字已令人感到好奇和吸引，吃來雖然

聽家人講銅鑼灣聘珍樓的點心不錯,今天與家人來到荷里活廣場親身一試,10:45am進入食肆,當時只有三,四張座有客人,環境清靜舒適,我們三人叫了六樣食物,包括有燒腩仔,雞包仔,小籠包,燒賣王,竽角,叉燒腸落單後不用兩分鍾竽角立即送上,進食後發現內餡熱,咬開後有一些像胺水的味道,忍不住要吐出來~叉燒腸外皮不錯可惜叉燒又乾又硬接著的是脆皮燒肉,皮很脆但很多肥肉,滿口都是油,吃了兩件唯有放棄燒賣王賣相很好,吃下去的蝦很爽口,但沒有蝦味亦沒鮮肉味小籠包的吃下去內裡湯汁不足,肉不新鮮,完全不合格最後一樣 雞包仔算是普通,沒有特別,可以吃下去的~離開後大約一小時我們已經有其中一個人拉了三次肚子,真是不幸!總括來說,聘珍樓是高檔食府可惜出品令我們大跌眼鏡,慶幸在結帳時向部長反映食物質素欠佳,該女部長態度很正面及有禮,雖然食物質素很差,但服務態度仍然值得一讚!

一入到去，每一個待應都好用心甘服務每位食客。叫左薑米叉燒炒飯、蜜汁豬頸肉、錦滷雲吞、蝦蛟。炒飯真係有薑味，好岩d寒底既人食。蝦蛟皮好薄，粒蝦好大，係胡椒粉多左d。雲吞好香脆，d汁酸味岩岩好，好足料。豬頸肉好入味，肉質又淋又爽口。所有食物分量適中。冇咩地方可以彈，特別係待應既服務態度，冇得彈！

聘珍樓已久仰大名，友人是常客，我卻是第一次來，有幸在宴中作客，吃了之後感覺蠻不錯的！地方很大又寬敞，坐得很舒適！先來杯茶，普洱、鐵觀音的味道不錯、又滑流，的確是高級食府！等了良久，第一道菜終於出場，是燒腩仔，皮很脆口、肉質軟硬適中、又不肥，吃了一口，很香，的確做得不錯！一個字正！大家來可以點這個作前菜…第二道菜是粟米羹，簡單些，味道OK!第三道菜賣相不俗，上碟是四季豆炒魚柳，吃了粟米羹較清淡，現在轉了濃味些，入口不錯！再來一個紅燒豆腐，豆腐質感很滑，很新鮮、亦好味道！正！跟著很多餸要出場…還有，竹笙羅漢齋！內中還有雙菇、小唐菜，味道較清，感覺OK!脆口的東西終於出場，有炸雙卷…其一是腐皮卷，入口很脆，也有腐皮香；另外一款是芋頭卷，主要成份是由芋頭蓉加上豬肉碎粒和鮮菇混合而成，看來事先捲成一卷炸後切成一件件上碟！味道很好吃！鹹道適中，從來未吃過，十分特別，值得一試！跟著出場是我的至愛…菠蘿咕嚕肉，酸甜味道適中，咕嚕肉味道不錯！若能再脆些，就最 perfect...肚子開始飽，又來一個貴妃雞，賣相不俗，吃下去，雞肉也嫩滑，熟度剛好，不錯…除了這些，還有炒飯、伊麵等等，兩樣都吃過！炒飯亦有飯