肉餅哥小炒料理 (已結業)

差不多有一整年沒去過美林邨，這裡已經大翻新，冬菇亭變成肉餅哥小炒料理，變化多大，美林邨店比荃灣店寬敞好坐，光顧的年齡層也變闊，多了不少公公婆婆光顧。 朋友看見有最愛的黑松露和帆立貝的肉餅飯，沒多想就點了原隻帆立貝黑松露肉餅飯。帆立貝保留半熟的狀態，吃起來肉質鮮嫩，加上清幽的黑松露，不論香煎的肉餅還是帆立貝，氣味迷人非常。走奢華路線的朋友則鍾情煎惹味鵝肝肉餅飯，香醇又酥脆的鵝肝嚐在口裡入口即化，首先嚐到鵝肝濃郁滋味，與香煎所帶來脆香的肉餅口感，層次鮮明，鹹甜風味交織，化作非一般的味美。海鮮控的我則對原隻鮑魚肉餅飯動心，如拳頭般大小的鮑魚相當厚實，吃在嘴裡真是幸福，嚼勁的口感，淡淡甘帶有海洋的滋味，新鮮鮑魚是如此美好，拌上肉餅飯一起吃更是滿足。那翠綠的生菜已經是視覺上享受，咬在口中滿清脆的，果然晚餐不可缺少清新的蔬菜。至於燉唐排湯挺健康的，沒有浮油之餘，還喝到清甜的肉香味，生津潤喉。橙汁與西瓜汁亦非常新鮮，絕對可為炎夏止渴。

朋友特登入大圍搵我食晚飯食肉餅🤔咁咪陪下佢 唔係住大圍所以係火車站坐的士去美食亭啦唔洗跳錶$24央 由於有三個人，分別叫左三個肉餅餐一人一碗老火湯，野飲就叫果汁，好新鮮同朋友一齊食 ，試下三款口味包括有：鵝肝，黑松露帶子，飽魚💕三款都各有特色肉餅厚身 ，份量足 🤤而我個人最喜歡既係黑松露，肉餅無咁乾黑松露味都夠濃郁鵝肝咁既價錢一d都唔差 ，唔錯帶子同飽魚相對地就比較普通了。食三款肉餅，更係要加番碟菜平衡下唔可以只食肉無蔬菜整體來講 其實套餐都好抵食係值得再食既餐廳 價錢又抵 份量又足夠曬飽肚

大圍真的愈來愈多不同的美食，連普通屋邨裡的大排檔冬菇亭也有特色。從大圍火車站走大概十五分鐘，來到美林邨的冬菇亭，看到這家「肉餅哥」，被名字吸引，進入餐廳探過究竟。——晚上七點也有八成滿，每枱都點上了各式各樣的肉餅，賣相吸引。自問並非肉餅粉絲，但相信每個家庭裡偶爾也會蒸個肉餅「送飯」。這裡的肉餅共數十款，有咸有甜，亦可選蒸或煎，可配白飯、白粥、米粉，或是加兩蚊配菜飯或油飯。在我們選擇的同時，店員先為我們送上老火湯解解渴，油不會太多，沒喝出味精，有平時在家吃飯的感覺。——我們點了三個不同的肉餅飯，想試的實在太多了。『原隻龍蝦肉餅（蒸）$99 配油飯 +$2 』飯一上枱，不禁感歎真的原隻龍蝦啊！肉餅變成龍蝦的身軀，混合了龍蝦肉，感覺很新奇！肉餅蒸得不錯，肉餅不會太乾身，送飯吃一流。油飯則有點太油了，沒什麼味道，配肉餅不太好吃。『原隻帆立貝黑松露肉餅（煎）$99 配菜飯 +$2 』這個的外表衝擊就沒龍蝦的強，但煎的肉餅非常香，光看外表也覺得很脆了。帆立貝的SIZE也挺大，黑松露與帆立貝原本就很搭，想不到和肉餅也很夾！三樣食材再混合飯一同吃進口裡，很香口很脆很好吃！菜飯比油飯出色，可能是因為這個

肉餅哥在美林邨開新舖，招牌明明有寫小炒料理，仲大大隻字，點之一入到去，一點小炒都沒有，衹有小小小食同埋肉餅(蒸和煎)，其他一切欠奉，包括清水，如果要清水每支3蚊。

Following the success of its first branch in Tsuen Wan, Meat Pie Gor is set to open in Tai Wai the cooked food stall. There is no denying the fact that Meat Pie Gor is a much sought-after restaurant specializes in making pork meat patty. And because meat patty is much loved by the Cantoneses, this dish is apparently simple but essentially can mix everything in together. Aside from those classic ingredients including salted egg, dried squid and salted fish, there are loads of varieties on the men

其實之前都一直想食呢間肉餅哥,不過成日覺得荃灣唔係太就腳,就沒有意欲去,不過住在沙田的朋友告知我大圍都開左肉餅哥分店,聽到又勾起我的興趣,就馬上和朋友約定齊齊去品嚐肉餅之旅!!!開初看地址,都擔心都唔識路,但好彩係大圍站D出口直路行10分鐘左右就到。看到大大的招牌,真係離遠都看得到這間肉餅哥!門口也有會菜式簡介,看到已經好多款肉餅,令我的選擇困難症又再出現。看到這間分店也很寬敞,環境光猛之餘,枱與枱之間也有相當的距離,不會給人擠迫的感覺,令人也感受到舒服和自在感。先來一碗例湯我平時都不是太喜歡飲例湯,總是覺得好淡和好多味精,但這個例湯我反而覺得清而有味,純粹一碗像家煲的湯,沒有太多的味精,充份令到湯的清甜美味。足料花膠雞湯 $38聽說這個花膠雞湯係好出名和足料,我和朋友見價錢又唔係太貴,決定膽粗粗就叫一碗SHARE,(要伏就大家一齊伏XD)然後真的有二塊花膠XD,食下去也很爽身,還有滿淋身的雞腳和豬骨,飲下去濃而不膩,也帶著甜甜的雞湯味道,真是真材實料,我和朋友都說這個湯真的不錯!然後送飯的時間也很快,不用10分鐘,就可以送來煎和蒸肉餅飯,而且還冒著熱氣,熱乎乎的肉餅飯,看到已經吸引。

太多款肉餅(分兩次到此店食以下款式肉餅)甜肉餅桂花蜜糖肉餅揀左煎(煮法)外表煎得香脆，桂花在肉餅面(好清新)，蜜糖滲入肉餅中(出奇~好夾)好惹味woo,.桂花的香味好濃(比想像中~好食)配米粉，菜心 花膠king size起碼有3大塊花膠花膠煮得淋身(不失口感)選·蒸肉餅(肉餅好厚身，肉質嫩)再次強調~~花膠煮得淋身(汁煮，好惹味)菜心鮮甜(P·s·點解無例湯㗎?)另一天晚上，原來1O點last order(同朋友再到肉餅哥)😅今次夜左~食得比較趕鹅肝算creamy(味道比較蘇)，肉餅此款一定係煎(煎得好靚，外脆，內裡肉餅鮮嫩，不過味道，普通，一般肉餅味道)加$配菜飯墨汁魷魚肉餅味道有驚喜(墨魚汁好香，配上鱿魚，有口感)肉餅有口感(有手打肉餅的感覺~)配米粉另外朋友的肉餅(桂花蜜糖肉餅，同上次食一樣出色，另外幾款肉餅，朋友一致(味道很普通，餸的味道融入唔到肉餅)有小小失望

位於大圍美林邨熟食亭的肉餅哥小炒料理，主打各類肉餅飯和小炒。這熟食亭是室內的，所以空調充足。而且餐廳提供各種傳統和新派肉餅。傳統的包括土魷肉餅、家鄉鹹魚肉餅，而較創新的則有流心芝士肉餅等。今次點了一客原隻鮑魚配煎肉餅，如果想更健康的可選蒸肉餅。飯也可選擇白飯、菜飯抑或是油飯。約十多分鐘後，飯便來了，肉餅煎得金黃色，表面是脆脆的，而且加了少許豉油，吊起了肉餅的鮮味。個人較喜歡乾身少許的白飯，所以很喜愛這裡的飯，粒粒分明，頗有嚼勁。芝士炸薯波！很香很脆很有薯仔味！為飯生色不少~是日例湯！用料充足~好完美的飽肚感！

繼荃灣主店成功之後，終於在大圍可以開另一間分店。在類似冬菇亭的熟食店內，外圍和裝修都很有特色，不點都不像是屋邨內的一間食店。吃飯前先來一碗老火湯：花腸雞湯。雖然色澤有點濃，但口味是清淡的，完全沒有味精。在碗內有豬肉、雞腳及魚肚，真材實料。第一款肉餅是煎的芥末沙律醬肉餅。煎過的肉餅外脆內軟，充滿肉汁。芥末醬的味道一點都不會太搶，與肉餅混合得很好。很好味。流心芝士肉餅絶是芝士愛好者的選擇！不單外層有芝士，內在的芝士非常充足，拉絲是必然吧。這樣的流心芝士肉餅必對是叫人欲罷不能。

第一次幫襯, 成個餐牌全部都係唔同種類既肉餅, 有甜有鹹, 好多選擇, 佢主要分3個價錢既肉餅, 仲可以揀塊肉餅係煎定蒸....我因為未試過甜味既肉餅, 所以我揀左個煎既" 桂花蜜糖肉餅", 晚餐$59跟碗飯(白飯/油飯)同碗湯, 係冇飲品既....價錢都唔算平架. 原本想像到好吸引, 點知黎到一睇發覺有D中伏.....原來佢只係將桂花撈埋蜜糖就咁一PAT放喺塊煎肉餅上面...即刻覺得好求其好hea...塊肉餅亦都比較細塊..!! 味道黎講, 我唔可以話佢唔好味, 塊肉餅味道係OK既....但我一心以為D配料係撈埋肉餅裡面架囉....而且我揀跟碗油飯...冇諗過原來油飯係等於黃薑飯...........黃薑飯同個肉餅一D都唔夾!!短期內應該未必再幫襯..

肉餅飯可以話係老少咸宜既港式美食，肉餅哥將傳統既肉餅飯加入左創新既口味，打破傳統，亦令客人十分有驚喜！實在有太多不同款既口味選擇，款款都好似好好食咁～今次我一於試下芝士流心肉餅配菜飯!肉餅可選蒸或煎～今次選左煎，因為我鐘意食香口野。果然無令我失望，芝士真係做到流心既效果，而且肉餅煎得好香脆！送飯真係一流！而且份量好大份～跟餐仲有湯水同野飲送～今次個湯係合掌瓜煲瘦肉既老火湯～都好足料！唔係味精湯～飲完都唔會好口渴。飲品除左有一般罐裝汽水選擇，亦有枝裝果汁選擇～下次我會再試其他款肉餅飯，全部都好吸引！如果你喜歡挑戰味蕾喜歡創新既話，不妨試試佢地既好立克肉餅、咖啡煉奶肉餅等等另類口味。

荃灣既肉餅哥係大圍開分店~大圍既朋友仔有口福喇!之前睇過介紹，肉餅哥既肉餅係用上六成肉質較結實的前赤肉及四成油脂豐富的五花腩，以人手剁及撻鬆再配合不同新鮮食材製成既，所以口感係特別結實彈牙。講到咁正，一於去試下!第一次試就緊係試佢最霸氣既龍蝦肉餅飯，可選蒸或煎，再配油飯或菜飯。今次我選擇左蒸配菜飯或菜，因為唔想太油膩。經過8-10分鐘蒸煮，登登登登! 真係原隻波士頓龍蝦上! 肉餅中混入左龍蝦肉，平實得黎又不失霸氣既肉餅飯!味道方面食得出有龍蝦汁既鮮味，可能係蒸既關係，唔會話太濃味太油膩。肉餅個質感係幾紮實既，紮實得黎又唔"鞋"，好明顯係加左成油脂豐富的五花腩既功勞。另外，朋友叫左個流心芝士肉餅菜飯，佢選擇左煎既。嘩! 你睇~真係有流心架! 凡係可以做到流心既效果，我個人都會特別加分XD ~呢個流心芝士肉餅好香口好惹味，好快可以食到一碗飯。除左以上兩款肉餅，仲有好多其他選擇。想食得豪氣啲既，可以揀煎鵝肝肉餅、帆立貝黑松露肉餅、原隻鮑魚肉餅、足三兩花膠肉餅、芝士和牛漢堡肉餅等等。想食得有特式風味啲既，又可以揀老乾媽肉餅、泰式冬陰功肉餅、京蔥羊肉肉餅等等~ 另外，仲有

一直都好想試荃灣既肉餅哥，勢估唔到佢居然會揀美林冬菇亭開分店，咁近我當然第一時間去試！六點度已經差唔多滿座，個亭好大，成個餐廳感覺好闊落，裝修舒服，仲有吧台位。一唻就諗都唔諗就嗌咗黃金流沙煎肉餅，再加個新口味好立克蒸肉餅。。你冇睇錯，係好立克味既肉餅！個黃金流沙肉餅煎得香脆可口，咸蛋黃同啲肉餅既味道同口感配合咁啱啱好，唔會太咸，蛋黃唔會一夾就散，啲肉餅亦煎得外脆內軟，冇令我失望！至於個好立克肉餅，原來係蒸肉餅上面加一pat好立克，甜甜地，加埋個咸肉餅，又咸又甜，幾特別，幾新鮮，不過其實我唔係幾食得出係好立克，同埋又咸又甜我諗唔係個個都會鐘意，anyway, 我欣賞佢創意！呢位肉餅哥咁有水準，唔怪得飲水要俾錢呢啲咁囂張既行為都無阻啲人繼續科水排隊！不過其實水呢啲係餐廳基本服務，慳得唔知幾多錢但令人對餐廳印象唔好就無謂啦。阿哥，都唔係好咁囂張好！

自從美林冬菇亭三間食肆開業後，已試過絕對冇下次既甜品，今晚行過嚟，試埋祈待已久，打破傳統肉餅概念的"肉餅哥"。女兒叫了芥末沙律醬肉餅，上檯後，赫了一跳。吓.....果然童叟無欺，肉餅上加pat芥末沙律醬，完全符合商品說明條例(講笑而已)，女兒話唔算好食，但仍啃得落。我叫了原隻龍蝦肉餅，龍蝦頭塞滿飯，龍蝦尾空空如也，估計與龍蝦身的肉都放埋入肉餅度蒸是吧？實實在在可吃的，只有軟殼既龍蝦鉗內的肉，但價錢平，99蚊加埋2蚊飯錢，才101蚊，還敢要求甚麼?能要求的，只有味道。奈何兩者混合之後，味道沒有甚麼特別，而我叫的油飯也乾爭爭的，與肉餅混合來吃，更是乾上加乾。至於有冇下次? 應該會有的，畢竟冇反感情況出現，會比機會自己試多一次其他較穩陣既傳統肉餅吧？(後話:唔知點解，晚餐時段冇咖啡奶茶的。)

好耐之前食肉餅哥，係荃灣。仲記得個陣開業剛去，超多人，等左一個鐘先有得入。今次到大圍開，仲有朋友介紹話開業前會試業，當然去一去啦！無人知wo，唔洗排隊wo位於大圍美林邨冬菇亭，從大圍地鐵站行去10分鐘，中規中矩啦！一如往常，裝修好韓風，木，幾型叫左個咁金沙蛋黃肉餅，睇下同荃灣係咪一樣先未試嗅聞已經香噴噴，勁重蛋黃香，食落真係香到無得頂，同荃灣比有過之無不及，超開胃的話咁快就食晒大圍有肉餅哥，終於有間飯堂可以食下。d人成日話難食，我個人覺得好食，各花入各眼，自己試左先再講啦！