肉骨皇 (已結業)

寶貝話想重溫以前初初拍拖既餐廳，於是我地重回位於大坑既肉骨皇，打算尋回昔日既味道。多年冇去，餐廳內裡已經殘舊左不少，不過依然溫馨。枱面放左充足既防疫配套，可以睇得出店主好細心。以前每次黎都會叫肉骨茶，今次我地決定試下新野，改叫左海鮮喇沙，仲有豬手同印度薄餅。海鮮喇沙（配摻摻）湯底香濃帶點辛辣，越飲越想飲，不過可惜湯好少，麵好多。摻摻即係銀絲米粉同油麵雙拼，一次試曬2種口味，內裡7成係米粉，油麵比較少，米粉超索湯汁，容易入口；油麵有口感，各有千秋。海鮮種類豐富，有青口2隻，花甲2隻，已剥殼既蝦2隻，原隻蝦1隻，魷魚，魚片等，海鮮都幾多，而且爽口新鮮，不過唯一敗筆係海鮮可能係事先白烚好，淡而冇味。大馬過橋豬手剛上碟有點驚訝，冇諗過廚師改變左做法。以前係原隻焗豬手上枱，內裡依然保留水嫩。而家切成一舊舊直接炸，肉質食落乾柴，味道咸，好油膩，豬皮仲好多毛，最後實在食唔曬。印度薄餅（洋蔥味）薄餅好薄，香脆可口，不過食唔到洋蔥味，似原味，炸得有點燶，但可接受，不過就油左點。薄餅有跟咖喱汁，雖然少少地，但絕對夠沾。咖喱汁一般，唔知店舖咖喱類菜式係咪同一隻汁？總體而言：味道：聽老闆講廚師係印度人，但自細

話說今日想食新加坡菜平時去開銅鑼灣食蘇媽蘇媽今日放假得閒就專登入去大坑試下完！全！失望！首先大熱天時由天后站行到入去 要成10幾分鐘，熱到high high 。間餐廳部冷氣機同壞咗無分別 超級熱。好彩坐門口，最涼爽喺有客出入開門嗰下有風吹入嚟。落單後15分鐘，佢竟然問我想食咩，我話一早落咗，佢先發現未入機。餐具喺爛嫁，叫佢換過第二套，都喺爛！仲聽到廚房同樓面鬧交，好影響心情。叫咗招牌肉骨茶，椰醬飯，咖啡骨，咖央多士配雪糕 ，兩杯荔枝梳打。全部都超級普通。肉骨茶啲肉無肉味，咖啡骨啲汁太濃太油又難咬，多士超級油咖央好少，仲難食過大家樂大快活下午茶多士，雪糕只喺維記糕。去完廁所經過廚房 發現煮嘢食啲人喺唔戴口罩！好驚驚！埋單仲勁 收咗張信用卡 仲掛住同其他熟客傾計望住佢搞咗勁耐。最離譜喺竟然攞咗我張咭去同嗰熟客講話部機壞咗，嗰熟客都話張咭唔喺佢，我就真喺忍唔住大聲話佢「你有無搞錯！連收錢都可以搞成咁」佢話唔好意思掛住同其他客傾計。我話「我都喺客嚟嫁，俾番小小基本尊重好喎。」如果你喺大坑街坊，當落茶餐廳食嘢就無所謂；但如果你唔喺住附近，你就千祈唔好專登入去食！我會放呢間餐廳入我黑名單！

大坑不嬲出名多小店，唔同國家嘅菜式都可以喺度搵到，今次就試下呢間食馬來西亞茶嘅小店店舖嘅位置唔算大，但係枱同枱之間都有足夠空間，6點幾去到已經有幾枱人食緊佢嘅選擇都幾多，每樣嘅價錢都係一百左右，我同朋友兩個人叫左一個咖喱雞，原味油酥餅，海鮮喇沙咖喱雞佢嘅咖喱雞有用火一路熱住，所以慢慢食都唔怕凍，咖喱上面落左奶油，味道唔會太辣而且好creamy，裏面除左有雞肉，仲有茄子四季豆同薯仔，全部都好入味原味油酥餅酥餅烤得好香脆，又唔會過份油膩，沾埋咖喱汁食好惹味海鮮喇沙摻摻摻摻即係一半米粉一半油麵，兩樣都索哂喇沙嘅湯汁，一齊食令到個口感更加豐富，而海鮮嘅份量都唔少，食完啲麵都未食晒啲海鮮喺咁多特色小店林立嘅大坑，呢間馬拉店都值得再訪

肉骨茶用爐座住，確保湯汁滾燙。湯熬得入味，色澤黑而温潤，橙紅嘅枸杞浮面，更係搶眼奪目。飲落順喉，藥材味濃，值得一試，惟肉骨肉質未算太腍，呢度略扣幾分，但瑕不掩瑜，湯還是好飲。原味油酥餅，烘得酥脆，配以咖喱汁，咖喱有別於港式、印式和日式咖喱，味道偏酸，或許是南洋獨有風味。酥油餅沾肉骨湯汁又是另一吃法，藥材味中和油酥餅的油，層次更高。馬拉盞炒蘿蔔糕，外層脆口，惟味道略鹹，可略作調整。油飯，油脂香十足，濕潤程度亦剛好。美綠恐龍，正正常常

搵食行遠d，今次去到大坑食馬拉野！大坑呢間肉骨皇我真係好鐘意，一黎好坐，二黎好食，三黎唔貴，已經黎encore過好多次。叫得肉骨皇，緊係要試下招牌肉骨茶啦，湯底藥膳味濃，甘甜度都好balance，豬骨份量亦好多，肉質勁軟林林，點埋個蒜味黑醬一流！值得一提既係個油飯超香，齋食已經可以食一碗飯！我朋友就叫左個馬來炒公仔麵，個麵炒得好香，唔油膩，唔會太辣，而且足料，抵讚！午餐跟餐加10蚊仲有碟油菜，加15蚊就有2串沙嗲牛串燒，個沙嗲醬出色，牛肉亦好濃味，正！最後叫埋杯椰冰汁，真係完美既午餐呀！

本身係想order招牌肉骨茶試下，可惜外面天氣太熱， 唔想再有個小火爐興住自己🤣所以最後就order左其他野食 🍜泰式牛丸湯粉＄98湯底超香濃，充滿住著泰式的香茅味，仲有少少辣味，可能我唔食得辣，覺得越黎越辣🤣，湯粉口感唔錯，咬落好爽彈😋牛丸切了開邊，應該係有3粒完整。性價比唔高，但味道都可以。 🍢沙嗲串燒六串＄88豬牛雞要了各兩串串燒每串都細細串，肉量較少，質素還可以，但勝在沙嗲醬夠香夠惹味，如果份量可以多翻啲平衡翻就好，性價比不夠高。

今日同朋友黎試下位於大坑嘅肉骨皇。呢問星馬餐廳可以食到新加坡同馬來西亞嘅野食，所以menu上嘅野食都有好多款。黎得呢類餐廳，當然要叫返個肉骨茶試下啦。佢哋個肉骨茶有分大同細，我地就叫左個細嘅食，怕唔夠飽所以叫多個咖哩牛配油酥餅。肉骨茶雖然見佢細細煲，但其實好足料，啲湯都多到爭啲滿瀉。裏面有金菇，腐竹，杞子同豆卜，再加上好幾舊大大嘅豬骨肉，一啲都唔少野，感覺重好養生。味道方面，有陣陣藥材味，而且感覺偏甜，所以好啱口味，食下食下，成煲好快就冇哂，湯都冇淨。另外咖哩牛肉都好好食，味道有少少辣，咖喱味好夠，唔太食得辣嘅我都覺得好正。而牛肉唔太老，配埋油酥餅係絕配嘅選擇，所以食完一碟油酥我地都覺得唔夠喉要再喊多碟先得。再叫個碟有埋肉鬆係入面，真係好夾，而且佢得剛好，食落脆口，熱辣辣，真係要食左先。就算無咖哩汁，淨食都好滿足。好值得大家一試。

大坑唔一定只有cafe， 仲有多國菜！今次去到大坑呢間，已經營11年，主打正宗星馬菜，由馬來西亞🇲🇾廚師主理😍 真係要試吓招牌肉骨茶-細（$118）肉骨茶係有煲熱住，等客人可以keep 住食到熱辣辣嘅湯及排骨！ 呢款肉骨茶係以藥材為主，味道香濃但藥材味又唔會太搶。 排骨好大件，都包含肉及脂肪，所以食落鮮嫩，不妨點佢哋秘製嘅醬汁，會更有層次。肉骨茶配料仲有杞子、豆腐泡、腐竹、金菇等。 原味油酥餅配咖喱汁（$48）油酥餅焗得外層極為酥脆，而入面又煙煙韌韌，食落好有層次咁。 點油酥餅，仲會配上咖喱汁，真係好細心。海鮮柚子沙律（$108）柚子沙律加左特製醬汁，酸酸甜甜，又有少少辣， 都幾醒胃。 海鮮都足料，有蝦🍤、魷魚🦑、原隻青口等，爽口鮮甜！焗咖椰吐司🍞伴雪糕🍦（$78）店員話呢款係正宗咖椰吐司🍞，係一大個麵包烤焗成金黃色，外皮非常香脆，入面就放滿流心嘅咖椰。 而食吐司時，一定要點雪糕一齊食，又凍又熱，特別好味😋。雪糕係我最鍾意嘅香芋味🥰唔係好多地方食到㗎！

大坑呢個地方我會用寧靜舒服黎形容，因為我地夜晚過黎肉骨皇食飯，周圍又沒車，人都唔多，算係鬧市中的一點寂靜。招牌肉骨茶確實係正，佢用左豬軟骨，份量夠，而且佢湯色係深色，但完全唔重藥材味，因為我覺得清清地，純粹食到食材的味道同精華，先係最正。佢仲會有碟甜醬油同油炸鬼，個醬油好岩點豬軟骨，極夾。螄蚶喇沙最值得欣賞嘅地方係螄蚶嘅處理方式，佢地嘅肉的熟透度係岩岩好，唔係好熟仲有血水，但呢種正正先係食到海水味同最正宗嘅煮法，而喇沙湯底味道係微辣好提升到鮮味，如果講正宗喇沙，全香港我會排呢間做頭三。洋蔥油酥餅配咖哩汁係屈機之作，因為只需48蚊就令你好滿足，咖哩汁真係調味勁好。之後我地仲叫多碟螄蚶黎食，個種新鮮海水味，真係好似係當地食咁樣。呢間店雖然對於住九龍嘅我黎講係有啲遠，但係呢間咁高質又有當地風味，值得過黎食。

難得去開大坑搵朋友, 行下行下就走咗入嚟呢間食東南亞菜嘅餐廳～ 嗰陣時已經過咗午飯時間, 幸好餐廳3點先落場～ 📌肉骨茶 配白飯/油飯/米粉 午餐連飲品HK$78Bak Kut Teh好足料！估唔到連午餐都用煲上, 滾到興烚烚, 連同好多豬肋骨、冬菇、腐皮、杞子、豆卜！有油炸鬼片同蒜蓉甜醬油, 隨自己喜愛加上～📌海鮮喇沙 配米粉/油麵/摻摻 午餐連飲品HK$78Seafood Laksa有兩款蝦, 又有魷魚、青口、蜆～ 我揀咗摻摻 (即有齊米粉及油麵)～

上網搜尋見呢度咁多人讚，今日嚟試吓啦。叫咗肉骨茶，本來想叫椰漿飯但係話 not available 🤷‍♀️ 咁就叫咗個kaya toast ice cream. 兩杯嘢飲，凍金橘檸檬，同埋凍薏米水。個肉骨茶都好失望下， 先講個湯，啲肉骨茶嘅藥材味都冇，亦都冇胡椒味，所以我唔知佢想做星加坡定係馬來西亞嘅肉骨茶，定係已經變咗香港式（冇味），跟住啲豬肉又老又銀，好難咬下，照計煮得耐啲豬肉可以林d 🤷‍♀️ 不過佢哋個醬都係用黑油嘅，不過可以加啲新鮮嘅辣椒仔囉，同埋啲油炸鬼唔係好新鮮。之後就講個kaya toast，呢個真係出乎意料之外嘅好食，感覺到佢加咗好多牛油一齊焗，好香脆，不過就厭唔夠多 kaya. 但係加埋個雪糕一齊食好好食 另外兩杯嘢飲，金橘仔係好飲嘅，但係杯薏米水就好難飲…..唔知點形容但係就係好難飲，冇乜味囉，有少少怪囉浸味。After this 未必想再返嚟呢度再吃，完。

肉骨皇，位於大坑，距離地鐵站稍遠，約10分鐘路程，但為了比較正宗肉骨茶味道，走遠一點都覺得值得。肉骨皇主打肉骨茶，餐廳以明火上菜，可以選擇大煲或小煲，二人選小煲份量剛剛好，肉骨茶湯底藥材味道非常濃郁，材料豐富，有金菇及豆卜吸入湯汁，排骨份量還可以，肉味濃，配黑醬油及油炸鬼，味道更好。小食點了拼盤，有炸蝦餅，魚餅，春卷，雞翼。炸蝦餅有濃烈芝麻香味，較為薄身，但味道比想像中好。炸雞翼則用上中式南乳調味。

🍲肉骨茶有兩款，一種係胡椒味為主，一種係偏藥膳類，我個人嚟講係鍾意後者多啲🤪今次就試咗一間大坑好出名嘅肉骨茶，就係藥材風格果種，覺得好出色！🍲招牌肉骨茶（1-2人用） $118 - 嚟到無理由唔食肉骨茶！佢有個爐仔幫你Keep住熱，除咗肉骨，仲有杞子、豆卜同菇😎鍾意佢個湯雖然係藥材底，但個藥材味唔會超強烈，有時飲到啲太過似飲緊中藥又好似怪怪地～佢呢個反而係有啲輕甜，唔會油，好正👍🏻👍🏻隨餐附上嘅油炸鬼沾落湯兩秒食係好正嘅，而肉骨就可以沾佢個秘製蒜蓉醬汁咁食，好味程度大幅昇華😍🇮🇩印尼炒飯 $108 - 好大碟，一個人未必食得晒～有鑊氣幾好食，餸主要有蝦同魷魚，份量都多😆同埋當然有最緊要嘅串燒一串！唔知大家知唔知印尼串燒同泰國有咩分別？重點係印尼串燒調味上係好重花生味🥜我個人嚟講係好鍾意❤️❤️🍲性價比高而服務又幾好，總括而言係一間幾高質嘅星馬菜餐廳（佢哋都仲有泰國菜賣）～推介大家一戰😎

今日去食大坑一間馬拉店，叫肉骨王，餐廳嘅環境10分寬敞，門口有一個招牌，都好容易搵到。叫咗一個招牌肉骨茶，肉骨茶內有豬骨、豆粕、金菇、仲有枸杞，肉骨茶嘅味道片中藥味，好健康同養生嘅感覺。另外，仲叫咗一碗油飯，一碗簡單嘅油飯比想像中好味，有驚喜。仲叫咗一碗扎肉喇沙，揀咗米粉同油面合併，一碗喇沙可以食到兩種面，好特別。喇沙嘅份量亦都好足夠，扎肉有最少6塊，一啲都唔孤寒。店員嘅服務亦都唔錯，設有口罩套，店員亦都會過嚟問你啲嘢好唔好食，離開時亦有幫手開門， 10分有禮貌。

見到「咖啡骨」個名幾特別咁，就叫黎試下，點知係比左$118叫左個同出面大排檔啲沙拉骨差唔多味嘅嘢。仲要沙拉骨好似仲好食啲，因為呢個咖啡骨有少少苦（但冇咖啡味），但份量就得大排檔一半左右啦。另外因為佢啲餸冇配澱粉類食物無餐，見到都有人推介洋蔥酥餅，睇到$48份價錢都合理，所以叫左份黎試下。點知其實佢一份基本上係將一個酥餅（仲要唔係大，併埋應該得手掌咁大）分開4份…去正常印度餐廳食$48已經有正常size起碼兩塊啦…當然，根據香港嘅餐廳嘅慣例，冇服務都預左要收服務費啦～