胡爐 (已結業)

胡爐之前我都食過，以前係高級單點形式，但最近轉左做半放題，發覺質素仍然好好，相對仲抵食左。佢價錢係平日7:30-9:30就$298 一位，飲品另計，價錢都幾公道。🥢胡爐雞煲佢既雞煲係特製，所以會出面食開既味道唔一樣，花椒同藤椒味更重，所以好惹味。佢既雞肉一上就食得，食到咁上下就會加湯，轉打邊爐。🥢麵包蟹佢每枱送一隻麵包蟹，我係第一次食麵包蟹。麵包蟹蟹肉比較少，但蟹蓋位好多膏，好香，而且配埋薑絲黑醋更加帶出蟹既鮮味。🥢胡爐拼盤（澳洲和牛、牛舌芯、黑毛豬豚肉）呢個拼盤好高質，和牛有濃濃牛肉味，而且有足夠油香，肥瘦比例剛好。而牛舌芯打邊爐比較少食，但原來好彈牙，夠爽口，個人係呢3種野入面最鐘意食牛舌芯。🥢手工丸餃拼盤手工整真係好有誠意，同平時買開雪藏既丸類好大分別。手打蝦丸食得出有好多蝦肉，有咬口而且有粒粒魚子，加埋湯汁好惹味。而芝心丸食既時候要小心，我無留意都差d燙親個咀，流心芝士做得出色。泰王鮮蝦雲吞亦好足料，相當唔錯。其他放題既食材都唔差，而且有得叫廣島蠔，size 都唔細。我仲叫左海帶同蟹柳。蟹柳同海帶唔洗淥好耐，一陣就ok。總結黎講，呢個價錢食到半放題都叫抵食，同做單點個陣既質素一

假日總想食好d，最好就係打邊爐。朋友話#胡爐, 高質又好坐，仲有半放題，一於經OpenRice訂定位晚上食先, 原來訂位仲可以享有2人送澳洲麵包蟹一隻😋，真係喜出望外☺️。首先送上#澳洲麵包蟹一隻，嘩啦啦，意想不到的好味，蟹肉多膏且鮮甜，點了附上的醋，非常之夾。有3款煲底可選，其他店舖都係得雞煲，呢度仲有鴨煲同蜆煲揀，今晚點了黑白胡椒卜卜蜆煲，煲起就聞到香濃嘅胡椒味，蜆肉沒沙很重要，清甜且粒粒飽滿，蜆亦有補血作用，黑白胡椒夠晒開胃。食完蜆煲店員便加上豬骨湯，開始食打邊爐了🍲。#海鮮拼盤，包括有厚肉的鮮鮑魚、沒沙的大蜆、彈牙的海蝦、爽彈的帆立貝，海鮮高質又新鮮。#胡爐牛拼盤，包括有澳洲和牛、牛舌心，黑毛豬豚肉，和牛紋理分明，牛味重又有肉汁，牛舌心嫩滑，豬豚肉口感彈牙。 各款肉都厚薄適中，口感豐富。#手工魚餃拼盤，包括有黑松露墨魚丸、手打蝦丸、芝心丸、泰皇鮮蝦雲吞、XO醬帶子餃 同魚皮餃。手打丸真係冇得輸，夠曬鮮味又彈牙。自家製的雲吞同餃子，皮薄餡靚，真材實料。食完後便點其他任食的三十多款配料，我尚點了廣島蠔，夠蠔味都唔錯，唐生菜、炸魚皮同米線🍜，飽到不行啊！😋😊現只需加$38/位，可任飲啤

最近黎左一間火鍋店😍位於尖沙咀，都幾方便☺️平時火鍋店係做開高級單點火鍋，同埋靚湯底，但今次黎食半放題，質素保持到高質。火鍋店裝修好有中國風，間隔都闊落。店員話2人仲有麵包蟹🦀送，麵包蟹勁多羔🤓肉質仲鮮甜。睇返餐牌😍有唔同嘅湯底，同埋都有唔少火鍋放題嘅配料😋我地叫左人蔘雞湯底，入面勁多藥材😍仲有鮮雞🤤味道藥材當歸味重😋覺得好滋補。鮮雞好嫩😌套餐包左時令海鮮拼盤，胡爐拼盤，手工丸餃拼盤。我地當日有鮑魚，帶子，大蜆，仲有蝦🦐食落都好鮮味，鮑魚超彈牙🤩胡爐拼盤入面有澳洲和牛，牛舌心，黑豚肉。和牛食落嫩嫩，肥瘦適中。牛舌心估唔到打邊爐都咁好食🤓手工丸餃拼盤入面有3種手工丸同3種餃子。手工丸入面黑松露墨魚丸同手打蝦丸最印象深刻🤤除左以上之外，仲有唔少免費配料包括海鮮，肉類，蔬菜&麵食等等😍

尋日約咗幾個朋友食飯，事前一早book定呢一間餐廳，我開頭都唔知食乜嘅，只係跟着朋友去食，上到去覺得呢間餐廳好靚，因為我哋有八個人，所以佢直頭有個包廂俾我哋，我覺得呢間餐廳嘅裝修都唔錯。一開頭嚟既嘢食，有海鮮拼盤，靚牛肉，手打肉丸，仲有好幾樣餃子。最重要係佢而家做緊嘅優惠，每兩位就會送一隻麵包蟹，隻麵包蟹都好大隻。最重要係好鮮甜。每個人加$38仲有任飲，飲品嘅種類都唔算少，有汽水有茶。我覺得食物方便任食嘅嘢食就唔算太多，但都算夠食既。質素就一流啦。下次會再嚟

好耐之前以經聽講過胡爐呢間火鍋店做開單點火鍋，啲野食同環境都唔錯，依加仲推出埋半自助火鍋，所以就約埋朋友一齊食。入到去，就見到成間鋪個設計有中式風格，坐落都舒服。我同朋友就叫左個人參雞鍋。成個鍋用料好足，啲雞都係新鮮靚雞，聞落都覺得正。個半自助餐本身包埋海鮮拼盤、手工丸餃拼盤同埋胡爐拼盤。佢地既手工丸餃每款都好好味😋海鮮全部都好鮮甜，牛肉同豬肉亦相當高質。我同朋友另外亦叫左牛柏葉，魚片頭，魷魚鬚，同埋豆腐，呢幾款食材都唔錯。鋪頭亦送左蟹比我地，但實在太飽，所以無食晒。雖然係半自助式火鍋，但佢地食物同服務都保持到咁高質素，都幾難得。

位於尖沙咀厚福街的胡爐，過往曾多次到訪，食物質素相當高，近日改變經營模式變半放題火鍋，食物質素依然高質，抵食。二人同行先送半隻麵包蟹，爆膏，作為前菜，確實有點飽，但餐廳又貼心準備黑醋伴食，值得一讚。湯底選擇非常多，有雞煲鴨煲卜卜蜆鍋等等，先點一個卜卜蜆鍋底，卜卜蜆大大隻鮮甜無沙，湯底帶有胡椒味。半放題火鍋配送有至尊拼盤，鮑魚大蝦帶子等海鮮盤，肉拼盤有澳洲和牛，牛舌，豚肉，丸餃類拼盤有三款丸三款餃，食量較少都難以清碟。澳洲和牛級數高，肉味濃有咬口。丸類以黑松露墨魚丸最突出。餐廳仍有其他火鍋類食品放題，確實超值。

雖然夏天熱辣辣，但好耐無去打邊爐，就比朋友帶左我去一間叫一間高級打邊爐，依度一向係做開高級食材單叫打邊爐但依家竟然都有半放題。一黎就有碗佛跳牆比你飲。大大粒既冬菇，原隻鮑魚，螺片，為你打響頭炮。尤其夏天本身流汗多，濃厚既湯使得原本口淡淡的我精神一振。甚有食慾。試完湯後，仲有惹味雞煲。雞煲味道濃厚，麻辣汁比雞件好均勻甘吸收哂。一啖嫩肉，一啖辣汁滲出，食得好過癮。正正因為店家配料十足，炒出嚟既雞先香味十足。食落口，每一淡都係滋味。而係火鍋配料上，佢個至尊拼盤不得了。我自己打邊爐，都好少見到甘令既拼盤。有鮑魚，生蠔，扇貝，大蜆。呢個海鮮拼盤幾豪華。當然，另外既手工丸拼盤係必食！因為真係街外甚少食至甘高質既丸類。黑松露墨魚丸係我至愛。因墨丸爽口彈牙已經吸引，加上松露香氣，混為一體甚是一絕！鮮蝦雲吞既原隻大蝦係裏內。令我食得過癮！最後，少不了肉類既高質。大家從相中可見，胡爐拼盤既肉類，顏色鮮紅，肉片紋理有序，油脂分明。一睇就知係上乘之選。涮熟後，肉片有幾香，更加不言而喻啦。難怪呢間主打高質打邊爐。比起普通酒樓所食。直接不在同一檔次，無法比。

呢幾日係咁落雨，心情麻麻地。天氣涼涼地好想打邊爐，上網搵左呢間叫「胡爐」，個半放題睇落唔錯，價錢係我地budget range之內，沒有不試的理由吧！地方寬敞，環境舒適，帶有少少暗黑的感覺。打邊爐最擔心嘅係唔衛生，呢度乾淨整潔，感覺唔錯。唔算太多醬料揀，但經常食到嘅蔥蒜呢度都有。送咗兩盒佛跳牆，味道唔錯，炆得好琳！鍋底共有三款選擇，我地叫左胡爐醉雞煲，真心正呀！好有雞味，雞肉好嫩滑，酒味香濃，份量又多，食哂已經飽左一半！加左湯之後嘅湯底亦非常濃郁。我們試了些海鮮，果然係非常高質。鮑魚、帆立貝、海蝦、蠔呢D海鮮真心抵食呀！帆立貝大大隻都勁新鮮，保留海鮮原味。蝦夠食落幾有蝦味～白蜆彈牙爽口。 澳洲和牛份量唔算好大，兩個人食啱啱好。食落口感爽滑，而且仲有陣陣香濃牛味，加上肉質軟滑，放題係高質！牛舌牛肉味香濃，夠高質。黑毛豬豚肉唔錯黑松露墨魚丸、手打蝦丸、芝心丸。黑松露墨魚丸味道都唔錯，爽口彈牙。手打蝦丸新鮮之餘亦都好鮮甜，食落好有咬口，好食！XO鮑魚蝦餃王好足料，肉質厚實，啖啖鮑魚同蝦肉。黑松露蟹肉餃，黑松露味淡。皇帝柱貝墨魚丸有柱貝係入面，爽口彈牙。牛丸有肉汁另外任食蔬菜款式多，以新鮮見稱

半放題既打邊爐比較少食，見到呢間做開高質邊爐，竟然有半放題，即刻約友人黎食。裝修擺設碗碟都好中式，好有風格。坐低後，店員會先比我地調豉油，基本既蒜，炸蒜，辣椒同蔥。二人同行有冷盤既麵包蟹送，超驚喜。麵包蟹好新鮮，好鮮甜。配埋個醋，更加好味。超正。揀左個黑白胡椒蜆乾鍋，食完店員會主動加水變打邊爐。胡椒味好濃，蜆好惹味。半放題有手打丸，牛肉同少量海鮮。個份量好足夠，又可以每樣試小小。手打丸勁高質，超推黑松露丸同蟹籽丸👍🏽正。好特別，又彈牙！都有好多其他粉面、菜，肉，海鮮都係任叫，如果想食高質小小就要加錢啦！另外就係野飲都要另外加錢！

本身係高級單點火鍋嘅胡爐🥸 紆尊降貴 變成半放題ᴍᴏᴅᴇ～緊係要試試啦🥘 ᴘs: 如果7:30前離座，$238就食到😍 🥕黑白胡椒卜卜蜆鍋 鍋底嘅選擇都唔差，嗜海鮮既我ε-(´∀｀; )當然要揀蜆😋 師傅調味落得好足，個湯超濃味！卜卜蜆每一隻都好大粒😍 仲要好鮮甜😍 食到心花怒放🥕時令海鮮拼盤有鮮蝦、帶子、鮑魚、大蜆❤️海鮮都好新鮮🥰 蝦肉鮮甜彈牙；帶子甘甜結實；鮑魚厚肉爽身而且味濃；大蜆當然係鮮甜😀🥕手工丸餃拼盤啲丸都幾fusion😚 ❥黑松露墨魚丸：黑松露極濃且爽口彈牙 ❥手打蝦丸：配上蟹籽 令口感更爽脆❥芝心丸：一咬就爆汁 外邊係牛丸😚❥泰黃鮮蝦雲吞：咬開見到好大隻🍤 好足料🥰❥ XO醬帶子餃：醬料味較重～食完先知係帶子餃❥ 魚皮餃：同平時食既差唔多😗🥕胡爐拼盤❥澳洲和牛： 筋膜較少所以口感好嫩滑、肉汁豐富❥牛舌心：口感較爽彈，有嚼勁，而且牛味超香濃❥黑毛豬豚肉：豬豬勁靚😍 無膻味，雖然係瘦肉但有韌性，口感比普通豬肉更細嫩其實食完已經好飽😂 所以只係叫多一份菜、蟹棒同魷魚意思意思一下🥰 魷魚都好新鮮 份量充足！❤️

今日響尖沙咀行街，經過附近見到有間半放題既火鍋店，見到佢嘅食材好新鮮，係高質既火鍋店，加上原來之前只係只做單點火鍋，單點火鍋食材既質素一樣都係高質，於是去食晚餐😋🌟 黑白胡椒卜卜蜆鍋卜卜蜆新鮮大隻，全部都會開口，而且無沙，份量亦都多，湯底濃郁，有好香既胡椒味，同卜卜蜆好夾😋😋🌟 至尊海鮮拼盤 海鮮拼盤有新鮮飽魚，扇貝，蜆，鮮蝦😋廚師好貼心，飽魚同扇貝都拆左肉出黎，整走左內臟位置，洗得乾淨，方便打邊爐食用👍🏻👍🏻🌟 胡爐拼盤胡爐拼盤有澳洲和牛，牛舌心，黑毛豬頸肉😋和牛味道濃郁，牛舌心爽口彈牙，黑毛豬頸肉嫩滑，唔會好肥😋😋🌟 手工丸餃拼盤拼盤有黑松露墨魚丸，手打蝦丸，芝心丸，泰皇鮮蝦雲吞，XO醬帶子餃，魚皮餃😋3種丸同餃子都係餐廳自家製手打丸，爽口彈牙，黑松露味道濃郁，蝦肉新鮮，加上芝心丸做到流心效果，好高質😋🌟 蜜瓜味雪糕，綠茶味雪糕呢隻牌子雪糕未見過，蜜瓜味香濃，有好香蜜瓜既香味，綠茶🍵味同樣濃郁，唔會太甜，食完高質既一餐再加甜品，一流😋

又一個禮拜了🦊-半放題 $298叫左黑白胡椒卜卜蜆煲做湯底 胡椒味濃 少辣 蜆好多 而且啲肉都好鮮甜 佢仲有個海鮮拼盤 包捨鮑魚 蝦 扇貝 蜆 全部都好新鮮 加埋落個湯到 成個湯底仲鮮甜啲 另外亦有個丸嘅拼盤 有黑松露墨魚丸 手打蝦丸 芝心丸 雲吞 帶子餃 同魚皮餃 芝心丸最好食 出面係鮮牛肉打成 入面啲芝士爆曬出黎 好惹味胡爐拼盤就有三款肉 包括和牛 牛舌心 同豚肉 全部肉質都幾靚 花紋睇得出油脂分布均勻 幾有肉味除咗呢啲拼盤之外 仲可以散叫啲嘢食 小編就叫左魚皮 響鈴等等嘅打邊爐必叫材料 味道都正常 最鍾意粟米 超甜佢仲附送左個佛跳牆 入面有螺片 鮑魚仔 都幾抵食 仲可以加$38 咁就嘢飲任飲Overall推介指數：4-4.5/5嘢食味道唔錯 只係咁啱坐係冷氣位 就有啲凍 服務態度都ok geh

好耐冇打邊爐啦，心血來潮，即刻約朋友烚一烚。餐廳-胡爐一向主打高級單點火鍋，但近期推出半放題，所以同朋友去食下。果然行開高級單點，轉半放題，質素仍舊不變，唔錯唔錯。😊首先可以揀選煲底，我地揀咗黑白胡椒卜卜蜆煲，諗住一試個湯底。一上枱已經有陣陣香濃嘅胡椒味，蜆肉亦粒粒飽滿，幾甜，配埋黑白胡椒煮，有味道亦補身。👍🏻叫完煲底後，侍應按人頭送咗個迷你佛跳牆比我地，有鮑魚、螺片、娃娃菜，幾鮮甜，果然係海鮮大餐！😍蜆煲食到咁上下，就可以開始打邊爐。呢個至尊拼盤非常豐富，有時令海鮮拼盤、肉類拼盤同手工丸餃拼盤。海鮮方面有鮮蝦、鮑魚、魚、大蜆同扇貝，大蝦彈牙爽口，果然新鮮。🦐🐟鮑魚同扇貝應大大隻，肉質肥美，打邊爐一流。肉類方面有澳洲和牛、牛舌芯同黑毛豬豚肉。澳洲和牛脂肪分佈平均又夠肉汁，幾有咬感，肉味濃郁，口感豐富。 🐮而黑毛豬豚肉肉質緊緻，口感柔軟有彈性，朋友好鐘意食。🐷手工丸餃拼盤都有好多唔同款自家制丸餃，例如黑松露墨魚丸、手打蝦丸、XO醬帶子餃等等，既彈牙，又有特色。👍🏻唔夠食重可以仼點其他肉類、蔬菜、菇類、丸類、麵類，包羅萬有，一定夠食。😋

又開餐啦！真係好鍾意打邊爐，經朋友推介選任飲任食火鍋就黎左胡爐，因為真係又平又正！一開始好有驚喜，送左麵包蟹，超多膏呀！正！我地先選雞煲，雞夠晒入味，份量都好夠食。食完雞煲，加湯打邊爐啦！呢度既肉拼盤真係勁正，牛肉質地又好，唔會有太多肥膏，豚肉都好高質！仲有海鮮拼盤，勁勁勁新鮮海蝦，肉質仲彈牙，仲有鮑魚、扇貝、大花甲！好抵食！仲有大量野任叫，呢度既丸好高質！係手打丸，好新鮮夠味！任食邊爐呢度真係好抵！最後食到好飽☺️👍🏻👍🏻下次一定再黎！

尖沙咀行街諗唔到食乜？唔使講嘢，一定係去厚福街！嗰度真係勁多選擇，台式、中式、日式乜都有。今次我哋揀咗一間上樓嘅打邊爐，二百幾蚊任食，係尖沙咀呢個價錢真係唔貴，加多$38仲有嘢飲任飲，啤酒、汽水、道地樽裝茶。煲底方面我哋揀咗雞煲，用料充足，又麻又辣，多芫茜，正到爆！隻雞又夠大隻，肉質鮮嫩。海鮮拼盤你哋睇相都知佢咩料，鮑魚、扇貝、蠔都非常新鮮，又唔會有沙。去到個胡爐拼盤，牛舌心鮮甜爽口，仲有澳洲和牛，係我近期食過最高質素嘅肉食。跟餐仲有手工丸餃拼盤，平時我對肉丸同餃類都唔係太大興趣，但係佢個泰王鮮蝦雲吞真係好正，蝦夠大隻，蝦同肉比例出色，仲食到九層塔既香味，有驚喜！黑松露墨魚丸同埋芝心牛丸都非常出色，爽口彈牙。嗰晚仲識咗佢哋嘅老闆娘同經理，佢哋都非常熱情好客，親力親為，其他員工都勁好禮貌，好快會再去幫襯！