自家烏冬 (已結業)

又同豬仔行沙田，未行先餓，所以食左野先，咁就揀依間啦，話說我地等左一陣，都冇人主動派飛，睇得出佢地好忙，所以我唯有衰少少叫停個主任派飛，我地都唔係等左好耐，好快就有位坐，午餐時段我同豬仔一人一個餐，我果個係鴨胸肉掛麻醬烏冬$65，豬仔既係辣肉唔知咩烏冬$65，有餐牌相睇，大家研究下啦，每個主食可以再揀下面一份小食，仲送一罐汽水跟住我地另外仲叫左小食凡立貝$35同芝士年糕$30個芝士年糕冇影到，其實味道幾好，但賣相似炸咸水角⊙_⊙好似芝士餡既咸水角，唔似年糕。。。人手超唔夠，但服務唔差的，希望佢地會有返多d 人手，唔洗做得咁辛苦啦人手唔夠仲要人地好服務係冇可能既事╮(╯▽╰)╭今餐埋單$215多謝豬仔( ´▽` )ﾉ😘💖

一個又一個劣評, 很想幫她抱個不平.自家烏冬在新城市屹立好一段日子, 以往客人多得迫爆門口. 至日前四周都要等上一小時以上, 自家烏冬居然可以直入, 可想而知昔日的光彩都被吸走了.她的名氣原自名人效應, 一旦菜色十年不變, 客人咀刁講究, 就很難立足. 但味道一如以往好吃, 只是認為可以更好.蕃茄雞肉烏冬吃開牛肉今天嘗試雞肉, 真不及牛肉惹味.雖然有鮮蕃茄伴上, 但個人認為比重是蕃茄醬多於鮮蕃茄, 太濃. 烏冬彈牙, 果然主打必是好!份量很多, 足夠頂一個晚上.配料還有幾片冬菇絲, 不過不失~老公吃了豬頸肉烏冬, 看他都吃完了, 應該不錯吧!感覺良好, 但要跟同行競爭, 菜色上一定要花花心思.

豚肉辛辣烏東烏東 : 超腍, 腍到一夾就斷, 都晤知佢點做烏東ge! 個烏東真係好入味lo! 超鹹! 好差! 同埋佢粗幼度長短不一, 其實無論佢個樣, 定係個texture都好似刀削麵lo… 一d口感都無!豚肉: 係超腍ge豬頸肉, 食落味道都ok, 口感呢…. 超晤掂…湯底: 味精底, 晤好食天婦羅cheese竹輪其實都無咩cheese… 同埋d竹輪個質地好粉, 魚肉晤多, 加左好多粉, 原材料已經晤好…. 但比起所有其他食品, 都已經還好…鴨胸胡麻醬溫泉蛋冷烏東胡麻醬: 晤知點解個醬超水… 成個撈烏東都好水… 同埋無咩味…溫泉蛋/鴨胸/青瓜絲: 正常烏東 : 都係超腍, 不過已經好過湯烏東…青瓜沙律真係好 “fresh” lo… 因為d沙律醬又係好似水咁… 得d青瓜味, 緊fresh la~Overall: environment 好差, 要撘臺, 明明有空臺都晤比人坐… service… d 人掛住傾計又晤做野… 踢一下先yuk一下… 明明之前去其他分店都晤係咁… 無論係environment, service定野食都好好多, 點解呢間會咁架?! 

近來一股新的拉麵熱潮又再起動，追溯到上一個朝代的銅鑼灣拉麵横丁似乎只剩下山頭火，至於烏冬嘛， 現今為止有自家烏冬仍然屹立不倒。經常出沒沙田的我，偶爾也會到這裡吃個烏冬止一止烏冬癮，貪其烏冬和小食款式夠特色和多樣化。何謂自家以「自家」掛帥和以「烏冬」作主打料理，當然要提到店方從日本大和製麵廠訂購的自動製烏冬機與及與此麵廠共同研製的讚岐烏冬配方，自家生產之餘，材料包括來自北海道的小麥粉、鹽、醋和水，單一麵條闊1.7mm，厚度介乎1至3.8mm，是日本農林水產省訂定的烏冬標準。以日本進口的食材和機器來製造麵條，當真稱得上為自家。手打、日本進口熟烏冬或是機器製作?手打鮮製的當然吸引，但有經驗的師傅難求，而日本進口當然矜貴，但熟烏冬感覺上又不夠新鮮或欠缺麥香，以機器每日鮮製烏冬，雖然質感未必有人手打造的粗糙原始風味，但勝在品質水準穩定又可省減人手，筆者認為三者各有長處，在顧客心目中最重要的就是食味，其他倒是次要。午飯時間食客如常地多，幸而不用久等便可入座，看著餐牌上特價午餐包括烏冬和小食各一，加3元更可配罐裝汽水，並設加一服務費，我們選擇了：*溫泉蛋雞絲胡麻醬掛烏冬(溫) + 黑椒脆皮腸*是我喜

細佬同女朋友要出去睇舞台劇 , 我地一齊早 d 出新城市食野時間尚早 , 大約六點零鐘 , 好在下午同媽媽都唔係食得好飽連城o既食店都未見人龍 , 於是一致定食自家烏冬 次次黎自家烏冬都係食芝麻醬o個隻冷烏冬, 今次試下食熱o既我一向認為 , 要食冷烏冬先至正式感受到手打烏冬o既煙韌因為熱湯唔多唔少都會令到 d 鳥冬變軟 , 即使煮o既時候預計左呢一點而今次試食左o既係蕃茄湯豬軟骨烏冬 , 當然避不了 ....烏冬稍欠嚼勁 , 不過都唔係話好淋 , 加上個湯又唔係好滾熱辣 , 無咁大影響配料有豆角同海苔 , 豬軟骨份量多, 味道都唔錯 , 相當入味每一舊都有肉又有軟 , 香滑軟腍 , 唔係腍到立痴痴而係仲好好咬o個種蕃茄湯好濃郁好好味 , 仲有少少蕃茄蓉 , 不特止有兩件蕃茄添 , 好淋好好味個湯酸酸地 , 唔經唔覺咁飲下飲下就 KO 晒成碗 , 飽晒 xp## 由於湯底真係幾唔錯 , 我會再黎試佢其實口味o既湯烏冬此外我發覺佢地有個 citibank o既二人餐 , 好似幾抵食 , 擇日再黎試 ^^

已經預左星期日要等半個鐘，但係一入到去睇menu..50%嘅野係冇嘅...我地叫左兩個烏冬..一個豬軟骨一個茄湯牛肉.先講個烏冬底..overcook到好林,D餸全部都吾新鮮，有雪味..個湯就仲差~味精湯..成枱最掂果樣野..係杯茶..

沙田連城廣場這家自家烏冬店面小永遠人滿為患當日也不例外結果竟然要等上50分鐘才有位也許是位置問題，這家餐廳非常悶熱真可憐那些穿著制服的侍者也可憐我們這些等了這麼久的客人由於當天剛剛病癒想點比較清淡的食物就點了明太子掛烏冬（上）朋友不讓我吃冷的，就點了溫的這簡直是一場惡夢我一向都喜愛明太子但能把明太子做得這麼難吃的餐廳還是第一次見識烏冬非常易斷，而且淡而無味只有少許明太子的辣味簡直味同嚼蠟但因為肚餓，只好硬著頭皮把烏冬全吃下去朋友點的是豬軟骨豬骨湯烏冬（下）她說味道挺好結論是，這裡環境狹窄悶熱侍者服務態度一般加上食物給我第一個極差的印象真的沒有下次了

星期六lunch hour ，連城上層間間等位間間full，反而落返一層o既自家烏冬，一入去就有位？聽媽媽推介，呢間野唔差嫁喎，點解食評咁難睇嫁呢？一向鍾意食日式芝麻醬，加上天氣炎熱，湯烏冬唔係幾吸引到我，而且烏冬要凍食先品嚐到佢嘅煙韌彈牙，眾望所歸地 ... 首次食呢間自家烏冬，就係點左算係招牌之一嘅「溫泉玉子雞絲胡麻掛烏冬(冷) 」烏冬溫度同口感都唔錯 , 雖然我唔識分辨佢手打與否但至少係有嚼勁 , 而姐份量同價錢成正比 , 味道亦為合格之上溫泉蛋放置一旁 , 個人鍾意將溫泉撈晒落烏冬度蛋黃汁甘香 , 三成熟蛋白則能令烏冬入口更滑溜雞絲同是胡麻醬撈過 , 配以青瓜絲 , 令整體口感層次多一重爽口胡麻醬香濃 , 唯一不足係醬汁略為稀左少少 , 唔夠 " 掛 " ## 本以為呢間明星餐廳會好貴 , 都唔係丫 , 合理呀menu 內都仲有其他款式o既掛烏冬 , 相信我會抽空再黎一試 =)

拍拖去食飯, 試下自家烏冬.點了野菌帆立貝豬骨湯烏冬, 玉子雞絲胡麻掛烏冬, 七味炸豆腐同野燒玉子.湯烏冬好味, 個湯唔重味精, D烏冬都好彈牙.胡麻烏冬對我黎講係新鮮, 第一次食, 麻醬味濃, 溫泉旦做得好靚. 份量都算多.炸豆腐麻麻地, 一夾, 外面層皮即刻同豆腐分開左... 個皮仲要腍晒...燒玉子不過不失, 不過唔熱... 感覺好似一早整定放係度等人點菜上枱.

尋日去左食沙田間自家烏冬，一入去叫左個吉列豬扒蕃茄湯烏冬餐一睇個賣相都ok，點知一入口就覺得個湯好似BB食既糊仔咁，完全唔係湯，上面條豆角仲要係生既，完全不能接受!!!好難食!!

生日, 本身啊媽話想飲茶~ 但太悶了!就唯大有試下一間尚算新開,於連城廣場的自家烏冬裝潢都普通 SERVICE都幾好!我就食番茄牛肉UDON吾好意思真係好難食首先 PRESENTATION 太差了大約40元一碗的面 只有面,紅色的湯 一堆牛肉 仲有幾舊番茄 真係好HEA而且,D烏冬完全冇其他烏冬店的咁UN而係好似超市幾蚊一包的烏冬.. 手打.. 真是名過其實...

一直對Ricky San 旗下既restaurant 無咩好感, 直到食TST 既自家烏冬有改觀,所以見到沙田開左間, 諗住多人都去食...點知, 我失望都極點!!首先, 鋪細唔在講, D座位好迫, 我覺得自己同旁邊食大快活無咩分別。之後, 我叫左個鰻魚飯, 個圖係咁既..非常一般既圖啦, 但點知我死吹爛吹左一輪黎左呢個野...完全無汁, 乾爭爭, 似番蒸又番蒸, 同我所認識既完全唔同,唔好講係唔係加左汁先焗或蒸, 平時去日式超市買既都有汁係魚面啦....D飯又唔係熱既 (雖然又唔係凍), 都唔知佢想點.我問個經理俾汁我, 點知D汁係水了了的, 似加左千千萬萬既水落去溝。我頂唔順complain, 佢竟然話佢地出品既野係咁, 日本人食海鰻係咁..我聽到.. 下? 唔係麻?!?! 我自問去左日本食鰻魚飯都唔少次, 次次都有汁, 你同我講D咁既野?!?!佢又愛理不理咁, 我自己又唔想再等, 因為又怕唔知廚房到時會唔會加料,所以算數...一個好難忘既經驗!

看了獎門人節目已逾十年，卻沒多大品嚐過Ricky生旗下的食肆，某週日剛好與老父兩枝公，突然興起這個念頭，乃就光顧了沙田連城廣場這自家烏冬的分店。此店位於商場的零售層區，隔離之處就是同系的板長壽司，十一時之半下進入店內，面積來說不算太大，坐位的擺設有序但略為擠迫，說回食物，看店名已知以主打烏冬為主，分別有熱湯烏冬、涼掛烏冬和冷吃烏冬等，另有丼物及各式小吃等。早輪受福島核事故所帶來的衝擊，令本地的日本食肆及食材生意，也大受打擊，這段期間，也不禁要守一段日子，不過事過境遷，這情況其實已逐步改善當中，當然也不能坐以待斃，食肆除了轉用另一產地的來貨之外，也要借用宣傳標明食品來源的安全性，包括近期十時半的電視旅遊特輯。言歸正傳，等來一隻溫泉蛋，還以為可以一人半隻，誰知端上來的，竟是一隻未剝殼的雞蛋，倒有點啼笑皆非之感。也吃過 溫泉蛋/溏心蛋 不知多少次，卻未遇過要親自剝殼的，也不知是成熟度的問題，好些蛋殼連著蛋白部份，吃得不甚方便，幸好這白烚雞蛋火侯剛好，蛋黃部份剛好凝固，雖未致於全溏心的程度，吃起上來滑滑的，蛋香也算豐富，始終剝殼及過冷河等功序，還是不宜假手於食客。家父點了一個燒玉子海鰻丼，上場

晚上有事要回家工作，在回家中途先於沙田來個晚餐吧。和之味集團其下的板長壽司和雪村皆試過無數次了，反而自家烏冬還沒有拜訪過，剛巧連城廣場開了間分店，好吧，就去試一下啦 6點多來到門口餐廳都差不多坐滿了，在侍應小姐引領下坐了近廚房的位置。打開menu一看發覺有挺多選擇的。前菜的沙律也有5-6款，主打的烏冬有數個系列－ 冷烏冬／掛烏冬／釜揚烏冬／石頭窩／湯烏冬。今天不太想吃冷的，就來個湯烏冬吧。湯烏冬也有幾種湯底供客人選擇 - 蕃茄湯底，豬骨，鮮蝦，鮮魚湯和咖喱湯底。烏冬價錢大概是$38 - $60不等，定價都可以算是大眾化吧。不吃烏冬的也可以選擇定食喔，可是人家是主打烏冬的，我當然也要吃個烏冬啦。有選擇困難症的我想了數分鐘才決定來個什錦天婦羅魚湯烏冬($48) 再加一個溫泉玉子($12)。溫泉玉子先來，賣相真的不行....雖說是$12的小食，可是也未免太不吸引吧 玉子沒什麼特別，就那個醬汁太鹹了...等了20多分鐘，主角什錦天婦羅魚湯烏冬才上場，天婦羅是另上的，避免天婦羅浸於湯底變腍。自家烏冬的烏冬是由日本引入原材料然後每天即打即製的，湯底以日本魚乾餚製而成。我點了的那個魚湯清淡得來也有