臺坊 (加拿分道) (已結業)

今日陪媽媽去尖沙咀一年一度嘅身體檢查，行左陣the one 再係外面嘅街道行吓但太熱同見有少少攰，就係附近呢間台灣小店坐下加上想飲珍珠奶茶好近the one 商場 係加拿分道一開頭係門口見坐都差唔多滿哂，等待左陣！係等待嘅期間一路都有好多人叫外賣坐底左之後我就即刻睇餐單叫左個鹽酥雞肉操伴面同兩個小食， 媽媽唔肚餓所以我分啲俾佢食叫咗個雲耳(非常之開胃嘅前菜)少少辣 上面有啲芝麻基本上俾媽媽食咗三分之二😂甜不辣 都係我好鐘意食既小食上面啲醬甜甜地，平時自己都可以食一份😆😆同埋我叫咗個鹽酥雞肉操拌麵🥰($57)鹽酥雞 香脆多汁肉操都好足料 本來怕自己食唔到咁多點知呀媽都夾左一半食😗食台灣野一定要飲珍珠奶茶呢到餐加$6就有得飲啦本來好擔心自己唔記得叫小甜好彩佢味道 剛剛好 唔會太甜👍🏻太鍾意啲小店啦😚😚

係尖沙咀行完街，黎到臺坊食晚飯。餐廳只有少量座位，多數以外賣為主。基本嘅台灣菜都有提供，而且價錢算合理。鹽酥雞肉燥拌麵($57)。鹽酥雞香口，一啲都唔油，仲保留住肉汁，非常嫩滑。除咗肉燥，仲加咗少少酸菜，唔會太膩太咸，撈埋麵條每啖都食到肉燥~台式蛋餅 芝士+栗米($40)。要趁熱食先正，蛋同餅層層分明，芝士係半溶嘅狀感，好有口感。除咗粟米，仲有肉鬆或者煙肉揀。椒鹽豆腐(跟餐+$25)，外層焦脆，入面嘅豆腐香滑，就黎有種入口即溶嘅感覺。珍珠奶綠(跟餐+$6)，最近飲得太多奶茶有啲膩，於是點咗奶綠，好清新，珍珠同奶嘅分量都好均衡，跟餐淨係需要$6真心好抵！揀咗個靠窗嘅位置坐，可以一邊望住街景一邊歎美食~

餐廳主打台灣食物，有肉燥飯、牛肉麵、拌麵、冷麵，仲有蛋餅同小食，岩哂同朋友share食。店舖唔算大，大約10幾個座位，食客可以自成一角，慢慢食，亦有板隔開。當日晚市6點左右，已經有唔少食客，更多既選擇外賣添。叫左鹽酥雞肉燥拌麵($57)，芝士粟米蛋餅($40)，黃金芋圓波，小麥胚芽奶茶。鹽酥雞有4大件，脆身。雞肉有汁嫩滑，調味唔會過重。而食落口亦唔會覺得油膩。揀左肉燥拌麵，肉燥量好多，足以拌勻所有麵條。麵條屬硬身dd，個人接受亦鍾意硬身d既麵。就算男仔食，都夠飽。蛋餅必叫，因為餡料多到滿瀉之餘，餅皮香口，而且帶煙韌口感。仲用小煎pan裝起，好得意。芝士粟米既配搭永遠最夾，粟米甜，而芝士多到做到拉絲既效果，爆餡兼飽肚。芋圓波炸到變金黃色，圓碌碌，五粒既色澤都幾乎一樣。咬開係啖啖芋泥，芋泥較甜，而外皮煙韌，食多幾粒都唔覺熱氣。跟餐可以以優惠價配飲品，奶茶味濃郁，顏色較深，帶茶香。底部有大量胚芽，飲前記得要搖勻先。整體，值得一讚既係，食物味道調味唔錯，份量多，而且上菜速度快，即叫即整都快手，餸菜熱辣辣添。掛住台灣小食既朋友，可以解一解思鄉情懷。

而家香港嘅台灣嘢食開到成行成市，但好蛋都掛羊頭賣狗肉，完全無台灣風味！但估唔到呢間真係俾到驚喜我！其實佢位置係街角都唔難搵～餐牌一眼睇曬，典型台灣嘢！不過最正嘅係跟餐嘅話好多都會平好多！搞到我忍唔到叫～蒜香雲耳！雲耳大舊爽脆，而且成碗上份量都好多下蒜香味都好濃，啲汁係浸到半碗高度，所以每一啖都好有味！蒜香雞絲冷麵！十級推介啊！！！一上嗰陣我真係嚇親因為佢完全唔係雞絲係雞件！因為佢件件都超級大舊而且好嫩滑🥺正到不得了！面底係扁身幼身面條，唔算好有咬口！但因為佢有青瓜絲同蟹柳絲做陪襯，每一啖都夾住濃濃蒜香味，超Match！珍珠奶綠～ 相當有驚喜，平時自己好鍾意飲天xx茶嘅，呢杯完全比得上❤️好驚會有死甜所以我叫咗微甜，咁就剛剛好！珍珠有少少黑糖掛面，煙韌又有恰當嘅甜味（呢樣好難得因為好多台灣餐廳都唔會擺心機落珍珠度🥺）奶綠Feel到清新嘅茉香～拍得住出面$25一杯嗰啲超滿足！

無得飛,又想嚐一口台灣的味道,就來了這間價廉物美的特色小店。叫左蝦肉春卷,飽滿既蝦肉,炸到金黃香脆既外皮,仲要有4條,真係大件夾抵食。另外叫左一碟椒鹽豆腐,份量同樣充足,外脆內軟,椒鹽令到味道好惹味。最後叫左一杯百香果蘆薈特飲,裡面有粒粒爽口既蘆薈,好解渴!呢度既設計有特色,連上餐都用左小煎PAN,好得意呀!價錢真係唔貴,而且上餐都好快!仲有好多其他小食。亦都幾近尖沙咀MTR,行開呢頭都可以試呀!

果日見到呢間新既台灣野一直都想試下，但店入面唔多位，所以就搵左日lunch time 早少少落去拎位。可能因為咁岩果日落大雨，所以around 12:30 等左5-10分鐘到就有位。叫左牛肉麵同豬扒肉燥面，個牛肉麵超大碗同分量好足。湯底好味，可惜咁岩坐冷氣位所以好快凍哂。就算落咁大雨都見好多人排隊叫外賣。所以如果lunch time 想食最好叫外賣或者早少少落黎排隊建議大家可以一試因為唔貴同大份同幾好食，好有台灣地道風味

今日天氣真係好熱 去到尖沙咀附近想食少少嘢 就喺厚福街街口轉角位見到呢間台式店有蛋餅就即刻衝入去食啦 點左個芝士＋煙肉蛋餅佢仲有啲冷麵食 下次可以試下佢個麻辣雞絲冷麵 飲品方面加幾蚊就有珍珠奶茶都唔錯呀不過因為今日真係太熱喇 所以就叫咗杯百香果蘆薈綠茶爽下 大概等咗一陣 就有蛋餅食 真係好懷念台灣嘅味道呀 蛋餅已經切好咗四份 方便夾嚟食 餡料非常充足 芝士仲可以拉絲添 啲芝士多度睇唔到其他餡 好滿足 蛋餅個外皮做得剛好唔會太厚粉雷雷咁 自己試過喺屋企整可能粉落得太多好厚好難食 然之後再加埋入邊嘅芝士同煙肉😋 食完再飲返啖百香果蘆薈綠茶解返飽飽滯滯嘅感覺佢仲有自助點餐機方便食客 自己慢慢睇慢慢揀添

成日行尖沙咀嘅人相信都會成日經過呢間喺厚福街街口嘅台式料理餐廳—臺坊！呢間餐廳雖然係細細間，但經常雲校都有唔少客人等拎外賣嘅～餐廳入邊四四方方，座位大概有10幾，全部都係靠牆坐～ 今日我咁啱行過又見肚餓，終於俾到個機會我入去試吓呢間餐廳！餐廳嘅選擇都幾多，有冷麵、牛肉麵、肉操飯、肉操拌麵，仲有一啲台式小食同埋台式飲品揀！天氣咁熱咁我就揀咗個冷麵係多一份小食跟餐點左杯凍飲！叫咗一份麻辣雞絲冷麵$55呢份冷麵用紙兜裝住，份量相當多成個presentation好似去左台灣夜市掃街咁入邊有蟹柳絲雞絲同埋青瓜絲，加咗一啲麻辣醬汁係個底度，撈起嚟食嘅！好欣賞佢俾得救多青瓜絲，令到每一啖都食到青瓜嘅爽脆口感，亦都感覺相對健康！至於雞絲當然係去咗骨啦，但係佢似雞件多過雞絲，我可以切得再幼細啲，咁就能夠再掛多啲汁，會更加好味😋 如果個面就似係啲乾伴麵，都唔錯嘅！每一台嘅枱面都會有一罌佢地自家秘製嘅辣椒醬！呢個辣椒醬食得辣嘅朋友一定要是，加大概一兩羹落去個冷麵到一齊撈嚟食，簡直係提升晒成個冷麵嘅層次😋😋😋至於小食我就揀咗甜不辣（+$25），因為實在太掛住台灣嘅小食啦！有成六大嚿，上面加咗一啲甜燒汁，煙煙韌

次次經過臺坊都好多人，裏面得大概10個位，今次同朋友特登早啲嚟，咁啱剩返兩個位可以即刻入！佢要自己出去落單，我哋要咗個鹽酥雞拌面，跟餐加咗個黃金芋泥丸小食，另外要咗個芝士肉鬆蛋餅🥞嘢飲方面，嗌咗一杯冬瓜茶同埋小麥胚芽奶茶🧋蛋餅裏邊有好多芝士，每啖都有拉絲效果，餡料好足，當主食已經夠飽👍🏻黃金芋泥丸有5粒，上碟仲係熱辣辣，好味！冬瓜茶叫咗少甜，甜到啱啱好，而且好解渴😝整體服務同埋味道都係中上，有機會會再食❤️

天氣開始炎熱起來，或多或少都會影響了食慾。所以如果要吃，會想吃一些較為"涼快"的食物~就像冷麵之類。於是發現 臺坊 有且還是一段時間沒吃過的台灣料理便有興趣囉店內的座位並不多，而且都是面牆位置來看完餐牌後自行去收銀處下單付款~再等上餐那樣子除了我有興趣的冷麵外，還有飯、牛肉麵、肉燥拌麵和台式小食!!✦ 麻辣雞絲冷麵 ($54) - 說是雞絲，我覺得不像是"絲" ~ 倒是青瓜那些才是吧!?雞肉很嫩滑，麻辣的味道頗濃，會是偏辣一些。不論是醬料還是配料也很足，吃起來亦很涼透心的喇 ✦ 鹽酥雞肉燥飯 ($57) - 朋友選的這個肉燥飯看起來都很足料！飲品跟餐的價錢比起單點真是好吸引✦ 蜂蜜柚子茶 (+$6) - 這杯不能走冰，只能少冰。柚子味尚算濃，不會很清淡 ✦ 清甜冬瓜茶 (+$6) - 這杯倒是可以走冰。之後看別人寫的食評說蛋餅不錯，那下次如果經過又覺得餓可以再考慮一下呢在街角的舖位其實都幾顯眼

快食小店，唔想食太貴又要非連鎖店，呢間不錯。牛肉麵（$57）有筋有肉，各3舊左右，蘿蔔入味。豬扒肉燥飯邪惡，肉燥有菜圃，添爽口感。食完滿足但唔算太飽，+$6有手搖飲品，珍珠奶綠幾好飲，珍珠有口感冇怪味，唔係頹貨；胚芽奶茶一吸就有粒粒口感，亦不錯。冰甜可調。店員友善。

無得飛台灣，好采香港都有台式餐廳可以過下口癮！今日出開尖沙咀就行過臺坊食件芝士蛋餅，可以拉絲好開心架。臺坊在尖沙咀最旺的加拿分道，出開去行街買野都可以順路食。小店入面好闊落，目前防疫關係全部係面壁座位，最多可以坐6檯12人。我覺得裝修都幾有台灣風味，當自己去旅行玩緊。餐廳主打台式紅燒牛肉味，亦有肉燥拌飯拌麵，現在天氣熱也可以吃冷麵。台式小食選擇也很多，大部分以炸物為主，仲有我好掛住的台式蛋餅。去櫃台點餐之後食物都幾快來到，熱辣辣香噴噴係幾吸引。芝士粟米蛋餅 HK$40這個蛋餅是軟式蛋餅皮，入面塊蛋片幾厚身好足料的感覺，芝士份量更是澎湃，一夾起就有流心效果，視覺與味覺都一流享受！蛋餅仲配左帶少許甜味的台式醬油膏，風味十足。黃金茄子 HK$35又想食炸茄子又想食炸豆腐，結果都係揀左蔬菜類，但無諗到上面有肉燥，不吃肉的人只好手動自己走肉燥。茄子剛炸好超級脆又好味，外脆內軟香口又療癒，浸左肉燥之後好快會變腍，記得趕快吃啊！想食平平地的台灣美食，尖沙咀就有這個方便就腳好選擇！

尖沙咀做facial之前，先去醫肚。在加拿芬廣場對面，有一間搶眼的餐廳叫做臺坊，提供冷麵，在這炎炎夏日享用最適合不過，所以決定入內一試。冷麵以外，還有牛肉麵、飯、肉燥拌麵以及各款小食，當然還有飲品。點了一客炸茄子冷麵。共有四片炸茄子，非常大片，即叫即炸，有夠香脆，淡淡咸味，吃完不會太口乾。 爽口冷麵拌胡麻醬， 味道濃淡得宜， 加上清爽青瓜絲和蘿蔔絲，十分開胃。跟餐點一杯珍珠奶茶只需另加六元， 相當經濟實惠。因為想飲胚芽，所以點了一杯小麥胚芽奶茶加珍珠， 少甜少冰。 味道調得不錯，不會太甜， 保留了奶香和茶香， 珍珠和胚芽的口感，是青春的回憶。

〔 鹽酥雞肉操拌麵 〕 $57 .鹽酥雞炸得好鬆軟, 肉操有啲甜, 麵方面適中不會霖, 食左好多間可以話有黑灰台灣既味道.〔 珍珠奶茶 〕 +$6 .珍珠奶茶的茶香比較突出, 珍珠好彈牙, 甜度適中, 炎熱的夏天來一杯凍珍珠奶茶出好.(好味指數: 8/10)

行開尖沙咀呢邊，三點幾有啲肚餓，就決定喺附近食個下午茶~經過呢間台式小店，入面裝修以木為主，好有文青和休閒感覺，就決定喺度休息吓~店入面主要座位都是向牆的，不怕同人面對面坐對住人哋食，反而望住牆上的明信片，反而能夠靜靜地享受個人時光和眼前美食都是一大享受☺️餐牌選擇尚算多，有我最喜愛的台式蛋餅，配搭亦較大眾化，今次就揀咗芝士同粟米嘅配搭☺️芝士+粟米台式蛋餅~製作速度很快，等咗唔使好耐就已經有熱辣辣的蛋餅上碟，賣相好吸引，少量嘅醬汁淋在剛剛煎好的蛋餅上，傳來陣陣香氣😝而且份量絕不少，大大份作為下午茶一個女仔食絕對有多☺️而且蛋餅預先切好，方便筷子一拎就可以食，夾開就見到長長的芝士拉絲，十分邪惡😈寬容的芝士夾住大量粟米，既有芝士的鹹香，亦有粟米的清甜，外層包着一層厚厚的蛋餅，與蛋香味混合，亦有煙韌的感覺，層次十分豐富~百香果蘆薈綠茶~炎炎夏日中怎能少了一杯冰涼的凍飲🥤清甜的百香果加入粒粒蘆薈，口感十分豐富，配合綠茶的微微回甘，中和了整杯飲品的甜味，味道不會過甜，是消暑良品~