船長意法日餐廳 (已結業)

火煱同雞煲一齊食都聽得多，但同埋爐端燒一齊真係好少見。依間餐廳就主打任食邊爐加爐端燒喇。小編揀左豚肉同雞肉，$188有+1。個爐未滾可以食住熟食先。🦐醬油蝦🐔霸王雞🍢丸類基本既丸都有齊，雖然冇芝士腸，仲有台灣腸。🛎響鈴🐟炸魚皮點少得依兩樣，炸魚皮真係夠曬脆🧂醬汁區醬既選擇比一般的多，就甘係辣醬都已經有幾款。🥤飲品區🍢串燒好入味，夠新鮮。🐔雞肉🐷豚肉燒又得，火煱都得。🥬皇帝菜🍦雪糕🍅車厘茄食完野就緊係要食甜品啦，竟然可以任食haagen dazs呀！

秋風起既季節又諗起打邊爐啦！打邊爐真係食極都唔厭呀！今次又約左幾個朋友去元朗試下唔同舖頭既火鍋放題，上網睇到呢間都好似幾好大部分都好評，所以就揀左呢間船長火鍋試一試。我地一行四人叫左$198既餐，食美國肥牛加爐端燒。叫左個冬瓜柱貝雞鍋，原件冬瓜上整個鍋底都好鮮甜。肥牛任食加出面啲野，而串燒就送一轉，另外叫就再加錢。肥牛質素還可以，串燒腌製入味都唔錯。食物款式都多樣化，有前菜沙律，有熟食，有丸類，有蔬菜類等，比想像中多野食。送海鮮併盤有海蝦，鮑魚，蜆，脆肉鯇魚片，海鮮都算新鮮。海蝦都幾爽口，鮑魚都好彈牙。甜品有奶凍、豆腐花，另外雪糕Haagen-Dazs仲有韓國雪條。

是日晚上約了弟弟到餐廳食飯輕鬆一下。近來工作壓力大，出外食飯便是放鬆的方法之一。到達餐廳不用5分鐘便可進入，我們兩人決定食火煱放題，選了$198的，有美國肥牛還可以食豚肉，雞肉，而且兩人就有免費的海陸空機燒拼盤食，正呀！放題那邊，就有約10款丸類，不同菜類，例如：油麥菜，生菜，娃娃菜，冬菇等，麵類有鳥冬，韓國麵等，水果方面有西瓜及菠蘿。飲品種類都算多，約十多款，甜品方面，必食有貴價Haagen Dazs(士多啤梨，原味）及韓國款式雪條等。我和弟弟就先炭燒海鮮，特别喜歡蜆肉和鮑魚，一邊燒一邊散發香味，食著很有鮮味。之後燒牛肉串和雞肉串。每人可分兩串，雖然一串肉份量較少，但餣得入味，令人食指大動。湯底選了沙嗲。肥牛一碟有4塊，灼數十秒就很嫩滑了，雞肉就灼耐一點，約2分鐘，亦很滑溜。飲品方面，我選了綠茶及仙草爽。由於打邊爐比較油膩的，飲綠荼就非常合適。而食到尾段就飲罐仙草爽，有粒粒仙草，清涼解渴。甜品方面，當然少不了Haagen Dazs，我與弟弟各食一款。我喜歡士多啤梨味，因為有果肉粒，香甜。另外我食了韓國雪條芒果味Melona，芒果味香濃，重奶味而且好滑口，值得一試。

入元朗朋友家作客，朋友請客晚飯😍😍近排天氣清涼，火鍋放題店就最好不過這間 船長 可以食爐端燒火鍋放題🤩 或者可以普通食個晚餐，又或者雞煲放題😋😋爐端燒加火鍋，2位就送個海陸空機燒，同埋Häagen-Dazs任食🥰🥰喜歡轉工嘅朋友真係好易回本😂😂菜類都幾多選擇，仲有小食和熟食，每位二百蚊左右有蝦、鮑魚、蠔、蜆、魚腩等等。海鮮新鮮，份量都多除左揀肉類主食，出面仲有超級多野食火鍋配料超過二十款，丸類熟食菜式都有，肚餓可以食即食除左雪榚，飲品選擇應有盡有，旁邊仲可以選花茶👍👍呢個價錢算是超值，最適合一大班人，勝在款式，多各取所需😂😂

第一次到呢到食飯 又有燒海鮮肉類 又有hotpot 想不到又幾有驚喜出面有沙律 前菜 水果 丸類 熟食 炸物等可取 最吸引莫過於係燒海鮮 蝦超大隻爽甜 蜆同鮑魚新鮮好味 蠔夠肥美juicy另有生既肉類串燒雞翼可燒 惹味啖啖肉Hotpot款亦夠多 有菜有丸 肥牛既雪花仲好令tim飲品選擇亦多 有soft drink 樽裝飲品等等甜品亦有多種牌子既ice cream 雪條 更有Haagen-dazs tim呢餐可謂一次過滿足到好多個願望

今晚相約其中幾名朋友一聚, 又順便吹吹水, 談一談近況，最近元朗有間餐廳很火熱, 火鍋和燒烤很適合朋友聚會, 方便眾人, 就選址了這裡"開會"。船長就在人來人往的大街，極為方便。餐廳環境蠻雅緻的，香港人吃火鍋, 最愛就是這些醬料了, 可以隨意調製自己喜歡的味道, 加添趣味感。這裡有蔥粒、炸蒜、辣椒粒等, 好齊全。我們點了花膠雞湯底，在火鍋中有花膠，真材實料，花膠好軟腍帶有彈性, 由頭至尾都好濃味,即使加了數次上湯, 也越來越出味,值得推介!火鍋海鮮併盤有鲍魚，水魷，魚片，蜆肉，海蝦等，種類繁多，非常新鮮，單食海鮮已經值回票價。貢丸、牛丸....粒粒圓滾滾的, 好彈牙爽口, 牛丸味道鮮明出眾, 當中個人較喜歡。炸響鈴卷鮮炸的果然與別不同, 沒有「油益味」, 脆脆香香的, 浸一浸就可吃, 保留一點脆感, 如滾太久會變腐皮, 哈。美國肥牛肥牛色澤紅潤, 肥瘦均勻, 擺放得好整齊, 件件切到差不多厚薄, 刀功一流。其實我真不太愛吃肉, 尤其紅肉, 可是這個肥牛, 卻令我吃不停口, 它的牛味香濃, 口感軟嫩卻保留應有的口感, 當牛脂肪在口中融化, 那感覺著實感動, 這可能是我吃過最好的肥牛。蔬菜

秋風起有度打邊爐嘅季節， 今次試一試呢間元朗的火鍋加爐端燒，坐位好闊落，成個環境都好舒服。火鍋湯底有5款:豬骨，沙嗲， 麻辣，壽喜燒，芫茜皮蛋。 我地就揀咗壽喜燒，湯底好濃郁，甜甜的日式醬油味，用來煮肉好正！ 先來兩碟雞肉同兩碟豬肉，豬肉都唔錯，肥瘦適中，但砌得很薄，比較難夾起。 雞肉好滑，應該似係雞髀肉。海鮮好豐盛，有鮑魚，蝦，花甲， 魚片，蠔。 蠔肥美鮮甜。爐端燒串燒，豬牛雞各一串同埋雞翼， 串燒味道醃得好好味。醬料區有好多選擇， 不過湯底已經好濃郁所以冇試到。蔬菜區，蔬菜新鮮乾淨，仲有爽脆既秋葵。熟食區， 選擇唔多，但味道唔錯甜品區，有好夠薑的番薯糖水，山水豆腐花，炸香蕉糕，外脆內軟口感煙韌，仲有haagen-dazs雪糕任食， 當日有四種唔同口味:士多啤梨，朱古力，雲呢拿，咖啡， 我就最鍾意食士多啤梨味。埋單每人只是約 每日大約二百零蚊，勝價比高！總括一下，講幾款我最鍾意食嘅嘢:燒菠蘿香甜多汁爐端燒串燒鮮甜脹卜卜蠔仔魚蛋豉椒蒸倉魚夠薑番薯糖水Haagen dazs雪糕士多啤梨味

聽聞元朗有一間火鍋店有得打邊爐又有燒烤，今日就同朋友一齊入尼試一試船長意法日餐廳！同朋友選左兩個$198既火鍋放題，可以120分鐘任食。打邊爐之前店內亦有提供各種熟食前菜同沙律等。湯底方面我地叫左麻辣同蕃茄湯，麻辣湯並冇想像中咁辣，怕辣既朋友都可以選擇，依然不錯。而蕃茄湯材料十足，非常開胃，想食得健康既朋友亦不妨一試！當火鍋準備好既時候，店員同時亦為我地遞上期待已久既爐端燒，連同海鮮拼盤同串燒，可以選擇打邊燒或者燒烤。雖然海鮮拼盤既食物冇得選擇，但勝在種類夠多（海蝦，鮑魚，蠔，蜆同脆肉鯇），按人頭份量，而且好新鮮，肉質爽口，200蚊有任食火鍋，燒烤同海鮮拼盤真係非常抵食！串燒則有雞肉串，牛肉串同雞翼，鐘意燒烤既朋友亦都可以係配料區到選擇合適既食材，個人推介烤菠蘿，經過燒烤之後又加香甜！火鍋生料方面，可以任叫豚肉，雞肉同肥牛，我同朋友都係肥牛愛好者，一尼就已經叫左幾碟肥牛，質素唔錯，雪花分佈均勻，口感良好。至於一般火鍋配料，丸類菜類，炸物，公仔麵等等食材，店內應有盡有，而且齊整擺放，整潔衛生。最後當然唔少得飲品同甜品，飲品方面有好多選擇，有汽水有茶，而啤酒都可以任飲，而甜品主要係雪糕，但

今日放工後同家姐去咗元朗，行咗陣街，見到有邊爐串燒放題， 就入咗去。因為係星期四去食，所以夜晚唔算多人 ，一入到去，有服務員帶我地坐底，餐廳嘅座位都幾闊落，唔會覺得迫，食物都設有熟食區、丸區、甜品同飲品區。一開始服務員會送上牛肉🐂同雞肉🐓，仲有海鮮拼盤🐟（視乎人數的份量），海鮮有鮑魚、鯇魚片、蜆同蠔等等， 我哋將海鮮有啲喺燒，有啲係烚， 海鮮方面整體都幾新鮮，反而啲蝦🦐嘅口感冇咁新鮮。甜品方面都多選擇🍨，有唔同牌子嘅雪糕🍦同雪條，最吸引就係Haagen Dazs，4隻口味（咖啡、朱古力、士多啤梨同雲呢拿），我哋隻隻都食左再加多條榴槤雪條。我地食左好多野，勁滿足咁離開，賣單連加一每人＄207。

自上次食船長付後，好似起碼一年沒來過了。感覺餐廳風格都改變了不少，現在更像是火鍋店。但筆者今次中午時間來，所以還是食正餐吧。葡國雞飯賣相不錯，飯粒軟硬剛好，雞肉用薄片上，加上惹味葡汁，一口一口的好快就食完。如果份量可以多一點會更好。馬來沙嗲串燒筆者好喜歡串燒，所以點了一碟牛，一碟雞。店員服務很好，知道我覺得沙嗲醬不夠，立即加個滿滿的。串燒還是新鮮整，幾好食。但醬料不知為何有點凍，可能是雪櫃拿出？？華田紅豆冰一向好少可以紅豆冰配其他飲料，呢家餐廳就可以華田配紅豆。感覺幾新鮮，也是很邪惡的選擇，嘻嘻。小食餐單Lunch 餐牌

今日終於約到朋友嚟呢一間船長餐廳嚟食火鍋放題爐端燒🥰之前係Facebook見過已經覺得好吸引的了，今日終於來到了。見到Menu寫住：惠顧爐端燒火鍋放題滿兩位即送海陸空磯燒拼盤，所以落完Order 就已立刻送咗一盤海鮮（有鮑魚、蜆、魚片、蠔、海蝦）。除咗海鮮之外，店員亦都好快送上豚肉、雞肉，以及串燒等等。然後，其他火鍋配料包括：蔬菜🥬，丸類，飲品都需於自助吧自取的。今日想試嘅湯底係皮蛋芫荽鍋，待湯滾起我哋就將所有食材放進煲裏滾～～想讚食材頗新鮮，而且串燒有㷈，所以放上爐端燒上邊烤，有香濃的肉味，入口亦有淡淡的香茅味道，挺不錯👍🏻可惜串燒不能refill的～完餐後還可以自取甜品及雪糕🍦，雪糕是Häagen-Dazs來的，這個價錢有新鮮食材而且雪糕的質素也不錯👌🏻120分鐘任飲任食，正～～

120分鐘任飲任食，啤酒汽水任飲 火鍋放題再加爐端燒，好多選擇任揀。我地就揀左美國肥牛的套餐，星期一至四198$。湯底就揀左沙爹湯底，味道都好香濃。除左肉類，自助吧仲有好多蔬菜，丸類同熟食可無限添加，例如牛栢葉、魷魚、麵，烏冬，腸，各款丸，菜保證你食得飽。端爐燒有鮑魚，生蠔、蜆、海蝦、魚片，仲有豬牛雞加雞翼，全部自己燒，好得意。食完火鍋仲有甜品，有哈斯大師，必食。飲品有好多罐裝款式揀，汽水，hite，韓國飲品等。

天氣漸涼，最啱就係打邊爐/烤肉，餓底拖著餓底媽來船長試試火鍋放題加爐端燒，一次滿足兩個願望！入到來餐廳，座位好闊落，枱也大大張，Good呀！巡視下有咩食先，菜/丸/響鈴/醬料等都一應俱全，還有幾款不算hea的熟食(蒸魚/炒蜆/雞等等)，也有餐湯沙律。每枱都有海鮮拼盤(蝦、鯇魚、鮑魚、蠔)&牛肉，加一碟串燒，肉類的話夠食了！湯底叫了蕃茄，好足料！超多蕃茄&薯仔，一邊打邊爐，一邊燒串燒，正呀！餐飲同雪糕都任飲任食！全場店員都十分殷勤地加湯及收搭，抵讚！最後來個燒菠蘿&雪糕結尾，今餐好滿足！

約咗客食lunch, 元朗市區想搵間坐得舒適，價錢實惠，又多選擇嘅，我多數都會嚟船長餐廳，餐廳夜晚做火鍋，但未試過，多數日頭嚟。 因為啱啱過咗lunch hour, 所以唔洗等位，我叫咗個百加地雞扒配薯菜，客叫咗雞扒肉燥飯，我哋再叫咗個脆炸雞中翼小食。 叫完餐好快就有湯飲，湯普普通通，飲品沖得幾好，無過淡或過甜問題。 百加地雞扒配薯菜 上菜啦，雖然唔知百加地雞扒即係咩😅落單侍應話係茄汁味，結係雞扒上有芝士同火腿，煎得啱啱好，少少脆皮，裡面依然好軟身多汁，薯角係新鮮炸，抵讚。 雞扒肉燥飯大碟到驚人... 相信地盤佬都食唔晒🙈細食記得叫少飯，客話肉燥個味調得幾好，雞扒都超大塊🤣 脆炸雞中翼堅脆口，微辣啱啱好，夠惹味👍👍👍

天氣轉涼，又係時候打邊爐啦😝見到朋友話呢間船長，打邊爐之餘仲可以爐端燒，仲有Häagen-Dazs任食，都係$200左右😱😱一於要試下😏 爐端燒原來會送一個海鮮拼盤，有大蝦，魚片，花甲同埋鮑魚仔。其實呢個海鮮拼盤用嚟做火鍋，或者爐端燒都一樣得嘅。牛肉每碟分量唔多，但可以一次嗌多幾碟，而且出嘅速度都幾快。除左牛肉之外，其他都可以自己出去拎。種類選擇唔算多，但要有嘅野，都有齊。打邊爐必食嘅丸類、蔬菜、麵、魚皮都有。最後係餐廳嘅一大賣點，Haagen-Dazs任食！不過我去果時得返兩隻味，咖啡同雲呢拿曲奇，秒殺，每人兩杯是基本🤭🤭