花千樹 (已結業)

朋友叫一齊去飯局，話以前x 田(素質幾好果間) 轉咗新場，咁就一行5人去試試啦。坐低劃飛，見到隔離枱有野飲，但我地乜解無飲品紙既？唔理，叫野食先。到俾飛時想問飲品點，發現原來唔駛劃飛,問就有(不過唔問既話,我估亦都無人提你)。過咗陣，一個光頭經理拎住我地劃既刺身飛黎大聲質問我地有無食力,強調話野食食唔晒要收charge 架喎。我地真係窒一窒，但回心一諗，我地叫既份量真係依據自身食力黎劃,實食得晒架喎。就叫佢照上啦。結果，個光頭經理就叫d 細既好似俾乞衣咁俾我地。 我地行走江湖咁多年，梗係唔同食店當面嘈，忍咗先啦。同時,亦開始有熟食黎.本來隨著時間同野食落肚,應該都心情平伏晒啦.講真,今時今日你俾二百蚊去食放題,可以要求幾高呀...但隨住侍應多次無視我地無豉油既訊求，清酒煮蜆變咗無酒無咸無鮮味既清水煮蜆，竟然有難食過明將既尤魚刺身，D根多過我鬚根既得個樣吞拿魚同三文魚，頭個半鐘漏咗七成既熟食單，後來追咗十次先叫我地再落單黎,彷如白灼既蒜香雞扒，壞咗既炸芝士年糕，燒菠蘿無燒過等等等等等等痛苦氣結難受既食物同待遇後，我地係埋單時都真係少有地要求佢揾個人黎聽吓我地投訴。 而結果就係個個帶晒

星期六約左舊朋友聚舊，原本都諗住順便食餐飯但係又無乜好心水，於是行行下誤打誤撞就黎左呢間花千樹去到既時候係七點鐘，係門口見到入邊其實唔算好大，又好似幾多人咁，心諗應該有排等，點知等左一陣就入得，仲要係卡位，啱曬我地傾計聚舊睇到Ｄ落單紙選擇都幾多，即刻抽曬出黎寫心水既野食諗住先寫野飲涼下喉，但搵極都搵唔到飲品個張紙問下侍應先知原來野飲係要揾佢地講落單既，有七款汽水免費任飲，特飲就要加錢我地得兩個人食，所以唔敢寫太多落完單過左幾分鐘，D野食好快就黎到鴨胸好滑又夠味，如果送飯實一流我平時食放題好少食壽司，都係食魚生為主芥末一早放左係枱面，應該係磨出黎既Ｄ魚生襯好曬好靚咁一盤上枱我最鐘意食三文魚，D三文魚新鮮得黎又厚又爽口，正!無幾耐Ｄ炸物都上枱，每樣都點左Ｄ先有焦糖炸薯、炸雞、炸蠔同炸芝士帶子芝士帶子最有驚喜，一咬就流Ｄ芝士出黎，又彈牙天婦羅方面只係點左蝦，D蝦夠大隻，粉又唔多鐵板燒食物都係每樣點左Ｄ黎食，有帶子、牛柳同雞叫既單位好似係一客一客咁，份量就啱啱好，唔多唔少串燒選擇都幾多，貪心既我每樣都想試下於是差唔多樣樣都有叫到燒羊架係最好食既，特別係比較薄個Ｄ，更入味同更易咬食左咁多肉當然要

成日過去aeon行街時都會經過呢間野,一直想搵機會食~咁岩呢日約左成班同學飯聚,咁我就提議去呢間野啦~去到既時候有個侍應問我地有冇訂枱,我話冇(因為諗住平日實唔駛訂啦)點知個侍應就黑哂面咁話冇訂枱只可以坐到8點半,我地話唔知得唔得喎,佢就勁寸咁話我一陣要交枱比人,你地唔食就算!佢地大把客多我地一個唔多!omg!!!!我都係第一次見啲鋪頭可以咁寸,放題我食得多,就算人地要我地早交枱都唔會用咁巴閉既語氣講囉,可能佢真係好好生意唔指在,但真係好過份!同行友人因為一心諗住黎食,所以我地最後都入左去食.....呢到放題既種類都幾多,唯一冇甜品好似總係差啲野咁~一黎就上左刺身先,味道ok幾新鮮唔會有冰塊雪味~串燒我覺得比刺身壽司出色,燒得剛好~壽司ok,火燄三文魚好好味!雖然呢間野食物質素唔錯,但咁既價錢我寧願去大喜屋食啦,個到起碼唔駛受氣,真係照錢買難受,唉......

朋友瘦骨嶙峋的身型,仲要話比我聽已經重左20磅,真在太令人憤怒了,所以我決定再次幫佢增肥,地點係悅來酒店3樓既花千樹.由8點半食到11點,每人$228加1.現代放題都係剔紙仔為主,呢度都唔例外.當中最多人關注,當然係剌身類.14款選擇都不少飲品是任飲的,雖然只有汽水類,但好彩有COKE ZERO,如果唔係肥死了先來個清酒蜆暖暖胃,酒味不算好濃,但蜆肉好鮮甜,而且絕大部份都有肉,唔係空殼,係個好開始牛油炒成既帶子和金菇,牛油落得足料,但我覺得太足料,食唔慣太油膩燒物當然簡菠羅,牛舌和免治雞肉捧.菠羅總在燒過後更突出果味,再加上有少少糖係面,更易入口.而牛舌黑椒味好重,燒得剛剛好無過火.免治雞肉捧形狀有點似粒波,肉實略為實剌身雖是大路,但味道是合格水平之上,特別有濃味既油甘魚和清甜既鱆紅魚,港人最愛三文魚呢3款,基本上其他可以不理會.比較失望係蝦是手指尾蝦蝦,好細條好慘情.手卷就試左蔥油甘魚手卷,一般只會聽過蔥吞拿魚碎,呢個就比較有趣.紫菜夠脆,飯不多,油甘魚仍然味道濃厚,配上能提鮮既蔥花,當然好味.如果蔥既份量可以乘大3倍就好了燒羊架係放題既常客,呢度既羊架味道集燒汁,孜然粉和黑椒於一身

Huummm, 又是一個新學年的開始 ! 開學前 , 例必是我們作為家長的破財日 , 文具、書包、鞋襪 .... 真是 no money no talk ( 港式英文 , 學生千祈咪學 ), 滿身兒女債 ! 當日我帶著女兒來到 " 悅來坊商場 Aeon " 逛街街 , 買新學年用品 , 逛了一整天又累又肚餓 , 於是便開始找食 , 由於女兒想吃放題 , 所以便到最近的這一間 , 位於同一大廈的 Panda Hotel 內的 ” 花千樹 ” 放題了 ~門面光鮮 , 既有朝氣亦不失其日式的時代感 , 這種門面格局在荃灣區內實屬罕見 ~我們被編排入座於卡位的 -- 2號檯 , 桌面上的一切都井然有序 , 且十分潔淨 ~甫坐下, 侍應生便立刻奉上茶水 , 亦禮貌地告訴我們 " 入單 " 的方法 ~" 花千樹 " 是以不同時段收費的 , 兩小時 -- $ 228 , 三小時 -- $ 258 ~汽水要免費任飲便要每人額外付 $ 12 , 特飲就收 $ 22 一杯 ~室內環境開揚 , 燈光柔和 , 裝修佈置十分光鮮 , 具和式的都市感 , 檯與檯之間距離很足 , 也設有卡位 , 空間感充足舒適度高

在港島區工作生活，要知道銅鑼灣食串魚旦都十蚊、車仔面都五六十蚊位的時候，有時未去ATM拎錢口袋剩幾十蚊真係唔敢四圍亂行。昨日一行四人去開荃灣見客，途經熊貓酒店（悅來酒店）見到個餐牌：酒店環境入面食$45一個下午茶？？？？？？？？？？？？？？？？？？未食lunch好肚餓之下唔食真係對唔住自己。諗都無諗，坐低一至四號佳麗各點一款。一號佳麗：角切魚生野菜沙律伴腐皮烏冬我唔食刺身，組員A話新鮮，而且用蛋絲伴底，誠意之作。二號佳麗：鮮蝦腐皮卷伴大阪海鮮餅薯角由於好肚餓，店員都未放好隻碟我已經挾起件腐皮卷，熱辣辣好感動呀～～～剛炸起好好味，大阪海鮮餅都係剛煎好辣口的，肚餓既人真係好易受感動！！！不過薯角淋左焦糖汁，我覺得一般，分開上或俾茄汁會好ｄ。不過蔬菜沙律用個柚子汁又係開心既三號佳麗：豬軟骨拉麵伴餃子（呢位佳麗我唔記得影相，食完去左影餐廳的sample food，所以無晒湯汁。）嗯，自從吃多了一蘭變了拉麵濃味怪之後，這麵第一啖入口我覺得有Ｄ淡。OK，就一蘭的三份一價錢而言，這個份量（一上桌我就叫了聲「嘩，拱大碗？！！」真的跟一般lunch碗麵size差不多！）加上餃子，確是物超所值。湯給我喝光

壽司流行於世界各地，單單去呢度OR普通睇一睇已經有九百幾間，即使現在刮起的已經轉為韓風，日本壽司依然是多不勝數，彷如雨後春筍，可能明天已經又有新一間屹立在地而我也很喜歡啊！所以花千樹，我來也～～！去到比較早，所以人類還是較少之前睇過食評，貌似飲品要加錢......但當天！汽水！任飲！！多麼興奮的信息啊～～刺身盤A與刺身盤B，大概就是三文魚, 鯛魚, 吞拿魚, 油甘魚, 馬刀貝, 鱆紅魚, 八爪魚, 魷魚, 象拔蚌, 希靈魚......總之是數之不盡的感覺，切得頗厚身，鮮味十足，象拔蚌更帶有微微海水味，令人欲罷不能～！要仔細形容味道的話，大概只有一句最適合：三文魚有三文魚味；鯛魚有鯛魚味；吞拿魚有吞拿魚味......清酒煮蜆，一隻又一隻小蜆肉。清酒煮得入味，而且飲落淡淡酒味非常舒適滑溜滑溜日式燉蛋～侍應剛剛送上來的時候目光已經瞬間被它吸引：燉蛋充滿蛋香，滑溜滑溜的燉得剛剛好大概晚了食的話質感會變差，所以看來我放下本來手中的食物是正確的！上面分別是火炙鰻魚火炙比目魚跟火炙三文魚送上來的時候飯還是暖暖的，而且夾起一點也不鬆散，配合火炙魚一起食妙不可言——特別是火炙比目魚，入口即溶的感覺簡直不

花千樹食評之三，因為工作比較忙，一直都要分開才寫到。不過望著兔兔貓的食物，是否很想去吃，我會想再去多幾次，因為質素有保證！火灸實在最好，因為魚生火灸後，會飄出陣陣香味，暖暖的，又鮮又可口！（左中右：鰻魚　左口魚　腐皮）每一款都好有油光，好新鮮！　鰻魚好在不熱到黒色，沒有皮，不會油膩！全晚最好食的食品，火灸左口魚，因為油脂一散，實在是人生的一個火花！！！油脂化開，混合微酸的壽司飯，實在是人生一樂也！薄燒牛舌是全晚第二好吃的食物，實在好吃！牛肉只有2MM,但一點不會鞋口,又香,又滑,又有牛肉味,一絕!至於大板燒太有驚喜,是秀吉工房的大板燒呢! ！！吃夠5件都回本是晚的成本，熱辣辣，很多椰菜在內，很很很正！餃子亦都超乎想像的香脆呢！！櫻花魷魚和芥辣八爪魚，一般。軟榖蟹卷很好吃，不過如果有沙拉醬更佳！　不過軟殼蟹一樣又大件，又香又好味。放題都幾岩一家大細去食，如果大家都岩食，花千樹都幾好呀，至少熟食岩食，刺身又好味又多選擇，咁樣大人細路哥都岩胃口喇～

自肋餐百花齊放，有西式的，也有中式點心，也有日式放題。前者就吃得多，後兩者嘛，就未曾試過。還記得有一次，在下與身邊親愛的提議去食日式敦題，但總是不了了知，改為去吃其他，因此一直都沒有敦在心上。直到今晚，在下相約友人，一同到荃灣吃一頓日式放題。花千樹位於荃灣熊貓酒店（悅來酒店）的三樓，走進入去，時間尚早，只有好幾枱食客，而座位也是任擇。而餐廳環境也頗日本餐廳的感覺，有卡座和普通的六人坐位，餐廳盡頭是食品的出處。餐Ｙ杲的左手邊便是點單的單張。在下素來都幾喜歡吃魚生刺身的，今晚幾乎把所有的刺身都點來，當中有鱆紅魚，馬刀貝，希靈魚，甜蝦，墨魚，三文魚，油泔，雕魚，這些刺身味道都是較為淡味的，因此要先吃下嘛。當中馬都貝與希靈魚都是首嚐的，味道也較特別。另一個是吞拿魚，素包片，象拔蚌，甜蝦，北寄貝，海螺，魷魚。當中象拔蚌都幾爽口。壽司方面，就選擇了三款，當中火炙壽司中的鰻魚燒得不錯，沒有腥味，也沒有骨，而且其餘兩款，包括火炙比目魚都是入口即溶，基本上不用咀嚼都可以直接吞下，加上香味也十足。麵豉湯現在都會偏向淡味，沒有從前的那麼濃味的。今次點來三款沙律，全部都是以西式的沙律菜為主，當中日式雜菜沙律以

作為九龍人的我平日的食點都是旺角，尖沙咀，如果不是跟朋友來荃灣打保齡球的話根本不會來荃灣，經過一番體力勞動後我們決定吃個豐富的晚餐，在openrice發現荃灣悅來坊「花千樹」是一間新開的放題，離保齡球場又不遠，我們決定一試。坐位像卡位，有別於一般位置迫焗的放題，坐得比較舒服，環境不錯。花千樹是有汽水免費任飲的，另外特飲就$ 22 一杯，我們點了宇治金時和荔枝乳酸。宇治金時是綠茶混合牛奶的飲品，牛奶味道偏重，加上甜甜的紅豆粒，推介。荔枝乳酸的荔枝味清新，乳酸味剛好，不過如果加點椰果粒有點咬口更好。這裡的刺身選擇比一般多，有三文魚、吞拿魚、油甘魚、鯛魚、鱆紅魚、 希靈魚、八爪魚、魷魚、象拔蚌、海螺、素鮑片、北寄貝、馬刀貝、甜蝦。 特別推介馬刀貝即是蟶子，味道甘甜，爽口彈牙，另外鯛魚魚身肉質肥美，油份充足，味鮮帶清甜，而大路的三文魚入口腍嫩而油潤，其他如希靈魚，油甘魚也不錯。整體各款刺身都鮮味十足。軟殼蟹手卷 - 紫菜香脆，軟殼蟹炸得鬆化，而且份量十足海膽手卷 - 鮮甜又creamy的海膽配上香脆的紫菜，好吃，如果海膽份量多一點更好。一品料理是我最推介的。泡菜豆腐海鮮鍋有豆腐，蜆、魚，泡菜，

上回兔兔貓講到去花千榭食放題，可以"UN UN" 腳大搖大擺入去，不用怕等到2046都未入得。今次品評魚生水準，開始！明明寫了４片來了８片，所有魚生都DOUBLE了，驚嚇，因為坊間放題只會俾少或者開邊，唔會俾多。7月14都過咗啦，嚇死人咩，喵～都係講下笑啫，魚生實在太選擇，有我朋友至愛的鱆紅魚！！花千樹大膽，油甘魚同鱆紅魚好難共存，因為一般日本餐廳因價錢問題，會把次價的鱆紅魚，聲稱為貴價油甘魚。正常來說，油甘魚的肉質較軟身，鮮味較重顏色偏深，而鱆紅魚肉質爽口、顏色偏白，港女都好易誤解。但兔兔貓反而鍾意食放題有齊兩隻，一試便知龍與鳳嘛。份量厚切，魚肉和脂肪緊貼代表新鮮，上菜快，仲要有多。這樣，回本，不是問題～濃味的油甘魚、爽口的馬刀貝、鮮味的甜蝦、彈牙的八爪魚，都叫人一試難忘。魚生做得好，材料如吞拿魚，三文魚，北寄貝，鮑片都很甜。擺放都叫有心機，螺片鮮甜都不得了！！！　希靈魚的魚春都好新鮮～我們結果吃了不知數不下多少盤！有日本空運水準～不俗～煙鴨胸SALAD，難得集齊狗牙菜，火箭菜，羅文生菜和紅酒醋，放題啫，唔使咁認真下化。　不過兔兔貓好欣賞花千樹除咗生冷魚生食品做得好，都有其他東西好吃

弟弟留在香港的時間只剩下一個月，抓緊相聚的時間，雖然週末待在家是一大樂事，但也會把握跟家人相聚的時光。加上出來工作，開始用自己的努力賺錢，不能是說養家，起碼不會做成家中的一個負擔，也希望靠自己雙手去慰勞家人。 上個星期天，跟家人到荃灣的Panda Hotel內的花千樹放題，雖然當日有丁點感冒，但也無惧美食的引誘。病？食完先算啦。訂枱是我的習慣，玩即興始終不是我的格調。不喜歡那種去到沒有位置，要等很久，超出預算的時間或是空手而回的感覺。 花千樹以不同時段收費，在兩小時的收費會以$228,限時三小時的收費則$258，我和家人選擇三小時的時段，可以跟家人慢慢吃聊聊天嘛。花千樹這名字確實非常有詩意，去到果然不付所望，高貴和光鮮的裝修佈置跟「花千樹」這名字相映成趣。 安排入座後，媽媽一如既往做點菜的角色，爸爸，弟弟和我三人就根據想吃的東西做個小型的投票，要既舉手，不紊不亂地落單。比起跟朋友亂七八糟地落單，實在差太遠了。哈哈，這就是跟家人和朋友吃飯的分別了。食物方面，有刺身，壽司，沙律，手卷，麵食，天婦羅，燒物，一品料理 類，種類繁多，包羅萬有，更有較少見的鐵板燒類。 上菜速度快速，點完菜不消一會

港女去旺角/尖咀食放題，未見招牌，先到後樓梯或大街排隊1個半個鐘，是常識吧！！排到又熱又窒息又大汗，去到lift口仲要大叫自已貴姓，嘥了1粒鐘先至迫到埋去，坐低點嘢食，胃口都無咗一半！！兔兔貓强烈建議可以去荃灣悅來酒店的"花千樹"放題，因為荃灣地鐵站一出天橋，全程行天橋，落雨都唔怕，5分鍾到達悅來花千樹，即使等位都在酒店大堂 ，有的是冷氣和空間，爽！！由尖沙嘴去荃灣花千樹不過半個鐘，慳了時間，加上不再迫在後樓梯or"車立"1小時。食物飲品方面，汔水任飲，不俗。但女仔食放題魚生，建議飲熱茶，否則太涼影響子宮。這店的效率奇高，點菜不到3分鐘便上菜，店員有笑容，放碟不會大大力掟，亦會換骨碟，加一服務咪係呢D囉。桌子極大，放得下五大盤刺身，不錯。先說說七味煮牛舌，牛舌味濃，煮得不俗，配合胡麻汁，清新，牛舌無根無渣，質素奇高。至於汁煮豬軟骨，實在入味又淋甜，以花椒八角入撰，香味到位，份量適中，不過瘦肉多、軟骨少，個人比較喜歡吃軟骨。在臨走前不忘再點一份，實在是好吃到不行！至於日式蒸蛋賣相亦不俗，有蟹柳和嗚門卷，蛋打得剛好，沒氣泡，而碗面到碗底都滑滑的，必點。自從在日本吃到正宗日式天婦羅之後，對日

「放題」起香港呢個熱潮興左好耐，一直好鍾意四圍食既我，膽敢說句，已經試過無數間放題店。：p荃灣悅來坊「花千樹」據知開左兩個幾月，又試試看吧^^呢到d裝潢係咁既～ 放題店計，算是蠻舒服寧靜，坐位唔會迫迫，幾岩又想搵地方食放題有又d空間傾下計既朋友。今次，先倒轉，我想食d熱食再來先食重點項目: 刺身 ，哈哈～如果放題，有羊架，我會加分XD 「香草燒羊架」肉質嫩滑，so juicy，脂肪部分同樣岩岩好（我的心水推介）呢到燒物不錯，「燒鯖魚」皮燒得脆脆的～ 肉質也不會乾身，灑上鮮檸檬汁，good wo另一樣，放題比較少見「蒜香一口腸」，幾有台灣風味XD如果鍾意食牛既朋友，可以點「蒜片牛柳粒」～ 牛柳粒更顯牛肉香濃味^^至於「大板燒餅」，醬汁方面，我提議用日式燒味，味道會更match呢！所有食物，全是即叫即燒，即叫即炒，即叫即炸，食既時間熱騰騰，等候時間也不會太長，呢點我最欣賞！炸物方面，我推介「焦糖香脆薯角」，味道甜甜，原來配薯角又幾正下^^噢！到刺身，大路款式不用多講，諗得到都齊，呢到比一般多左「象拔蚌、油甘魚、海螺」，我最鍾意食油甘魚&三文魚，鮮味而充滿油香，同樣令我大滿足。（刺身orde

很多時候去日式放題都並沒有太多的期待，因為質和量感覺就是兩個極端，要是享用放題，便是以量為先，放棄質素。花千樹的食物質量兼備，實在令人眼前一亮。花千樹位於荃灣悅來酒店，地方寛敞，坐得舒適。食物種類很豐富，有上數十款！我們先點了2杯飲品，分別是忌廉乳酸及日本提子汁，味道都很不錯。點了好些刺身，分別有三文魚、吞拿魚、油甘魚、鱆紅魚、馬刀貝、象拔蚌等。上桌時賣相相當精美，實在令人眼前一亮！當中推介馬刀貝及象拔蚌！馬刀貝即蟶子，味道甘甜，質感彈牙！象拔蚌也十分鮮甜，只沾上少許鼓油，鮮味盡出！壽司點了火焰三文魚和鰻魚，味道也精緻好味。細心的經理見我們未點比目魚，便推薦了我們試一客。比目魚即平目、撻沙魚的一類。比目魚壽司便採用了比目魚的裙邊肉，利用火焰輕燒令魚肉半熟，放入口中瞬間即溶，而且魚油香十足！經理更補充說每條比目魚只帶一或兩件裙邊，所以這款美味的壽司是限量的喔！謝謝他的好推介呢！點了薄燒牛肉和羊架，水準確是上乘！薄燒牛肉充滿肉汁，牛肉中包著了炸蒜及蔥，十分惹味。羊架也是燒得濕潤，微帶羶香！炸物點了炸蝦天婦羅、蕃薯、南瓜。炸粉稍為較厚，是一整晚唯一比較失色的一味。另外也食過了牛油帶子、蒸蛋、