花臣車仔麵 (已結業)

今日與太太行經旺角黑布街，見到花臣車仔麵 好似佷多種類及選擇，向來喜歡食麵的我和太太決定試嚇此間花臣車仔麵 。餐廳的枱都算整齊，室內的裝修顏色亮麗，令人覺感覺特別精神。太太要了個米線，選擇了鹹蛋蟹肉，黑椒牛柳粒，墨汁墨魚餅，日式叉燒，炸單骨雞翼，檸檬茶。$92。清湯加瑞士汁，令湯底十分好味。鹹蛋蟹肉，顔色金金黃黃十分吸引呢。夠入味鮮甜。非常推薦這個鹹蛋蟹肉。黑椒牛柳粒，胡椒味比較濃，配牛柳粒好味。墨汁墨魚餅，外表黑麻麻，有咬口，味道不錯呢。日式叉燒，味道比起正宗的叉燒微淡。炸單骨雞翼，顏色金金黃黃十分吸引呢，除賣相不錯外醃製得也十分入味。我要了河粉，蝦湯底，豬軟骨，豚角煮，鹹蛋蟹肉，咖哩水魷，,牛栢葉， 加檸檬茶$109元蝦湯底，加xo醬非常鮮甜。加蔥花加炸菜。豬軟骨爽口。豚角煮味道不錯。鹹蛋蟹肉。鹹蛋蟹肉與太太的一樣，金金的顏色，十分吸引，令人見到都垂涎欲滴。咖哩水魷。水魷大大條，帶著少少煙韌，十分好味。牛柏葉十分爽口，帶著小小咖哩的味道，我非常喜歡，十分推薦這個咖哩水魷魚牛栢葉，不錯的選擇。飲品麥精味道非常濃郁，食了肉類再飲冰冰凍凍的麥精，非常消滯又好味。檸檬茶。食了肉類，飲這個凍

經常要自己一個人食晚飯，有時想簡簡單單食碗麵，車仔麵係最好不過的選擇黑布街有很多美食，要快靚正道地可以選擇呢間花臣車仔麵食過咁多間車仔麵，呢間算係好有心思而且較特別店舖以懷舊復古風裝修，同道地香港味道好配合一坐低又見到白兵默默拎住外賣企一邊，為店鋪加添一點玩味食物方面都幾新穎同有特色，牛粒、豚角煮呢啲餸都係好特別，唔同一般車仔麵檔簡單既豬皮蘿蔔次次食車仔都叫下叫下都忍唔住叫多幾個餸叫左牛腩、牛筋、蘿蔔同魷魚，特別喜歡佢既蘿蔔！整塊蘿蔔都係腩汁顏色，入味清甜而且唔會太咸，係難得令人滿意的蘿蔔！另外牛腩真係好抵食！竟然有大半碗腩肉仲要入味夠腍，下次食都一定要encore 牛腩！掙扎左好耐，最後都係決定試埋呢個咸蛋蟹肉$15一碟抵食，好多蟹肉，咸蛋味道唔重但幾香口好舒服既一餐

第一次見到呢間車仔面係晚上係附近食糖水，見到個人咁高的白兵模型， 而且望過門口的menu有好多選擇,所以今日行經過旺角就走黎呢邊食中午。門面藍色俾人一種好似去左台灣旅行感覺。喺門口劃左點餐紙，俾完錢后就可以搵位坐，地面得三張枱，有樓上雅座，交代一聲就會有人幫忙送餐，唔使自己落番黎拎。我叫咗牛孖筋腐皮墨魚條魚皮餃貢丸油麵。 另加腐乳通菜。腐乳通菜15蚊好抵食，菜新鮮，冇見到黃，排得好靚，腐乳另擺側邊。車仔麵湯底我揀咗腩汁加沙爹醬，沙爹醬亦是另外放在匙羹上，湯底都幾濃， 惹味。 油麵彈牙，份量都幾多。最愛牛孖筋及腐皮墨魚條， 牛孖筋最貴，12蚊，但有四大舊一對對的牛根，好入味腐皮墨魚條係我本身最愛，唔係度度地方有我fd 叫左車仔面蝦湯味，飲左啖，真係有蝦味架，牛腩都好大份，佢話味道幾好滿足的一餐

之前新開張嘅時候嚟到呢間店食野好似cafe嘅餐廳入到去先知係食車仔麵仲撞啱新開張 $20有三餸麵比$20我自己煮，都煮唔到啊！入到去就自己點餐，時代變遷，要用吓啲科技野冇咗啊姐喺隔離覆翻你「墨顯米線」，就自己睇清楚有冇落錯單喇坐地下嗰層可以望住出面，不過冇曬位，要坐樓上買完餐，喺取餐區等陣就可以拎star war都喺度坐陣！ 唔怪得個個坐曬地下嗰層上到去都坐得舒服嘅，有啲canteen feel餸: 泡菜餃、豚角煮、生菜 湯: 蝦湯麵: 油麵醬: 辣醬先唔加辣醬試吓湯底，真係有淡淡嘅蝦味泡菜餃好特別，少少辣又夠大隻，微微炸過豚角煮肥咗啲，但份量多$20呢個價真係抵到爛如果變翻原價應該要$50，又未免太貴最canteen feel應該都係呢個自行分類區，可以減輕員工工作，記得食完有翻d手尾

旺角雖然是一個很旺的地方（正如其名），但總有某些街角較為寧靜，不是很多人會到訪的，黑布街就是其中之一。雖然在球場則，但人跡都真的罕至。不過當你身處其中，就發現有不少隱世美食，這車仔麵店就是其中之一。為方便食客，點餸已用點菜紙，方便清晰。除了傳統的食品外，也有不少較特別的，所以一口氣也點了不少食物。不過在介紹食材前，先要說一說湯底，是非常特別的：蝦湯。有很香濃的蝦味，很少在車仔麵店中遇到，很不錯。食物方面，其中有四款是較深刻的。炸菜，雖然是是很傳統的食物，但在車仔麵中卻較少看到。脆卜卜的，少少辣，少少酸，味道不錯。另一款也是傳統食物，但會在較舊式的車仔麵才看到的，就是豬紅，也難得在這新潮的車仔麵店能看到。爽口的，不帶血腥味，很好。跟住卻是現今大熱的，其實可說是由古至今都受喜迎的：雞翼，而瑞士雞翼更是大熱。這裡的不但甜味足，而且肉質很軟，很易入口，煮得很好。最後算是最平凡的：生菜。以車仔麵來說算很不錯，很清爽，不會吸了很多油的感覺。可見用料夠新鮮。

呢日同朋友見肚餓喺旺角黑布街見到間裝修新潮的餐廳叫“花臣車仔麵”，見個名有心思得嚟又好夾旁邊嘅麥花臣球場就決定喺度食碗車仔麵。餐廳裝修型格，望落似cafe, 座位一D都唔逼夾，同傳統車仔麵舖好唔同。入到去地下3張枱都有客，原來仲有樓上雅座。2樓地方闊落，長窗前面有一排座位可以一路食嘢一路望街，感覺舒服就決定一次過叫晒自己鐘意食嘅餸喺度慢慢嘆。叫左6個餸嘅蝦湯底通菜牛展豬大腸蠔汁花菇豬皮牛栢葉薯粉($70)配大支裝可樂($11)。碗車仔麵真係好夠份量，蝦湯底味濃令到入面嘅餸更加好味，滑溜嘅薯粉加上蝦湯味就更加無得彈！地方就腳，坐得舒服，又可以喺cafe的環境下慢慢嘆車仔麵, 真係唔錯嘅選擇!

某一日係旺角搵野食時見到一個好獨特既餐廳門面，俾佢個名吸引左，就入左去食呢間車仔麵睇下有咩花臣。一入到門口先落單，再去取餐搵位坐，餸有好多選擇，唔只有傳統車仔麵既配料，仲好多特別既，例如有日式叉燒，玉子蛋，豬手，墨魚餅，真係會企係門口諗好耐。最後選擇左豬軟骨玉子蛋同腐皮墨魚條，湯底就麻辣湯加辣醬。店內有隻白兵拎住外賣鎮守鋪頭，一開始俾佢嚇親，但之後好似一路望住佢食野都幾特別。講番碗車仔麵先，比我想像中好食，有驚喜。湯底方面個麻辣湯不過不失，但辣醬有加分，食落唔係得個辣，有其他材料去提升左個味道。配料方面，豬軟骨都幾腍，但有部分肉就有啲柴，個人就推介玉子蛋，大大舊而且味道非常好，好有蛋味同埋甜度適中！食完發覺餐廳名果然無改錯，一碗車仔麵都可以搞到咁多花臣，配料多種類，配搭新穎，環境特別，如果食厭傳統車仔麵既朋友，推介黎試一試。

呢期迷上車仔麵，不停去搵唔同特色車仔麵店食，openrice左一下發現呢間新開左一排就決定去試～一行入去見到個白兵真係嚇一跳，不過有傳陪食飯幾開心～(本人乃starwars粉)都幾多餸揀，第一碗叫左必點油麵配韮菜餃、牛肚、蘿蔔同特長蟹棒。極度推薦個蘿蔔！啡色架超入味！可以叫2份哈哈～牛肚都好稔，欣賞佢個麻辣，小小麻又唔會辣死果隻，好香。另一碗叫左豬軟骨、玉子燒同魚肉春卷，被玉子驚艷左一下，因為比想像好吃太多了～豬軟骨亦非常入味，更要讚個米線軟硬度控制得好好，下次絶對會叫米線！配碟通菜就perfect！睇黎佢係李錦記fans

位於旺角黑布街74號地下的花臣車仔麵，主打港式車仔麵。餐廳的門口的主色為藍色，而且招牌是發光的，在遠處也能看到。餐廳的樓上也有位置，而且頗為涼快。除了一般的口頭點餐，還有電子點餐，午飯時間rush hour應該頗方便。首先是選麵的種類，之後可按需要添加配料，最後再選湯底和選加蔥花等配料。點餐後，便拿著單據到樓上等候。樓上的位置頗為舒適，而且桌面清潔得頗為乾淨。牆身用上了色彩繽紛的瓷磚，感覺頗歡樂。另外也有一排桌子是對著窗口，如果是一個人用膳，可以選擇坐這些位置，邊用餐，邊看外面的景色。車仔麵來到了，今次點了柱候牛腩、魚皮餃、芝心丸、生菜配米線，湯底則是清湯加腩汁。車仔麵的份量頗為大碗，米線的份量很多，男士也夠飽，芝心丸和魚皮餃煮得熟透，而且是用靚料，所以口感頗彈牙。點了生菜作其中一款配料，份量也頗多，一點也不吝嗇。湯底的味道也是頗濃郁，牛味香濃。牛腩如果煮得再軟少許會更佳。另外點了咖哩魚蛋配豬皮蘿白，咖哩汁味道香辣濃郁，吃畢後有少許香料的餘韻留在口腔。個人頗喜愛吸滿了香濃咖哩汁的豬皮，其他的配料如魚蛋和蘿蔔也是煮得頗入味。飲品則點了支裝忌廉，汽水雪得夠冰涷，味道解渴。

<旺角又有好食車仔麵啦 😈🍜>呢間喺黑布街既花臣車仔麵 三月先剛開 有時經過都冇試 以藍白做主題 感覺清新格調為主 樓上仲有位 👍🏻😄 今日做完gym喺極肚餓既情況下 就試左佢既車你麵 仲點左勁多餸添😂 1.🍴車仔麵車仔真既menu上面一般有 8, 10 同12 蚊既食物 自己點 風儉尤人 我就揀左麻辣湯底 最多點中辣 其實唔係話好辣 帶有d麻香 同油香 🌶 味道清 唔錯 1.粗麵🍜 蠔汁花菇 咖哩水魷🦑 10 蚊 花菇切成細人件好香甜入味 🍄 咖哩水魷就好爽口彈牙 😍2. 柱候牛腩🐮 炸豬扒🐖 墨汁墨魚餅🦑 鵝腸 12 蚊鵝腸勁多好有豉油香同軟熟 😈 墨魚餅完全黑色 好濃墨汁整成 手打夠哂彈牙😍 牛腩 個人覺得個味唔太柱候 但厚切有咬口 牛味香濃🐮3.新鮮綠既 通菜 🌿凍啡都係8 蚊 估唔到凍啡個味都溝得幾好 ☕❄ 4, 配左 xo醬 5 蚊Xo. 醬係比較濃同有沙既口感 加埋爽口既粗麵一齊食更惹味🍴咖哩水魷牛柏葉 25 蚊😍25 蚊睇落個碗好細 但其實勁多料 d新鮮爽口既黑柏葉 痴住哂喺底 魷魚係比較透明嗰d比較爽口同吸咖哩汁 味道都唔錯 😍Score 平均

最近試了好幾檔不同的車仔麵。論水準，應是以這一間剛開業不久的做得最好....一看店名，叫自己做"花臣車仔麵"，想必店內一定是在各方面大攪與別不同的東西。首先，一坐低後，便發現一個等身人高的星戰Stormtrooper拿著一個外賣膠袋，真令人忍俊不禁，確係幾攪鬼....在點菜上，可以用最傳統的在紙上劃啊劃，亦可以在櫃檯上的touch screen monitor點。我，是一個老頑固，還是前者的落單方式讓我舒服一些....在餸菜配搭上，看得出店主的確是想攪點花臣，其中有幾款的湯底及餸料，都是坊間較少見的....好像今天的這個蝦湯底，基本上普通的車仔麵舖都不會花時間去弄。湯呷下去，有微微的蝦鮮香，喝得出是真材實料的熬出來的，不過甜度上就稍略不足，這可能是跟熬的用料量不夠吧....但說實話，能在此類小店吃得到蝦湯底的車仔麵，已是很難能可貴的了....另外點的豚角煮以及墨汁墨魚餅都屬於非一般，較少有的車仔麵配餸。前者肉很入味，嚐得出酒香及味醂的甜，的確是和風的製法。缺點是瘦肉的地方偏韌，做不到進口即化的效果；後者口感彈牙，餅內是真的找到不少煙韌的墨魚粒，童臾無欺....簡單的，回到最基本的菜心，

好多時食車仔麵都係怕左佢會好污糟, 而且坐得又唔舒服, 仲係電子點單, 夠方便呢間店就完全FIT哂我處女座既性格 入面都好唔似係車仔麵店點完餐發現!!! 有我最鐘意既白兵FIGURE!!!哇開心到即刻同佢影相!!! 瑞士雞翼，豬大腸，黑牛柏葉，蘿蔔，麻辣湯小辣薯粉黑牛柏葉唔係度度都得!! 因為處理既手續煩好多, 而且佢又係比較好咬味的, 唔係個個都鐘意食, 但係呢間有真係令我好驚訝,吸收哂湯既味道, 真的不錯 蘿蔔又大又甜!!! 完全冇渣 瑞士雞翼一份有3隻!! 咁樣計都唔算太貴, 而且佢唔會太濃醬汁味道, 都幾入味下!! 正 最正都係個辣醬!! 下一次要試下個中辣至得!! 因為真係辣得好過癮!!

今日咁岩睇完NIKE 5人足球賽係附近搵食比呢間店吸引左, 主要係因為佢裝修得完全唔似係車仔麵店 呢間店除左裝潢比較潮之外, 佢既定位都係新潮一點自助IPAD點餐 食物既選擇都幾多下, 所有想食既都係度 我叫左既係牛孖根，豬大腸，牛肚，麻辣水魷，辣醬微辣河粉呢度我最欣賞就係食材價錢雖然係貴D, 但係份量真係唔講得笑, 我一開始以為係每份得幾粒, 所以叫左咁多餸 牛孖根：勁大抽!! 好淋滑, 而且好入味, VERY LIKE!! 豬大腸：平時見到個D都係細細條, 今次係一大條的, 而且入面係白雪雪, 表示係處理得好乾淨 

旺角多食店就一定啦、講梗閑閑地食餐飯一百幾十無走雞啦！點知俾我發現左間新開車仔麵店、做梗優惠、$20！無睇錯、係$20、食個麥當當餐都唔止啦！仲要係3餸麵！即去try try佢！店舖算整齊乾淨、要自己喺門口先買票點餐、再去取餐區取食物、不過當時晚市都開始多人、等取餐時就比較迫！店內突然有個外賣白兵公仔、仲要喺著水鞋同男友各點了$20餐、佢加多支樽裝忌廉+$11！佢有得免費加醬同榨菜...等我叫了墨魚條、蝦餅、魚蛋、加榨菜、加腩汁、加沙爹醬！佢好似話蝦餅係即叫即炸、又真係幾好食、彈彈口感，不過烏冬就林林地、麻麻地喇！另外男友叫左义燒、都幾好食、好夠味！$20優惠好似做到22/4、不過應該就算過了優惠期、都會再去try下佢推介既其他餸！

由instagram得知這間車仔麵店有開業優惠，三餸車仔麵只不過20元，優惠做到4月22號，便在今天有空立馬去試。這間麵店裝潢新潮，用天藍色作主色，你話是一間咖啡店我也信，裡面仲有個很大的白武士😂。雖然外面看這麵店好似細細的，但其實樓上也有座位，而樓下只有3張四人枱。點菜時簡直花多眼亂，超多選擇，而且每款都很吸引，有選擇困難呀！麵的選擇也很多，少見的薯粉也有，湯底的選擇也不少，特別在有蝦湯，見早前有媒體報導過它的蝦湯是自家製，用蝦膽蝦油加豬骨湯而製成，當然也要試試。還有很多配料可以加，例如加炸蒜、榨菜、芝麻等，非常彈性，也不用額外加錢。經過一輪掙扎後，我就選了這個combination一上枱嘩了一聲，20元這麼多，啲餸超大件，這算是正價也抵食啦，多到直情遮住左個薯粉底，就連配料也下得超多，一點都沒有因為做緊優惠而吝嗇。第一件事先試試個蝦湯，飲到有淡淡蝦味，但說真的不濃，也有點涸喉，比我想像中弱。不過，它的豬軟骨和蘿蔔超驚豔！豬軟骨有種日式風味，煮到非常軟腍，連軟骨都煮成了膠質，都不用咀嚼就在口中化開，而且有成兩大件，大推要點豬軟骨！而蘿蔔是另一不得了的餸，看它外表都知很入味，但通常這些