芽莊越式料理

营业中

休息中

第一次喺Moko穩食，諗咗好耐最後揀咗間朋友都接受嘅越式料理，自己試咗個蕃茄蟹檬，幾出色，蟹味十足，朋友試嘅芽庄炒飯亦都份量十足，生蝦亦有驚喜，想食越菜可以一試。

收工同朋友食飯，唸下睇下食乜，見到呢間食越南嘢，以前比較小食越南菜，但最近食過幾間越南菜都唔錯，之後就多食咗越南菜。今日亦不例外！軟殼蟹米紙卷——-軟売蟹咬落有質感，米紙卷沙律🥗菜爽甜，米紙卷煙靭黏口感覺的配搭有口感⋯⋯豬🐷腩肉———估唔到做得咁出色咁好食，腩肉又厚又爽口，醬汁味道特出，帶出腩肉更加滋味，呢個豬腩肉好食到不得了，仲有最愛既豬腩肉，仲有最愛既豬腩肉⋯⋯👍👍👍👍😂😂😂😂墨魚餅——墨魚餅爽口彈牙，香口又夠熱辣辣咖喱三文魚🍣扒——-咖喱香口惹味，三文魚味道也不錯😊🧄蒜蓉包———香脆，加上咖喱汁更加香脆好昧⋯⋯

週日晚7時左右、路經此越料店睇菜單、價單遍貴都算入內試吓便是、門口無笑容女生帶你坐卡位、坐低發覺對面坐位比對面枱加咗張椅變成凳頂凳、要求轉去小枱、條女即反面就話二人就要坐二人枱、我話我比三人的用餐費得唔得、有條男走過來大聲話你三個人我就比你坐、如果唔係坐番二人枱、又話一陣客多咁夠枱、挑！我入嚟食你一千幾百、出邊咁多運動、商場車站位又提早拉閘成個商場咁靜、咁嘅待客態度你請我都唔食、二話不説走人、等佢多番張枱留比人、樓上樓下重有其他食店、佢真係唔知客人都有權唔做佢生意。

來到了新世紀廣場，找了不少餐廳最後想要來吃越南食物，所以就選定了這一家。因為在減肥的原因所以沒叫麵，叫了一個淨手打牛丸湯，結果很好吃！牛丸很有咬口，也非常牛肉，然後配上湯非常暖心，大贊，會再來的。

經常到芽莊吃飯，港九新界設有分店，當想不到吃什麼，自然會來這裡。幾年前我對芽莊沒什麼好感，自從遇上它的河粉後被迷住了，順道多嚐不同菜式，發現當初不喜歡是沒對好自己口味來點菜，所以中伏率高。現在會挑了，炸物選擇多，又有湯粉與不少牛肉菜式，選擇很對我胃口。越式炸春卷的皮有別於中式春卷皮的口感，用的應該是越南米紙，吃起來像是咬上幾層東西，一同受壓碎開。中式春卷皮的口感則較單一實在，兩者相比，我更喜歡越式炸春卷的口感，它有更強烈的酥炸感。說實在我記不起饀料的味道，更別說放了什麼，單是沉浸在炸皮的酥脆感，已經足以奪去我的注意力😋這盤"植物"是配炸春卷同吃，每次來芽莊都不禁懷疑自己被當作愛吃草的羊😅 大量不經調味烹煮的新鮮葉子提供，但太草了，我就靜靜觀賞好了......這一盤植物是配河內生牛+爽腩粉，這些我倒是能用上，把它全放湯裡，可是感覺沒以前新鮮。以前只放兩三片辣椒已有很明顯的辣味，現在全放下去都不辣，青檸檬又乾得快沒汁。生牛肉粉驅使我經常回到芽莊，每次必點，不過跟前面提及的配菜一樣，湯底不及從前出色。沒有以前的熱騰騰，味道也沒有那麼濃郁，但是當下質素還是沒減少我回頭的意欲，誰叫我特別愛吃湯粉

個人都幾中意食越南菜，今次來到呢間位於moko嘅越南餐廳～ 午市套餐 $95，可以揀一個主食加一個小食～越南菜之中我特別中意食撈檬，所以今次又揀左撈檬嚟食啦～😌😌 撈檬可以揀燒牛肉、燒雞或者炸豆腐～河內魚餅首先我覺得佢落得太多油去煎啦...一咬就成口都係油🙈🙈 味道都幾鹹香，魚餅肉質都算軟熟～越式香茅燒雞撈檬先講燒雞，醬料入味，雞肉濃香惹味兼夠嫩滑juicy，可惜都係略為多油...🙈 撈檬味道口感都係正常發揮，不過不失～總結，食物味道不過不失，可惜略為多油，感覺冇咁健康😂😂 順帶一提，係午飯時間真係好多人好嘈...😂

讚真在係無彈1. 點啤酒，侍應幫客人倒，但倒瀉係地下又唔道歉，仲要隔左一排先抹2. 點牛肉湯，暖暖地既感覺已經好奇怪，好似煮好放左好耐咁，入口仲要鹹到痴線，有粒牛丸中間仲要係凍既3. 碎米飯，個蛋乾爭爭唔怪得無乜人

好耐無黎新世紀廣場食飯，見呢間越南野幾岩口味，晚餐時間趁無咁多人，就入去試試佢。話說上菜速度都幾快，值得一讚我地叫左個香茅串燒雞 ，3串（$70），我就最中意食串燒，呢個沙嗲醬好味，雞串燒得岩岩好，而且都大串，肉質鮮嫩夠juicy!再叫左個潘切生醃蝦卷 （$78），呢個不過不失，要落魚露調味。落左單之後再提供一碟青檸、紅青辣椒🌶️、香葉等等調味配料。我地叫左個手打牛丸粉（$70），牛丸都幾爽口彈牙，湯底吾算濃味，再落埋配料，辣辣地夠晒開胃最後叫左個椰青（$48），我覺得夠清甜，解辣一流！不過d椰青肉難以刮開黎食，而且椰青雖然大個，但椰清水份量吾多，好似有d浪費...雖然埋單300幾蚊吾算話好抵，但係呢間越南菜都算好味吾錯，可以再食！

同同事去moko食飯，見好耐無食越南嘢就衝咗入嚟。餐廳都算開揚，食個靚午飯絕對無問題。懶懶地叫咗兩個午市套餐($89)，不連餐飲。落單時問店員餐飲可唔可以轉做越南「熱」咖啡，佢話唔得，咁我哋就話唔要餐飲，佢話轉頭先叫餐飲(餐牌果4款)無得再享用加18蚊嘅優惠，要俾返正價價錢，咁都得?!唔俾人食食下先叫嘅~香茅雞翼炸得香脆，不過一食落就好大陣雪藏味。香茅串燒豬頸肉啱曬我哋呢啲食肉獸，啖啖肉，好多油份，亦有好香香茅味。河內雞絲湯粉湯底唔算太多味精，但得幾條雞絲。一碗湯粉要有嘅嘢佢都有齊，不過不失。鑊仔牛柳粒飯(+$18)加咗錢果然唔同啲。超多嫩滑牛柳粒，仲有細細粒嘅蒜頭，都算好味。

落雨濕濕又打風，當然係行下商場啦，行到攰，就入去芽莊食個飯先我叫咗個燒牛肉撈檬粉，真係頂瓜瓜，燒牛肉有2大條，奄得好入味，好香香茅味，燒得一d都唔乾，好有肉汁又好冧，不過d檬粉就少咗d另外再叫咗個牛肉湯河，湯底濃郁，仲配上一碟香草，任你落，清新嘅香味，正啊而且又叫多一碟炸越南春卷，又係有一碟新鮮蔬菜，食落一d都唔膩，好清新最後叫多一杯特濃越南咖啡，一上枱，好靚啊，三層顏色分明，但d煉奶就多得濟，我覺得太甜喇不過價錢就貴少少，依到已經要三百幾

同朋友約左係Moko 等，街完街見到呢度唔算等好耐位，就決定食呢間。見到隔離檯食既野都幾吸引。我地叫左碗生牛肉河、雞翼、炸春捲同蔗蝦加每人一杯野飲。我叫左啤酒。有2種口味揀（淡味同濃味）我揀左濃味。飲落唔錯，唔會太苦。生牛河唔錯，最緊要湯夠熱蔗蝦唔錯會配埋一碗菜同金不換。點麻醬唔錯,但我習慣點酸酸地既醬所以點春捲個汁食。炸越南春捲冇得輸新鮮熱辣加埋生菜包住食，真係份量唔會太小，3個小食(仲有個雞翼掛住食冇影到相😂）加碗河粉，2個人剛剛好。食物唔錯，下次會再黎

一講芽莊就知道係越南菜啦我哋兩個人叫咗一碗PHO 一碟鹹蛋黃炒飯加多個越南春卷越南河個湯底尚可 但碗野芽菜多過河粉🤣 越南春卷春卷皮都香脆但係太油了 鹹蛋黃炒飯反而係越南菜裏邊鹹蛋黃炒飯竟然地好出色啲飯粒粒分明鹹蛋黃好香 鹹蛋迷 一定要叫💕

今日去食芽莊， 其實一開始覺得價錢偏貴，仲要限時90分鐘叫左個芥蘭同埋生牛肉河粉，兩樣我都覺得好好味， 碗河粉好薄好透明，個湯好濃😃至於芥蘭都好好味，佢係菜上面灑左好多炸洋蔥，好惹味而家我無胃口，想食碗粉就會諗起芽莊🥣

芽莊是連鎖越南菜食店，幾年前開始進軍香港，依家分店越來越多，主要是喺大型商場，走中高檔越菜路線。以連鎖餐廳來説，芽莊的食物不算太穩定，各區分店水準亦很參差不齊，主要菜式如越南咖喱牛腩、生熟牛肉湯檬等等一般都在水準之上，但是有時餐廰太忙，都有失準情况。最喜愛的是這個蕃茄蟹肉越式湯米粉，蟹肉味鮮香配蕃茄湯一流併合！份量都算十分多，更有越式魚丸子、扎肉片等！另外一個煎豬扒越南撈檬，正合天時口熱，撈檬清香野味，塊豬扒亦煎得香脆，值得推薦！

從來都冇寫過食評 但係因係呢餐太難食激發我要上黎同大家分享 我叫左個set 有香茅豬扒飯加杯野飲首先個豬扒係我食過最難食既豬扒 好硬又冇汁 咬左好耐先吞得落 屋企冇落鬆肉粉既豬扒都好食過佢我朋友叫左碗雞扒撈檬 個雞扒有雪味 杯野飲係桃蜜柑桔 味都可以 但好甜 溝左半杯水先飲到個餐真係唔值80幾蚊 出面茶廳幾十蚊個餐都好食過佢