芽莊越式料理

营业中

休息中

牙莊水準一向平均，上菜速度亦快，侍應會不時人倒水生牛肉湯河湯底幾清甜，再自行加上辣椒，辣辣地幾開胃燒雞撈檬雞肉燒到好香又不會太乾炒芥蘭芥蘭好嫩，炒好後再加些花生碎和蝦乾，幾香口軟殼多米紙卷軟殼蟹有啲細隻，只食到蔬菜味、吾太覺食到軟殼蟹

每次去moko，同家人，或者有小朋友嘅聚會，普遍我都會選擇食呢間，因為貪佢坐得舒服，食物質素都唔錯，一碗麵都係65-78左右，價錢算合理。服務態度都唔錯，好少出現黑口黑面或者溜單嘅情況。經常都見到好多一個人食雙，因為好多二人位。而我每次都要點雞絲湯河，生牛腩湯河。今次選擇左一個烤雞！熱辣辣，皮脆肉嫩，配上一個類似芫荽蔥加橄欖油嘅醬料，意外好食！（起初睇相仲以為係雞脾)芒果沙冰濃厚嘅芒果味，38蚊一杯都算值。

上次係屯門食過芽莊canteen既生牛肉湯河之後一直念念不忘之後搵過佢既分店芽莊越式料理, 最近我係moko就有一間, 今日就特登去食個lunchmoko分店都幾大間, lunchtime都full house咁濟了,  坐低餐牌都唔洗睇, 目標明確等左陣就有得食~無令我失望, 賣相一樣咁靚!一絲絲翠綠既蔥花仍然呈粉紅既牛肉, 落入滾熱辣既湯浸一浸, 又嫩又有牛味跟粉上既香葉, 一樣係新鮮到好似成棵岩岩摘落黎比你咁~好滿意~湯頭一樣係濃郁而唔油膩, 要講同上次食唯一既分別就係, 上次湯河既份量係出奇地多, 今次哩度就變番正常份量, 不過都絕對夠食

作為一名健身教練, 食撈檬只需要用青檸汁平時成日係moko食lunch, 今日食芽莊越式料理, 平日lunch同下午茶時間通常排哂隊, 今日假期反而少人d, 唔知係咪因為假期無set叫既關係呢?燒牛肉撈檬平時都係食生牛河多, 今日有d悶熱想食d無咁熱既野, 就揀左依個撈檬。菠蘿切成細細粒一口size, 係甜既, 牛肉就無乜特別, 但係當所有配料撈埋一齊食既時候就係另一個層次! 洋蔥好甜, 菠蘿多汁酸酸甜甜, 牛肉醃過既香, 擠埋另配既新鮮青檸撈一撈, 酸酸maymay又有燒牛肉香, 係好食既一楷青檸唔夠撈, 問店員拎多兩楷都無問題仲立即送上, 健康開胃又好味

不久之前，曾經迷上芽莊的番茄蟹檬，差不多每星期吃一次。而今晚晚餐又未有著落，一於試一下。由於正值新年的關係，雖然只是六時許，但食客不絕。餐廳的裝潢雅緻，而且燈光柔和，感覺幾舒適。河內番茄蟹檬$80這湯檬有一小件蟹、兩顆蟹丸及兩片扎肉，而肉末更少寥寥可數。相比之前吃過的番茄蟹檬，感覺水準有點兒下滑，或許是新年吧！扎肉爽口有肉味，而蟹丸亦鬆軟有蟹味。這番茄蟹檬的味道唔差，但蕃茄味不太濃香，亦只能隱隱約約的嚐到蟹味。或許湯底蕃茄味濃厚一點，可更合意。順化蔗蝦$82這蔗蝦的蝦膠實在單薄，只是薄薄一層的黏上蔗上。吃起來有點乾身和韌，然而沙爹汁香口惹味，令蔗蝦濕潤一點。是日晚餐沒有預期的好，但味道ok，整體感覺還是可以的。

It was a busy dinner. My husband And I waited around 15 to 20 minutes. The manger is very accommodating and helpful even they are very busy. We ordered immediately because we only have 75 minutes to eat and this is understandable since they are very busy. For me I ordered chicken salad and for my husband is braised pork belly in coconut juice and steam rice then we shared the pork and shrimp spring roll and and tossed chinese kale. My chicken salad is really good full of flavor but well balanced

幾年前曾到過尖沙咀店，印象不錯，今晚碰巧在旺角消費，看看質素如何! 餐桌已提供調味的魚露，下單後再提供香葉、青檸、紅辣椒等。河內牛爽腩粉 ($78) 牛爽腩味度適中，河粉薄，加入香葉或其他配料會令湯頭更鮮甜。河內生牛肉粉 ($75) 喜愛吃生牛肉之食客必選，爽河內生牛+熟牛肉粉($85) 可享受兩種不同口感的牛肉，正!河內蕃茄蟹肉湯檬($80) 蕃茄湯味適中，有扎肉及蟹鉗等材料，如蕃茄蓉及蟹肉份量多一點會令整碗湯檬更豐富河內魚餅撈檬( $75)魚餅外皮呈啡色，魚肉爽滑，好味燒雞撈檬($75 )排得很整齊的燒雞，表面微焦，保留肉汁。越式燒雞(半隻 $168)燒雞肉質鮮嫩，調味恰到好處，雞皮微脆，上色很美，又有燒雞的油脂香味，非常好吃香茅雞肉串燒($70) 雞肉串燒富肉汁，肉質嫩滑，調味稍濃，用鐵板上，鐵板上有惹味的串燒醬汁。香茅豬頸肉串燒($80)同樣用鐵板上，肉質彈牙有嚼勁，豬頸肉的油脂在咀嚼後慢慢滲出，味道很好，不用沾鐵板上的醬汁已有驚喜 餐廳定價方面較大眾化，用餐有限定時間，但勝在上菜快，肉類、河粉及檬粉等食材均有質素，份量足，又可自行調整不同酸辣度，讓味蕾有不同層次的享受!

天氣也真的開始熱了 . 忍不住吃些冇咁熱既撈檬 這間芽莊性價比是真的高 星期五晚都唔使等好耐，而菜單價錢親民在這裡消費滿$300 以上，仲可額外多一小時泊車，兩小時也夠free parking 了食物方面，我們偏向喜歡散叫不喜歡吃套餐，這間散叫也合理香茅燒魚大大條，燒得剛好不會過油為了去除魚腥，餐廳用上了四片檸檬🍋放去面一起燒魚不腥更有清新的果香旁邊有越式酸甜醬，配魚很開胃呢芥蘭苗這個菜超讚！芥蘭苗很嫩！也大大碟炒完加上魚露，面撒上香口花生碎及魚干超香口惹味 脆皮蝦卷撈檬 這個蝦也烤得脆口，蝦肉新鮮 撈檬夠凍，材料也算足 Overall 是性價比高的餐廳，位置方便

今天突然想吃越南菜，最後決定和同事放工後到公司附近的新世紀廣場覓食。來到這家芽庄越式料理，看起來店內燈光比較暗，有情調，感覺relax， 最後決定這家。我們一共3個人點了6個餸，魚，肉，青菜，主食...首先，一定要推介是香茅燒魚，魚好滑，配上醬油突顯鮮味，還有青檸，香茅，香葉作配料，是很好的配搭，而且每種配料的味道都很平均，好地道！西貢牙車快是一個沙律，有雞肉，洋蔥，乾蔥，蘿蔔等配上沙律菜來吃，清新帶點香口。串燒和炒米粉不過不失，沒什麼特別，味道還可以。6個餸HKD686，在新世紀廣場內，還算合理，而且每個菜的份量也不少。總體來說，放工想找個地方一邊聊聊天，一邊吃晚飯，想坐耐一點，這里是個選擇。

一年冇黎啲嘢已經唔同晒。我同我女朋友星期六排隊等30分鐘然後後面有三個人遲來先上岸唔使排隊早過我哋入。個帶位完全唔知訂。我然後話要投訴，個肥經理話有得佢哋投訴。張枱又冇抹，地下有啲食剩嘅食物。我叫咗乳豬、兩個粉、一碟沙律、一隻玄學蟹，啲嘢又貴又細件，兩位食咗成$700都唔飽。以前$400已經可以食飽依家啲嘢縮晒水。隻乳豬大半係骨，軟殼蟹梅梅地，又唔爽口。淨係得返啲麵係正常。以後唔會再去依間垃圾餐廳食！

新年好多小店都唔開，唯有去商場搵食！見都好耐無食越南菜，食個生牛河都唔錯！越黎越多越南菜，不過芽莊依然係品質最有保證因為當日已經係下午茶時段加上新年期間，店內只有幾檯客，可以靜靜地食餐飯。必叫既生牛肉河！湯底好清甜有淡淡牛味，河粉非常滑溜，牛肉份量亦非常慷慨。店鋪會另上配料如辣椒同青檸，不過辣椒都幾辣，唔食得辣記得唔好落太多。蒜子炒通菜，通菜好嫩，炒完顏色依然翠綠無變黑出街最驚炒菜好多油，好彩呢度無呢個問題！佢有新鮮蒜子亦有炸蒜，食落更香口。軟殻蟹米紙卷，呢個就麻麻，軟殻蟹已經唔脆口而且全部皮都痴埋哂一齊，要出啲力水先可以分開每一舊。不過配料都多挽回番小小分數！開左咁多年食過唔同分店，都係一樣既味道，特別係生牛河真係好正！

這天在旺角東站附近吃午餐，看到這店環境不俗，就入內試試。一般餐廳在星期一至五的中午時段都會提供午市套餐，價錢會比從主餐牌點餐便宜一點。我們坐下後問服務員取午市套餐餐牌，原來這餐廳是沒有午市套餐供應的（下次進入餐廳前還是先問一問較好）。我們在主餐牌選了一碗手切上等牛柳河粉和一碗燒豬扒撈檬，服務員說若加點飲品可獲半價優惠。手切上等牛柳河粉先送上，牛柳的牛味很濃，肉質也嫩滑，但是只有幾小片，分量實在太少了，河粉則爽滑分量多，湯頭也很不錯。燒豬扒撈檬接着送上，豬扒很大塊，燒得很香，味道很好，檬粉則較少，加上桌上的酸甜汁後，令人胃口大開。這店環境舒適，侍應有禮，食物美味，若有午市套餐供應就更好了。

其實香港有好多話自己好正宗嘅越南菜，但偏偏我覺得好多越南菜嘅環境都唔係坐得太舒服，但係芽莊間間分店個環境都唔錯，座位舒適，食物水準都好高質素！今次第一次食佢個牙車快原來好大個 portion，個醬汁好香，啲菜又新鮮，好好味呀🤤 佢個春卷一份有三條，剪開有六份，其實都幾多，好香口好脆，但略嫌佢比嘅生菜太少，只係得三塊，反而薄荷葉就好多！佢個燒雞撈朦啲燒雞即係串燒嗰啲，肉質唔會太乾，好味👍🏻但係啲芽菜太生食唔到！如果下次想食越南菜我都會揀番佢！

今晚一行四大一小去到越開越多分店嘅芽莊食晚餐，拖住一小就要搵一間坐得舒舒服服嘅餐廳食飯，好好彩星期日夜晚七點都唔太需要排隊就直入左啦。雖然佢越開越多分店，但係其實我都只係第一次嚟食，總係覺得呢一類型連鎖嘅越式料理餐廳，來來去去都咁， 唔會太好食，所以都冇抱太大嘅期望。但係今日一試，我又有點改觀。蒜子炒通菜 炒得非常之香，炒得入味可口惹味，比我預期之中好食會安炸軟殼蟹卷 軟殼蟹炸得唔夠香脆，但係加上生菜同埋米紙之後，都唔錯，但比較淡口，但又冇配上醬汁，所以普普通通。炸蓮藕魚肉夾 喺出面嘅食肆冇見過呢一種嘅菜式，佢係兩片蓮藕之間夾着魚肉再炸，炸得幾香口，但係炸得比較乾身，所以味道一般。芽莊炒飯 有一啲類似臘腸嘅豬肉加上雞蛋同菜一齊炒，上到枱面略嫌唔夠熱，但味道可以接受。香茅燒魚 燒得非常香，加上佢嘅秘製嘅香茅醬汁，食落多汁又可口，非常唔錯，加上青檸提鮮，整體唔錯，值得一試。越式燒雞 燒得皮脆肉滑，而且唔會乾身，保持到雞肉嘅嫩滑，沾上蔥油醬汁，味道好好，好惹味，值得一試。河內番茄蟹肉湯檬 蕃茄湯非常之香濃，加上啲蟹肉變得很鮮甜，檬粉煮得啱啱好，唔會一夾就散，最怕啲檬粉好散散碎碎。而且味道好好

也有一段時間沒有來芽莊了，今次一行三人來晚飯，過過越南菜的癮。一如以往，必點的河內生牛肉粉($75)。湯底的香味和味道不算濃，牛肉大部分是生的沒有在送上來之前被弄熟，也切得夠薄，所以質感也夠滑。因為我們食飯時要有蔬菜，芥蘭苗($48)也是每次要點的菜式。驚訝地，在這裡用餐都有上十次，今次竟然會是煮得最淋的一次。不要誤會，淋的意思不是過分、煮到快爛的淋，而是最容易入口、最容易食的一次。對於同行的一位牙力不好的長者來說確是適合，對我來說也十分容易入口，加上菜面的花生以及蝦皮，香味提升。清沅蒸粉卷($78)在越南餐中少不了。皮薄，裡面的餡料不算多但也是香的，兩款四塊扎肉在面卻少了點。味道是可以的，但這道菜索價就高了點。原本我們都吃得差不多了，但看見隔壁吃的一碟蓮藕魚餅好像不錯，又未曾食過，就要一碟試試。我不清楚這道菜在餐牌裡的名稱。食物是用兩塊蓮藕夾著魚餅，然後再拿去炸。是挺香口的，也有點熱氣，可以夾著碟中間的紫蘇葉吃。蓮藕較爽口，不怎麼「粉」，魚餅也是跟其他菜式一樣的魚餅，沒有特別。其實這道菜做法簡單，$60一碟沒有味蕾上的驚喜，試過就算了，未必會回頭。這裡是有限制用餐時間的，如果想跟朋友