芽莊越式料理

营业中

休息中

是日放工與男朋友打算moko覓食，因為很久没吃越南菜就決定去芽莊。七點半左右到達，店內8成滿，不用等位便可入座。餐廳空間感尚可，不算迫狹，只是比較嘈吵。食物種類挺多，春卷、濱海、河粉、檬粉等每類都有數款選擇，而價錢屬中等。我們點了兩碗麵及一個小食，上菜速度幾快 當中我最推介的是蕃茄蟹檬。平時食越南菜都會首選撈檬，但身為蕃茄控的我，看到menu上的河內蕃茄蟹檬($72)又怎能放過它呢？ 茄湯有濃濃的蕃茄味，驚喜的是嚐到湯中有蟹味。店家應該有加蟹與蕃茄熬湯，而非光把蟹腳放在麵上而且起初以為所謂的蟹檬只有蟹肉碎，但竟然有一隻小小的蟹腳。雖然肉質不算鮮美，但也算小小驚喜男友的生牛+爽腩河粉($78)，他特別要求要把生牛煮成熟牛我嚐了幾口，河粉幾滑，牛肉片淋身、易入口，牛腩則有點硬。會安軟殼蟹卷($78)，它的春卷皮是蒸的，不是炸的，加上卷內包上了不少瓜菜，感覺清新不油膩至於炸軟殼蟹則略嫌不夠脆。整體而言，食物質素不俗，價錢合理，可以再來

I was craving for vietnamese food tonight so I suggested to go to this restaurant, I've been wanting to go there since I saw it. The place looks fresh and modern and I like the lemongrass smell. We didn't really want any rice or noodles so we ordered lots of snacks. Chao Tom:😆It is actually shrimp paste on sugarcane, it is one of my favourite dishes. But the both the shrimp paste and sugarcane are massive in this restaurant. The shrimp paste was tasty with perfect seasoning and crunchy as well.

其實我都幾中意去Moko行街食飯，因為好快可以返到屋企（笑）呢晚朋友仔就哂我喺Moko搵食，就揀左芽莊。呢個牛肉撈檬，啲牛肉碎到好似碎牛咁，賣相都可以啦，味道普通，其實檬粉呢家野都唔會整得唔好食的，自己撈啲酸辣醋汁又係咁上下啫。蔗蝦賣相正常，蝦肉亦好彈牙，味道係唔錯嘅，但旁邊碟汁咩味？食唔出，我覺得可以有另一醬汁提昇食物美味，有進步空間。呢碟炒芥蘭，睇menu張相唔係咁㗎，似烚菜啊！清到呢，如果病緊要清清地揀呢碟就岩啦，好清淡啊。呢個釀尤魚筒。。。乜黎㗎，我未食，眼見到朋友扯住塊尤魚咬極唔斷，似係食緊擦膠 ? 定係橡筋? 嚇到我影佢相都手震埋。。最後叫佢cancel我地咬唔開，佢仲話攞刀叉俾我地食喎，不過都係cancel好啦。取消左橡膠尤魚筒，我地叫多個雞肉串燒啦！我想講串燒都整得正常嘅，都幾好食，如果沙嗲汁多d仲好啊。

第1次去moko依間dinner, 去到大約7點半pm, 唔駛等位就可以直接入座。生牛肉湯河- 本人必選, 湯底濃, 牛肉又好味。軟殻蟹紙米卷- 熱辣辣又好脆既軟殻蟹配埋醬汁, 正!!燒雞撈濛粉- 普通但燒雞好滑 唔韌最後食番碟芥蘭苗- 綠油油, fresh雖然入座時已表明用餐時間45分鐘,但上菜快,有充足時間食,加上個晚未滿座,所以食完仲可以坐係到傾下計,店員又好nice,經常refill水俾我地。 A great dinner!

本來打算食school food， 後來見到芽莊便入去試下 餐廳裏面燈光柔和情調不錯， 坐下後 我們看了 餐牌食物 相片影得不錯，後來我們點了燒豬扒撈檬、 雞絲湯河 和咸青檸梳打， 不久侍應已準備好兩個碗兩隻碟不用我們叫他已拿給我們，不久食物便來了， 沒想到雞絲湯河湯底十分鮮味、 味道很好， 吃不到味精只有天然調味料， 而豬扒撈檬的豬扒味道醃得十分可口， 食完不會有口渴的感覺， 咸青檸梳打也很可口， 打算下次約朋友來吃， 意想不到 美味👍👍👍

阿媽就飛越南，我同老豆就前一晚走去食越南野。芽莊我之前有食過，我係唔會忘記佢個芽莊牛油雞翼同生牛肉河!! 不過因為要就老豆，我只叫雞翼，另外三味比佢揀(係，我地兩個人食四樣野)。枱面有好多調味料任用牛油雞翼真係好邪惡，老豆只可食一隻，其餘三隻我既。佢炸得真係好酥脆又重牛油味，我去親都一定叫。安南藕苗蝦沙律係老豆揀既，我一見到啲紅蘿蔔同洋蔥就沉左一沉(我係偏食仔)。我只食藕苗同蝦，第一次食藕苗有驚喜，爽口又酸酸地唔錯!魚餅檬粉啲粉係正常既，但啲魚餅好腥，雖然好彈牙，但佢鯪魚味太重我唔鐘意老豆覺得ok喎~~最後係呢個拉椰葉燒牛肉，原本我無乜期待，因為覺得啲牛肉咁包黎燒一定又柴又乾。但係!!! 但係!!! 拆左啲葉一咬落去好冧，同我想像既乾柴好得多啲牛肉係由好多薄牛肉片卷埋一舊而成，仲有甜味添，所以我比五分佢我地無浪費清哂所有野，好飽，跟住老豆話行去深水埗食糖水喎......

即興入moko行街，本身鐘意食越南菜，有聽過芽莊呢個名，右唔使排隊，所以入去試下！(軟殻蟹卷，本身有4件）我抗拒唔到軟殻蟹，所以叫左但試過之後，我唔推介大家第一，粉漿味好重第二，隻蟹未炸透唔合格名叫：新鮮菠蘿冰可能係我誤會左，我以為真係新鮮菠蘿（圖片真係新鮮菠蘿樣），但一飲係（罐頭菠蘿+雪碧）味炒BB芥蘭，ok叫左2個左粉：河內魚撈檬（上圖）生牛柳河粉（無影）都幾好食

今日在MoKo 商場尋覓晚飯，打算食下越南餐，就來到這家芽莊...總共點了3 樣食物。1. 蒸粉卷圖片非常精美，原本非常期待，可惜到達的時候，賣相出事，爆開了，入面的材料都明顯外散。2. 碎米飯D米真係碎，其他配料中，有一樣裡給我非常深刻，有一個疑似橡筋的東西，後來問店員，原來係豬皮，但係味道就出事了，我自己不太懂得欣賞。3. 越南爽牛腩粉牛腩夠爽，牛根與肉的比例適中。 牛腩可以再爽一D。 有進步空間。越南餐廳來說，這次真係唔太ok，期待未來的進步

嗰日同朋友去食飯，食物味道還算中規中矩，但店員的態度非常惡劣，首先以聽到他們對其他客人用詞非常不禮貌，而且還有幾個店員圍埋一齊講客人壞話⋯到我埋單的時候想取回收據作泊車優惠之用，但店員非常晦氣，一副覺得麻煩的樣子，結果要我三催四請才可拿回自己的收據⋯我和朋友絕對不會再幫襯此店！

之前係銅鑼灣食過佢哋嘅分店覺得幾好食所以再嚟食上次因為朋友請所以冇乜睇價錢依家睇返原來都幾貴商場有個app可以攞定位先所以唔駛等好耐就有位坐低就點左我最鍾意食牛油雞翼雞翼炸得好香脆但雞翼本身味道比較偏淡所以佢都有跟埋一個辣醬個辣醬味道都算偏辣唔食辣嘅就唔好點啦跟住仲叫咗個軟殼蟹卷雖然係卷物入邊但係軟殼蟹仍然香脆伴隨嘅蔬菜亦都非常清新亦都中和左軟殼蟹嘅油膩感

Tried the afternoon tea set which you can either choose appetizer + main course, main course + drinks or appetizer + main course + drinks. The spring rolls are good but not like extremely yummy and the cold vermicelli is a bit plain tho. But i do like the chicken that comes with the cold vermicelli because it has a buttery taste and the meat is very soft and juicy which give this dish extra point. The set i ordered comes with a drink and I've the lime soda which is very simple but too sweet. The

芽莊既烤牛肉撈檬好乾，要落哂成樽檬汁先好啲冇咁乾，但個檬汁唔夠酸，味道大打折扣。雖然都有啲菠蘿撈下檬粉開胃啲，幫唔到太多。牛肉烤得都算唔錯，仲食到啲肉汁，呢度就加番個檬粉少少分。大大粒魚餅，其實係即炸鯪魚肉😂呢個比烤牛肉好味，酥炸外表，混入清爽既馬蹄，適中既胡椒調味，去除魚腥，剩下魚鮮。不過芽莊最大問題都係啲撈檬唔夠味，希望可以改量下 lol

自新世紀廣場完成裝修後遲遲沒有機會造訪閒逛，今天機會來臨。午膳時間隨意挑選了芽莊越式料理用膳，餐廳內部簡潔年輕，座處尚算舒適。 午市套餐 $72 一份，包頭盤主菜各一，飲品另加錢。以香茅雞翼作頭盤，雞翼炸得稍乾身老火，口感略實，香茅惹味感一般。 主菜生牛肉湯河粉，牛肉經浸煮後約八九成熟，肉香及質感均有所交代。湯底略帶甜味，爽口佐料如芹芽菜及洋蔥等份量不少。因飯後略感口渴，相信湯中「師傅」不少。 以 $16 追加咸檸梳打一杯，鹹甜相碰陳年風味是筆者喜愛的特飲之一。

星期五晚下班時朋友即興約食飯，當然沒有問題啦，但是週末前夕沒有預約又不想光顧茶餐廳才是問題。在商場隨意看了幾家餐廳都許多人在門口等候，見到芽莊比較少人等候便決定吃越南菜。未進餐廳已感受到侍應的負能量，在門口派輪候票時非常黑面，等了約15分鐘左右有位，帶位的另一侍應把餐牌用力掟在桌上。員工態度很麻麻，食物水準倒是還不錯。本身不知道什麼是車牙快，看圖應該是沙律類。有椰菜絲、青瓜絲、蘿蔔絲、雞絲等，說不上很新鮮，再淋了少許魚露及醋，屬清新開胃之選。金歐燒蝦卷簡單來說就是米紙卷包著粉絲、青瓜絲和蝦，點些魚露後蝦的鮮味更加提升。河內生牛+爽腩河粉河粉夠爽口彈牙，爽腩入味，連不太喜好河粉的我都忍不住多吃了幾口。芽莊的食物整體尚算不錯，可惜員工態度欠佳，即使想再食芽莊都應該會選擇其他分店。

循例講下野食先入正題，話説上次試過"蟹肉煲"真係超咸，但分量算係多，今日食左春卷 魚餅 同撈朦，味道全部都可以既，只係偏咸，愛重口味的應該接受到。 但今日要講既係服務態度，第一次叫左短髮員工加d水，佢話等陣，但冇左件事，好啦，又隔多陣，再叫加水，同樣地又係等，等冇所謂，但我認為加水係咪可以優先過佢掃地？ 掃完仲要聽到佢推比第個，第個又5肯去，咩態度？再黎就係找錢！成餐飯$266，我比$566，我以為佢忙啦，但等左好耐都冇找錢、定佢覺得餐飯值300蚊tips？我正係見佢已經係到低頭埋今日既數，真係火都黎，最後要自己行去同佢講冇找錢。總之無下次！