荔園茶餐廳 (已結業)

早排成日落雨，今日終於好天，出尖沙咀行個街。行街行到餓，咁就梗係去食野啦，經過見到荔園開左茶餐廳，好似幾有趣，咁就入左去。下午茶梗係要食西多，而呢到唔止有西多，仲有温泉蛋西多，一切開，啲蛋漿就流曬出黎，西多士又香又脆，加埋温泉蛋可謂味道一絶。餐廳環境黎講呢到都幾好坐，燈光足夠，周圍仲有好多得意靚畫，下次有機會經過，會試埋佢其他野食。

在家中是孻女的我童年時跟爸爸拍拖的日子特多，廟街、香港動植物公園、虎豹別墅及荔園是我父女倆的拍拖勝地，就算爸爸要返下午班在我放假的日子他也會一早帶我到快餐店吃罷午餐才返工，尤記得大X活的原條燒肋骨及7仔的1公升汽水我們經常一起去嘆！ 所以得知尖沙咀開了荔園茶餐廳我當然要第一時間去懷緬小時候的情懷吧！ 餐廳內當然少不了荔園最出名的動物，如吉祥物老虎仔便作了店家的招牌！ 天花掛有數隻木馬作裝飾，旋轉木馬在大家心中應該留下不少烙印是嗎？ 這個會響噹噹的船相信是唯一不令我暈浪的船吧！ 而餐廳牆上亦都掛滿了不少昔日荔園的地圖畫還有大像天奴的肖像，我好記得天奴好曳㗎成日噴水落遊客處。 餐廳門口更有爆谷賣盛惠25個大洋！ 這一晚我跟友人坐在於畫滿荔園情境的壁畫下的卡座下用餐，在這環境下吃得更有感覺！ 而我一早就盯上這個鮮菠蘿冰＄31，菠蘿冰係我自細到大最愛喝的茶記飲品，這兒的出品更會附上半個新鮮菠蘿，真係又好玩又好飲呀！ 原本諗住菠蘿自己榨汁會有些困難！但其實又很容易只須三兩下手勢已經榨出不少新鮮菠蘿汁了。 將鮮菠蘿汁注入餐廳已預先準備的氣水底中，香甜的新鮮菠蘿冰就誕生了，是否因為自己動手做的關係

荔園, 相信是屬於不少人的童年回憶, 那黑白階磚有勾起你在園內玩耍的情況嗎? 非常有親切感的佈置, 彷彿把我帶回那些年!公園地圖的遊戲設施還依稀記得, 小露寶、大象甸奴.... 荔園的標誌, 一進店就看到. 再看就找到旋轉木馬的元素, 很有童真. 愉快的感覺立即湧現. 荔園的鮮菠蘿冰讓我了解到何謂真正的菠蘿冰。一杯梳打、菠蘿肉，還有半個新鮮菠蘿，自己動手把菠蘿搾汁，再倒入梳打内，清甜不假。 炸雞脾沙律無論兒時或現在都十分流行， 以為沙律是茶餐廳那款拌滿白色沙律醬有雜豆薯仔，誰知已跟著時代轉變，換上健康沙律菜拌黑醋汁。沒想到雞脾可以炸得這般脆而不乾，肉汁仍在，即使放涼了才吃，皮依然夠脆而不油膩，實在令我喜出望外！ 沒錯，西多士屬十級邪惡食物，不過這份焦糖溫泉蛋西多士卻沒洧來勢洶洶，反而多了一份令人心動之感，因為西多士上的溫泉蛋！飛走牛油，蛋漿緩緩流出，把切件西多士沾上滑滑的蛋白加上焦糖漿，比起傳統的糖漿甜度減半，但口感依舊。 我想焗豬扒飯該入選香港十大喜愛食物之一，身邊有好幾位朋友每逢外出餐，都會點這飯。焗茄茸雜菜豬肉眼扒飯, 豬扒厚切，有嚼勁是十分抵讚的，最怕吃到

説起荔園相信很多香港人也不會陌生，但對於我這個90後來説，談起荔園只會聯想到暑假在中環海濱公園開的樂園。今天在尖沙嘴，路經加連威老道，發現有間新茶餐廳，走香港本土路線，以荔園為主題。碰巧是下午茶時段，便跟友人來試試。我點了蒜香豬扒配雜菇喇沙湯米粉 ($48)，雖然只是下午茶份量，但豬扒份量夠多，鬆化有口感。喇沙湯底也很香濃，米粉索乾了喇沙湯，非常惹味。朋友叫的豬扒岀前一丁 ($48) 也不過不失。咖啡很大杯，味道也不錯。朋友的檸水下午茶十分掋食，無需加一，每人$50也不用。

難得準時放工，偏偏屋企冇飯開，咁唯有周圍揾下野食啦。係地鐵站附近揾下就見到呢間，心諗是但啦唉，入去先講。可能香港真係冇乜人可能準時收工，一入就有位。呢間野裝修都幾好，再望下望下我先醒起，以前個樂園都叫荔園。叫左個個名好長嘅焗芝士石班飯，因為係焗飯所以都要等幾耐，於是係到    周圍望人地d野食。其實附近枱d野食都幾吸引，又咖哩又炒烏冬咁，等到我越黎越餓。結果15分鐘左右，個焗飯終於黎左。係老遠望到個飯賣相好似唔差，食落冇望落去咁膩，個炒飯底都幾多蛋，飯又夠乾身，而作為主角嘅魚，肉質嫩之餘唔會散開，但味道就比芝士影響左，整體黎講都唔錯，比一般茶記好。

我腦海中的荔園是怎樣的呢?  一入荔園閘門，抬頭便看到那架小火車、噴水大象、划小船、擲階磚等等.......這晚去到荔園茶餐廳，牆上有不同時期的荔園圖像， 讓我勾起不少童年回憶。去茶餐廳嘛！當然是點茶餐廳經典，炸雞肶沙律及黑牛，大家也會認同吧!好欣賞這個 荔園招牌炸雞髀配有機田園沙律hk$58，以沙律菜代替沙律醬沙律，健康有營。更讓我邊吃邊讚的，因為一點也不油膩，皮薄脆口，沒有多餘油脂，雞肉部份還有鮮甜的肉汁，就算放涼了，也不會有乾硬感。黑牛hk$31，冰凍可樂加一球朱古力雪糕，好鬼正!  Sha sha sha .....想不到這裡也有喇沙啊!  老虎蝦雜菇椰香喇沙hk$68，材料不弱。看湯底的色澤，想必不太辣!  但當我一口咬下時，那股辣勁直逼喉嚨，一邊說辣卻一邊在吃，辣的食物總是惹味。不過，略欠椰香.....西多士亦是必點的， 即叫即製，又軟又熱，怎能錯過!  更何況是焦糖溫泉蛋西多士HK$36呢！戳破蛋液， 以焦糖代替糖漿，想不到又幾好味啊！ 完全沒有罪惡感!雖然已經好飽，但看到鄰座的Dino咖喱飯實是吸引，就外賣留待明天午餐，咖喱都是隔夜會越好味的!DINO噴火咖哩配煎香草雞

荔園開咗茶餐廳，純粹係肚餓經過，就入黎試下。Menu入邊都有幾多唔同又特別嘅選擇，我係菠蘿冰同黑牛之間掙扎左好耐，最後都係揀左聽落健康啲嘅菠蘿冰。黎到之後又有驚喜，菠蘿汁竟然係自己整，係幾過癮，飲落略為太甜，但啲菠蘿幾好食。野食方面我就叫左個焦糖温泉蛋西多士，糖漿轉用焦糖，幾好食；温泉蛋同西多士我真係未食過，但係又出奇地幾夾。成個西多最令我出奇嘅係冇花生醬，平時食曬成塊西多會覺得好膩好辛苦，但呢個冇帶咁嘅感覺比我。呢到嘅西多，值得一試。

盛載著無數港人童年回憶的荔園今年又再重臨了！不過這次不是遊樂場形式，而是破格地以香港獨有的飲食文化 -茶餐廳重現經典情懷。荔園茶餐廳位於尖沙咀The One 對面，為人熟悉的荔園吉祥物－老虎仔，就站在茶餐廳大門作「生招牌」迎賓。荔園作為香港品牌，可說是家傳戶曉，今年原來正值荔園成立68週年，開設這間全新概念打造的茶餐廳，延續樂園「簡單的快樂」精神。餐廳設計用色以綠白相間，保留昔日樂園的神髓之餘，懷舊中卻又注入清新氣息。記得以前小時候總是要嚷著去坐旋轉木馬，茶餐廳天花上掛著旋轉木馬吊飾及拱形木吊燈，彷如置身於迷你荔園遊樂場般夢幻。餐廳內設有卡位，坐得更舒適寬敞，很適合一家大細來這裡追溯快樂無憂的美好回憶。整體室內風格和諧溫暖，環境比起一般舊式茶餐廳衛生潔淨。港式茶餐廳是將多元文化融合、經過香港人靈活變通的產物，這裡的menu 同樣都是主打港式美食，在懷舊地道風味中滲入新鮮感，再現吃得到的童年回憶。『煎Pan』粒粒西多士 $32西多士可說是港式茶餐廳的名物，將純樸的方包蘸上蛋漿，輕炸慢煎，製成金黃誘人的邪惡美食。切成粒粒除了一口一件更方便之餘，較為脆口，外脆內軟，內裡沒加任何餡料，簡簡單單

衝著menu的圖片，以為是一客豐富的焗豬扒飯。美其名「招牌+焗芝士+鮮茄+雜菜+豬扒飯」，原來都只係普通的焗豬飯。比起大x樂，豬扒好味D，但大X樂相對熱辣辣D。$78，有$20應該係租金。豬扒飯於我只值$58。

荔園並唔係我嘅童年回憶，佢消失嘅時候我都係得幾歲，所以點解會行入黎，其實都係朋友話個焗豬飯好食。本身以為用得荔園主題就實係好多同機動遊戲有關嘅擺設，所以我連要坐海盗船係食飯嘅心理準備都做埋，冇辦法啦，焗豬喎。好彩，呢間餐廳真係一間餐廳，同荔園有關嘅就係天花板嘅馬，門口隻老虎仔同埋牆上嘅畫。坐低左叫完野大約十幾分鐘碟飯就到左。由於我十分肚餓，求奇影張相就開始食。講個焗豬之前講下個奶茶，整體黎講幾好飲，茶味夠濃，中意茶味濃嘅朋友可以試下。講返個焗豬，面頭芝士唔算多，唔會搶曬風頭；蕃茄如果係切一舊舊會更好，但亦不失新鮮，茄汁味道亦唔會太假；飯底有炒過，值得一讚嘅係蛋量充足，唔係做下樣，但飯身略嫌濕咗少少；豬扒大小同厚度都適中，一食落口就知道有用鎚仔Dup過，口感好好。成個飯嘅份量都幾多，食完都有八、九成飽。加上呢度算幾好坐，雖然冇乜荔園共鳴，但都值得一試。

係尖沙咀一個人行街，買完野係商場行出黎，突然覺得有啲肚餓，就去揾下野食。過左馬路之後行一陣就見到門口有隻公仔，抬頭一望係荔園茶餐廳。荔園，可以話係上一代香港嘅回憶，仲記得細個跟爸爸去過荔園玩，自然都有返啲特別嘅感覺，所以入去試下都好。一入門口就有一啲標示住呢到同荔園有關嘅裝飾：掛係天花板嘅馬、牆上面嘅掛畫、天花板用嘅燈泡同埋扮階磚嘅枱，真係幾有感覺。到重點喇，叫左個Dino噴火咖哩配慢溫牛肋肉飯，加多杯黑牛。見佢講噴火，本身以為會係入口好辣，椰汁味濃果種咖哩，但食落先發覺係另一回事。咖哩本身嘅性質比較貼近印度咖哩，普通茶記嘅咖哩汁完全冇得比，辣味香多於辣，而辣嘅感覺會係食左落去先出返黎，辣而不嗆，唔錯。再講牛肋肉，慢煮嘅牛肋肉好林。美中不足嘅係個飯太軟，如果乾身啲就好。最後就係我最期待嘅畫面-黑牛。黎到之後趕得切係雪糕未融之前食左兩啖，幾好食。等佢融埋之後撈埋再飲，一個字，爽！可樂嘅氣同雪糕嘅甜味撈埋之後正好解左咖哩嘅辣味，飲完之後成個人都舒服曬，好想攤係到訓教。荔園茶餐廳，食物尚算ok，價錢唔係特別親民，但尖沙咀區，加上回憶所帶黎嘅滿足感係筆墨形容唔到，值得一試。

今日去開尖咀，之前見佢裝修後推過下宣傳，都會想黎試下，但同期望相差好遠。Set dinner選擇4款，我唔食得牛，4款有2款牛，一款豬，同一款海鮮。同朋友各自點左餐，餐湯得紅湯，真心講句，普通茶餐廳都會有2款湯，呢間嘢咁揼本，竟然慳嗰啲白湯罐頭。佢仲要落得勁辣椒油，啲油令到反光，對唔食辣嘅我黎講真係擺埋一邊算。朋友係咖哩牛，佢話味道好普通，唔可以用好食黎形容，佢個意粉食兩啖已經唔想再食。我係蕃茄焗豬扒飯，第一次食個蕃茄焗豬扒可以冇乜蕃茄味，仲要個炒飯底都冇咩味，清淡到我以為去左出面標榜建康餐嗰啲餐廳。而個焗盤好淺，飯量不多，可能我大食啦～食完已經諗去邊食個甜品填番肚添呀！間嘢裝修超普通，冇咩客，連我坐嗰枱先得4枱人，total5個客。做開F&B back office嘅我職業病發數佢樓面3個人，1個收銀連1個水吧，但係竟然係冇服務，成班人圍喺水吧前。雖然我地有餐飲，但我地叫佢俾熱水杯水唔熱，我唔信水吧冇電熱水撐。真係不值一試。

今年係荔園關閉後嘅第二十年，呢二十年係無論係香港定係我都變左好多，我就由比人帶去荔園變左帶人去荔園茶餐廳，至於香港，唔講啦。一去到門口已經有隻老虎仔係到，不過變左純白色，小朋友都話要同佢影相。入到去就有返塊老虎仔屏風，天花板仲有幾隻木馬同以前攤位掛住嘅燈膽仔，牆上邊仲掛左一啲畫呀，以前荔園嘅地圖等等嘅野係到，係同期望中嘅荔園有啲唔同嘅，但簡單啲都好嘅，始終係餐廳，唔係主題公園。荔園講野食嘅話應該都非雞髀莫屬，但老婆話雞髀已經好熱氣，唔準比小朋友食薯角，咁唯有食沙律啦。之後再叫左照燒牛肉雜菜炒烏冬、法式焗芝士白菌忌廉石班魚柳飯（個名好長……）同埋老婆最中意嘅”煎Pan”粒粒西多士。呢到幾樣野最好食固然係雞髀，又大隻，炸到鬆脆之餘肉汁又多，啖啖肉，不負我二十年黎嘅思念。同碟嘅沙律我唔係十分有興趣，但試左一啖，黑醋嘅味道都幾好，菜亦唔錯。焗魚飯賣相好吸引，芝士汁好好味，飯亦有炒底，但有啲濕，而作為主角嘅魚唔會太實，亦唔會散曬，亦唔係冇味嘅急凍魚柳，總括黎講幾好食。而牛肉炒烏冬亦好有鑊氣，上面嘅青椒同紅椒嘅顏色好豐富之餘，亦炒得幾好食，烏冬幾有質感，唔會太淋，牛肉肉味十足，但係配料同烏冬比例有

放工後有空檔時間就在附近食個tea先，見到荔園茶餐廳門面有小老虎幾得意，應該是主題餐廳，雖說是我很小時候回憶，但仍舊有點印象。黑牛 $31夏日炎炎，消暑必點！可樂加朱古力雪糕，朱古力香濃帶點苦，不錯。荔園招牌炸雞脾配豉油王銀芽炒麵 $78非一般的雞脾，比手掌更大的炸脾，看到不禁驚嘆！外皮好脆好香口，十分邪惡，而雞肉仍保持嫩滑多汁，至於炒麵夠乾身。馬來咖央粒粒花生醬厚多士 $30好濃郁的粗粒花生醬，多士香脆，趁熱食好正。同事話唔夠食又點Dino 噴火咖哩配雜錦海鮮魚柳 $78，咖哩重香料味，都算幾辣，不過好惹味，除了滑溜魚柳外，更有入味薯仔、海鮮、洋蔥等配料，用料十足，咖哩汁可以食多碗飯。這個下午餐太飽太滿足，所以連晚餐都無食到~~

說起荔園，算是香港人集體回憶，我小時候也有去過荔園玩，曝露年齡XD。荔園在早前也在中環海濱重現，今次竟然是在尖沙咀開茶餐廳！以純白及清水綠為主，給人舒服的感覺。當然不少得荔園的主題公仔~~鮮菠蘿冰 $31提供榨汁器讓客人自行榨出菠蘿汁，有得飲有得玩，也令我想起小時候媽媽榨橙汁給我。自行加鮮菠蘿汁調味，內裡是雪碧加菠蘿肉，再加鮮菠蘿汁好fresh~Dino 噴火咖哩配雜錦海鮮魚柳 $78咖哩用料十足，品嚐得出是用上不少香料，我覺得算幾辣，但好惹味，令人食個不停。而魚柳有2大塊，炸皮夠薄又嫩滑，而薯仔也十分入味。煎pan粒粒西多 $36粒粒西多賣相有趣，而內裡沒有花生醬，比傳統少份濃味、甜味，這樣罪惡感也少些，哈。