莆田 (美麗華廣場2期) (已結業)

今日極度左人收工...都真係唔好意思！我地9點半先入坐，即係叫野食！我地叫左 炆荀乾 / 鹵水豆腐 / 紫菜炆飯 / 蝦苗伴頭水紫菜 / 扁肉湯 / 上湯絲瓜 / 小炒王 / 荔枝肉，除左蝦苗伴頭水紫菜我地推介俾朋友，其他都係試既。🤣🤣炆荀乾，本來好驚佢有一陣味，大家都知台灣果隻荀乾味好勁，但佢冇！仲好入鹵水味，好正，軟硬適中，但又唔係爽既！鹵水豆腐紫菜炆飯，呢個炒得好乾身，粒粒分明！唔錯！唔會油膩，好爽身！呢個蝦苗伴頭水紫菜都真係好好味！開胃菜，每次黎都叫！扁肉湯估唔到呢個湯係酸酸甜甜好開胃呀，個肉好爽身，睇電視廣告個皮係用豬肉造！好特別！原來呢個都係開胃菜！上湯絲瓜小炒王荔枝肉估唔到好似我哋嘅咕嚕肉，我仲以為佢應該係荔枝釀左豬肉！冇咩特別！

位於美麗華商場二期的莆田環境大， 座位不擠迫，絕對是shopping完三五知搵食之好地方 莆田就好像代表了蟶子$198 任選兩款蒜蓉蒸蟶子紅菇鮮蟶湯😋扁肉湯 這是莆田的明菜 ,細細粒的 餃子就像魚皮餃， 皮雖薄但用料多， 每粒餃子都結結實實脹卜卜😋冰浸苦瓜不喜愛苦瓜的我也被吸引著，首先， 藝術般的切法，再加上切得薄薄，最重要係跟蜜糖上， 不能吃太苦的我就可以享用了😋蒜蓉蒸蟶子很少食細細隻的蟶子仔，但吃了這個後原來細蟶子蒸起上嚟都可以咁鮮味 ..這個蒜蓉都為這菜色生色不少， 蒜蓉磨到很很幼細 ,經油炸後非常之香口紅姑鮮蟶湯大蟶子又有唔同嘅食法，經菇湯浸過後， 每隻蟶子都吸滿鮮菇味，正正！荔枝咕嚕肉酸酸甜甜， 最重要是用上兩粒大嘅荔枝肉， 最適合夏天品嚐興化炒米粉不得了， 呢個米粉質地是我極愛的幼，又爽， 炒起了既香口又不會一舊舊黏住的全部都是特別的菜式，在其他食店很難品嚐得到。所以一定會再試其他分店呢

莆田嘅商務午餐的確唔錯，組合大體得來又唔會好隆重，近期時令嘅就有哆頭，加上我好鍾意佢杯菊花杞子茶，所以今天又再來喇🥢☕️蟶子當然係必點之選，鐵板鹽焗一睇就鍾意，火辣辣上枱，剛剛彈開的薄殻，肥嘟嘟嘅蟶子可以輕易取出，表面看來乾爽，入口卻是豐盈嘅肉汁，隱隱帶點鹽花嘅味道、還有那一點點嘅花椒香氣，雙重提鮮，味道一流👍👍👍另外一款是冰爽酒糟，啱晒炎炎夏日，飽滿嘅蟶子肉質爽彈，吸索了清幽嘅酒糟更顯肥美，冰涼感覺，舒爽清甜，大家都一致讚賞🤩🤩🤩前菜四小拼，紫菜以醋涼拌，酭肉晶瑩，開胃醒神，暖齋窩心，最特別的是那圓筒形的豬小腸，處理得爽脆入味，四小拼精緻可口，款款各有特色⭐️⭐️⭐️⭐️。酥炒芋芯粉糯綿綿，小甜焦脆表面令你食唔停口，閩香洋燒排，又係甜甜酸酸，引人垂涎，最正係一咬就骨肉分離，肉質鬆化，汁料惹味 興化米粉係福建特色，質感幼細，千絲萬縷入口如綿，愛佢少油爽身，配料簡約豐富，地道風味，真係好好食 👑👑👑👑👑利用午餐時段見下老友，快閃一聚，莆田真係好啱食，上菜快招呼又週到，唔係我偏心，個個朋友食過都讚好 👍👍👍

真係聞名不如見面，聽朋友介紹左好耐，終於有機會同媽咪去食!我地7點就到左餐廳，已經坐滿左7成人,一坐低我地就俾佢地今期主題蟶子吸引住，餐廳做緊$198兩款嘅優惠，我地選擇左蒜蓉蒸和薑蔥炒...我本身好鐘意蒜蓉蒸嘅海鮮，蟶子夠彈牙，又無沙! 薑葱炒的也不錯，如果有白飯就好!莆田扁肉湯，細細粒好似魚皮餃咁，唔會好滯冰浸苦瓜，連埋蜜糖一齊上，估唔到苦瓜點蜜糖竟然中和返個苦味，好special!莆田荔枝肉:好似咕嚕肉，酸酸甜甜，仲有粒粒嘅荔枝肉! Good!興化炒米粉: 我見每枱都有點呢碟米粉, 米粉裡面有紫菜，蝦，仲有菇!, 米粉夠鬆化! 配埋莆田秘製辣油更有風味!

今天下午放假，約好朋友逛街。而朋友早到達，所以朋友先在美麗華逛逛。自己中午放工後，才知道朋友已在餐廳等候，就是星加坡的福建菜。今天是平日，客人不多，我倆可以佔用四人圓枱。下單後，要計劃今天的入貨列表。　　莆田扁肉湯　紫菜，好似魚皮餃的扁肉，還有唐芹和芫茜，炸蒜，跟帶微微酸味的湯底，就變為一道開胃湯，喚醒味蕾。　　　冰浸苦瓜　又薄又彎的苦瓜，是如何片出來呢？　排得靚靚以朵花，賞心悅目。苦瓜當然是苦的，但自己喜歡這苦瓜味，無需沾上糖漿。　　看到餐牌推薦蟶子的菜色，每款單點皆要百多元, 但198個大洋，就可選二款蟶子美食。　我倆本著計到盡的性格，當然不會錯過。　　　薑蔥炒蟶子  蟶子較短身，但蟶子肉卻很飽滿，我的母語～廣東話：迫爆個殼！跟香港推崇的長身蟶子有顯分別。薑蔥味不太強，没有蓋過蟶子的甜味。　　　紅菇鮮蟶湯　朋友話紅菇好補，所以點這款蟶子湯。紅色＝補血？　真身是粉紅色的湯底，浸著多件蟶子。　菇類跟貝類，都有豐富的胺基酸，而二者結合就呈現出鮮甜的味道。粉紅色底鮮甜，煮出來的蟶子卻比湯底更甜。實際上，這個紅菇湯的蟶子，比薑蔥炒出來的蟶子更甜。　　興化炒米粉　　招牌菜之一。米粉超幼細，米粉

食過返尋味指數：🌕🌕🌕🌖🌑美麗華2期2樓，環境乾淨企理，而且人流唔大，上黎搵食都真係唔錯嘅選擇。莆田內部裝修光線充足，睇落好乾淨，位置又好闊落，坐得舒服。蟶子選擇都真係唔少，選擇困難之下，一次過點左兩樣。蒜蓉蟶子真係冇得輸，大份得黎又好味！炒米粉調味做得唔錯，而且唔會過乾。苦瓜係我最愛，有生苦瓜嘅苦味，加dd糖漿好爽口，而且覺得自己好似好健康咁。扁肉湯真係回味無窮，湯底有DD傑，酸酸地好開胃，而且D雲吞皮非常薄，好易入口。

一直都有去莆田吃飯，就覺得這個招牌有質量的保證，環境舒適，不時也有新的菜式推薦，很適合我這種愛吃新東西的人，留住我的胃了。今期蟶霸哆頭蟶節，8種吃法$198任選2道，抵食！前菜是青椒仔雲耳，微辣的，很開胃。普洱用上正山小種，好喝。冰浸苦瓜($49)是新菜式，切得極薄，考驗師傅的刀工，蘸蜂蜜吃，真的有吃水果味的感覺。扁肉湯為莆田首本名菜，不吃不可。鐵板鹽焗蟶子排列精美，蠻香的，好吸引，而且鹽焗口味坊間少有，喜歡新鮮感的可以試試。蟶子很鮮甜，但不要放太久，要馬上吃，不然會太熟乾水。莆田荔枝肉($89)色彩鮮明，看到已經餓了，就是酸甜的咕嚕肉，有真荔枝果肉、蕃茄、青椒、瓜、洋蔥一齊炒，送飯吃不錯。花雕蒸蟶子賣相精緻，一盅入面也有不少蟶子，隻隻肥厚鮮味，而且花雕味濃郁，實屬高質之作！興化炒米粉($86)用料和口感都很豐富，有媽媽的味道，簡單中的不平凡，果然是招牌菜！

行過尖沙咀 同朋友兩個突然想食下啲中菜 就去左「莆田」入到去發現都幾多選擇 最後就叫左五款菜先黎前菜上個冰浸苦瓜 女朋友不嬲都食苦瓜 我就麻麻地 但呢個冰浸苦瓜 入口甘甘地 連我平時唔食都覺得唔錯 仲有個蜜糖比你點 入口又甜又甘 天口咁熱 食返舊 開開個胃 準備下一道菜扁肉湯 都好好味 荔枝肉 類似咕嚕肉咁 但就用荔枝去調製 咬落啖啖肉 興化炒米粉 配料十足 真係唔係一般既炒米粉 十分推薦最後出場 我地叫左個蟶子餐（$198 兩味）一個蒜蓉蒸 一個鐵板鹽焗先講蒜蓉蒸 出色 略嫌少少咸 好味但略欠驚喜另一鐵板鹽焗 推薦大家一定要試 好鮮 好甜 唔好望到佢比鹽埋住就以為佢好咸 入口鮮甜食左咁多款 真心滿足而且性價比 比預期中更好決定左下次帶埋屋企人再黎試下

這餐廳是家人提前很多天就訂位了，來到就多點菜看看是不是真的哪麼好吃😋看餐牌有8種吃法的蟶子，才$198就可以任選2道蟶子，哪就選了蒜蓉蒸蟶子和鐵板鹽焗蟶子蒜蓉蒸蟶子菜單上的蒜蓉蒸蟶子賣相太吸引了，點了一個來吃吃看看是不是真的哪麼美味哆頭蟶的肥嫩搭配滿滿的蒜蓉香味，而且也太大碟了，性價比高鐵板鹽焗蟶子蟶子的開殻後賣相肥美，吃下鮮甜多汁，鹽焗的格外有風味🤤難怪能成為他們店的銷量冠軍冰浸苦瓜冰冰的苦瓜，咬落去好清脆，苦瓜就咁食嘅話呢好苦，但這裡有蜜糖，點一點好清甜cover 苦瓜的苦澀味。值得一試的餐前涼菜莆田荔枝肉像咕嚕肉一樣，酸酸甜甜的還有荔枝果肉，很甜的荔枝這個配米粉超好吃的☺️莆田扁肉湯這湯裡有紫菜，小顆扁肉，有點像魚皮餃的口感，扁扁的，個人挺喜歡這口感。興化炒米粉，這裡的米粉好幼細，入口好柔軟的，好喜歡這種輕輕的口感，跟平常吃到的很不一樣，而且配米粉裡面的配料也很多，每一口也很豐富的。吃了很多菜，吃過以後就明白了為什麼家人哪麼喜歡這餐廳💕

去到尖沙咀，行到攰想食嘢，結果去咗美麗華度食莆田。門口好多人排隊，好彩有訂位，同埋早少少食，唔係就真係等好耐啦。我地一入到去，睇一睇餐牌，發覺有好多嘢揀，包括呢排係地鐵、巴士賣行廣告嘅蟶霸198兩食套餐。蟶霸198套餐，我地就點咗個冰爽酒槽蟶子+用紅菇鮮蟶湯來食。冰爽蟶子，酒味濃，而且又爽口，夏天食就真係一流啦。聖子仲大大隻之於個蟶子湯，味道都算唔錯啦，夠鮮味。另外，我地仲咗興化炒米粉、莆田荔枝肉、冰浸苦瓜、莆田扁肉湯。炒米粉味道唔錯，因為米粉幼身關係，食落去口感幾好。仲炒到好香荔枝肉味道唔錯，大大粒。姑撈肉咁，仲炸到脆口。冰浸苦瓜，雖然我仲好後生，未識欣賞苦瓜嘅偉大，但佢有加返蜜糖比人點，簡直就係一個助人入口嘅選擇。食完個咕嚕肉，再食苦瓜真係好下火扁肉湯呢，感覺似細雲吞湯，而且加埋醋落去，十分好味開胃。

終於又有莆田哆頭蟶了，繼上年度試過之後，成日心思思，朋友又未食過，成日聽我講話點好味點好味？今次終於約埋佢一齊來試吓🤗哆頭蟶子，薄殼兼肉厚，漲卜卜，莆田有8⃣️種食法，圖文並茂，介紹得好詳細，$198就可以任選2⃣️道不同食法👍🏻冰爽酒糟蟶子，入口涼涼的，酒味不是太濃，香醇芬香，蟶子短小而飽滿，正正就是哆頭蟶的特點，淨係呢度先至有得食👍🏻另外我最愛的食法，鐵板鹽焗蟶子，聽講呢個煮法係銷量No.1👍🏻海鹽嘅味道浸入蟶子內，鐵板又保持着溫度，切記食的時候小心燙口，店員亦會細心的提醒客人🤗入口鮮甜多汁，一啖一隻，咸味適中，如果嫌不夠味的話，可以輕刷鐵板上的海鹽增加食物的層次感😋再來四小拼和閩香洋燒排，賣相精緻，特別欣賞四小拼裏面的九轉小腸，使用12種香料文火滷製，食落與眾不同👍🏻閩香洋燒排，肉質入味又夠淋，酸酸甜甜，特別開胃醒神，很不錯😍酥炒芋心，是我每次到來必點菜式之一，香脆嘅外皮，加上芋頭獨特嘅香味，材料雖然簡單，但係要整得咁好味，就真係好考廚師嘅功夫，呢度一定唔會令你失望😋興化炒米粉，又係必點菜式之一，材料豐富，而主角嘅米粉，特別幼滑爽口，炒得乾身不油膩，絕對係招牌菜之一，必點😍總括而言，呢度

Tastes: 4 /5Service: 3 /5Environment: 3 /5一入到黎就感受到呢間分店比起其他莆田分店細 環境就有少少狹窄啦 而且服務態度有少少欠佳 姐姐姐好快就催人落單 呢點有點失望 有啲想趕人走既感覺 係無時間落單之下就簡咗個lunch set 而前菜就order咗個精美四小拼 主菜分別係香洋燒排、炒芋芯 而其餘就嗌咗個著名既海鮮 分別係蟶湯同蟶子 同一個炒粉 其中炒粉同福建人既傳統製法很相似 夠哂乾身 濕度適中！

朋友是福建人，但嚮香港出世，從未返過鄉下。今年的生日飯，就搵左呢間以福建特產作主題及靠福建菜攞 「星」的食肆。四小碟之中，朋友很欣賞九層腸，因卷得好密好工整，除了口感較結實，也感受到師傅的用心。蟶子食得多，以鹽燒鐵板去處理則第一次食，也是第一次見。剔走了多餘的調味，所以食到的都是原原本本的鮮味，好正!參巴爆蟶肉同樣用蟶子做主材料，但口感折然不同，相對爽口好多。而且個醬汁真心好味。這「孖寳」加埋都唔駛兩舊，話晒係有星食肆，我覺得ok的，值得一食。最後，叫左碟興化炒米粉。比銀絲米粉幼很多，但原來是很有嚼口的。因蝦蜆是水產，米粉吸收了其鮮味，要趁熱食，凍左影響味度。

有一日 黎到美麗華廣場行街 不斷覓食 想揾好西食 ！！！！原來先發現尖沙咀 原來有莆田既分店 之前係馬鞍山食過 而且味道唔錯 咁就選擇再幫襯莆田啦 見到menu花多眼亂 一於就唔諗咁多 所以就一次過order咗個lunch set 包括精美四小拼、香洋燒排、炒芋芯、蟶湯同蟶子等 蟶湯同蟶子都好新鮮 而且佢烹煮嘅方法都比較特別 都幾值得一試 個芋頭份量就有啲少 不過如果當小食食既都幾相算接受到既 香洋燒排 醬汁夠晒入味 酸酸甜甜都幾開胃！！

經常係地鐵站見到呢間餐廳既廣告，主打佢地嘅聖子，而咁o岩朋友又book左呢間餐廳一齊食飯。我地來到除左叫聖子外，仲叫左其他菜式。興化炒米粉呢種米粉好細條而且較短身，裡面有蝦仁、菜等配料一齊炒，味道並不太鹹，有微微嘅煎香嘅味道，炒得好好食，而且唔太油膩！莆田荔枝肉好似平時嘅咕嚕肉，裡面特別係加左荔枝肉入去，食落酸酸甜甜，整得幾好！莆田扁肉湯湯嘅味道幾清，裡面有紫菜同好似雲吞皮包住嘅肉，味道唔錯！薑蔥炒聖子聖子有幾種烹調方法，我地首先簡左一般海鮮最常見嘅做法，用薑蔥炒！聖子嘅肉好大粒，而且沙唔多，洗得幾乾淨。呢個聖子炒得好入味，薑蔥味道融入左肉裡面，食起來十分惹味！鐵板鹽焗聖子見鹽焗聖子係呢度嘅No.1銷量招牌菜就當然要試下，聖子用粗鹽焗製，鹽嘅鹹味滲入聖子肉，口感會比炒聖子乾身，但保留左聖子嘅鮮味。冰浸苦瓜苦瓜嘅擺盤好有心思，而且每片都切得幾薄，伴以清甜嘅蜜糖一齊食，食落咁多濃味野，好適合再食呢個來清下口味。