莆田 (美麗華廣場2期) (已結業)

「莆田」- 有米芝蓮既美譽，當然要試試啦！店鋪主打！➡️➡️海蠣而且養足300日！絕對又足秤又新鮮。叫左二人套餐，有6選2既海蠣兩食！叫左「九層塔香燘海蠣」九層塔味道好濃郁，口感唔會醬住醬住個口，粒粒分明。同埋「頭水紫菜海蠣煎蛋」原來紫菜一年只收成七次，所謂頭水就係第一次收割喇☺️「酥炒芋芯」可以做到外脆內軟，而且甜甜口感好開胃，熱辣辣食就最正👍🏻「黃花魚」相當入味而不咸米粉，幼到同髮菜好似架，入口綿綿， 好鬆軟🤤

今日去開美麗華行街，經過莆田見佢攪緊海蠣節，就走入去試下。開茶係菊花杞子茶，好清香，好養生。我地一行四人叫左$188兩味海蠣餐，再加幾個小菜。🍴江口家鄉海蠣湯個湯用蕃茄，蠔仔，蛋花煲，海鮮味中帶少許甜甜酸酸，有薑所以你腥味。🍴 福建特色海蠣煎蠔仔好新鮮，洗得乾淨，無沙，加上福建特色蕃薯粉黎煎蛋。🍴 九轉小腸小腸好好味，吾肥膩。🍴 酥炒芋芯芋頭好粉，煎得好乾身，甜甜地，正。😋🍴 興化米粉米粉好幼細，配上紫菜，花生，再沾上秘製辣媽醬，好惹味!莆田既菜式精緻又有水準，不錯。👍

星期天與親友聚餐，地點選擇在大家都方便就腳的尖沙咀美麗華。哩個商場食市不少，因自家祖家係福建，所以選擇了「莆田」。最近「莆田」推廣緊海蠣，即係蠔仔或台灣的蚵仔。一於試下。叫左個「家鄉海蠣湯」，湯味鮮甜，湯中有蕃茄，甜中带酸，惹味開胃！福建特色煎蠔餅就當然要點啦。蠔餅係用蕃薯粉做的！這正是我家鄉的特色！炒芋芯，外頭炒香脆，有糖浆，甜甜的。内裡芋頭很鬆，很粉。炒米粉十足料。米粉幼細，配上佢地嘅「辣媽」醬。好正！「百秒黄花魚」，原先唔知係乜，經推介先知只用💯秒來煮魚，唔怪得咁滑，我俾💯分！「九轉小腸」很爽口彈牙，送酒一流！「椒鹽豬手」炸得皮脆肉嫩，另一個送酒佳肴。整餐飯食得很滿意。餐廳裡裝修很雅緻。我們被安排坐在圓型沙發，十分舒適。服務員亦用心推介食物，不時加茶，招呼幾細心。門口有免費薑茶，外面下雨濕濕的，喝一杯驅寒驅濕，唔錯！見到餐牌中仲有酥炸海蠣，七層塔海蠣等菜色，有機會可以再試一試！

年三十下午同媽媽冇地方去，就諗起之前有黎過呢度食午飯，覺得質素都不錯👍🏻於是就帶媽媽黎食！由於正值新年時份，本身既傳統套餐都變為賀年套餐，就點左一個黎試下！套餐其中一個菜式——椒鹽豬手食落都幾入味，炸得幾香口外表就偏硬，如果淋少少更好食！黃金撈起！職員一邊講恭賀說話，一邊叫我同媽媽撈起，好搞笑🤣🤣我地都覺得職員態度好好撈起食落就甜甜蜜蜜，最緊要係個意頭好最後食返個荷葉包同麵，飽到上心口呀！

莆田係香港有好多間分店,今日就同朋友一齊試下美麗華呢間啦, 而家莆田做緊莆田海蠣節,其實都幾抵$188可以係佢個海蠣餐牌入面六選二,咁我地凈係揀左一個福建特色海蠣煎, 另外我地仲叫左酥炒芋芯, 興化炒米粉,自製豆腐,砂鍋魚湯同黃金荷葉包。福建特色海蠣煎其實同我地食開既蠔餅係好似,但佢就無咁多油,唔係鬆化,而係好似煎蛋咁比較乾身,我就鍾意呢一款多啲,因為無咁油,唔會咁膩。酥炒芋芯真係好好食,外層酥脆,有少少甜味,而入面既芋頭係好粉,但又唔會乾,一唔小心就會係咁食,興化炒米粉係我每次去都會食既,因為佢好多料,而且米粉係好幼身,食落口係好綿,但又唔會太乾,又唔會一餅野咁,真係好好食,如果米粉再多啲就好啦,自製豆腐就普普通通既豆腐,醬好香,豆腐都滑,砂鍋魚湯係奶白色既湯而且仲有煎過既魚係入面,湯都鮮甜,四個人每人都最少飲到兩碗,黃金荷葉包就係用好似炸饅頭既包夾肉絲炒洋蔥,由於係最後先黎,我地又食到好飽,大家都食凈左啲,但總括黎講個黃金包都好食既。

黎到尖沙咀食飯，雖然周圍都有好嘢食，但係我哋就揀咗我哋嘅飯堂莆田黎慶祝情人節喇，情人節食飯唔一定要食西餐既，中餐都唔錯呢 依舊都係上一碟開胃既餐前小食先... 因為都係新年前後，推廣緊嘅都係新年菜式，我哋又選擇咗撈起 材料豐富，五顏六色，色彩繽紛，十分吸引 最鍾意就係淋上面嘅薄薄脆，超好味，成點畀我食曬 另外就係必食嘅黃金荷葉包，外脆內軟嘅麵包皮真係冇得頂，好脆好脆！！夾埋洋蔥牛肉絲食，真係冇得輸 再整返隻椒鹽豬手先，上枱熱辣辣，外皮整得好鬆脆又香口！豬手亦有好多肉雖然有小小熱氣，但好食就得啦媽祖麵線 材料十分多樣化，有海鮮啦，紫菜等等..大大碟，好抵食 酥炒芋心 呢個餸係每次都必點嘅，芋芯真係好嫩呀！！食落口好粉，加上外皮甜甜脆脆，食落一啲都唔膩

此店新開之時，到來吃過午餐，午餐定食確是不錯，於是今晚朋友們說想吃中菜，但要交通便利，尖沙咀美麗華，確是一個好選擇。先來菊花杞子茶，另外兩碟小吃，茶芥有質素，尢其那咸菜花生，真的很咸脆。茶位$11/位，芥$20/兩碟。餐牌莆田十醉，看著已有心水項目，隔離鄰桌左右，大部分都點這個。門口已有大大個牌寫著莆田海蠣節，當季主打，相信是必點項目。滷水嫩豆腐$48~有色無味，未見突出。莆田扁肉湯$19~此乃鎮店之寶，餐牌標榜皮比餡還香，原因是扁肉的皮都是肉做出來的，建議餐前來一碗。味道是可以的，可恨的是，端上檯面時，因是䁔暖的，未夠熱度。閩香洋燒排$149~感覺像是先烚熟後再炆，肉質過腍，大家都覺得還有點鬆散。九層塔香燘海蠣$108~這道菜其實做得很惹味，九層塔味濃，海蠣又夠肥美，原本應該相當不錯，可惜又是當端上檯面時已涼了，感覺鑊氣謝了，相當失色。兩款海蠣菜色優惠$188~(包括九層塔香燘海蠣、江口家鄉海蠣湯)由於選擇兩款海蠣菜色優惠價為$188, 所以我們另外選擇另加這款江口家鄉海蠣湯，$188-$108, 即這款湯平均都只是$80, 相當化算，除了海蠣外，福花、番茄、蛋花及芫茜，清清哋，味道

新年跟家人食飯，再坐得舒服又食得到有質素的，莆田的確是一個不錯的選擇。地點係美麗華商場，十分方便。不過當晚食客都好多，建議要預訂枱。點菜後，侍應先送上2碟小食。鴻運發財撈起撈起係新年必食的好意頭的食品，而莆田這個鴻運發財撈起由賣相到味道，都好吸引。鴻運發財撈起很大份，師傅很有心思地將多於10種的瓜菜切成幼絲，材料十分豐富。白蘿蔔﹑青紅蘿蔔﹑糖冬瓜﹑柚子等接近20種的瓜菜﹑莆田的炸紫菜，再加上海蜇絲和煙三文魚片，一共分3層。侍應會幫食客加入各種食材，然後一邊說好意頭的吉利說話，再幫我地一齊撈起。椒鹽豬手炸到外層乾脆，望落同食落都唔會覺得油膩。因為外層以椒鹽炸過，所以十分惹味，唔會太鹹。咬落外皮好香脆，而裡面的肉和筋都好軟稔。特別是筋的部份，做得一點都唔韌，唔會話好難先咬得開。食落啖啖骨膠原口感。媽祖麵線食過莆田的米粉之後，十分喜愛，這次點的是媽祖麵線。原來媽祖麵線亦叫做長壽麵，又是好意頭的食品。因為以傳統方式人手作，所以質地特別柔潤，而且麵條做到好幼細，令食的時間口感更佳。配料都好豐富，有蛋絲﹑炸紫菜﹑花生﹑蝦和肉片等，雖然望上去好像沒有什麼調味，顏色好淡似的，不過食落味道都好豐富。要記

係尖沙咀想食中菜，有時侯都會選擇去莆田。因為哩度價錢又唔算貴，但食物質素一定有保證。這日新年過後，到莆田晚餐的人好多。等了一陣終於可入座。雖然食客好多，但侍應由頭到尾都好好禮貌，而且好細心，令我印象很好。前菜特別喜歡哩個粟子，煮到好香好淋。鴻運發財撈起新年時侯當然要食好意頭的食品，於是必點這個鴻運發財撈起。份量也不少，而且裡面的食料種類，意想不到咁多款。有不同的瓜菜絲﹑如白蘿蔔﹑紅薑﹑糖冬瓜青蘿蔔﹑柚子等﹑而且仲加上海絲和煙三文魚片，及莆田自家的炒紫菜及不同的調品材料，而且每類都切得好幼好細，所以食落口感﹑味道和層次都好豐富。侍應一邊幫我們加入食材，亦會一邊說一些好意頭的說話，真的很想讚賞他們的服務態度(其實整餐晚飯過程中，侍應都好細心和友善，很值得一讚)。黃金荷葉包扁扁地的荷葉包，炸到外層完全金黃色，望落唔覺得油但食落係有少少油的感覺。不過包上面加上大量的芝麻，乾身的芝麻中和返一點包的油膩感，食落好香芝麻味。將荷葉包中間切開，夾入煮到好濃蔥香的豬肉絲，因為用上醬汁調味，帶點濕潤令整個荷葉包口感更佳。酥炒芋芯切成粒狀的芋芯，炒過之後外層變了金黃色，而且帶點焦糖香味。食落口感跟一般芋頭很

爸爸喜歡中菜同海鮮，搵到呢間米芝連餐廳，應該吾會太差既，趁佢生日帶佢黎食下。閑日都坐無虛席，仲要等位。$188 六選二，原本想叫漁民鹽漬海蠣，試下海蠣既鹹鮮原味，落單姐姐同我地講呢個系凍食同埋比較鹹，冷門啲，安全起見都系叫其他，吾想中伏。【酥炸椒鹽海蠣】炸粉吾厚幾酥脆，海蠣份量都好多，肉質都幾飽滿，炸完吾系縮水到吾知食緊乜，食落有少少海水味，但系椒鹽味吾明顯。【福建特色海蠣煎】食落似台灣蚵仔煎，海蠣加入木薯粉同蛋漿去煎，口感綿密Q軟，漿份調配得宜，整出黎乾酥且內裡吾會濕濕稠稠。【酥炒芋芯】薄薄一層冰糖包住香軟既芋頭，甜度恰好，內裡熱辣辣有啲燙口。【百秒黃花魚】黃花魚切開左一半，魚肉幾嫩滑，湯汁鮮甜吾口渴。【興化米粉】蝦、蜆、瑤柱、冬菇、蛋材料豐富，用幼身既新竹米粉炒，食落乾爽，不過吾夠鍋氣。菊花茶，浸泡太耐，有啲過甘，食甘多煎炸野，可以清熱解毒。

莆田 本人想食好耐，但係一直搵唔到機會去食今日拎完西裝，旁邊就係 無借口唔食啦 即刻call埋友人一齊試下！唔好以為無乜人，過咗7點之後坐無虛席店員話宜家做緊海蠣節(蠔仔)，咁當然要試下啦酥炸芋芯小弟就唔太鍾意食芋頭既，除咗反沙芋呢一個又令我對芋頭改觀 佢係輕輕炸到金黃就收手 外脆內軟幾好食百秒黃花魚一個字 掂！ 鮮嫩滑 講哂啦已經小弟一個人就清哂成條 (溫馨提示:幾多骨同要趁熱食)頭水紫菜海蠣煎蛋Level同火腿煎蛋🍳差不多 咁多蠔仔完全唔腥！又無沙試過咁多間 莆田呢個係最好食江口家鄉海蠣湯足料鮮甜 再加咗蕃茄令層次更豐富興化米粉上網寫話 (白如雪、細如絲。由十多種配料、配以上等濃湯燜炒，米粉鬆韌，味濃鮮美，乃必食之選。) 佢大致已經寫哂我想講既野啦 推薦總結，無令我失望 全部既菜式都一流仲想一提既係服務態度非常周到 少有連鎖餐廳咁有禮貌同親切！

擁有多間分店嘅福建菜「莆田」，食物質素一直都keep到水準，最近留意到佢地新推出左莆田海蠣節，海蠣即係蠔仔。餐廳一次過推出左六種吃法嘅海蠣菜式，任君選擇，總有一款啱吃頭水紫菜海蠣煎蛋蠔仔同頭水紫菜被蛋汁層層包住，好鮮嫩又鮮甜，食起來好juicy！口感同層次都好豐富江口家鄉海蠣湯福建家鄉菜之一，湯內嘅材料分別有蠔仔、蕃茄、椰菜花、蛋絲等等。放湯嘅蠔仔好嫩滑一啲都唔鞋，加咗白醋同胡椒粉吊味，令到個湯酸酸辣辣的，好開胃百秒黃花魚加入高湯同薑粒，以明火現燜100秒後即可上桌，充分體現黃花魚鮮美！黃花魚肉軟嫩鮮甜，骨少肉多，香氣四溢，好鮮味！酥炒芋芯切成長條狀的芋芯炸香後加入麥芽糖炒香，外酥脆微甜內裡係粉粉的芋頭口感，好好味！芋頭控必定要試的哦！建議同多位朋友share食，因為都幾飽肚興化炒米粉莆田另一熱門菜，興化米粉比台灣的新竹米粉更幼身，加入左瑤柱、蜆肉、海蝦、小棠菜、炸蒜、肉碎等等豐富材料後炒香，超幼身的米粉炒得乾身唔油膩好香口

✿╮❤╭✿ ✿雜感女生 好味日記✿ ˚*•✰。莆田．海蠣夠厲害！。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 當時得令吃時令 福建食店中，我多選擇莆田 以其地利方便，裝修寬敞有特色 莆田最近推出「莆田海蠣節」 有六種不同風味的海蠣菜餚 既然今期流行海蠣，就先點2個海蠣菜式來試 酥炸椒鹽海蠣 別看他黑乎乎，其實極香口好吃 上台已撲鼻椒鹽香 入口脆脆，味道鮮鮮，很好吃 福建特色海蠣煎 傳統加經典，海蠣與蛋皮都很煙韌 與台灣的味道不同，較乾身，講究蛋香 如配以椒鹽或胡椒粉更佳 興化米粉 福建興化米粉正是我杯茶 細條式爽口帶勁，而且有大蝦與肉蜆，味道足 配上花生與紫菜，勁好食 酥炒芋心 蜜味外層，脆脆香口 粉粉內心，芋香迷人，絕對是次次來次次點的菜式 百秒黃花魚 香鮮嫩滑，百秒時間剛剛好，是夜吃魚的貓友很開心 小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆ ❤ 莆田 尖沙咀美麗華廣場 2期2樓269-270號舖

續上期莆田紅菇節後，這次的主題就是人見人愛的海蠣節。 單單從宣傳上的句子「莆田海水蠣鮮，養足300天」就已經令人感受到蠔肉的鮮味。 餐廳以6種不同煮法，泡製出多款海蠣菜式，全都是HK$188/2款，非常抵食。 我點了當季主推的九層塔香燜海蠣以及江口家鄉海蠣湯。 九層塔香燜海蠣蠔仔的份量非常多，雖然細細隻，但每一隻都非常飽滿及肥美，入口時蠔汁會於咀內爆出來，而這個小菜炒得非常夠鑊氣，加上九層塔的本身的香味，很好吃。 江口家鄉海蠣湯這個湯有點像蔬菜湯，因為入裏除了有蠔仔外，還有椰菜花及蕃茄等蔬菜，湯底挺鮮味，帶有海鮮的清甜味，淋上蛋花後，令湯質更細滑，個人認為湯內加了胡椒粉，所以味道有了微辣，挺惹味。 酥炒芋芯這個酥炒芋芯是每次到莆田必點的菜式，芋芯外層有一層薄薄的糖衣，口感香脆，味道清甜，芋芯綿糯，推介。百秒黃花魚百秒黃花魚同樣是必點式，黃花魚味道又鮮又甜，魚肉滑溜溜，配上鮮魚湯汁，令魚香味更濃更突出。興化米粉米粉炒得挺爽身，米粉帶有米香，內裏加入了五花肉、小白菜、韮菜、花生及紫菜等等配料，吃時口感清爽得來，非常香口，雖然是炒米，但不會有重重的油膩感。

今日放假，同男人去左尖沙咀莆田食晚飯，記得N年前係某一間莆田食過，個時覺得佢地d食物麻麻地，一年後既今日再食番，發覺食物水準好左好多今晚都好多人，好彩我地之前訂左位食飯，因為聽到walk in已經冇位，大約要等到9點先有枱，十分旺場，所以小妹都建議大家訂枱穩陣d，不然好易冇位，因為地方不是很大，好快就滿坐~一坐低，待應就比左一碟前菜和開了一壼菊花茶比我地~d茶好香菊花味前菜: 蠶豆這個不過不失，味道粉粉咸咸的~莆田做緊海蠣推廣$188， 6選2海蠣原來就係蠔，我地都鐘意食蠔就揀左2樣1. 福建特色海蠣煎煎海蠣，面頭布滿蔥花同蠔仔，口感煙韌，味道不錯，不會太粉，好吃如果有醬點埋就完美嗱2. 江口家鄉海蠣湯這個有海蠣、蕃茄、腐竹和芫茜~碗湯都有好多蠔仔，而且蠔仔味道都好出，再加入蕃茄去煲，味道帶點微酸，好開胃興化米粉N年前係某間莆田食過，個時覺得味道好啖今次食番，覺得味道又ok wor,冇之前咁啖~佢地既米粉好幼身，其實都幾岩老人家同小朋友食🤗百秒黃花魚這個魚肉好滑，湯底清甜酥炒芋芯呢個一上枱個時覺得味道怪怪，因為聞落去酸酸地，但食落去又好好味，因為我好鐘意芋香味，芋芯外脆內軟，甜甜芋香味