華立茶餐廳

营业中

休息中

吾係講笑 我最愛的茶餐廳非華立莫屬 有時清假番下午 都會到華立吃個brunch 便精神奕奕上班去我最愛的三寶 熱奶茶 菠蘿飽 蝦米腸/牛肉腸菠蘿包 外脆卜卜的菠蘿皮 內裏軟綿綿的面包 我敢說我住在大埔廿幾年華立的菠蘿包最好食 腸粉好食的因素在乎兩個原因 1.腸粉皮是否透亮晶瑩 2. 豉油 兩者華立的腸粉都能夠滿足自從投身社會工作後 每天早上都不缺一杯熱奶茶 華立奶茶茶香奶濃 試過後就知道即沖奶茶不能再滿足你我看著搭枱的夫婦 似乎我不比他們吃得少 不要問 只要信 真太好食 減肥遲一步吧

約左yan & yin去大埔食飯,去了24小時營業的華立,聽聞菠蘿油同沙嗲牛肉麵都好出口呢。華立茶餐廳分了兩個舖位,我們去了新淨果個舖位。要了午餐,$36,再+$6轉了菠蘿油呀。熱奶茶,味道不俗。菠蘿油,賣相差了點,唔夠熱,味道一般。好薄弱的火腿奄列,味道可以,反而個碟好靚好搶眼呀。沙嗲牛肉麵,本身好LIKE沙嗲牛肉麵,牛肉份量適中,沙嗲味夠濃,個麵都好味呀。熱奶茶同沙嗲牛肉麵都不俗,值得一試,開24小時,隨時可以來食了。

前一晚係同一大班朋友係大尾篤踩夜車睇日出，跟著緊係要食翻個早餐醫肚啦！我地人行十幾人，黎到寶鄉街，好在華立舖面夠大，等左大約五分鐘就已經有位啦，朝早既繁忙時間黎講算唔錯啦。舖頭既裝修唔算太新，但幾有傳統港武茶餐廳既味道，而且前後有兩部大電視，可以睇下晨早新聞，比較唔滿意既係餐廳廁所，廁所有漏水問題外，位置亦太近茶客，坐係附近會有一陣異味。食物方面尚算可以吧，我叫既早餐A有沙嗲牛肉麵、火腿奄列、餐包、同一杯熱飲，抵讚既係飲凍鮮奶同轉飲其他凍飲一樣都只係加3蚊炸，不過餐單原本寫住可以加1蚊將餐包轉多士，但係伙記竟然話咁多人邊有時間盪熱份多士咁話wor。沙嗲唔算太辣，麵都幾彈牙唔算淋，餐包就有牛油可以塗上，美中不足係唔夠熱。火腿奄列質感嫩滑，配鮮奶好好飲，埋單都係33蚊，價錢適中。

飲到爆醉依然渾身是勁，清晨六點仲識得行 AI 系統走去食早餐，究竟琴晚飲咩黎呢？紅酒、健力士、藍妹、等等，飲足 7 個小時囉 ﹗淨係記得撞到好多舊朋友，您地記得嗎？沙嗲牛肉火腿奄烈伊麵，都係嗰句，一再強調我最愛華立即食麵餐，係彈牙香濃伊麵黎架 ﹗食極唔厭。奄烈外香肉嫩，沙嗲牛腍而有趙口，整體係合格既。

Baby 飲完再去沙士亞再飲，多謝阿衡陪我食埋早餐，謝謝。火腿奄烈，醉到唔記得轉太陽蛋，好少可會煎到金黃微濃，裡面蛋汁依然，特別香口架！配上咸香火腿絲，一濃一淡撞得美味。沙嗲牛肉即食麵，我最喜愛華立伊麵底，滑溜彈牙，味濃又好有口感，十幾年都保持質數，好好食﹗沙嗲牛肉仍然保持唔太好又唔太差，中規中矩，牛肉有咬口唔會腍劈劈，沙嗲帶甜又唔會過濃味。勁撈辣椒渣，辣能使您有一點開心感覺 ﹗要多多開心的話，請狠狠地隊辣吧 ﹗飲通宵，朝早六點的早餐，食飽返屋企沖個涼就醉住返工喇，希望頂得住！

劫後餘生，等左五個鐘終於逃離中環返到大埔，食個早餐先返屋企休息。1 點 call 的士等到 4 點都無的士，諗住搭街車，點知所有的士都㩒旗揀客，把鬼火行去搭地鐵轉火車好過！6 點幾終於抵達華立囉。熱奶茶，清晨好鬼凍，飲杯香滑奶茶暖暖身先。火腿奄烈，有蛋汁既火腿奄烈，不過塊蛋皮老啲囉，似蛋皮包火腿絲，味道都唔錯。沙嗲牛肉即食麵，我最喜愛的沙嗲牛伊麵，由細到大都非常支持，因為湯底濃、伊麵又彈牙滑溜、牛肉有咬口，夠晒分啦，仲想點？唯有華立！朋友仔食唔晒個早晨全餐，分多兩塊火腿過我，臨瞓食太多喇麻。依我一貫既食法，辣椒渣撈麵，微辣帶微香，味道偏沉，合格既。

聽同事講,大埔除左華輝既奶茶不錯外,原來華立既奶茶也不遜色,難得當日行開大埔便一試.下午4點幾,正值下午茶時間,客人多得很。還掂個肚有少少餓,冇理由只係叫杯奶茶丫,叫埋個菠蘿包~麵包食落熱辣辣,又鬆化,皮又脆奶茶色水真係靚.照舊兩茶匙砂糖,茶香奶滑,感覺好像比華輝更好呢個港式下午茶都係$20,已經很滿足

相隔多年後，再度重臨大埔區跑野外，當然要藉此機會過來搵食。野外前先來一頓豐富的早餐，固之然是一項必備的硬件.....聽說這間叫"華立"的茶記在這區已有多年歷史，而且還好像是二十四小時不停營業的。在大埔的茶記我最常去的就只有"華輝"。現在就可是多了一個好去處了....和許多在大埔的茶記一樣，除了最傳統的ABC餐以外，還可以叫粥或布拉腸粉。若胃囗大一點的那一天，先來份早晨全餐後再添多一碟牛肉腸，肚子吃得飽飽的令人過足口癮呢....不過今天早上的食量卻只能裝納一個A餐而已，真是有夠可惜。例牌先來一杯茶走。實在夠茶香亦很滑，回甘味纏繞在舌上良久不散，是一杯蠻有水準的港式紅茶....這裡的麵包全部都是新鮮即席焗製的。跟餐的餐包拿上手還是燙的，質感軟綿帶甜香....此時有點兒後悔沒有加錢將普通餐包轉成菠蘿油，不然的話滋味定必更佳呢；鹹牛奄列反倒只是SOSO，蛋只是弄成一塊皺皺的薄皮將沒炒香過的罐頭鹹牛肉蓋著，乏善足陳也....沙嗲牛肉麵看似普通，但用的麵底卻是令人勾起不少童年回憶的福麵，這一點就算弄得怎樣也要加些情感分數了.....沙嗲汁屬甜不辣的囗味；牛肉亦是有下梳打粉去醃的，凡此種種當然不濟.

一講到華立， 住在大埔既人無可能唔識，可以說係大埔地標！ 24小時營業之外， 佢地既奶茶，蛋撻加菠蘿油真係無得頂，尢其是剛出爐時，真係行過都口水流。 茶餐廳都係舊既好， 有一份老感情，一份情懷，只係廿幾蚊就可以擁有這份情懷，你就值不值？  【蛋撻】要食酥皮，牛油都係以前用開既，沒有檀島既酥皮酥軟鬆口，但係多了一份舊既情壞搭夠。【菠蘿油】 外皮好脆，包內又軟加埋一塊好厚既鮮油。重點就係這塊厚厚地既鮮，半溶在包內。一口咬下去有一陣鮮油既香味而不會膩。 【奶茶】 茶味要夠濃，奶要夠香。華立就做到比列剛剛好，正合我口味。

每次經過都聞到菠蘿香,趁今日個肚仲有吉位,撞正有面包新鮮出爐,一定要試!人係多,不過為左每人分到一兩個包,都好守秩序.阿叔要一個菠蘿包兩個菠蘿油,阿嬸又話要兩個菠蘿包一個菠蘿油,攪到d阿姐要大叫記住d油同包既數量.是日我既下午茶~~菠蘿油>> 終於都分到我手,成個包表面脆脆,入面好軟熟.拎起手牛油都仲未溶.不過咬左兩啖,牛油已經滲晒起個包入面喇!我未食過一個菠蘿包咁脆架,好飽都要再咬多佢幾啖呀!!!

華立應該在大埔都有廿幾年，其實佢杯奶茶幾得，香滑有茶味，而且好夠熱。因為隻杯本身係浸在一盤熱水預熱，茶只要夠熱就會香，加埋陣陣奶香飄出來。絕對係朝早的morning call。所以除了水滾茶靚，杯都要夠熱。

我們參觀完香港鐵路博物館之後，我們到了這裏吃下午茶。西多士伴薯條，與其他茶餐廳的味道沒有分別。菠蘿油餐 (菠蘿包)，多牛油，很好吃。菠蘿油餐 (芝麻包) ，其他茶餐廳很少有芝麻油包，較特別。環境與其他茶餐廳一樣，但有有線電視。服務一般般。衛生都是一般般。地址：大埔寶鄉街48號地下 (大日子酒樓附近)

火腿奄列This was slightly disappointing – the egg was thin and rubbery and tasteless and the ham within was too salty. 沙嗲牛肉通心粉The beef was surprisingly without that artificial softness, and had a nice meaty texture instead. 菠蘿油I chose to upgrade my breakfast set by adding $4 for this. The trays of freshly baked bread were too hard to resist. Indeed, the pineapple bun was really fresh with a crispy top, and an addictive sweetness. However, I’m one who likes the juxtaposition of cold, solid butte

某日翻閱一本舊的"新假期", 發現open rice曾經舉辦過一個全港奶茶大賽, 成個大埔區, 只係得"華立"一間餐廳入圍.於是好叨咁對自認係"奶茶發燒友"的老公宣佈呢個發現. 佢問: 乜有間"華立"咩?點解我地未去過嘅?唉! 鬼叫你鍾意食轉⻆華輝啲蘋果批, 一去到嗰頭, 就好似鬼上身咁行去華輝咩未去過華立, 叧一個原因, 係間舖個門面擺滿一盤盤麵包, 似麵包舖多過似餐廳!入到去, 個氣氛都好懷舊下, 唔知開咗幾耐呢?老公點的午市特餐, 揚州炒飯, 連例湯, 餐茶(可改油菜) $29落柯打時吩咐走蝦, 待應哥哥好順攤話得, 飯炒得好靚, 裏面有叉燒火腿蛋之類, 少油, 粒粒分明, IMG:2]我點的特餐是豬扒蛋意粉 $27, 改了做通粉, 豬扒已經切細塊, 冇骨, 腌得幾入味, 通粉的份量亦好多.今天的主⻆黑白奶茶, 你睇顏色幾靚, 入口香滑, 若果茶味重手啲啲就perfectt啦. 淨係杯奶茶, 都不枉此行

上個星期食完，真係有啲掛住華立粉麵 ~ 剛返到大埔，照舊睇睇苑記有無位先，首選牛什，唉 .... 無緣，咁就次選華立牛腩啦 ~ 上次天堂今次地獄 ﹗無留意係咪同上次既師父一樣，不過功夫、廚藝同用料一定唔同囉 ~ 食左十幾廿年，都係即食麵、快餐、炒野或茶餐廳野最穩陣，叫潮洲粉麵睇采數啦。牛腩撈粗麵，見上次幾好味，今次就再黎添食啦，點知質數跌至谷底，同上星期差天共地，非常差，牛腩淡而無味，散筲筲、碎濕濕，睇啲顏色跟上次淺好多，已經知道有啲唔妥。粗麵煮到過晒龍，腍劈劈、濕立立，係隻碟度仲有水係度添，伴碟生菜雖然有部份仍然爽口，但烚太耐變黃晒。蠔油生菜走油，同伴碟既生菜一樣，雖新鮮爽口，但烚太耐變黃，有部份過腍喇。