萬發海鮮菜館 (已結業)

是日泊好車之後，看見門口師傳將一條龍Dun劏開一件件，各飯友見到都想試一試，雖然看後有點覺得殘忍，但如果條魚劏左，新鮮唔食，放到乾哂，可能仲殘忍，於是立即點了魚鰭用果皮蒸，魚背肉炒球。魚尾同頭腩好像已有人預定了！果皮蒸魚鰭 - 因為條魚夠大條，魚鰭骨與骨之間的肉也好有份量，肉滑之餘，最特別的係D皮，D皮D膠質好豐富，直頭Jel 口到好似食花膠的感覺。用了清蒸唔用蚊，最主要條魚真係新鮮劏，所以不用好濃味的醬汁小小陳皮及蔥絲已經好有鮮味，喜歡吃魚的朋友，一定會喜歡。西芹炒球 - 魚肉用了魚背肉，肉身好實淨，師傳的火喉又炒得剛剛好，不太油，呢味餸簡直係老少咸宜，魚肉有營養，又無骨，西芹又夠哂健康，加上少油快炒，故很直得推介。是晚再加多了木耳炒勝瓜，蒜茸炒菜心及石頭飯。

由於突然間屋企人話出去食晚飯，響諗唔到去邊之際，再次到萬發光顧。由於最近才食完大腸，牛柳肉之類，唔想再叫同樣嘢，所以叫左以下幾款。玫瑰露冰鎮鵝掌亦 - 味道剛剛好，酒味不會太重又不太咸，亦身本身也很大件。爽滑魚皮 - 不算話好特別，但個薑蔥鼓油味道都好好，好像是40蚊，大大碟，都抵食。石頭鍋燒雪菜芥蘭片 - 夠特別，特別D肉碎用來撈飯，一流。油浸荀殼魚 - 非常出色，外趣內軟，雖然用油浸處理，但仍然好有魚味。極力推介。椒鹽鯇魚鮫 - 椒鹽萬發的確係出色，喜歡吃魚，但又唔想好多骨的，一定會喜歡。鯇魚鮫的肉又特別滑，椒鹽又香口。簡直係鮮魷同九肚魚外一個好好的選擇。黃金花竹蝦 - 咸蛋黃包住成隻蝦，超香。花竹蝦頭大多膏肉彈牙，食完包你大聲嘩，膽固醇雖然高D，但係又係必吃項目。雖然220蚊，但個人就覺得OK，因為口感真係好豐富。鼓椒炒花甲 - 食過油鹽水花甲同呢個比，雖然好味，但個人比較喜歡油鹽水煮多D。原本諗住食小小，但實在太美味喇，大家都滿載而歸，本來話去食糖水都食唔落！我還見到牆上餐牌有芝士焗賴尿蝦肉伊麵，啫啫魚卜等等。我一定好快會去KO佢。

本年度波友最後一次飯局，因為有波友食過話正，大家就澎澎聲集齊人，準時六點半到達，可能早的關係，唔駛等位，所以有得坐一張Window Side大檯，又可以看到架車，真係食得安樂。一行八人，點左好幾味餸。薯仔黑椒牛柳 - 薯仔真係外脆內軟，熱辣辣趣卜卜椒鹽九肚魚 - 九肚魚夠哂大條梅菜蒸豬下青 - 這個用來送飯，簡直一流。豬下青好有咬口，梅菜又唔太咸鹽焗雞 - 普普通通，不太差，大大隻 80蚊都抵食油鹽水花甲 - 味道，火喉剛剛好，完全不會 (un) 好鮮甜。炸豬大腸 - 炸得好好，唔太 (loan) ，好有旺角街邊小食Feel. 石頭飯 - 超得，因為鐘意食飯焦就 (不) 側邊個D，原隻蝦都有好幾隻，食完一碗，再食多碗都仲係熱辣辣，真係超正。50蚊又係超抵食。完全唔同就咁食煲仔飯，因為煲仔飯是白飯底，牠飯底應該是用醬油煮過才落石鍋。最難得，食咁多好嘢，還有我最喜歡的無糖枝裝可樂。真難得。是次各波友滿腹而歸，充滿活力一同出發往球場開波喇！！！

之前由朋友介紹, 已來過兩次吃晚飯今天, 家人想試試 - 我們晚上六時便來等位, 直等至八時才能坐下. 實在有太多想試, 我們八人便點了八個小菜 + 芫茜皮蛋魚雲湯 + 萬發石頭飯薯仔牛柳粒 - 好味! 薯仔外脆內軟, 仍保持水份. 牛柳不過熟, 有嚼勁, 而且沒有一般的"美極"味芫茜皮蛋魚雲湯 - 值得推介! 其中一人對味精特別敏感, 但喝過之後都讚不絕口, 沒有多加調味料, 喝到的是魚本身的鮮味, 沒有腥味因為沒有風沙雞, 改叫豉油雞 - 雞肉很嫩, 很滑糖姜梅菜芥蘭 - 石頭鍋上, 味道適中, 梅菜不是太鹹, 值得推介椒鹽九肚魚 - 外脆內軟, 每次吃都能保持水準萬發石頭飯 - 一般雖然等這麼久, 但家人覺得也是值得, 而且, 今晚很多人吃飯做節, 但並沒有讓我們久等餸菜, 很快便送到. 還有, 這麼繁忙的時段, 侍應也禮貌招呼, 實屬難得!

我地叫咗九個餸，唔係，實際應該八個餸先真。因為我地吃完一碟薯仔牛柳粒後，真係覺得十分好食，所以即刻再叫多碟。芝士煙肉焗什菌— 一碟西式嘢，芝士味道夠，唔算太好食，可以唔叫。風沙雞— 味道ok，可值得一試，不過有d唔熟。椒鹽九肚魚— 好味！海鮮什菜煲— 清清地，用料都OK，隻蝦就差D芥蘭炒肥牛— D芥蘭超苦，肥牛算好食，建議下次唔好要芥蘭沙拉骨— 醬料唔掂，肉排好味豉汁炒聖子— 好味！讚！最後一定要講薯仔牛柳粒— 我重來未食過D薯仔外脆內軟，牛柳粒辣辣地，極到好味！總結值得下次會再嚟！

補祝契爺生日, 契爺自選餐廳吃生日飯~~ 他說還是去萬發穩陣, 本來是想近近的去九江街, 但太FULL了就來耀東街的總店~爸爸每次去小菜館, 看著滿牆的菜牌、侍應捧著1碟1碟小炒經過, 爸爸就雙眼發光, 於是4個人就點了4個菜大快朵頤~~~~~~~o者o者通菜煲 - 雖然通菜不是當造, 自然有點失色, 不過o者o者製法配爆得香口的肉碎, 非常惹味沙薑雞 - 這道有點失望, 雞肉很老, 沙薑味無法挽回多點分數。椒鹽鮮魷 - 似酥炸的多, 鮮魷沒有煮得老, 嚼勁洽到好處, 香口得會飲令人停不到口~~金沙焗蟹 - 這個是時價的, 今天的大隻肉蟹$150, 金沙製法要+$10~ 金沙即是鹹蛋黃, 焗過的香味更加吸引~~光是個蟹蓋, 裡頭多羔而面頭的鹹蛋黃用來送粥1流~ 蟹夠鮮味又多肉~ 好味好味~除了雞比較遜色, 其他小菜都很不錯, 如果人多聚餐杯上杯落就更暢懷了~~~~~~~~~

第二次黎。一直記掛住薯仔既味道！！！三個人，三樣餸： 薯仔牛柳粒、蝦米什菜粉絲煲、芝士煙肉焗什菇。薯仔牛柳粒最好味！食完再食！薯仔粒外皮經炸香，外脆內軟；用黑椒、蜜糖(白糖)兜過。裡邊係薯蓉，外邊係薯片既味道，送飯/佐酒一流！牛柳粒唔老，仲有點剛熟既血水。呢樣餸絕對係我再黎既理由。蝦米什菜粉絲煲正正常常一個煲，上枱時仲係滾緊架！魷魚係新鮮，料算多。湯唔算多，撈唔到飯。 但剛好，飯可以用另一樣餸撈埋！芝士煙肉焗什菇原本覺得有點冒險。畢竟係中餐館叫芝士煙肉...... 但結果係，值得再食！撈飯一流！！！ 因為佢有點偏鹹。雖然唔係拉得出絲個種芝士，冇得玩，但芝士味一點都唔淡口！配上淡口既什菇！絕配呀！菇面舖上一列整片煙肉。令我想起火腿津白上既火腿。雖然係用黎撈飯，但個汁再乾少少，就 perfect ！！！三樣餸都好大碟！再多d 人都夠食！！加三個飯一支大生力。埋單 $218。絕對有下下下下下次呀！！！不過下次要暫別 薯仔同芝士，發掘下新事物lu~~~

是曰氣溫下降，最適合到館子吃熱菜取暖。二人到來，是得其中一人介紹，知道風味不俗，果然來的菜大碟足料兼夠鑊氣。先來了薯仔牛柳粒($60)，牛柳粒多且大顆，經滾油泡得外脆內軟，裹面還有肉汁，是少有中式館子做得出色的牛肉，而薯仔亦煮得不遑多讓。然而，須等候多久的蠔仔粥($48)終於來了，看來十分大份的，兩人吃每位足五六碗，蠔仔是十分多及白滑肥鮮，加上大量芹菜冬菜方魚及肉碎混和，真夠大快人心。最後來的是臘味炒時菜($58)，以芥蘭芯炒足量的臘味，簡單中見可貴。二人埋單才$160，因免茶介加一，抵食及讓人有稱心滿意的感覺。

可能睇完呢度 d comment 先去食, 所以諗住好好味, 同埋嗰晚 d 餸唔多夠味, 所以就有 d 失望粟米魚肚羮 : 可能太肚餓, 所以覺得幾好味椒鹽鮮尤 : 唔多夠味薯仔牛柳 : 牛柳比嘢 “拿” 過, 所以好林, 同埋薯仔未入味金銀蛋莧菜 : 呢個冇咩特別金沙蝦 : 呢個都 ok 嘅, 不過 d 味都係差少少蒸魚 : 可能係全晚最好味嘅一碟, 條魚好滑, 蒸得啱啱好鹽焗鷄 : 麻麻地, 隻鷄好 “鞋”砵酒焗蠔 : 又係唔夠味仲有就係呢度好嘈, 如果一班朋友想坐吓傾吓計嘅話, 呢度唔會係好選擇, 可能我去嗰晚係星期五, 同埋好多人等位,所以有少少比人趕走嘅感覺

妹妹每次回港都必定到萬發食晚飯，我們喜歡它的小菜鑊氣夠，款式多！今晚一如以往叫了我們喜歡的小菜：咕嚕肉：唔會同傳統的一樣用肥豬肉，但肉質外脆內軟。菜膽雞：雞頗肥，還是喜歡風沙雞多點上湯浸豆苗：正常水準金沙九吐魚：我的至愛，鹹蛋黃外層香脆，內裡魚肉嫩滑！椒鹽豆腐：只是炸豆腐，沒特別鹹菜豬肚湯：有很多胡椒，好野味，很適合冬天喝這次晚飯雖沒什麼驚喜，但萬發維持水準，仍然是美味的一餐晚飯。

＾＾諗住老公生日投其所好咁同佢食佢心儀的大排檔，個心仲諗食大排檔會好平，仲以為可以省到一筆tim，點知......1. 魚腸蒸水旦 $58- 如果你唔怕腥佢係一個上佳之選，好味不過如果怕腥可以選魚腸煎旦。2. 海蜇頭拼雞絲 $68- 一般...麻油好香，但係d醋味就怪怪地,3. 豉椒炒聖子 $80- 好味，而且賣相好令，不過太咸，下次再去一定會講少咸4. 蒜泥蒸開邊((中))蝦...... $15-/一 我覺得味道唔係想像中咁好食，而且我心目中的中蝦同佢的中蝦的大細好似有d出入， 而且15/一的所謂中蝦，我記得我上次係增輝食有羔賴尿蝦都好似係15/！而且 佢整的味道唔及九記咁好食，人地九記都係80/碟，你都唔好話食完唔心赤！不過算啦

本來打算同男朋友去酒樓食平平地的龍蝦(因有d酒樓做緊優惠),但男朋友又想睇足球,所以要搵d有龍蝦食又有足球睇,咁酒樓一定無喇,所以選擇酒家搵左好耐先搵到依間又有足球睇又有龍蝦食.....點知...............龍蝦食唔落-------因為大貴了,佢地買成$22/兩,還有最細隻都要2斤,我地兩個人食點食到咁大隻同咁貴0既龍蝦,加加下隻龍蝦都要7佰幾所以無食到,須然食唔到龍蝦,但都食到其他好野1.0者0者通菜-------好大鍋及好野味good2. 豉椒鵝(長)-------大至上可以0既,但D鵝(長),真係好長,有幾條長到成尺長,...NO GOOD3.蒜蓉粉絲蒸扇貝6隻($80)------好好味呀....蒸得剛剛好.....Very Good 4.椒鹽白飯魚($45)-------師傅真係好有心機,炸到條條白飯魚都一樣.......good加2碗白飯 及 1支啤酒 ,一共$255.00其實我地食到好飽,因為牒牒都好大牒,下次一定叫大班人0黎睇波食野先

跟姐姐到了石硤尾的萬發海鮮菜館食晚飯, 這一間萬發, 比起在深水埗的一間, 坐得舒服, 地方乾淨, 仲有now 電視睇是夜的主角係椒鹽瀨尿蝦皇, 以size計, 這瀨尿蝦係無得彈了, 肉也很鮮甜, 不過我覺得椒鹽像不夠味道咁, 價錢二百八, 都算合理, 因為隻蝦大隻得嚟仲好多肉, 都食得幾過癮!再來係豆腐鯪魚球煲, 這個湯煲味道反而就咸了一點, 鯪魚球做得比較細粒, 仲有點彈性, 味道其實唔錯, 不過如果唔係咁咸就更好另外係三鮮骨髓, 這道菜做得幾惹味, 蠔油做的醬汁, 送飯不錯, 骨髓沒有異味, 墨魚新鮮爽口, 加入草菇一起炒, 好味!這間萬發, 越夜越多人, 氣氛熱鬧, 不時見大班朋友一邊食一邊啤, 食得好開心, 這兒都成為我同姐姐食飯常去的餐館!

滿心期待與一班舊同事一試這間深水埗區人氣旺盛的菜館，還到ＯＲ做足功課，點知，未吃已飽.........一位高瘦大叔竟因我等位阻礙店員出入而粗口侍候，大罵"阻X住晒......."，咁嘅招呼相信點好食都會背脊骨落，唯有即時拉大隊轉戰另一間出名小菜店。其實未被辱罵之前，已甚不滿店員的安排。舊同事曾致電訂，但店方指不設預訂，沒問題，唯有派舊同事早啲到等，好不容易等到有，店員指舊同事等到的被人訂了，真令人費解！之後，店員開始將我當人球般調來調去，一時叫我去另一邊舖話有大，一時又叫我坐住細先，有大才安排轉，一時又趕我去門口等，最後落得粗口侍候！咁服務態度，幾出名、幾好食都係假！顧客並非永遠是對的，但顧客可以選擇响邊度消費囉！希望店方加以注意、改善！到訪日期：１７－８－２００９（晚上七點半）

好耐無黎食，於是星期日晚就去食晚飯。由於去到時時間尚早，唔洗等，不過都坐滿約七、八成。頂湯雞腳煲上次見人食，好似好正咁，我地今次又試吓先！個煲好大，除咗雞腳，仲有豬皮。雞腳有成十幾隻。炆得都好淋，但又唔淋到一pat pat。雞腳似新鮮雞腳，細細隻，但幾肥美。豬皮正，吸晒頂湯味，不過就較肥。但頂湯幾杰身，味濃不會過咸。薑蔥桶蠔之前試過砵酒生蠔，味道麻麻，所以今次試薑蔥整法。點知佢話無生蠔，得桶蠔，都無所謂，只係價錢貴幾廿蚊。桶蠔較大隻，差不多係一隻桶蠔=2隻生蠔。一煲有4隻桶蠔，隻隻都好大好肥美。除咗4隻桶蠔外，全煲都係薑蔥。桶蠔用粉漿包上，再去炸。粉漿略厚，而且無味。桶蠔新鮮蠔味重，肥美，無沙無碎殼，啖啖肉。但除咗蠔本身的味道外，醬汁味道不濃，而且也未能完全滲入蠔中。萬發石頭飯差唔多次次都會食。水準依然啦！飯粒乾身，料足。又能保溫。石頭雪菜蘭片呢個都係用石頭窩送上。芥蘭片切得厚度適中，入口爽脆。面頭撒上已炸至乾身的雪菜。底部亦有肉碎同辣椒碎，帶點辣味，幾惹味。送飯不錯的選擇。