萬發海鮮菜館 (已結業)

一直想光顧很久,這夜終找到個理由.在太古連下三場之後,仍在光影同現實之間徘迴,也懂得行去車站,乘車回到大家的主場,地點當然是大西九.在石硤尾多間小炒店之中,好像只有愛文生同萬發未去過,前者比較隔涉,(因我們在大埔道.)結果,就選擇萬發.我們去的,是耀東街的一間,跑夜馬的日子,仍然車水馬龍.要稍等一會才能入座.作為以海鮮為主力的小炒店,也算做到豐儉由人,如果不蒸條魚炒蝦拆蟹,一樣有大把選擇,頓時有點花多眼亂,不知如何是好?來到小炒店,例牌起碼一碟香口的菜式,黃金豆腐都做得外脆內軟,不過一定要趁熱吃,小弟吃到最尾幾件,口感已經同先前有別.砵酒焗生蠔,用石頭鍋盛上,熱辣辣很燙口.這店的蠔有如珍寶蠔,肉質Juicy,砵酒的甜味亦夠.因為石頭鍋恆溫夠持久,所以慢慢吃也可.豉椒炒聖子,收你一百銀樓下的貨色,又點會是聖子皇之貨色?但是份量一樣大堆頭,雖然聖子不算很粗壯,吃落也啖啖肉,肉質味道爽甜.係有點不夠熱,除此之外,也不俗矣.石頭鍋飯又是用石頭鍋上,其實並不是那些疑似韓式石頭飯,只是將飯加上海鮮炒起,再放上石頭鍋上加熱便可.飯粒炒得乾身,不糊口,而且更有點點飯焦附送,可惜這夜胃口一般,事後吃不完

專誠過海嚟試下，七個人食咗八樣嘢，記得有以下:老虎斑:最貴個味(一斤十幾兩重，要收五百幾蚊)，蒸得十分好，魚身剛熟又夠滑，但好可惜有少少火水味，相信係養斑。鼓油煎竹節蝦:非常出色，蝦又大隻又有膏，蝦肉好甜，煎嘅火候極佳，依家諗起都流口水。炒蟶子k,都幾鮮甜，個豉椒汁惹味。蒸蟹蟹唔係好大隻，個真係頂角膏蟹，蟹亦夠肉，正沙薑雞：幾香，唔錯鼓椒炒栢葉:用嘅係黑栢葉，夠咬口又有原味。炒芥蘭同炒"偶"片都唔錯，可見個厨房除咗海鮮外整小菜都好得。呢到價錢唔算平，但海鮮水準好，比起西貢呢d地方亦毫不遜色，所以以食海鮮嚟講我個人覺得都萛抵，唔怪得門口坐滿等位嘅人。

買了三個小炒外賣。砵酒椒鹽生蠔，有10隻，份量不少。隻隻都好大隻，肥大飽滿。味道偏淡，而且蠔味不重，一般。豉椒炒黑柏葉，又係份量十足，幾惹味，黑柏葉有咬口，有些較韌。招牌牛柳粒炒西蘭花，份量十足。有鑊氣，牛柳粒有少少被"o拿"過，但淋得不會過份，而且仲有牛味；西蘭花新鮮，沒有炒過火。

31/1有個朋友叫食,去9江街萬發,我住深水步30幾年都冇食過,咁一於去試下啦,人唔算好多,5個人坐低叫餸,1人叫1個餸,平均15-30分鐘來1個餸,來齊晒成2個鐘,叫結帳都要等20分鐘,吹脹!再講下味道,1椒盬鮮魷,味道OK(有點咸).2豉椒鵝腸,(少椒少腸,有點咸).3牛肉粉絲煲(勁咸,備註:我巳是咸蟲).4西蘭花牛肉,(一般).重點來啦!!!5(萬發)羊腩煲,味道冇咩特別+(勁咸),但價錢就真係特別,特別貴!!冇睇價錢,但心諗佰幾!結帳一睇羊腩煲$240(中).....以為佢寫錯價錢去問啦,佢話冇錯,大$3??(聽唔清楚),中$240,小$120,冇野講,錯在於我地冇睇價錢...!!!

上星期仲未知道佢地轉左地址, 所以去九江街o個間. 星期三又出去長沙灣附近搵男友, 專登去新店幫襯, 去到見到一大班人等位, 好彩我地兩個人地可以俾到四人檯俾我地, 唔使等, 好野!新店比舊店大得多, 光猛好多, 人手多左, 但係我o係舊店相熟既伙計無做, 真係有d可惜! 新店d檯又係密麻麻, 椅子背椅子, 想然之係有幾多人幫襯!我地叫左豉椒炒硯, 雞蛋焗魚腸, 豆豉爆雞(半隻)同燒乳鴿. 豉椒炒現- 大大碟, d硯又大粒, 正!雞蛋焗魚腸- 唔, 魚腸略為鯹左小小, 落左胡椒粉都係鯹鯹地, 不過上面既雞蛋就焗得好好味!豆豉爆雞(半隻) - 今次無上次食咁惹味, 仲細碟左, 應該係無半隻雞既份量, 但係都ok!燒乳鴿- 即叫即炸, 皮脆肉甜, 正!食物質量同以前一樣咁好, 但係地方大左, 太多人啦, 好嘈o羅! 但係唔緊要, 最緊要食物好食!我地仲叫左四支啤酒, 埋單二百六十幾!

做左成四日野都無瞓, 終於下晝二點先撻落床,六點幾男友call我出旺角食飯, 但係我實在太累, 似醒又未醒, 男友建議去對面嘉豪叫餸食飯, 話未試過, 但係我堅持都係去萬發...今日係我第一次星期一黎食飯, 七點半左右, 前所未有唔使等位, 我瞓醒無耐唔肚餓, 認得我個侍應叔叔好快幫我落單, 我地只係叫左上次我食過好好味既豆豉爆雞同我男友點既勝瓜雲耳鮮魷.我唔知係唔係o岩o岩瞓醒條脷"瓜""瓜"o地, 上次食d雞好鮮甜兼惹味, 但係今次我只係食出惹味, 一d雞鮮味都無, 但係男友話正!!!成碟差唔多佢食哂!!!至於勝瓜雲耳鮮魷, 我就完完全全食得出鮮魷係唔新鮮lor, 梅既! 勝瓜就不過不失啦!雖然成日唔記得寫食評, 但係幫襯o甘耐都係第一次要彈lor, 人誰無過吖, 佢地係值得再去幫襯!!!叫左3支啤酒1個白飯埋單只係$170, 抵!!!

14/1(日) 7:30pm調皮小老表大考將至,百忙中抽出寶貴時間跟其複習複習.溫習完畢後,是晚與親友一行9人到此頗具口碑的小菜館一試虛實.預先訂座時並留了阿姐極力推介的花竹,$18兩.要不是事前訂位,我想要花上起碼一句鐘才有位.準時到達,眼見全場爆滿;環境尚算光鮮企理,唯地方較淺窄.9人點了豉油雞半隻$70-80,菜膽雞半隻$70-80,生炒骨$50,魚湯什菌浸勝瓜$55,蒜子扒豆苗$38,蒜蓉炒芥蘭$38,清蒸龍躉$204,$12兩,一斤一重,蒜蓉開邊蒸花竹$64x,荔芋油鴨煲$55,砵酒焗生蠔$60.菜膽雞--雞肉滑溜肉香兼備,拌碟的芥菜也夠清甜豉油雞--雞肉肥膏偏多,肉質縱嫩,卻不盡入味,相對較失色的一味.生炒骨--鑊氣十足,生炒骨肥瘦均勻,炒得相當乾身,肉質富肉汁,屬佳餚!魚湯什菌浸勝瓜--份量稍吝嗇,魚肚及勝瓜夠爽口,味道清甜!蒜子扒豆苗--清淡的一味,豆苗稍嫌嚡口些,但味道夠清甜.蒜蓉炒芥蘭--只選芥蘭莖的部分來炒,芥蘭炒得挺乾身爽口,要彈的是份量太的骰!清蒸龍躉--每人平分一件,龍躉肉質結實帶嫩滑質地,而且富鮮味,水準不賴!蒜蓉開邊蒸花竹--訂了每人一隻,花竹屬大型蝦,

住係附近又成日黎食飯都未幫佢地寫過食評添!真係唔好意思!上星期日同媽咪黎食飯,離遠望望門口,咦?無人等位既?!莫非無開門?!原來唔係,可能天氣凍d人去哂打邊爐,因為平時7點零8點門口實有大把人等位,有時仲要等成粒鐘先至有位!如果唔係媽咪大人無神神攞湯黎我屋企,我都慣性打個電話訂定檯(因為萬發係媽咪同老豆黎我屋企之後既指定飯堂).入到去人頭湧湧,啱啱有last張檯,唔使等,好野!同我相熟既伙計好快過黎幫我點菜,我地叫左豆豉醬爆雞,什菜海鮮煲同班片炒菜心.豆豉醬爆雞- 雞肉就算泡完油再炒d肉質仲好嫩滑,讚!班片炒菜心- 大大塊班片完完全全無骨又唔腥, 正!什菜海鮮煲- ok!叫左三支啤酒埋單只係235, 抵!!!另1)值得一提係佢地既蜜汁牛柳粒,我唔食牛未試過,但係我d朋友食過之後,呢樣係佢地次次既指定菜式,佢地話話每粒牛柳d蜜汁都好平均同埋牛柳粒入口即融喎!我每個朋友都係咁講,你地又不妨一試吖!2)我都好似有個幾月無去過萬發,今次去原來佢地加左價,但係我都係覺得值既!

同一班在長沙灣長大的朋友出來食飯，地點自不然是長沙灣一帶。有人提議去蒂發，話呢間野食小菜好正。其實呢間菜館都幾唔衛生，比起一般強記阿，增輝等的衛生情況都差好遠。不過大圍都話冇問題，咁我亦都冇有怕。正舖沒有位，被安排坐在隔鄰的地方。坐定定就點菜，選了羊腩煲、菜膽雞、豉油鵝腸、蟹肉豆苗、炸小唐菜等。點完菜再望清楚週圍，左邊檯在睹撲克、右邊檯在玩骰盅，還有大班人劈油狂歡，聲音震耳欲聾。談回菜色，其實也算不錯。羊腩煲好足料，亦沒有臊味，在涼涼的天氣下吃，是好好的選擇。菜膽雞，賣相不比一般酒樓差，雞肉嫩滑；豉油鵝腸亦可，芽菜連鵝腸幾爽口。蟹肉豆苗好大份，豆苗幾嫩，愛菜的朋友大大啖大大啖吃得好滿足。最後的炸小唐菜好特別，我從來也沒吃過這菜色。香脆的外層，裡面的小唐菜我水份也沒有流失，仍很爽口。可惜內邊的小唐菜太"散"，一夾起就會爛，要扣點分。平心而論，食物亳不遜色，但是環境卻嚇人。若你只追求食物質素而不計較其他的話，可以一試。但若你是要坐得舒服的話，則可Ban了這間菜館。

行完山時間尚早，大家決定去深水食小菜。沙薑雞腳-大大隻，好夠味，又唔會過鹹。豉椒炒蜆-好夠鑊氣，蜆肉難得隻隻都好肥美。生炒骨-十分正宗，因為每件都是骨，味道都ok。但以這類型的小菜館來講，不是非常有水準之作。叉燒炒蛋-蛋，炒得好滑；叉燒應該係來貨，肉地較實。豉椒炒雙扣-是烏魚扣及田雞扣，兩款扣都非常爽口及彈牙，有豉椒關係，炒得非常野味。焗魚腸-買相唔錯，可惜食落唔夠香，雞蛋又好實，唯一好是魚腸夠多。蝦子柚皮-估唔到整得唔錯，完全沒有柚皮本身的苦味，夠腍又入味，蝦子亦夠香。金銀蛋莧菜-38蚊大大碟，皮蛋又多、鹹蛋又多，真係好抵。6個人加埋7枝啤酒，埋單都係$452，真係勁抵的一餐。

星期日晚7:00去到,好彩仲有位,唔駛等.4個人點了4個餸:避風塘炒蟹(例牌$80)~ok喎,齊齊埋埋應該有2隻蟹,都幾大碟,不過就炒得乾左d,同埋好似無咩肉食,味道一般.粟米斑塊($60)~價錢比起其實食店好似貴d,不過物超所值,因為佢地用左新鮮魚塊整,好新鮮,d魚好嫩滑,又無"聲"味,加埋d粟米汁送飯不錯.豉汁蒸魚雲~大大碟魚雲,仲好多肉,味道就調到好似媽咪整嗰d咁,好有住家feel,好味.琵琶豆腐~大約有10粒+5條菜心,味道就好鬼咸,可能師傅重手左少少,味道一般.

端午節前夕嚟食晚飯梗係相當旺場，早一晚打電話嚟book位，話要8:30至有位。當晚我哋一行7個人未夠8:30去到，裏面坐滿，門口就企咗好多人。結果等到9:10至有位，不過佢哋樓面嚴重唔夠人，又等咗幾耐吓先至有伙計執檯同擺位。廚房又係唔夠人，等到9:45至有嘢食。講番食物，我哋叫咗：半隻霸王雞($65)、大魚頭煲($68)、蟹肉扒西蘭花、炸豬大腸、酥炸大鱔球同埋金沙海蝦(即係黃金蝦，伙計話：例牌$100)。啲嘢食樣樣都算係咁，分量亦唔細。我最欣賞大鱔球同埋金沙海蝦，前者有香脆嘅酥炸外層包住軟滑嘅鱔肉，後者好夠咸蛋黃，好過上次喺榮記食嗰碟(不過亦貴過榮記好多)。連埋兩枝嘉士伯(@$18)同5碗白飯，食得都好飽，埋單$459，都算經濟食得過。

唔係呢頭返工,不過有朋友既同事最近黎食過,話好食,於是我地一行五人就相約星期五晚放工黎試,我地叫左黃金蝦,炸大腸,蒸泥蜢,炒蜆,節瓜魚肚,蠔仔粥,樣樣都唔錯,例如黃金蝦外面包住既咸蛋黃好足,做到好香口既效果,炒蜆個汁好夠味,其中蠔仔粥大家更係讚不絕口雖然野食唔錯,不過環境唔係好得,一般屋村酒樓既格局,好逼,好嘈傾唔到偈

今晚食左豆腐班腩煲,通菜炒牛肉和椒鹽九吐魚,兩支啤酒,都係一百八十元,都幾大碟,好味過北河街街市,但係貴一点.

星期六大約9點鐘去到, 坐滿晒人都幾旺, 三個人點了蠔仔粥, 椒鹽豬扒, 海鮮雜菜煲, 豉椒聖子, 彊蔥生蠔, 三支啤酒, 埋單$280, 味道都ok, 但如趕時間或好肚餓就千祈唔好去食, 因佢地炒小菜既速度係好慢