薄荷葉泰國菜

营业中

休息中

見多人推介第一次惠顧，食品質素尚可，價錢以元朗就不值了。問侍應取水話冇，只有$28的有氣水，我以為去左酒店，明白的，咁問取熱水一樣冇，侍應話剛才比左水個客老闆𠲖哦佢。每樣食品差不多百多元，一個炒飯$118，一個炒菜$98，有肉食品每份差不多接近$200，味道可以，份量只一般。打算多叫一個炒飯及炒金邊粉，一位女侍應話要起碼45分鐘，叫我地不如叫羊架呀、串燒喎⋯我心諗炒個飯炒個粉時間會耐過羊架咩？🤔其實價錢貴少少唔緊要，最緊要有服務，用心對客。佢唔比水個客個下都知道有少少中伏😅，間嘢食物不便宜又冇供應水比客，炒飯炒粉話要45分鐘，咁様的服務仲有人肯再幫襯，比個服字佢😆

餐廳有indoor 同outdoor 之分，坐indoor可以邊享受住晚餐餐邊聽舒情音樂，天氣唔熱的話坐outdoor都係一種享受，有陣陣清涼既風吹過，感覺好寫意。上菜好有效率，每款菜式伴碟都有花心思，擺盤別緻😍。.🍤炸蝦球💲88共有8粒炸蝦球，粒粒都炸到金黃色，非常香脆可口，內裡蝦膠爽口彈牙，口感豐富。中間好多沙律菜😆，好健康。.🥬肉碎生菜包💲108每塊生菜都大塊又完整，好fresh既感覺，咬落去好爽脆，肉碎份量足夠，又香又唔鞋口，酸酸地既調味越食越開胃。.🍍特式菠蘿飯💲128造型非常特别，係用一個木筒載滿滿既菠蘿飯，飯係好正宗用咖哩粉炒過，粒粒都沾滿了黃色咖哩粉，非常香口惹味，內裡有魷魚、蝦、腰果、花生、波蘿、蛋，更有肉鬆舖上面😋，真材實料份量十足😍。.🍲班蘭咖哩雞💲118咖哩汁好濃好惹味，椰汁又勁香滑，雞既份量都好多，又好嫩滑😋。.🥥椰青💲45椰青水好鮮甜清新，感覺超fresh，飲落勁解渴，不過椰子肉可以更熟透更軟身。.🍹薄荷青檸梳打💲45薄荷葉好多，飲落又唔係好甜膩，真係超清新🤩，梳打好多氣，頭10分鐘都有好多泡泡keep住向上湧。

今日行完千島湖坐返車出元朗勁餓 簡左呢間泰菜試下一坐低d侍應已經好好 推介我地菜式我地最後都係自己簡左d好想食既野環境氣氛好正 好似去左芭提雅/ 泰國d餐廳咁有露天seats or 室內我地叫左勁多野食炸蝦餅好好食 有8舊！炸到好脆好香炸粉唔會太厚青咖喱牛肉配薄餅甜甜既咖喱 完全唔辣入面有泰國茄子 好特別 咬落去以為係蘑菇都係侍應介紹我先知牛肉份量都好多青木瓜沙律🥗成個盅咁上 盅碎左d香料再撈埋落去酸酸辣辣 辣度都幾勁 如果食唔到太辣應該叫佢小辣 好香好開胃入面有青木瓜同蘿蔔絲 同埋nuts 好fresh好開胃既感覺 同我之前係泰國食既一模一樣馬拉盞炒芥蘭 都好有鑊氣 好食！ 芥蘭 一d都唔苦好爽口 最中意芥蘭脆卜卜既口感平時唔食菜既我都食好多 唔辣 唔食辣既都叫得同埋冬陰公湯 （細）必叫既食物 一定一定一定要叫2人份量但我地一人都飲左3碗可能因為個碗細 2個人飲都唔會超飽超足料 好中意食個秀珍菇 同埋 蝦蝦都唔會梅 辣度岩岩好 呢間餐廳食得過～最後一人食左$300 包埋兩枝象啤！抵食

今日朋友邀請我黎呢間特色泰菜bar食嘢，餐廳分為室內同露天兩個部分，我哋揀咗室內。室內嘅裝修好靚，彩色嘅吊燈好有泰國風情。🥬 馬拉盞炒通菜呢味馬拉盞通菜比其他泰菜館做得更好嘅係佢炒到條菜都好熟同淋身，味道都係正常，係我鍾意嘅馬拉盞通菜～🍢 沙嗲串燒6串 （牛/豬/雞各兩串）串燒非常惹味，牛肉係特別好食，肉汁豐富之餘仲有少少辣嘅調味。🐥 火焰燒雞呢個隱藏菜式係餐牌上面冇嘅，但見到有其他食評講佢，所以就問吓，結果真係有，超開心！首先會全隻雞原隻上，之後waitress淋少少酒精(?)上去點火🔥 再幫我哋切開隻雞，服務超好。而且呢隻雞係真係好好食！係全枱最好食嘅一樣嘢！🐷 青咖喱豬 配 薄餅薄餅又厚又脆好抵讚，青咖喱比一般姇到嘅更重薄荷葉嘅味道，啱曬重口味嘅人食🤣🥥 椰青成個椰青裝滿甜甜哋嘅椰汁，正。🍹 柚子蜜（凍）

黎開做野，搵個住元朗既朋友帶我食好野先😝佢揀左薄荷葉，話呢間係元朗好出名既泰國菜餐廳。係元朗站見到個朋友，之後就轉輕鐵係豐年站落車，直行就到喇。都算方便！呢度係間酒吧，氣氛都好好，又有音樂，今日我都算早食飯七點前已經坐低，好容易搵位，呢度仲可以坐出面，呢個天氣涼涼地就啱晒。好欣賞佢一坐低就俾咗碟前菜，酸酸甜甜既青瓜紅蘿蔔好開胃。⭐️冬陰公湯 細 🥘係我鐘意既味，唔算太辣，酸酸地，好開胃。都好足料！有好多菇，開邊蝦都有幾隻，蝦肉好爽口。份量都算多，每人筆到至少兩碗😋😋⭐️酸辣無骨鳳爪沙律鳳爪爽口，啖啖肉，加上配菜洋蔥，紫椰菜，紅辣等色彩繽紛，令人食指大動。一碟差唔多有10隻鳳爪，微辣，極之開胃，必點前菜之一。⭐️馬拉盞炒通菜🥬菜既份量好足，炒得剛剛好，唔會太老，食落唔會有‘渣’。兩個人食啱啱好，唔會太咸，唔會太辣，加分。⭐️⭐️⭐️咖喱軟殼蟹配薄餅🦀🦀呢個真係好好食，尤其係我本身都好鍾意食軟殼蟹，上碟時軟殼蟹堆滿碟，可想而知有幾大隻啦！咖喱係黃咖喱，香而不辣，加上薄餅酥化，見一層層既酥皮。酥皮吸滿咖喱汁，再配合蟹令人胃口大開。下次黎一定會再叫咖喱軟殼蟹加埋薄餅！⭐️椰青，好大個，夠清甜，我連啲椰子肉都

今日經過一間食泰國餐廳，見到裝修好有泰國feel,佢仲有一個酒吧位，吸引我們入去。入到去侍應好熱情招呼我地安排位置，我哋見到餐牌都有好多野食同飲品選擇，仲有酒精選擇。 馬拉盞炒椰苗 $98 食泰國一定要叫馬拉𦾟炒菜，好喜歡個醬好香同椰苗好夾。 青咖哩 配雞 $118 泰國咖喱有紅，黃，青，我自己好喜歡青咖哩係甜甜辣辣，再配薄餅 $55 4塊 薄餅熱辣辣 好脆口，再點青咖哩好正。 自家制炸蝦餅 $ 88 一黎到好大盤，食落好熱辣辣，好彈牙，再點泰國甜酸醬好正。 沙爹串燒 $108 豬、牛、 雞 各兩串 熱辣辣點沙爹醬好正。 食串燒 當然好想叫啤酒呢到有Kirin draft beer 有8種味道，叫左水蜜桃同香桃味 ，飲落去好爽，好涼快。

呢日同朋友去左元朗到搵野食，我地去左一間食泰國菜既餐廳食晚飯，呢間泰國餐廳都幾有氣氛，係連埋吧檯既，除左泰國菜，仲有酒飲！呢度有好多唔同既泰國菜式，好吸引！未點菜之前有一小碟泰式前菜。我地點左咖哩軟殼蟹，咖哩好惹味，而且唔會好辣，好岩香港人既口味。軟殼蟹脆脆地，又多肉，配埋香口既咖哩真係好正！另外，我地仲點左椰汁雞湯，雖然呢個係小份既椰汁雞湯，不過份量都幾多，兩個人食的話，一人都可以飲到兩三碗湯，湯入面落左好多香料，好地道。我地仲點左馬拉盞炒通菜，馬拉盞既味道好香，加埋新鮮既通菜，食唔停啊！小食方面，我地點左炸雞翼，呢個雞翼係單骨雞翼，好貼心，佢炸到好香脆。黎食泰國菜，當然要點返個椰青啦，perfect!

之前一直有元朗朋友介紹話元朗有間泰國菜好出名💡好多人食 所以今日專登入嚟試吓未出發之前係OpenRice都見到不少好評🤩呢間餐廳係有室內室外鍾意呼吸新鮮空氣🍀嘅朋友可以揀室外坐因為今日天氣比較熱，所以我哋揀咗室內一坐低先叫咗個椰青先🥥呢個椰青好甜，解渴一流😋我哋今日一共叫左4 樣嘢食食得泰國菜梗係要飲返個🥢冬蔭公湯啦呢個湯真係冇得頂‼️因為通常出面飲到都係比較稀但呢度個湯質地比較杰身，用料絕不手軟不但湯味濃，分量亦很多🦐雖叫咗二人份量但每人可分到大約三碗抵食🔸✔️小食方面 我哋就點左🥢炸蝦餅，咬落去肉質彈牙👍🏻食得出蝦肉新鮮，配埋泰式辣醬真係perfect match 主菜我哋就叫咗🥢青咖喱新鮮雞配白飯🐔🍚平時出面的泰國菜多數都會選用雪雞好少會咁落足本用新鮮雞，所以特別好食因為雞肉唔會有雪味，抵讚👍🏻我哋仲叫左🥢泰式椒絲炒椰苗🥬今晚呢餐泰國菜真係好好食，食左咁多野$600 都唔使，真係專登入黎食都係值得住元朗嘅朋友真係有福喇😍

今日又同朋友黎呢間泰國餐廳，見到長期都幾好生意，野食質素應該有保證🤣頭盤叫左泰式沙嗲串燒，肉碎生菜包同泰式鳳爪。串燒可簡豬、牛及雞，就每樣各2啦，串燒十分惹味，送酒必點🥳肉碎生菜包唔算太辣，但十分開胃👍🏻相對之下，泰式鳳爪就比較辣，小朋友就唔岩食喇，當然不怕辣都可以試下🙊食完頭盤就到主湯品，泰國菜點少得冬陰功湯呢，冬陰功湯十分惹味，酸酸辣辣，而且十分足料，又有蝦🦐又有菇🍄咖喱牛肉配埋薄餅十分夾，咖喱汁香濃惹味，正。最後仲有火焰燒雞，燒雞上台後，侍應會將雞隻點火讓客人打卡📸 影完相仲會幫我哋剪好啲雞，打卡必點✔️✔️✔️

呢間泰國菜地方闊落，岩曬同朋友一齊食野吹水！試左招牌火焰燒雞，店員會係客人面前點火，等客人可以打卡影相📸️跟住再幫客人分雞，我地食果時，隔離台都望住晒，吸睛一流🤣🤣泰式鳳爪都幾辣，不過酸酸辣辣，更加開胃。叫咗沙嗲串燒，下酒一流，沙嗲香濃。泰國菜必點冬蔭公，除左香料味外，仲飲到陣陣椰香，十分惹味。仲有生菜包，怕辣既可以叫少辣，咁就大人同小朋友都岩食啦！另一道泰國菜必點既就係咖喱，咖喱唔算太辣，椰香味濃，配埋薄餅一流！

位於元朗劇院附近既餐廳，環境幾舒服，而且燈光暗暗地幾有氣氛，有室內室外坐位，幾岩一大班frd聚舊用餐。自家製炸蝦餅$88食泰國菜點可以唔嗌炸蝦餅，一碟有8件份量都唔少，外皮炸至金黃色，食落非常香脆，而且外皮炸粉唔厚，所以食落啖啖肉仲幾彈牙。馬拉盞炒通菜$78尼碟馬拉盞炒通菜鹹香可口，帶有少許海鮮醬味，菜口感爽脆，加埋蒜粒、蝦米粒口感更豐富。廚師特色蝦醬炒飯$138不得不說依款炒飯賣相100分，擺盤落足心機，正中間用一串蝦貫穿左用薄薄一層網狀蛋包住既炒飯，真係好靚😭旁邊材料有洋蔥、花生、青瓜、辣椒、肉、蝦乾，而最重要既一款材料就係魔鬼魚乾！我覺得係整個菜式既靈魂，味道鹹香超級開胃🥴 記得將佢整散再將所有材料撈混先食👍🏻口感同味道會更佳明爐酸辣魚$198 尼個明爐酸辣魚同平時出邊食既湯底唔同，尼款湯底顏色偏紅望落都幾辣，飲落酸酸甜甜帶點微辣。魚方面餐廳選用爐魚，經過油炸方式再放落明爐上面煮，魚皮雖然浸咗湯但食落仍帶點酥脆，而旁邊既蔬菜有西蘭花、椰菜花、通菜，索哂酸辣汁超正😭整體尼條魚非常惹味餸飯一流😋椰青$45每次食泰國菜必嗌飲品，椰青夠新鮮，食落清甜而且又解渴🤤士多啤梨特飲$32不但有士

緊張時期食飯都會搵一啲空曠啲嘅地方 呢間泰國餐廳兼酒吧佢有戶外位置 我哋就放心喺度食啦叫咗以下幾樣食物柚子鮮蝦沙律炸蝦餅越式米紙卷咖哩牛肉再加薄餅仲有兩杯飲品分別係青檸梳打同埋椰青佢呢度會有個前菜當日係青瓜都幾親新鮮脆口 調咗嘅味道都幾好味同開胃 不過個人認為價錢有啲貴柚子沙律份量好大碟而且食起嚟好清新 食完炸蝦餅之後再食佢感覺無咁大邪惡感炸蝦餅好出色 熱辣辣上枱外皮夠脆粉唔會厚 裏面嘅蝦好彈牙 唔會係食起呢霉霉口感 炸得非常飽滿 讚越式米紙卷分量都幾多有成八件 佢呢度比較特別 佢唔係好似出面包啲肉類 佢係包咗三文魚 都幾創新嘅嘗試青咖哩牛肉呢個味道唔會好辣 有淡淡嘅椰子清香 而且份量都好多 見佢有咁多汁我哋就決定加配薄餅 都有成四塊分量都好多 烤到熱辣配埋咖哩汁 好好食椰青同梳打都非常好味 椰青非常之甜 建議食完一輪食物點個椰青 確實幾膩呢呢間餐廳嘅菜式都幾貫徹佢嘅餐廳名每碟食物都會有見到薄荷葉 有心思

餐廳呢頭好有文化氣息，冇咗平時元朗嘅煩囂感。行經餐廳門口，被呢度嘅五光十色、開心、溫暖嘅感覺吸引住。入到黎全部都係啲木製枱凳，牆上有好多泰式嘅地道裝飾，最吸睛係佢個飾櫃，同埋5五顏綠色嘅燈籠，環境比較昏暗，有情調。因為唔太肚餓，點左幾樣野食。酸甜魚賣相唔錯，酸甜汁味道啱啱好，好開胃。魚皮有酥炸嘅香脆口感，淋左d汁上魚身，令魚唔會太乾身，裡面魚肉重好鮮嫩。小食拼盆（細）兩串豬肉串、兩件魚餅、蝦餅、脆蝦餅、四件泰式春卷細拼盆都好多野食，鐘意可以樣樣試下。整體唔錯，泰國地道嘅味道，好多唔同香料刺激味覺，香口好味。惟魚餅太鹹。馬拉盞炒通菜火喉唔錯，鹹香味道啱啱好，最怕太鹹。份量適中泰式石榴汁有石榴粒同石榴汁兩溝，味道清香又甜又健康👍🏼點晒野先發現呢度有特色啤酒，下次想飲番杯就黎試下先

呢間位於元朗劇院附近既泰國餐廳 隔局非常特別 同一般會擺滿偶像 金碧輝煌既泰國餐廳唔同 佢有分室內同露天 而且入面又有bar枱 仲有個projector播左流行英文歌 都幾特別我地叫左碟馬拉盞炒芥蘭（$78）啲菜都唔老 醬料又唔辣 同埋啲芥蘭有切到一片片 方便我地食之後再叫左菠蘿炒飯 （$128）佢既造型都幾靚 用個木桶裝住 而且啲配料都好新鮮 有好滑既魷魚 新鮮既大蝦 仲有腰果 肉鬆 同埋新鮮菠蘿 雖然唔係好甜 但起碼唔係用罐頭煙三文魚木瓜沙律（$118）個造型都好得意🥰但比較辣 我唔係好頂得順😂但係好食既 佢三文魚好大塊 同埋木瓜都好爽脆牛豬串燒（6條）啲串燒好大舊肉 唔係平時一般咁細細串 食一串已經好飽 而且都燒得幾香口 有埋沙嗲醬配最後叫左細既什錦小食（$128） 有泰式春卷 蝦餅 仲有兩條串燒同啲泰式魚餅等等 最中意佢個泰式魚餅 有陣冬陰公味夠哂香野飲方面 店員話由於疫情關係 唔會提供水飲 所以要係店內自行購買支裝水或者叫特飲 我地叫左士多啤梨同石榴特飲 士多啤梨冇藥水味既 不過陣水果味就唔算太出😀🌟🌟最後提提大家係要加一呀 仲有一開頭會有泰式小食提供 係辣青瓜加紅蘿蔔🥕（

夏天開始來臨了，整條街都是短袖衫，傻傻的我和女友還穿長袖衣服，結果成吉思汗打仔的樣子，到了夜晚我們決定吃一點比較開胃的食物，於是女友帶我來到這間屹立差不多20年的泰國酒吧。由於女友最近比較少吃菜，所以點得滿枱都是菜，而且我們也處於非常飢渴的狀態， 所以北京思索便點了2人套餐加一個馬拉盞炒芥蘭。另外酒吧的環境很不錯有於置身泰國的感覺，很chill。甜柚鮮蝦沙律兩大條的鮮蝦絕對童叟無欺，肉質新鮮而爽脆，而且還有女朋友最愛的甜柚，酸酸甜甜非常適合炎熱的食物，整體味道非常fresh 吃多了也不會guilty 的感覺。馬拉盞炒芥蘭醬汁做得很不錯味道豐富酸酸甜甜辣辣的比例完美，非常惹味。而且芥蘭菜也非常新鮮，爽爽脆脆的再配合廚師的炒工，好似菜的新鮮原味外亦不乏鑊氣。椒鹽魔鬼魚孤陋寡聞的我其實先前沒有吃過魔鬼魚，1）因為比較少見2）之前看飲食節目以為魔鬼魚的味道會很「壓」，所以就算見到都不敢點。但這味菜的確令我對魔鬼魚改觀，首先絕對沒有「壓」的臭味，而且椒鹽炸得非常香口，保持香脆之餘又不會滿口炸粉，魚肉方面魔鬼魚其實比其他