薄荷葉泰國菜

营业中

休息中

訂得位，入得去坐，一定要預咗俾人劏，這裏吃晚飯的消費絕對不可能是$100至$200。強烈建議Openeice 做一做Fact check。一坐低，水都冇杯，餐牌都未睇清楚，就有個女人衝埋嚟，一衝埋嚟就出事，不停地Sell 嘢，Sell 啲貴嘢，一路寫，一路問，不停地寫寫寫。當你停一停佢，話轉頭再落單，個阿姐即刻面都黑埋，佢又拋出一句，分開落單要等一個鐘頭先有菜上，嚇到你呢！之後又聽到佢幫後邊果台落單，又係重施故技，又再嚇人哋要等一個鐘頭。嘢食唔係有乜嘢特別嘅驚喜，都係普通泰式嘢，壓軸有驚喜，人均消費超過$450。總結：元朗街頭餐館，快餐店服務質素，酒店式價錢享受！

日日同朋友約咗食薄荷葉，佢介紹比我，話係食過環境最特別嘅泰國餐廳🍴於是我就去睇下啦！我淨係睇佢個地址真係搵咗好耐都搵唔到，因為原來佢係一間開放式嘅餐廳，又食泰國嘢又可以飲酒gathering!所以又係幾新鮮嘅！入到去坐低之後就梗係睇吓佢個餐牌啦，都幾多嘢食揀呀，不過依日就無生蝦食🥺一坐低店員就比咗個前菜我地，酸酸甜甜好開胃飲品方面就一人一個椰青先啦😚兩個人叫咗一個細嘅冬蔭公，$108，兩個人可以一人飲到3碗左右，夠曬足料！同埋個場夠酸，辣度方面亦都可以自行選擇，雖然我唔太食得辣，不過冬蔭公唔叫返正常辣就唔夠過癮啦😋入面好多菇，蝦🦐亦都係爽口新鮮嘅，係咁多樣食物入面最好食嘅！另外叫咗生菜包肉，依個就叫咗小辣，所以食落就香葉味多過辣味，不過肉碎方面肥瘦適中，整體唔錯。食泰國嘢一定要叫返一個炒通菜，因為係用椒絲嘅關係所以就唔係好辣^ - ^之後我哋再叫多咗一個雞肉黃咖喱🍛配薄餅咖喱非常足料，都好多料好多雞，薄餅方面就有4塊，兩個人食已經夠晒飽肚啦！最後兩個人食咗$625，價錢方面唔算話特別平不過就勝在有feel同埋個好好飲嘅冬蔭公！

今日同朋友突然好想食泰國菜，係元朗食泰國菜諗都唔駛諗就一定係去薄荷葉食㗎喇。因為依到啲泰國菜除咗好食外，重有啲特別嘅嘢食。依到嘅環境好舒服，重會有個螢幕係到播下片，播下音樂咁，好似落咗bar咁。我同朋友一坐低就叫咗個黑毛豬套餐杯黑啤就正正常常啦，就係黑啤囉但係嗰個燒黑毛豬就真係今餐食過最好食嘅嘢黑毛豬佢本身就燒得好香好juicy，就咁用嚟送酒已經冇得頂，再加上佢有提供多幾種食法俾大家，一個係點佢啲胡椒鹽，點完食落去令到依個燒豬更香口。重有兩隻泰式嘅醬汁俾我地點，食落去都好重“泰”味。介紹完佢個泰式燒黑毛豬，就介紹下我最鍾意嘅泰式菜炒金邊粉喇依個金邊粉勁靚，不過除咗樣靚外，佢嘅味道都非常好，同埋唔會話炒得太乾。但大家要記得將啲配料撈好啲，因為我朋友撈唔勻啲配料，佢就食到啖好多辣椒嘅，辣到佢喊。總括嚟講，依間餐廳真係好值得大家嚟食，因為好味之餘，佢地啲擺盤亦都好靚。員工嘅態度非常好，會教我地啲菜色點食最好。環境都好chill。

平時都留係屋企食飯 今次難得可以同友人出街食飯 夜晚就係元朗食左泰國菜！一入去已經覺得個環境好優美 因為係半露天既酒吧餐廳 雖然平時大多數食既係西餐 但係今次泰國菜都俾到我好大驚喜小食併盤成個併盤有好多好多小食 最出名既泰式蝦餅好爽脆 串燒更係燒到好入味 仲有特色春卷 配埋餐廳提供既甜酸醬或辣醬 令我下次黎都想再試！特色蝦醬炒飯依個菜式既賣相十分吸引 中間夾左個魔鬼魚皮既炸物 侍應好耐心解釋返要將啲炸品同啲飯伴埋黎食 加左啲炸物食落去成個飯都好有鹹香 必點！馬拉盞炒通菜本身鍾意食通菜 加上馬拉盞既炒法令到啲菜辣而香 非常好食 軟殼蟹咖喱好大份好大份 好多軟殼蟹 啲咖喱唔會太辣 軟殼蟹啲蟹肉配埋咖喱個配搭啲味道好出 真係食到肚都飽呀今次！整體黎講 個環境優美 啲侍應服務態度都良好細心有耐性 食物質素都很高 值得推薦去試！

由於一直都好掛住呢度嘅生菜🥬包，所以趁情人節前夕就同朋友黎左呢間好有feel嘅泰國餐廳食。呢度有少少泰國菜mix西餐+bar嘅feel，好啱同伴侶或者朋友傾計飲下酒🥂野食方面，我地一坐野服務員就拎左碟前菜小青瓜比我地，一路點菜一路食，又辣又開胃，好食到想無限refill 🤤個生菜包依然咁有水準，好香口夠味嘅肉碎又有另一種辣，呢種辣啱啱好，又唔會食到好似麻辣米線嗰種令人個嘴麻痹嘅感覺，加埋好fresh嘅生菜包埋，啲汁就黎爆出黎好juicy👍另外仲要讚下佢另一個前菜：越南紙米卷👍冇諗過佢都幾多舊😳仲要好食😋個皮夠晒薄，仲有層煙三文魚係入面好夠味，加埋青瓜等等好足料，又唔會太dry，有啱啱好份量嘅沙律醬，全部野加埋真係好夾，係我食過最好食嘅紙米卷😋我地另外仲叫左杯啤酒🍻，黎到mint就梗係要叫番杯mint beer啦🍺果然，佢係有薄荷味嘅啤酒，但意外地好飲😳涼涼地帶啲清香溝埋少少苦嘅啤酒好易入口，fresh得黎好啱女士飲。呢間餐飯環境氣氛都好好，仲有個大screen係度播歌睇MV，令人好enjoy個個氛圍。🎼

今晚約咗住喺元朗而又好耐無見嘅朋友食晚飯我就提議食泰國菜🇹🇭佢就話屋企附近有間喺元朗都幾出名😇而街坊都讚嘆嘅泰國餐廳於是急不及待嚟到🤤眼見都幾多人食😮好彩仲有位🙏🏻店員亦好快安排坐位用膳環境方面枱櫈以至牆上佈置、燈飾好有泰國風🇹🇭感覺好似置身泰國夜市當中食物方面點選咗幾道菜式泰式炒飯 $118泰式炒飯都食過唔少次而今次食第一啖覺得好醒胃👍🏻炒得非常入味😋如果唔係Share我諗一個人成碟都食得晒冬陰公湯 (細) $108一向都唔係咁食得辣🙈呢煲冬陰公湯又唔算好辣👍🏻除咗本身嘅香辣味仲Feel到好濃烈嘅椰奶香😋絕對係煲湯嘅精華所在肉碎生菜包 $108小時候最愛嘅菜式之一😳肉碎加入乾蔥、香葉同辣椒一齊炒份外野味馬拉盞炒通菜 $78看似好普通，其實加咗麵豉醬去炒，好適合餸飯炸蝦球 $88一上枱已經爭住夾黎食🤣外脆肉厚😋點埋甜酸辣椒醬更加正黑加侖梳打 $38未試過飲呢隻👅天氣咁熱當然要飲返杯凍飲解下渴啦青檸梳打 $38飲品一到賣相令人心曠神怡😇朋友亦大讚夠大杯先夠爽整體相當有地道風味😋 估佢唔到😂有機會入元朗想食泰國菜一定要黎試

當晚臨時臨急，睇左OpenRice 食評，見到都幾多like先坐低～ 一坐低就有個姐姐力sales生蝦，自己鐘以食，又無問價錢就叫左，埋單先知承惠$198，應該係我食過最貴既生蝦，有6隻咁多，差點以為自己係酒店食飯～ 仲有都無問你就擺低左得幾粒既一碟仔青瓜，承惠$12。因為屋企人食素既關係，其他食物都係雜菜煲和炒芥蘭等，白酒煮青口都係一樣多菜得幾粒青口既小菜，越式米紙卷都係第一次食到夾煙三文魚，都唔知話佢特別定奇怪。 同意其他食評既睇法，呢間餐廳賺錢賺好盡，食物又唔係特別出色，服務都唔係特別出色。 有多餘閒錢想睇下有幾伏先幫襯啦。

來到元朗的這間頗有名氣的薄荷葉泰國菜餐廳，有個半露天的環境，十分不錯。我們都餓了，立即點菜。雜錦小食我們點了一份小份的，誰知份量也不少。有泰式春捲，炸蝦餅，魚餅，豬肉串燒，還有幾塊脆蝦餅。一次過可以試幾款小食，配有沙嗲醬和泰式雞醬。泰式肉碎生菜包豬肉肉碎一上枱香氣十足，味道微辣，十分香口。配生菜吃令肉碎的咸香更特出。椰汁雞湯椰子味香濃，帶點辣度，足滿泰式風味，裡面的椰子雞煮得很嫩滑。斑蘭咖哩魚第一次看到斑蘭咖哩，當然要試試。這款咖哩是不辣的。咖哩味道很香，濃郁的咖哩汁還可以配幾塊香脆的大大塊的薄餅吃。主角的魚擺放得很特別，我們看到鄰桌點了感覺很好吃所以點的。味道果然不錯，魚很大條又啖啖肉，魚有骨但並不多，配上咖哩汁吃，十分惹味。

#TastewithTA 說到要吃泰國菜，多數食泰國菜價錢都唔平，最近同朋友行過元朗劇院見到《薄荷葉泰國菜》，見裝飾幾靚就入去試吓！⠀⠀⠀⠀⠀⠀⠀⠀⠀⠀⠀⠀播放著泰國MV，放有泰國特色的裝飾的牆壁天花，有室外/室內坐位選擇！價錢方面實屬合理，多人更可以分享更多款小食呢～⠀⠀⠀⠀⠀⠀⠀⠀⠀⠀⠀⠀🏷蝦片 - 除咗本來有嘅小食之外，另外仲叫咗蝦片！估唔到好大份，每塊蝦片都好大塊呢～⠀⠀⠀⠀⠀⠀⠀⠀⠀⠀⠀⠀🏷泰式炒金邊粉 - 剛坐下就發現旁邊座的也有點，當然要點這個！這個好食！！雖然加一點砂糖沒有那麼健康，但是砂糖辣椒加金邊粉的配搭真的超好食！！⠀⠀⠀⠀⠀⠀⠀⠀⠀⠀⠀⠀🏷黃咖喱雞 - 咖喱雞的料有很多， 單點/配白飯 / 配薄餅也十分好食喔！⠀⠀⠀⠀⠀⠀⠀⠀⠀⠀⠀⠀🏷白飯薄餅 - 薄餅單點有四塊！好厚好足❤️❤️❤️⠀⠀⠀⠀⠀⠀⠀⠀⠀⠀⠀⠀🏷咸檸7up - 不解釋～ 就是好！⠀⠀⠀⠀⠀⠀⠀⠀⠀⠀⠀⠀🏷沙嗲串燒：有雞、牛、豬！牛肉串燒鬆軟，超驚喜！⠀⠀⠀⠀⠀⠀⠀⠀⠀⠀⠀⠀

趁今日收工收得早，又岀去搵食今次簡左呢間泰國菜，呢間餐廳有分室內室外，又有好多種類既酒，可以同朋友飲反2杯，好似酒吧咁，好有情調💕馬拉盞炒通菜，普普通通，冇乜特別！雜錦串燒，2豬2牛2雞。豬同牛都好好好味，又淋又入味，好似慢煮甘。不過個雞就麻麻地，我覺得比較硬蝦餅，新鮮熱辣辣上枱，記得等一陣先食，真係會辣嘴。d肉好彈牙，個皮又唔會好厚，好味😋菠蘿炒飯，通常都會用菠蘿裝住，佢就用木桶都幾得意！好足料，又有魷魚蝦仁，數量都唔少，而且呢度飯超大兜，四個人食都可以！呢間餐廳都幾有心思，室內有精心佈置，每碟餸都會有啲花花草草係側邊做裝飾，好有心思。下次會來再試吓其他菜式！不過有個重點，朋友買單比現金，預咗都會俾貼士，不過佢真係找得好散，要找45蚊，個待應就一張20，另外25都係散子。令人覺得唔係咁舒服。。。

今晚又要來元朗探朋友，見到這間色彩繽紛，還有露天悠閒位置，試下先有機前菜 $12酸酸辣辣惹味，青瓜爽脆泰式炸蠔 $50@隻蠔大隻又飽滿，外層炸得香脆，蠔肉鮮，酸辣泰式醬汁減油膩感越式紙米卷 $118紙米卷有煙三文魚，配搭清新蔬菜，清新馬拉盞炒通菜 $78通菜脆甜，配馬拉盞鹹香，惹味少辣黃咖哩豬 $173黃咖哩有香濃咖哩味，微辣，豬肉嫩滑入味，配香脆烤餅一流，沾上咖哩汁，一啖一滋味泰式檸檬魚 $168魚肉熟度剛好，鮮甜，配泰式辣醬汁和青檸，酸辣醒胃咸檸7 $38解渴清熱氣

今次係第一次去泰式酒吧，成件事好新奇！好似坐咗喺越南啲街邊檔到Chill咁招牌火焰燒雞 $168呢隻烈焰紅唇火辣辣燒雞！！不愧為招牌，果然好好味除咗啱啱上菜有驚奇嘅著火環節🔥佢原隻燒雞係上碟嗰陣仲幫你切件又再還原返一隻雞嘅形狀🐥燒嘅方法除咗令個皮面烤脆，帶少少焦香之外，食落去又香又甜甜地 喺好奇心驅使之下我又問咗個店員到底隻雞有咩秘密㊙️🐣先知原來係用玫瑰露燒過🌹而且$168就食到咁好味既原隻燒雞 仲有得打卡睇著火表演，都算抵到爛呀🤣Bbq泰式燒蠔 $198隻蠔超級巨型👨🏻‍🍳又肥美多汁💦蠔上面加咗d泰國特色醬汁，食落酸酸辣辣🌶呢款有得揀燒/炸✌🏻店員哥哥話炸蠔比較多人揀，所以嚟食嘅朋友可以試下炸既😚雜錦小食 (小）$128呢個雜錦拼盤包咗超多嘢😋有四條泰式春捲+兩支豬肉串燒+兩件蝦餅+兩件魚餅+兩塊脆蝦餅一次過可以試曬咁多款小食，佐酒吹水一流 兩個人去食啱啱好分均～咩都有得試下如果多過兩個人去可能就要叫大份啦😉另外再叫咗碟馬拉盞炒通菜、薄荷葉青檸梳打🌿、黑加侖子梳打🍇呢度既環境唔算大，有outdoor area，因為D枱枱凳凳都偏矮，加上D燈光主題裝飾令到我影相嗰陣真係有半秒以為自己去

🐱🐶薄荷葉泰國菜(元朗).今晚簡簡單單，留返喺元朗品嚐泰國菜吧🤤位於📍元朗安康路怡康大廈地下「薄荷葉泰國菜」環境寬敞，仲有半露天Area，食住飯望下啲街坊放小狗🐶，好Chill💛.我哋分別叫咗📝🍍特色菠蘿炒飯 $128- 之前食開都係原隻菠蘿上，今次呢個用木桶裝幾特別，份量都好足夠👍🏻🥣冬陰功湯(細) $108 -椰奶香味好出色👍🏻唔算好辣，飯前開胃之選😄🍢沙爹串燒(雞肉豬肉)6串 $108- 大大串，但略感肉質偏乾身，如果可以再鮮嫩多汁就更好啦❤️🥘班蘭咖喱雞$118- 好香咖喱味，配合埋🥠薄餅$55 一齊食，一絕⭐️⭐️⭐️⭐️.總結評分：7.5/10番啅指數：⭐️⭐️⭐️🌟

好耐之前食過一次"薄荷葉"，印象不錯。難得同老公明天一起放假，今晚當然要食餐好既relax 下。Mint 既地點有點入，不過靠google map 都好快搵到。上次黎係坐戶外，今日被安排坐室內，可以好好留意下佢既裝修同埋服務。室內掛左好耐燈籠，好靚好有情調，忍唔住影左好多張相。見到menu 封面印住"Yuen Long's Best Thai Restaurant", 就feel 到呢度食物質素有保證！ 🍹椰青&Shinga啤其實呢度有d bar 既feel, 所以drink menu 都有好多選擇。不過我唔飲酒，所以嗌左椰青。🍲青木瓜沙律沙律做得好正宗，夠酸夠爽口。不過佢比想像中辣，下次想試下"甜柚鮮蝦沙律".🍲冬蔭公湯（細）個裝湯既兜仔好可愛。味道方面，酸，辣，椰香每樣味道都好平衡，令個湯好有層次。所以老公一飲就話：呢度既冬蔭好正宗。🍲泰式燒豬仔脾豬仔脾燒到熱辣辣，仲好細心咁用錫紙包住，方便用手拎住食。配埋d 甜酸汁，令人食到停唔到口。🍲咸魚炒芥蘭好夠鑊氣既一味菜，咸咸香香，芥蘭炒得岩岩好，唔會過淋。🍲沙嗲串燒（牛/豬/雞各兩串）最後我地仲追加左串燒。賣相方面佢用個啤酒杯裝

第一次食呢間高級人氣泰國菜餐廳建議大家黎 先預訂位置 因為好full架呢到！氣氛方面，呢到充滿泰國風情連音樂都會播放泰國音樂而餐牌方面，可以話係應有盡有！好多食材都係老闆係香港自設廠房所以係有保證同質素先黎一個前菜，甜柚鮮蝦沙律 ($108)份量不會太多，啱晒想開胃既我鮮蝦 有鮮味，沒有任何醬料係個蝦上面而且 柚子份量多，夾埋沙律菜食，好開胃主菜 有自家製蝦餅 ($88)呢個好推薦！！d蝦肉係自家製食落去好有口感，彈牙，爽！配埋個酸辣醬，簡直完美~主菜 有咖喱軟殼蟹配薄餅 ($233)不得不讚個薄餅 係我食過最鬆軟、最好食既薄餅！佢有一定既厚度，所以食完 會好滿足配埋個咖喱，簡直冇得輸而個軟殼蟹，份量都幾多！而且炸得好香口，啖啖肉好正，好有咖喱味~飲品 我簡左飲 椰青 ($45)好甜 新鮮