薄荷葉泰國菜

营业中

休息中

元朗薄荷葉兩年前有來過食，印像中味道都唔錯，今次又來試一試，餐廳環境冇咩點變，都係半露天座位，比較通風舒服。泰式燒豬髀仔 $148豬脾燒得好香，加左小茴香，同埋酸酸甜甜既醬汁，好惹味。燒得岩岩好做到骨肉分離，容易咬開，而且仲keep到少少肉汁。 中間有好多伴菜可以解膩。招牌火焰燒春雞 $168有火焰環節，店員會先淋上玫瑰露酒，再點火，燒左10秒左右就自己熄左，最後會切件上枱。雖然係春雞但都好大隻，雞皮帶點焦香，雞髀肉質還好，但雞胸位置略嫌有點乾。廚師特色蝦醬炒飯 $138果然係招牌菜，賣相好特別，外型整到成個菠蘿咁。 上面睇三隻蝦串，中間嗰層係魔鬼魚乾， 下面嗰層係煎得好靚嘅蛋網炒飯。店員姐姐話整到好碎好碎，埋啲炒飯，青瓜絲，豬肉碎，辣椒，一齊先好食。 個飯唔會炒得太鹹，魔鬼魚乾味道似炸煙肉， 鹹鹹香香，且而好脆。口感和味道都好特別，值得一試。泰式菠蘿特飲 $32有少少果肉絲係低下，酸酸甜甜開胃解渴。椰青 $45冰涼清甜， 岩晒食辣野既時候飲。

There is an unprecedented crisis of Covid-19 in HK. Ppl would rather stay at home and dine. We choose this becoz the decoration is attractive.🌟The environment is comfortable and it will not be so crowded, lowering infectious chance.First comes with the 柚子蝦🦐Salad ~ 開胃之選，very delicious 😋 We ordered 串燒 including 🍗 chicken. Pork and Beef with 沙嗲sauce, must give it a try, sully yummyFish: 明爐魚，慢火煮，有汁，湯， vegetables filled on the top 紙米卷，salmon inside, good try Overall, I give this restaurant a thumbs u

呢間餐廳真係令我幾深刻，因為啲菜係老闆自己種既，好有心機，同埋服務員態度都好好。餐廳既門面喺夜晚睇有啲似bar，但除左有酒飲，仲有泰菜食😛叫左個椰汁雞湯($108)，細既份量都夠3-4人一人一碗，佢有別於我地平時飲中式既椰汁雞湯，反而有好濃既冬陰功味，同時加左椰汁味，好足料，有好多雞肉，洋蔥，蕃茄... 服務員仲主動offer幫我地裝湯之後叫左個茄子($88)，個茄子都係餐廳老闆自己種架，好入味，食落唔會有太油既感覺，不過要趁熱食!仲叫左個咖哩青口配薄餅($138+$50), 個薄餅點咖哩汁好好味，係平民美食! 呢個青口除左咖哩味，仲有白酒味可以揀。之後就到豬頸肉($108), 佢啲豬頸肉比較偏瘦，如果肥番少少會有口感啲，而佢既配菜都係自己種架，真係幾fresh，好有心機，冇因為佢只係配菜而忽略左佢。最後仲有蝦餅($88), 脆卜卜幾好味😋俾個餐牌大家參考下😛🙈

今日返左去元朗食飯，約咗個老友去呢間位於元朗劇院同公共圖書館附近嘅泰國菜，個feel有少少似restaurant&bar，餐廳入面有個小型酒吧位。以前住喺元朗，周不時經過呢到，見到鋪頭都幾多人，一直都想去試下佢，今日終於有機會去試。呢間餐廳主打自家農田，種咗好多有機瓜菜，一碟餐前小食，食完好開胃。我地叫咗4個菜，第一碟馬拉盞炒通菜，相當經典嘅泰國菜，幾乎每次食泰國菜都會叫。呢個季節通菜未係話好靚好當造，因此無可避免要扣少少分，但係今日呢碟已經係整得相當唔錯，師傅調味功夫救返成個菜式，整體好惹味好吸引。泰式炸蝦餅，泰式小食之首選。蝦味夠，炸粉同蝦肉比例掌握得幾好，食落口啖啖肉，絕不兒戲。泰式炒飯，呢碟更加係今晚驚喜，原本無乜大期望，只係想食少少飯填飽個肚。食幾啖已驚嘆水準之高，炒飯最難係調較乾濕程度，今晚呢碟拿捏得好準確。配料亦好夾，味道一流。泰式燒牛仔骨，牛味夠，燒得唔會過火，水準以上。呢杯Kirin嘅Frozen Beer，我第一次試，感覺更加冰涼，一路食泰國菜一路啤啤佢，配埋蝦餅/牛仔骨/通菜等送酒菜式，認真過癮。友人無飲酒，嗌咗杯菠蘿冰，佢評價清甜好飲。整體用餐感覺良好，店員招呼

元朗圖書館開番，去咗還書之後搵地方食嘢，醫吓個五藏廟，點知道忽然之間落雨，拿拿聲就跑入圖書館對面呢間泰菜餐廳食嘢。呢間餐廳唔係好大，但勝在對住圖書館出面一大塊空地，空間感十足。睇完menu之後叫咗一個酸甜魚🐟($188)+一隻蘇梅鴨($218)，再加埋新鮮椰青($45)。蘇梅鴨原隻熱辣辣上檯，仲有好多花花草草伴碟，侍應將成隻鴨係你面前幫你切開埋一件一件咁，令我諗起北京田鴨，不過北京田鴨剩係幫你起鴨皮，呢度係成隻鴨原隻喺度切開，都幾考手力，anyway ，隻鴨烤得唔錯，味道幾好，夠晒嘢味。酸甜魚🐟上檯時都係熱辣辣，又係有好多花花草草裝飾伴碟，仲又有好多酸甜汁，而酸甜汁裡面又撈埋一齊啲菠蘿，同樣夠哂野味！

薄荷葉係一個老字號既泰國菜，10幾年歷史，係一間食泰國菜既酒吧，環境氣氛都好好feel，音樂又好聽，我有些朋友夜晚亦會去薄荷葉飲下酒聚下舊睇下波。難得朋友入黎元朗聚下，我就帶佢去呢間薄荷葉食飯，我地叫左一個細既冬陰公，一份肉碎生菜包，一個黃咖喱雞肉加薄餅，另外叫左個主菜炸豬手冬陰公材料豐富，而家夠酸辣，非常開胃，細冬陰公都可以每人兩碗，超抵食。肉碎生菜包好多汁，包生菜超fresh。黃咖喱雞配薄餅，好欣賞個黃咖喱，夠濃夠稠，配個薄餅一齊食剛剛好，不會感到流。炸豬手係我最愛既菜式，旁邊的珍珠菜超好味，好甜！炸到脆卜卜，另外啲沙律菜係老闆佢地自家種植，夠新鮮！炸豬手外脆內軟，肉汁豐富鮮嫩，兩個人我地都可以成舊食哂。

平時見到呢間餐廳都幾多人食，所以今日book左同男朋友去試試佢～不過因為佢成間餐廳都係開放式，所以會有蚊，怕既朋友要留意。但除左呢樣野之外，環境都佈置得幾靚～坐低無耐，店員就會比一少碟青瓜做前菜，清清地，唔重味。呢到都幾多野食揀，有平時成日食到既咖哩，檸檬魚等等，都有啲比較少見既野，例如魔鬼魚呢啲～因為唔想諗食咩，所以我地又叫左二人餐哈哈。先黎甜柚鮮蝦沙律，雖然當日既柚唔算好甜，不過都新鮮有水份。蝦肉普通，但係沙律好新鮮。佢地用既醬汁都比較清，同平時食既泰國野唔太同。沙律入面有椰菜，芽菜，蘿蔔，車厘茄等等，好清新。泰式燒豬脾仔燒得幾香，豬肉上面既醬汁有少少甜甜辣辣，幾惹味。加上伴碟同可食用既自家種植既小茴香，就更加香口啦！值得一提既係，豬脾仔下面都有啲青菜，可能係豬脾仔既汁流左落去，所以其實都幾好食，而且同樣好新鮮。炒通菜又係十分清，通菜新鮮～最後係主角椒鹽魔鬼魚，雖然唔大隻，但佢炸到十分香脆，變左成隻魚都可以食落肚。估唔到魔鬼魚肉既口感唔差，仲唔會有怪味添。點魔鬼魚既醬汁有兩款，呢個醬應該算係今餐入面最濃味既東西了。不過加埋魔鬼魚同上面既甜椒一齊食，balance得好好！我地叫左黑啤

weekend 行完元荃古道，到達元朗都已經就7點，已經好肚餓，所以就拿拿臨搵野食，醫下肚仔啦😀 因為唔想幫襯連鎖餐廳同大型商場，咁就四圍行下睇下，搵下有冇d新奇有趣嘅餐廳😜行到元朗劇院附近，發現呢間Mint 🌱，充滿泰國🇹🇭風味，諗落食酸酸辣辣嘅野都唔錯，就入左去坐啦🌶🌶呢到都幾好坐，裝修幾特別，除左泰國大象之外 仲有大大個projector 播住歌，黎飲杯野都幾chill架！行到身水身汗，又攰攰地，最好梗係叫個涼浸浸嘅椰青啜下啦！🥥🥥好清甜，正丫！酸辣鳳爪沙律🥗食親泰國嘢都必點既！份量都唔少，都有超過10塊，味道好fresh，都唔會太酸或者太辣👍廚師特色蝦醬炒飯🍍🍍見係廚師推介，所以試下！上菜個陣嘩左出聲！個樣好似菠蘿🍍😋😋店員介紹上面係新鮮蝦，食落有鮮甜既蝦味，中間係魔鬼魚乾，煎得好靚既蛋網，食個陣就先整碎魔鬼魚乾，撈埋青芒果絲同青瓜絲一齊食😋😋好好味呀！魔鬼魚乾鹹鹹香香，仲好脆，第一次食，感覺好特別👍店員仲話上面插着嘅係有機香草，可以撈埋一齊食架！唔知係咪因為餐廳喺元朗，Mint都幾多有機野，連前菜都係有機嘅🥒🥕自家製炸蝦餅🍤一份有四大件，分開一半方便食，比起平時喺其他泰國餐廳

早兩日見到世衛泰國官員講嘢咁威，就好想食下泰國菜。去開元朗，上網睇咗一睇，揾到依間薄荷葉，就去試一試。去到門口我打咗個答，以為係一間齋酒吧，問清楚之後原來真係泰國菜，咁我就坐低啦。呢間野裝修都幾得意，泰得來又有少少文青feel （我自己覺得)，因為可能係有啲燈籠喺度釣釣下掛~咁去到一間酒吧裝潢嘅嘢點都望下有d乜嘢酒飲，我見佢有啲薄荷啤酒其實好想試，但係呢排唔飲得酒，所以唯有等下次。同個朋友分別就點左一個菠蘿特飲同埋椰青。唔知撞手神定係鋪頭嘅品質高，個椰青比喺出邊嘅飲到好飲好多。平時出邊啲椰青成日都勁淡，得浸青味冇乜甜味，啲肉又硬到抽筋刮極都刮唔到。不過呢間鋪頭嘅嘢青就10分掂！椰青水好飲，啲肉有易刮，仲要大大個，十分正！個菠蘿特飲隻杯好鬼高，有特色，個friend話幾特別，但係我就冇啜到，咁信佢係好野啦~咁今次就叫咗幾樣嘢食，分別係鹹魚炒椰菜苗，軟殼蟹咖喱配薄餅，同埋豬牛雞串燒。雖然嘢食品種唔多但係食完都好飽，分量足夠。講咗個炒椰苗先，原本以為個鹹魚配落去會怪怪地，但係廚師處理得十分之好，味道嘅平衡算係唔錯，之後我偷雞就咁食咗舊鹹魚，唔係得浸鹹味嗰啲，係有浸香味嘅，可能因為咁所以炒出嚟

元朗有不少泰國餐廳，這次朋友帶我到這裡，這店環境比較舒適，位置在市中心，開放式餐廳～坐下看見螢幕播放泰國MV，餐廳布置也夠新～廚師特色蝦醬炒飯～外觀非常吸引！店員介紹要先炒亂一起吃，面有一塊炸魔鬼魚魚皮，非常香脆，但一定要加再飯一起吃，蝦醬味也夠濃～粉絲沙津酸酸甜甜，味道剛好幾開胃，蝦又幾大隻架喎！沙嗲～豬牛雞各兩串，燒到剛剛好，豬和牛不會太乾身，而雞肉也夠嫩囗，最怕串燒太乾～飲品我要的是黑加侖子梳打，朋友點了一杯青檸梳打～兩個女的坐著聽著泰文歌，吹吹水都幾舒服～下次沒有渣車的，決定晚上來食野飲下啤酒

疫情下被迫放假，就遠征入左元朗探下朋友～朋友推介呢間遠離人口密集既泰國餐廳，估唔到佢位置唔算中心都坐滿八成人，估應該幾好食。而且枱與枱之間都有 d 距離，可以安心食～越式紙米卷紙米卷通常係啲蔬菜，蝦肉或者豬肉捲埋，今次呢個有驚喜 入面包既係煙三文魚！變左西式越式 fusion 好清新好好味 ，我一個人食左半碟😂青咖哩新鮮雞咖哩汁個 texture 唔係平時咁杰，但味道都幾出～呢隻咖哩唔算好辣，岩哂我haha！餐廳擺盤好有心思 連薄餅都砌到成朵花咁睇落有厚度以為會硬會un 但食落好酥脆好香！新鮮熱辣辣食真係一流～冬蔭公湯呢度既冬陰公湯唔算好辣，好岩我口味真係～好香椰奶味，而且份量都幾多自家制蝦餅炸得好脆，肉厚，蝦肉好香～點埋甜酸辣椒醬非常開胃結果大家都搶住食，明明得4個人，最後我只食到一件😭見到隔離枱叫我地又叫既炸蠔，初初見價錢少貴有d猶疑，結果真係好驚喜！又大隻又爆漿，用塊生菜包住食，加埋個汁，真係好好食呀，絕對對得住個價錢！食咁多煎炸野 食返碟菜中和下～再加埋個椰青，呃～好多汁，清甜～食泰國野必飲！

Friday night 唔想困係屋企咁悶，又唔想出市區，唯有近近地約下元朗朋友出尼 chill 下～呢間隱敝泰國菜聽人推薦左一排，終於尼試下喇！職員見我地諗左好耐 好熱心同我地推介招牌菜 其中佢推薦既呢個炸蠔 真係好！好！食！同埋生菜包住食 唔酥唔油膩 隻蠔好大隻飽滿 一啖絕對食唔哂 仲會爆汁 下次一定會再番尼食佢！平時食泰國野一定食生蝦，不過由於疫情關係呢段時間暫定左 希望快 d 有番啦冬蔭公湯都係例牌會叫，湯既調味剛剛好，唔會太酸或太辣，好香椰奶味，飲完唔口渴，而且好足料，我地四個人叫一壺細既，都裝到6碗出尼～青咖哩我地叫左”新鮮雞”既 version  果然無令我地失望 好大件又嫩滑 重點雞有雞味XD  唔會比咖哩蓋過原有既鮮味個青咖哩汁雖然睇落唔係好杰 但其實都好夠味加埋薄餅點尼食 一啲都唔漏 個薄餅仲好脆！好食啊檸檬魚又係職員推介既 雖然好似好多野蓋住有啲奇貌不揚 但原來真係幾好食 成條魚都好夠味每一啖 將魚肉 連埋碟邊既有機菜 再點啲汁一齊食 非常新鮮開胃～連平時唔太鍾意 lun 骨既我都食到停唔到口餐廳環境好 chill 忍唔住要叫啤酒飲佢呢度既Kirin draft

🇹🇭元朗想食泰國野一search就見到呢間就去試下。環境好relax好似酒吧咁，仲有戶外座位好適合飲返杯，不過今日唔想飲酒。😂一坐低就叫野飲，分別係石榴冰同菠蘿冰，酸酸地好飲又解渴，仲有少少果肉係底。.🔹椒鹽魔鬼魚🐠一見menu就即刻叫黎試，分量都唔少，醃得入味又脆身，面頭仲有好多青椒碎，成碟好快被清。.🔸炸蝦餅🦐一碟有8舊又係好多，share食一流，面頭酥脆但入面彈牙，又係送酒一流。不過個面就炸得耐咗,有D硬同乾身.🔹冬陰公🦐叫左細size，2個人岩岩好，勁足料，啖啖都係香茅檸檬葉等等，好似去泰國食咁正宗，入面仲有2隻蝦，飲到唔捨得飲完。.🔸燒牛肉沙律🐮又係好大份量，超多牛肉，好似食牛扒咁，食到最底都仲有牛肉，蔬菜都食得出好新鮮。少有質素正宗泰葉，侍應姨姨介紹得非常詳細又會推介有咩好食。蔬菜咁新鮮原來係餐廳自己農場有機種植，食落更放心。💬餐廳裡面仲播住泰國舒情音樂,置身於泰國嘅感覺出晒黎😂而格調相對比較暗,好適合一大班朋友嘅地方

🇹🇭元朗想食泰國野一search就見到呢間就去試下。環境好relax好似酒吧咁，仲有戶外座位好適合飲返杯，不過今日唔想飲酒。😂一坐低就叫野飲，分別係石榴冰同菠蘿冰，酸酸地好飲又解渴，仲有少少果肉係底。.🔹椒鹽魔鬼魚🐠一見menu就即刻叫黎試，分量都唔少，醃得入味又脆身，面頭仲有好多青椒碎，成碟好快被清。.🔸炸蝦餅🦐一碟有8舊又係好多，share食一流，面頭酥脆但入面彈牙，又係送酒一流。不過個面就炸得耐咗,有D硬同乾身.🔹冬陰公🦐叫左細size，2個人岩岩好，勁足料，啖啖都係香茅檸檬葉等等，好似去泰國食咁正宗，入面仲有2隻蝦，飲到唔捨得飲完。.🔸燒牛肉沙律🐮又係好大份量，超多牛肉，好似食牛扒咁，食到最底都仲有牛肉，蔬菜都食得出好新鮮。少有質素正宗泰葉，侍應姨姨介紹得非常詳細又會推介有咩好食。蔬菜咁新鮮原來係餐廳自己農場有機種植，食落更放心。💬餐廳裡面仲播住泰國舒情音樂,置身於泰國嘅感覺出晒黎😂而格調相對比較暗,好適合一大班朋友嘅地方

元朗食泰菜嘅地方有好多，不過好似泰國咁寫意嘅地方就唔算好多，今次去咗安興街嘅薄荷葉泰國菜，算係係市中心又比到你置身於泰國感覺嘅地方。有戶外戶內位置，門口啱晒放狗或呼吸嘅人。呢到有好多款生啤泰國特色啤酒選擇，幾十蚊有交易！水蜜桃Frozen Beer,淡淡嘅水蜜桃香味，加埋沙冰，好易入口，完全唔覺飲緊啤酒！招牌火焰燒雞，上枱前點火燒一燒，好睇又好食，雞皮香脆肉嫩！粉絲沙律，辣得過癮，新鮮蝦夠彈牙，仲好香青檸味。馬拉盞炒椰菜苗， 椰菜苗鮮嫩爽脆，馬拉盞炒得好惹味！串燒可以豬牛雞一齊拼，份量十足，燒得香口，沙嗲醬亦非常香濃，很有泰國街邊風味！人均消費二百元，價錢合理，廚師仲會將食物精心佈置一番，店內仲有個大螢幕播着泰國最流行嘅音樂MTV，真係好似返咗泰國咁！