薈亞廚房 (已結業)

柚子火龍果木果沙律：好大碟，分量十足，各種水果都非常新鮮美味，為整頓飯開了一個很好的頭！豬肉串燒：外脆內軟，肉汁豐富，而且配合醬汁很夾，是一個不錯的串燒！　炸蝦丸：香脆蛋不肥膩，爽口彈牙，沒有很黏或厚粉的感覺，很好！泰式炒通菜：上枱時好香熱辣辣，鑊氣十足，而且賣相吸引仍嫩綠，不辣。無骨海南雞配油飯：海南雞好滑溜，賣相美觀吸引，雞味濃郁。要求少油飯，真的有跟足要求。飯香好味，不油。正！龍眼冰兩杯，不太甜，也有好多粒龍眼肉食。二人套餐，價錢公道。下次會再惠顧！

話說Lunch hours平時食來食去都係果幾間所以呢排多左去將軍澳沿線食野今日同經理 去左薈亞廚房 好耐之前食過teatime 印象幾好味 價錢可接受今日見到 chef recommend好吸引我地叫左2 碗雞絲素翅羹撈飯拌河內烤雞肉我再加多件芝士蛋糕 同2杯飲品佢地環境都好整潔 同用餐環境都令人放鬆好快就上左主菜 素翅羹好濃 好下飯不知不覺就食埋 之後上埋烤雞扒雞扒真心推薦 明顯食到烤過果個味而且仲好嫩滑 大家都食到lamlam脷最amazing係件cheese cake有焦糖面 配落cheese cake唔會太甜而且仲好香滑 呢餐大家都覺得幾高質

今日放假黎左寶琳探朋友，順便食嗰Lunch先😋😋😋近近地去左新都城揾野食😄😄地鐵一出右轉就見到哩間餐廳啦，又有朋友想食既咖喱添👏👏一於就食哩間🍛🍛望下menu都幾多選擇喎，粉麵飯，小食，乜都有喎🤩🤩最後我地嗌左午市二人套餐，真心扺食哩，有小食，有菜，有兩嗰主菜，仲有兩杯野飲😚😚😚我地要左越式蒸粉包兩件拼炸蝦餅兩件，蒸粉包大大件，好足料，點埋泰式辣醬好惹味💓💓炸蝦🍤飲大大舊，即叫即炸，好脆口😘😘上湯浸時菜🥬份量好多🤪😍主菜揀左阿來咖喱牛柳粒🤩🤩阿來咖哩味道好正，濃濃既咖喱味，配埋大量既秋葵🥬薯仔🥔粒同牛柳粒烹煮成嘅咖喱醬，牛柳粒好鬆軟，配埋咖喱汁好送飯🤩🤩💓秘製去骨海南雞例牌同樣有驚喜喎，雞肉相當嫩口呀😚😚相信放落冰水嘅時間掌握得好好🥳🥳配埋絲苗白飯兩碗🤩🤩❤️最後再嗌左亞來咖哩三文魚頭飯轉青咖喱🍛呢個青咖喱絕對出色，辣味好出💖💖💖三文魚頭斬件炸完，配埋青咖哩同埋薯仔🥔好入味好正😍😍龍眼冰又幾好飲喎，飲到落底都仲有好多龍眼肉🤩🤩🤩

早兩日同個朋友行街shopping，喺新都城行到攰攰地又餓餓地，於是就喺商場裡面搵野食喇！初初行過見到薈亞廚房，裝修都幾新淨，初初仲以為係西餐廳，睇睇menu先發現係薈萃亞洲菜色嘅餐廳。兩個人緊係嗌個二人套餐啦，乜都有之餘又夠飽！先嚟一個椰子煲雞湯，有蠟燭仔喺底下保持湯嘅熱度，個湯非常足料，好多椰子片，啖啖濃郁鮮甜嘅雞味，椰子同雞嘅配搭非常開胃！我係一個無辣不歡嘅人，跟住上嘅係馬拉盞炒通菜，菜好新鮮爽口，朋友覺得辣度剛剛好，我就鍾意再辣小小。精選三小拼有驚喜，炸薄脆蝦餅脆得嚟之餘又唔會太油，蝦味又夠，食完好想encore再食多次！主菜係秘製去骨海南雞配雞油飯，秘製整嘅雞皮好香，雞肉亦都好幼滑，我建議大家試下唔點醬，就可以細味到廚師秘製嘅香味。

Asian Cuisine🇹🇭🍽 Thai Good✨ Thai Relax💫..平日有時間的話，最好就約下午食個lunch🍽 / tea time☕️，冇人既感覺最悠閒`最舒服。趁住星期一 早上忙完，下午有空檔時間 就吃個飯吧。將軍澳區發展完善，配套好 綠化又多，出市區又方便，其實住呢度都幾舒服架。行街行到餓，見到一個東南亞餐廳🍴原來係食泰國菜💛 感覺唔錯 都係一個好選擇。ll $59Rice Noodle with Raw & Cooked Beef, Beef Tendon, Beef Ball & Beef Tripe in Soup勁豐富既牛魔王湯河🐮🍜，大大碗河粉 湯頭都係牛骨湯底。而且配料非常豐富：肥牛、牛筋、牛丸、牛腩，份量都不少呢。再自行添加香葉、青檸、紅辣椒，更加有東南亞特色風味。ll $53Phad Thai泰國菜必吃既Phad Thai，平平既金邊粉 總係有種讓人想點選既魔力。煙韌粉條 酸酸甜甜，配上蛋絲、豆乾、洋蔥、芽菜、大大隻大蝦🦐。仲有伴碟花生碎、青檸，先算得上正宗Phad Thai。ll $48Glutinous Rice with Mango in Co

薈亞廚房的set lunch 一向性格比高，今天和小女生又來光顧。因為時間尚早，可以坐卡位，舒適又寬敞呢！今天點了兩客set lunch,加$20選了小食一款。越式蒸粉包這是越南北部最常見的前菜，粉皮晶瑩剔透，裡面包裹各樣材料，味道帶點胡椒的辣 ，口感煙韌爽脆， 再配以越南魚露，不油不膩。泰式無骨海南雞飯份量十足，賣相不錯。餐廳選用龍崗雞為材料， 用雞骨，香茅及薑等煲過夜的上湯把雞餵熟，所以雞肉香腍味美。配不同的醬汁來吃，有著不同的風味及味道。這裡的辣椒汁用大紅椒，椰糖及青檸檬汁秘製而成，而我最喜愛的是醮黑醬油來吃，拌上油飯來吃，更覺美味。酸菜，一定要吃，開胃之餘，又中和飽滯。足料椰子雞湯，又甜又香椰子味香茅豬扒飯份量十足的，其實一位女生一定吃不完。香煎的豬扒鬆軟惹味，加入蔥油，拌飯吃一流。法式燉蛋芝士餅燉蛋加入芝士餅之元素，使蛋糕更細膩軟滑，芝士餅味道濃淡適中，焦糖香脆之餘，也提升了整個甜品的味道層次。餐飲可選龍眼冰，不用加錢的，抵喝吧！

臨近聖誕今日早放工到了新都城行街購物、順道跟家人到二期的薈亞廚房晚飯。點了廚師推介的秘製去骨海南雞飯 $90 海南雞好嫩滑、蘸上海南雞薑蓉豉油、味道剛剛好。油飯 好香但不會過膩、份量也不少哦。跟餐還附送熱香茅檸檬薏米水、冬日暖心之選～椰子煲雞湯 $68 有別於平常喝到的泰式椰子煲雞湯好濃郁香料的味道、這個比較清淡、較為中式感覺。馬拉盞炒高麗菜 $72 加入紅辣椒、蔥、薑、蒜頭等非常惹味、時令的高麗菜亦爽口香甜。

只要媽咪一放假，我哋兩母女就最鍾意出去食唔同餐廳嘅lunch set，成日覺得真係抵食好多！鍾意食重口味嘅我哋又去咗一間泰國餐廳，叫左個午市二人套餐B ($148)👉🏻沙嗲串燒泰式酸辣鳳爪散發着好濃烈既東南亞風味，串燒肉質嫩滑，非常重口味而且啖啖肉啱晒我哋食！酸辣鳳爪嘅份量比我想像之中大，爽口彈牙，酸酸甜甜好醒胃。👉🏻喇沙濃湯浸時蔬呢個喇沙湯底好重椰子香味，非常邪惡但係真係抵抗唔到🥺 蔬菜吸晒喇沙湯嘅精華，入曬味！👉🏻秘製去骨海南雞 雞油飯兩碗海南雞一向都係我嘅至愛，所以對佢要求都好高。呢間海南雞嘅特點係佢嘅雞皮特別香滑，唔點醬料食反而食到雞肉原本嘅香味☺️ 而油飯拿捏亦做得唔錯，低調咁滲出淡淡油香。👉🏻龍眼冰👉🏻泰式奶茶奶茶幾香滑，亦唔會太過於甜，飲完都唔會好大罪惡感 。👉🏻芋絲網皮春卷，泰式春節卷原本我哋係叫咗榴槤pancake，但可能因為季節嘅關係無賣，所以我哋就叫咗啲脆口啲嘅春卷啦。網皮春卷淡淡既芋頭香，加上網皮夠鬆脆，食落去口感十足，再點埋泰式辣醬更惹味！春節卷就比較厚實，表現不過不失。總括嚟講呢餐飯人均90幾蚊，但係可以品嚐到咁多款小食，係幾抵食！

將軍澳多嘢食係人都知，今日襯同去嗰頭探朋友諗住拿拿林食少少野就返屋企繼續做野我哋見到有一間泰國🇹🇭餐廳，入面好似坐得幾舒服咁樣，我哋嘅入咗去啦之前都想試下，但因為唔算係好肚餓，所以叫左唔係好多野食叫左個脆皮蝦肉薄餅，味道唔錯，個皮好脆，最得意係中間每塊都有舊雞蛋黃跟住叫左個我最鍾意既 #生菜包🤪真係堅好食👍🏻夠辣🌶夠乾身最緊要係唔似其他生菜包咁，佢無落洋蔥去煮😂岩哂我食最後食埋個 #海南雞飯，之前食過既海南雞都有骨🐥但估唔到呢間既雞，竟然雞脾既骨都去埋，真係好方便，而且連雞胸都唔「鞋」，太好啦😋仲有個油飯都好好食，好夠味🤪

今日放假，同屋企人出街食晏連shopping。開始shopping前當然要醫下個肚仔。黎到會薈亞廚房，環境都舒服，我地坐左係卡位,見到舖面都大，枱與枱之間都闊落。我地叫左個泰式豬手飯，海南雞飯，香茅雞翼。最後仲加多左個香茅豬扒春卷撈檬粉。泰式豬手飯，汁好香，煮到豬手都淋晒，肉同皮岩岩好，唔太鹹。到海南雞飯，雞油飯香，但可惜雞肉味比較啖，如果唔連飯一齊食，就會差小小。我自己就鐘意食撈檬既，加埋汁，真係超正，不過因為佢餐牌講明辣椒魚露， 我唔食得辣 ，所以好低能咁問 係唔係好辣㗎 ？ 原來佢只係講嗰個魚露汁🤭🤭🤭，所以你地去唔好再問呢個問題喇，因為汁係自己落架🤣🤣🤣

行經門口見到呢間餐廳都裝修幾靚而又好似坐得幾舒服，就入嚟試下!叫咗個是日晚餐海南雞飯，雞肉勁滑而且真正冇哂骨，只係雞翼位同雞翼尖會有骨，其餘都係完全冇骨既，食落雞味濃郁但又唔會太膻，雞皮都唔會好油，加埋雞油飯亦都係好足料，唔會一D白飯一D雞油飯咁。醬汁方面黑醬油好有驚喜，杰身同埋甜甜地，可以帶到雞既鮮味!另外就叫咗泰式炒金邊粉，用網蛋包住加埋有蝦同埋豆腐乾，食個金邊粉炒得乾物又唔會痴到一舊舊，酸味同辣味都好平均，好出色同埋好食既炒金邊粉，下次再試下其他泰菜先!晚餐仲包杯野飲~叫左薏米水,清甜又養生!

每日返工都好似打仗，放工都想舒舒服服食一餐，薈亞廚房經常成為我的選擇，因為餐廳的環境寬敞，座位舒適，枱與枱之間空間感足夠，沒有壓迫感。食物方面，亦維持到水準。又經常推出不同優惠，例如生日月折扣，成為會員又可儲分換食物，最近更有匯豐信用卡優惠，用匯豐信用卡埋單，有八五折啊~~~~~~秘制去骨海南雞飯配檸檬薏米水 - $90一整盤上枱的海南雞飯，擺盤十分精緻，份量亦十分足夠。雖然是油飯，卻很乾身，沒有油膩感，帶有油香，飯粒粒分明，軟硬適中。當然食不慣油飯的，亦可以選擇要普通白飯。旁邊的椰子雞湯，有很濃的椰子香味，一片片的椰子肉入口十分有咬口，湯中還有雞肉湯渣，十分足料。來到主角 - 海南雞，薈亞廚房的海南雞都會用龍崗雞，再用雞骨、香茅、薑等煮成的上湯餵熟，所以肉質十分鮮嫰。雞皮很薄，見到雞皮下沒有多餘的脂肪，所以我連雞皮都吃，已經去骨的海南雞，啖啖肉，而且十分鮮味。放在旁邊有3款醬汁，紅色那款辣汁是招牌的秘製醬汁，雖然由幾款辣椒製成，但入口不會過辣，也不會嗆喉，辣中帶點點酸味，反而十分惹味開胃。雞肉下面有醃過的蘿蔔，酸酸的，又多汁。泰式炒金邊粉 - $82上枱時已經覺得十分精美﹗一層蛋格包

📍薈亞廚房好想食泰國菜同越南菜，特登搵呢間餐廳，可以食到兩個國家嘅菜式。比我想像中好，平靚正！蒸粉包一定要叫黎食呀！🔻沙嗲雞肉串拼泰式酸辣鳳爪： 泰式酸辣鳳爪係必點醒胃清新既前菜，仲係無骨tim ，另外香噴噴既雞肉串加入沙嗲汁食落好惹味！（推薦）🔻馬拉盞炒高麗菜：外表唔好睇，但好鮮甜又惹味，唔太辣🔻秘制去骨海南雞：雞肉外表睇落都一啲都吾肥膩，食落肉質嫩滑 雞油香 加上蘸汁 再食一啖雞油飯 好滿足呀！🔻越式蒸粉包：晶凝通透既粉包內豐富嘅材料 ，食落十分爽口 ，有不同既素菜又健康又美味（推薦）🔻榴槤班戟飯後甜品 入面真係有榴槤肉架 🔻龍眼冰好多龍眼，真材實料人均消費：$80-100地址：將軍澳貿業路8號新都城中心2期1樓1086-90A號舖港鐵寶琳站 A1 出口

難得放假，就入去將軍澳陪媽咪shopping, 在新都城行下看下無意之中比Asian Cooking門口種種優惠所吸引，例如生日折扣，信用咭85折，限量晚市推介......,帶住試下無妨的心態踏入餐廳。媽咪是上海人，叫了客類似泡飯的湯飯，材料很豐富，有口感十足的素翅，厚厚的冬茹和雞絲，巳經十分飽吐，另外更有三塊雞扒，真是份量十足。而我挑選了無骨海南雞飯，配上椰子雞湯，真是營養豐富。最後我和媽咪選了冷和熱的檸檬薏米水，不一樣的飲品。整體上在舒適的環境中享受了一餐美味而價錢合理的晚飯。

這個商場逛過好多次，但不知道這裡有一家吃泰國菜的餐廳，位置有點隱蔽，不過經concierge指點，很容易就找到了。他還說今天好多人問薈亞廚房的位置，是否今天做特價，馬上加快腳步，免得要等位子。我們都點了廚師推介，雞絲素翅羹撈飯好大碗，好像是加大版的碗仔翅，再加了飯在裡面。河內烤雞肉烤到好香，雞肉很滑。菠蘿香蕉椰汁冰都幾香菠蘿味。粉絲肉碎魚肚湯銀針粉的湯低清清地，我挺喜歡，魚肚都切成粒狀，容易入口。小食拼盤包括話梅番茄、鮑汁鳳爪、肉桂炸甜薯。話梅番茄是在番茄上加了話梅粉，令番茄酸酸甜甜，很開胃。炸甜薯份量也不少，炸了的甜薯很香。挺意外的這裡的飲料有決明子桑寄生茶，不會很甜，不錯。