藍屋 (已結業)

想食扒餐，但又未必撞岩有朋友仔/同事仔岩食，話晒食晏，好多人都唔想食咁heavy。行到黎，見到餐牌有牛脷，就被吸左入去。之前有同同事黎過，今次一支公，但就遇上左其中一個至愛-牛🐮Set lunch 包餐湯（羅宋湯、洋蔥湯 同 粟米忌廉湯）跟蒜蓉包一片。湯料好足，夠晒味，絕對唔係加水翻煲再翻煲，片包邊係脆，但中間就冧，唔係全片都脆，另外蒜蓉醬可以再多D就正。主餐一上，嘩，好彩叫少意粉，因為牛脷既份量真係好多，大半條都有。醬汁夠，牛脷又冧，真係好好好食。意粉沒被𣺉上醬汁，感覺無咁heavy，不過意粉好快就凍左，口感自然就變得嘛嘛。Set lunch包熱飲，凍飲加$2。午餐$55起，又湯又餐茶，仲要好食，真係好抵架！餐廳仔，午餐都做三款餐湯，水準都幾好，真係好少見。但亦都係咁，不時有客仔攪錯，誤會洋蔥粟米湯係一款湯，今日就聽到有三枱客係咁。另一次黎食飯，最誇張一枱4人，全部都誤會晒，果次係羅宋湯、洋蔥湯和忌廉龍蝦湯，一人誤會洋蔥忌廉為一款，龍蝦湯為另一款；另一人就誤會洋蔥、忌廉、龍蝦分別為三款湯；最好笑係有一個落單時以為係湯料有得㨂咁，竟要求「湯要洋蔥加龍蝦」（佢真係咁講），落單既要逐個客解

搭車經過尼間，見個個裝修幾特別，一直好想試下，終於有機會係朋友聚個時候揀左尼間，平日時間，都幾多人來，都係一家大小來多，都幾溫馨，店內裝修都係藍色白為主，有種海洋風，整體環境感覺都係舒服溫馨。來到尼度，肯定要試下佢主打既扒餐，點左個西冷牛扒，果然好看既外表，都係麻麻地，份量係大，但佢個牛扒溫度，一上來就唔係好熱，食冇幾口，就已經凍到難食，又又老，個薯仔配菜又半生不熟，真係覺得麻麻地，對唔住個價錢，好失望只有個擺盤精緻～

成日幫襯得當然食物水準不在話下啦! 上次食完我哋比多左錢，今日再食時，認得我哋，甘就扣反我哋一個餐價錢；仲有一次，食完落起大雨嚟，仲主動問我哋要唔要借遮，甘有誠意的一間餐廳係邊度找到呀！

1.<性價比高 lunch set >😃呢間藍屋係炮台山地鐵站附近既小店 藍白色既裝飾 簡約舒服風格 lunch set平均50 幾至70 幾包埋餐湯 餐包 合理價 而我甘啱好彩點左個唔錯既西冷扒 (朋友個龍脷柳一般😂)2. 餐包餐湯 🍲蒜蓉包個蒜蓉味 ok 🍞 但包有 d淋 一般 餐湯 個羅宋湯落足料 好多菜蘿蔔絲 洋葱 味道濃度適中 唔錯👍🏻3. 西冷扒 lunch set 62 蚊🐂個西冷扒大大塊 上面淋滿左黑椒汁 意粉好多 賣相十分好 . 塊扒似係近牛柳位 林彈程度中上 肉味一般 但勝左撈左黑椒汁 意粉似一般茶記既正常貨 不過不失🍝 整體 above average . 價錢抵食 唔錯！為食花太郎 Fafafoodblog #fafafoodblog西餐#fafafoodblog北角1.<性價比高 lunch set >😃呢間藍屋係炮台山地鐵站附近既小店 藍白色既裝飾 簡約舒服風格 lunch set平均50 幾至70 幾包埋餐湯 餐包 合理價 而我甘啱好彩點左個唔錯既西冷扒 (朋友個龍脷柳一般😂)2. 餐包餐湯 🍲蒜蓉包個蒜蓉味 ok 🍞 但

第一次食，但我諗未必會返轉頭個日去食下午茶，一入去就見到地下好污糟，可能剛剛做完午市，但餐枱上啲調味料樽都唔太乾淨，仲有啲調味料係枱面，侍應都冇抹到，食欲已經一般後來，見到個menu有常餐，係蕃茄湯底嘅通粉，仲有奄列同奶油豬，個配撘好吸引，好似好抵食，所以就叫咗，以為可以味道撘救，但......首先，個奄列太燶同太乾，賣相一般，唯有個奶油豬係接受到。到個通粉，我一見到碗野真係呆咗。個湯底似係羅宋湯多過蕃茄湯，一啲蕃茄味都冇而且啲通粉又唔入味，好似就咁淋啲湯上去咁成碗野黑黑沉沉咁嘅色，真係大打折扣

今天同事生日，到公司附近的一間西餐廳慶祝。這家西餐廳非常iconic，是馬路旁的一間藍白色的小屋。我們到的時候出邊已經大排長龍，等了10多分鐘就可以進去了。小店的裝修是希臘小屋的設計，裡面洋溢着渡假的氣息。可惜中午時分人太多，未免有點擠迫。中午是有中午套餐的，一個湯，一個意粉或扒，和一杯餐飲。價錢非常合理。淨係湯的選擇已經有三款，除了一般有的羅宋湯和忌廉湯愛，它還有洋蔥湯選擇。餐湯配以蒜蓉包，湯味道濃郁，不像是開粉的，材料也足夠。蒜蓉包略嫌不夠脆口，但蒜蓉味香。我點了個蒜蓉雞扒，肉嫩多汁，雞扒煮得很好，不會老。熱騰騰的黑椒汁，淋上這塊厚肉的豬扒，外脆內軟，非常美味。這個餐配以薯菜和蔬菜，份量多。我的同事點了牛扒。在小店裏，不要奢望他會問你牛扒煮到幾成熟。但是這塊牛扒，煎得不會老，也不會太生，我覺得火候控制得很好。有同事點了羊架。他們對這大讚，說煮得很林很入味，羊味很濃，很蘇。我很怕吃羊很蘇很生，但我的同事說他們的火候控制得很好才令羊不會老。最後是這個意粉。朋友說這個意粉沒有什麼驚喜，下次點還是叫扒比較化算。這家餐廳食物質素好，性價比高，只是服務質素略嫌有點差。其中一名夥計態度差，像趕客

前幾天和朋友路過，見到餐廳名字特別，於是入去一試。我們被安排了坐在4+2的6人檯，我們坐下來之後想稍微移動一下自己的檯（因為和旁邊的4人檯相連，而且當時有其他顧客），哪裡知道立刻被服務員制止，說那樣會令另外一邊的座位很窄。然而事實上距離旁邊的檯還有一個人走路的空間！就這樣，我們被迫跟旁邊的4人檯搭檯了。到了點餐的時候，我告訴服務員我要H餐配羅宋湯，服務員馬上顯得不耐煩的說「我還沒有問你要什麼湯，先告訴我你的牛排要幾成熟？」吃到一半的時候，旁邊來了一對老夫婦，服務員說餐牌都寫在牆上的黑板上，叫他們自己看。老婦人說自己近視，看不見牆上黑板的字。服務員說「那麼你用相機拍張照片，然後放大來看」說完就繼續跟另外一檯的顧客聊天。這樣差的服務態度我還真的是第一次見！儘管食物的味道ok，但這絕對一間不可一，不可再的餐廳，除非大家是要去挑戰一下自己的容忍程度。

今晚叫左個爐燒吉列安格斯牛，牛肉外脆內嫩，肉汁豐富，咬落仲好有口感，唔痴牙。配合埋個爐燒既效果，成餐飯都聞到好香既牛肉香味，好好食！仲有$188呢個價錢算係幾抵食！個Set仲有配埋個餐湯(我揀左洋蔥湯)，而家好似好少地方有得飲(通常都係得忌廉/羅宋)，洋蔥味濃郁而清甜，整得都幾好味！ 意粉整到al dente, 少少牛油香，唔錯唔錯 ...而且老闆娘好好人， 同我地有傾有笑...一定會再幫襯！😍😍😍😍

同事話想食藍屋好耐，我心諗：灣仔間藍屋？ 錯曬，純粹係間餐廳叫藍屋，話平時好難有位，特登12點半未到就去食。午餐只有黑板上嘅幾個選擇，有同事因為食素想食沙律，係無嘅，總之你自己搞掂佢啦。因為我唔想食太重口味，所以得一個選擇：蟹籽忌廉南瓜汁龍脷柳薯菜。蟹籽忌廉汁龍脷柳薯菜 $56我要咗個羅宋湯，不過顏色真係好唔吸引囉，好似梅菜咁，又多油，裡面得三兩條椰菜，真係hea 到一個點。😔龍脷柳一樣唔掂，外層林到一個點，但因爲炸過，所以有陣油炸味，肉又粉又硬，個汁粉多過材料，真係唔知自己食緊乜🙄連唯一可以寄託嘅薯菜都出事，菜生得黎油，好大陣草青味，薯角又係林到一個點，似係一早炸好一大碟熱住嘅感覺。可能肉類會唔同，但我真係唔會再試，好難食呀。

話說老公知我鍾情希臘，好耐之前同我提過有一間藍白色調裝潢的餐廳，一直想來食，奈何我地住九龍好少過海，今日難得過海，就心想一定要過來試下。7點左右到，安排坐窗邊沙發位置，坐得好舒服。食物方面叫左2個餐，一個BBQ Ribs 配薯角，一個豬鞍配意粉，跟餐湯，蒜蓉包，餐飲。份量同味道都唔錯，2大人1小朋友都食得好飽。有一位短髮姐姐好貼心為小朋友提供小湯匙，另外仲裝左半碗忌廉湯俾佢飲，真係超級細心，呢種人情味現今已經越來越少有，十分難得。餐後姐姐仲請小朋友食一粒糖，氹到佢好開心。總括，餐廳有好貼心的服務，食物質素和分量都唔錯，下次會再來。

餐廳裝修簡潔, 以藍白色調為主, 略帶點希臘風情.  餐廳店內空間不大, 每張枱之間大概只有一個身位但可能因為採用白色牆身, 加上隔間開陽, 光視充足, 所以沒有太大侷促感. 這裡既午餐尚算抵食, 西冷扒餐都只不過$58 連餐湯, 蒜蓉多士同餐飲.  西冷扒不過不失, 呢個價錢當然唔會要求有高質牛扒, 但至少肉質不會太靭.  值得讚既係, 呢度餐湯都有3款: 羅宋湯, 忌廉湯同洋蔥湯, 可以多選擇. 個人較喜好羅宋湯, 茄味較濃, 不辣不嗆口!

炮台山附近覓食,見到門面白雪雪嘅西餐廳,好奇下入去試下.點咗兩份Set Dinner,都有餐湯,蒜蓉包及野飲跟,我選擇咗菜湯,味道中規中矩。蒜蓉包就鬆脆。到主菜喇~BBQ醬燒豬仔骨 配意粉份量好充足 意粉量多,又有兩舊肋骨,肋骨尚算入味,再配合BBQ醬 感覺幾好,始終不是專門燒肋骨的餐廳,有這個水準 都尚算合格.香草羊髀扒 配薯菜份量都係ok羊最怕佢有一陣羶味呢個羊髀因為香草再加醬汁關係,食落唔係太羶, 肉質都比較軟腍,所以都係合格嘅!最後餐廳是免收加一服務費,不過坐位就比較窄喇

最近有一位好朋友轉工轉到去北角，由於好耐冇見，今日就去左接佢收工然後一齊食餐飯傾下計，行過見到呢間個門面好似唔差，個餐牌平均都差唔多一百，諗住都應該唔差得去邊，點知呢個只係中伏既開始！一入到去，帶位時已經感覺到奇怪，店員似是而非咁叫我地坐低，但係又冇明確指示邊張，係咪隨便我坐邊張我真係唔知，因為佢全程用個側面或者面對住我。坐低左，先發覺個環境氣氛好差，店內播住TVB，陣電視聲硬係覺得好煩擾，因為有兩部電視同時播緊但係個聲音係有半秒DELAY，而且播住愛回家即刻DOWNGRADE到好似食緊茶記既感覺！我地各自叫左一份$128既晚餐，係128！但係野食送到上黎已經非常失望，用一堆烚菜做底，然後塊肉放上去，者係我都唔求有咩精美擺碟，但唔該可唔可以唔好咁劣質咁求其！我叫左份西班牙黑毛豬扒，真係衰過茶記雜扒飯，豬扒面頭油到好似油炸咁，但係內裡係烚熟咁既肉質，西班牙黑毛豬扒？去凍肉舖買塊最CHEAP既咋掛？朋友叫既羊架都好痴線，又係面頭好多油，入面熟到幾乎切都切唔開，朋友食左一半就冇再食，亦都破壞左今晚見面既興致。所以我勸各位，真係唔好試，不可一不可再，去其他地方個服務，個環境，個質素，個價錢都分

炮台山開左好多新餐廳，今次試這間藍屋。這次晚餐選了厚切鹽燒牛脷飯$78。這個餐有西湯，蒜蓉包，餐飲，主食。羅宋湯中的菜十分好味，可惜太細碗。蒜蓉包都算鬆脆，配搭餐湯很美味。餐飲我點了凍薴茶都比茶餐廳大杯。到主餐，佢話厚切鹽燒牛脷，牛脷都算厚身有兩大塊，肉質柔軟，黑椒味濃，味道合格。配菜都十分多，配合洋蔥汁都幾好味，稍稍勝過茶餐廳的質數。這間餐廳免收加一，所以我對佢服務態度唔會有任何要求，其實香港好多收加一服務費的餐廳服務真係強差人意，倒不如直接sell無服務，你照黑我面，服務差，但我比少d, 我又唔mind wor~餐廳環境colour tone主要藍白，幾有地中海feel, 但座位比較迫。整體都算ok~

第一次被趕客就在此留我第一個既評語奉勸大家，為左令大家唔好未食已受一肚氣，大家帶小朋友既食客，請不要光顧此餐廳了，此餐廳職員服務態度極度惡劣！未食都以為欠左佢錢！琴日兩大兩細去藍屋食lunch, 入到去個短髮女人都已經鄒晒眉啤住你，淨返3個門口隔離既位置，我就有禮貌地問會唔會有客差唔多食完走，佢就話無，當時我諗我小朋友要返學，快快趣趣食完都會走，迫迫地坐埋唔緊要，時間35分鐘內實會走，只係近門口位，小朋友入緊去已經有客開門，要坐好晒先可以開到門，由於地方比較狹窄，當時有客開門刪門，我地都未入到去坐得低晒，已經有兩枱4人枱既客走，剛好有客入就入左4人，我又好禮貌地問仲有個張4人枱，可否比我地坐，佢就話：「唔可以轉枱！」一副極度不滿既態度回應我，當時我地都未坐好，又未落單，跟先後次序都應該先比我地坐吧！我跟職員講：「我地都未坐好，已經有客走，頭先問你有無客差唔多食完會走，你又答我無？我地4人都會叫3個餐，咁都唔歡迎？」佢極度不滿既態度又回應我，頭先真係無人走！**難度3分鐘內客人可以整個餐食完埋埋單？**各位自行判斷此餐廳是否值得受一肚氣去試試！**原來下面都有客留言此餐廳服務極差！