藏 (已結業)

今日和朋友去了這家新餐廳，絕佳的用餐體驗！我點的上等壽司拼盤套餐非常好吃！食材絕對上等新鮮，魚肉入口即化。包括餐前沙拉，湯，蒸蛋，10件壽司加一個手卷，最後還有紅豆綠茶冰淇淋的甜品！他們的服務態度友好專業，上菜後過來為我們一一介紹每一件魚的名字和食材。擺盤精緻，賞心悅目，看得出非常的誠意。裝修環境舒適高雅，和朋友聊天小聚很是愜意！在銅鑼灣的地段，以這樣質素的食物、環境和服務來說，午餐的價錢非常合理。下次一定會再光顧！

知道有新餐廳開張，就同埋朋友仔黎試下新野。黎到樓下已經有人招呼，上到去服務員都好有禮貌，感覺好舒服。佢安排左我坐吧枱，竟然非常闊落! 一D都唔逼。我叫左個10件壽司lunch set，有茶碗蒸同沙律，食完前菜就可以睇住師傅幫你整壽司，上一件食一件，仲會同你有講有笑，坐吧枱就係呢度好。本身對日本野都有D要求，食材上等新鮮唔在講，不得不提佢上菜ge次序係好正宗的。由白肉魚，到貝類，到蝦，火炙，拖羅，軍艦，由淡到濃，咁先冇浪費到食材ge品嚐。佢做到了而我味覺視覺，都滿足了。

好耐冇寫食評，呢間位於銅鑼灣嘅日式餐廳新開張，所以同朋友試吓，Menu都吸引，有10款八款lunch set，最後我揀咗牛肉丼，個飯用咗A5嘅和牛，好少用咁嘅牛肉做牛肉丼，所以覺得係另一個層次，不過見到啲朋友嗌龍蝦海膽set，佢哋個賣相好吸引感覺自己好似嗌錯咗，壽司師傅都見到我望住佢哋個set望梅止渴！哈哈，壽司師傅仲好主動同我地溝通講笑！總結係食物質素偏高同埋服務好好。會再返去食!試吓其他lunch set!

食到感覺幸福嘅料理，就算好耐無寫食評，都執番支筆推介下！今次食新開日本菜餐廳地區十分方便，環境清幽寬敞!選擇了 Omakase !食材新鮮！配搭恰當！賣相吸引！加上壽司師傅親切細心！感覺全晚都幸福啊！前菜有安康魚肝，口感細膩潤滑！再有鮑魚及鮑魚肝醬稻庭，肉質鮮甜彈牙！肝醬馥郁濃厚跟稻庭成絕配！白魚係平政魚，薄切配以微酸醬汁，清爽怡人！刺身有象拔蚌及笠貝，肉質脆嫩鮮甜！沙甸魚魚味濃郁肥美！鰹魚刺身微烤配日本洋蔥，清新甜香！最後係油香滑潤嘅拖羅配脆紫菜！齒頰留香！和食第一道係蟹肉蕪菁，軟綿細緻！第二道龍蝦配百合、栗子、丹波黑豆，鮮甜味美，肉質爽彈！跟著係六道壽司，分別有深海池魚、北寄貝、鰤魚腩、拖羅、赤牡丹蝦及蝦膏及馬糞海膽壽司，魚味濃郁、新鮮油香、甘甜細膩！各有千秋！應有盡有！回味無窮！加上有櫻花蝦拖羅手卷及松茸蜆湯！相得益彰！最後送上超甜日本蜜瓜同美味小蛋糕！幸福滿載！超正！抵讚！

朋友話想食日本野，見到銅鑼灣新開就去試吓，我地一行4人去到環境好好，裝修特別我哋被安排坐師傅前面可以睇住師傅即席示範好欣賞塊餐墊，同餐廳室內設計好襯佢哋Lunch有多set揀有壽司set，剌身set，當中有兩個我覺得比較特別一個係鰻魚飯，係即叫即生燒一個係我點左嘅 龍蝦海膽丼首先先上前菜係沙律同蒸蛋個龍蝦廚房整熟之後師傅會喺我地面再拆肉上碟個丼淨係賣相已經好幸福最後仲有甜品有綠茶雪糕同蕨餅揀我揀左蕨餅，好好味佢lunch仲有 Omakase 好吸引，相信下次去會試！

銅鑼灣行完街搵野食比樓下巨型公仔喇叭吸引發現樓上新開左間日本餐廳 即管去試下好鍾意間餐廳坐得好舒服 啲位好闊落同平時啲日本餐廳背貼背咁坐好大分別今次試omakase老公order $1380餐我order $980餐師傅同我地不時有互動而且好細心問我地有咩唔食 而且每道菜都有悉心介紹好耐都未試過專心食一餐飯唔㩒電話因為忙住欣賞師傅表演同品嘗美食食物方面食材好新鮮本身麻麻地秋刀魚刺身 因為怕腥點知好有驚喜 好鮮甜 一啲都唔腥師傅話只有最靚最新鮮既秋刀魚先可以做刺身 如果唔係會腥另外佢地自家製梅酒真係值得一試👍🏻👍🏻👍🏻第一次食omakase會飽到上心口總括嚟講：好味、新鮮、夠飽讚讚讚！絕對有下次

正正準備同太太慶祝結婚兩週年紀念，搵緊餐廳，諗緊食咩，諗到個頭都大曬，都仲未諗到食咩好嘅時候，咁啱有個朋友就介紹左間喺銅鑼灣嘅日本餐廳比我，我同太太一聽到就即刻話”唔使諗”就呢間，因為我哋都幾喜歡食OMAKASE。當日一入到餐廳已經感覺好舒適，環境都好好，快啲入返正題先，講返啲食物，因為食OMAKASE最重要嘅關鍵，就係食物嘅質素同埋服務，兩個要點都能夠順利符合我生命裏最麻煩嘅老婆大人，佢都大讚賞，所以我今年嘅週年紀念就可以順利過渡。飽到上心口

環境幽雅，服務員態度10分良好，嘢食質素很高，絕對值得一試！今次中午食咗個龍蝦海膽丼，食材即叫即整，前菜沙律及蒸蛋新鮮，麵豉湯也10分認真，消費大概五百多元。推薦

餐廳入口是與樓上兩間餐廳共用的私人電梯，踏進大堂已有VIP feel! 上到樓上，環境清靜，全新的簡潔不失氣派，有卡拉0k房開Party，有bar枱，有普通坐，坐位間距寬廣。我地點了十件加一手卷午餐，坐在bar台前見住師傅即製逐件上，魚生超新鮮，toro入口即溶，魚類多且不是一般貨色，超水準！前菜有沙律蒸蛋，甜品有mochi或雪糕！我本身細食，要少飯，小朋友走wasabi，無問題！師傅會逐一介紹壽司魚類，又談笑風生，服務員也很周到貼心！勁推介！下次會試晚餐！

知道最近銅鑼灣開咗間日本餐廳，就約埋同事一齊食個Happy Friday Lunch。入到餐廳果然仲有少少裝修味，不過尚可接受，店員安排我地坐bar枱，可以睇到師傅準備食材。我地四個人，一人叫個set lunch試試先，我就揀咗Tempura。先上咗個沙律，正正常常。Tempura 有兩隻蝦、一件魚、茄子、南瓜、秋葵，份量好足。蝦係炸得幾好，唔會overcook，粉漿薄又酥脆，茄子都出色，但魚就不過不失啦，似係炸過龍，熟咗少少。最有驚喜嘅係甜品，可以揀椰子雪糕或者紅豆蕨餅，感覺到「藏」嘅誠意。紅豆大大粒，甜味適中，不過蕨餅就凍得太凍啦，如果唔係會更好味！

今次坐吧枱，望住師傅整野食，佢地又不時問下我地有冇咩需要，同問食物啱唔啱食，感覺好親切。叫左個北海市場丼，分量超多！刺身非常新鮮，溫度又啱啱好，食完好滿足！尤其是係蝦，好大隻好厚肉，好鮮甜！另外值得一提嘅係佢地用新鮮wasabi, 仲有上埋薑片，啲薑片仲有檸檬mix埋，好有心思。服務方面亦十分好，除左師傅會問下食物上嘅嘢外，waitress服務亦非常好。見到你飲左啲茶，就會自動即刻加返啲熱茶；食飯前後分別都有奉上熱毛巾。環境方面，呢間餐廳好似係新開，環境好乾淨好舒服。Overall 所有野都做得好同有心思，值得推薦！

銅鑼灣新開張日本菜，原本想試omakase, 但係又想測試水準先，突登book中午試下。店內走時尚簡單風格，空間感強，唔似一般日本餐廳又迫又窄。午餐set menu選擇好多，我揀左精選刺身。waitress小心罷好前菜，我就一路食一路睇師傅表演，估唔到lunch time都咁認真，擺好盤仲逐款介紹，超水準既服務。精選刺身有肥嘟嘟既拖羅、深海鯛魚、銀雪魚、帆立貝、蝦、油甘魚等等。拖羅肥美非常，入口即溶；深海鯛魚當時得令，入口就知道新鮮，輕輕點d醬油提鮮，又係回味無窮。最令人驚喜竟然係個銀雪魚，我見肉身呈奶白色，師傅輕輕燒左表面，入口就不得了，一口魚油香氣，加上肉質鮮嫩，估唔到銀雪魚可以咁好食。我個set仲包湯、白飯同甜品。由於食左肥美拖羅同充滿魚油既銀雪魚，我飽到食唔落飯...但係都飲湯暖下胃。結尾甜品有椰子雪糕，清甜得黎啖啖椰子絲，非常滿足。

今日試新嘢～一路以來覺得謝斐道商廈啲上樓日本野通常都坐得比較迫，又會食完成身油煙味，但今次完全冇呢個感覺～樓下lift口已經有靚女問我地係咪訂咗位，上到去安排我地坐吧枱，可以睇到師傅準備食物～見到我個手袋唔知擺邊好，waitress都即刻攞個籃俾我，服務加分set lunch選擇唔算好多，但樣樣都好吸引～我揀咗十貫壽司+手卷個餐～好快上咗沙律同茶碗蒸先～沙律菜好爽夠新鮮，茶碗蒸都足料同夠熱～壽司逐件上，師傅都有一一介紹～十件壽司分別有鯛魚、伊左木、深海池魚、金目鯛、帆立貝、銀鱈魚、左口魚裙邊（唔肯定係咪～）、大拖羅、蝦、海膽刺身好新鮮（我玻璃肚食完都冇痾～）銀鱈魚同海膽尤其出色～ 擺盤都花心思～係d飯略嫌多醋咗少少，有d散..食完十件壽司仲有手卷、湯同甜品～sushi set $360+10%，我覺得以呢個位置、環境、服務同食物質素，CP值OK～期待下次再試其他set～

第一次和同事來KURA食lunch，坐Bar 枱位，叫左個Premium Sushi Platter ，首先上個沙律🥗同蒸蛋，沙律好開胃，個蒸蛋真係超滑，好好食👍🏻之後壽司師傅會在你面前整每一件壽司🍣，仲會介紹一下建議食法，每件壽司都有少少唔同食法，每件都超新鮮，超有驚喜！食完壽司仲有碗熱辣辣湯飲，最後個甜品壽司師傅話自己整叫蕨餅，唔太甜，幾好食😋😋😋！呢個lunch set剛剛好，下次再黎過！

上星期啱啱試咗一間新開嘅日本餐廳，地方簡潔優雅，食材十分新鮮，店員服務十分體貼。今次點咗 premium sushi platter 同埋魚生丼。Sushi platter 係逐件逐件上，每件食完都會估下之後係咩，好有神秘感。而且佢哋仲有 omakase， 我仲立即約埋朋友仔下星期一齊去試。