蝦棧 (已搬遷) 新店位置

有冇諗過食台灣野係會主要食蝦？呢間位於太子嘅蝦棧真係充滿特色！佢嘅地理位置較隱蔽，可能冇乜人發現，但係離遠會見到佢有啲魚缸喺店內面，裏邊就係擺滿左鮮蝦。我哋一入到去老闆招呼好周到，睇吓個餐牌覺得餐牌上面好多選擇，但係令我最奇怪嘅係店裏面嘅嘢食唔係全部都係黎自台灣，混合左好多其他國家嘅特色食物，例如日本，可能日本同台灣夠朋友掛。我哋叫咗幾樣嘢食一個係檸檬蝦煲、清炒羽衣甘藍、大腸米粉、黑麻油雞、北寄北、生燒海花螺等，但最難忘都係個甜品，陣間講！先來嘅麻油雞真係好香，明顯係有黑麻油滲透其中，仲有佢雞嘅份量好多，夠晒四個人食，唔同雞嘅部份亦都有齊。之後講下個檸檬蝦煲，老闆話每一個煲會用上300g既新鮮大隻羅氏蝦，亦即係我哋叫嘅大頭蝦，佢個頭真係特別大架成隻蝦睇落去個比例係上身大個下身，佢哋嘅彈跳力都十足，所以食落去都特別有口感，而且佢裏面都滲左好多嘅青檸味係入邊，超好味啱晒我呢啲鍾意酸酸辣辣嘅朋友。最後講埋呢一個甜品南瓜雪糕，真係史無前例咁好食，我朋友本來話唔想食甜野同埋凍野但係都忍唔住破介。佢係用一個完整嘅南瓜，承載着由日本入口嘅雪糕，一睇就知係貴野有雪櫃拎出嚟放上枱面超過10分鐘，都未見到

一口炸豆腐 $68豆腐跟平時吃的有點不同，豆腐不但外脆內軟，而且豆腐芯很綿密細致不油膩👍🏻羽衣甘藍 $98只嘗過羽衣甘藍來做果汁，炒還是第一次😋真的難得有小店會有，蔬菜碧綠用蒜清抄，感覺纖維高，味道少少微甘，一點也不油很健康👍🏻

門口出面已經見到招牌好sharp醒入到去見到三層魚缸養住好多生猛大蝦游下游下鹹蛋黃蝦，隻隻蝦都比鹹蛋黃圍住，煮到好入味，勁香口！蝦肉好新鮮彈牙，每隻蝦頭都有唔少蝦膏！黑麻油雞，黑麻油勁香，雞肉嫩滑，份糧有成半隻雞有多，用少少酒調味令到成個雞煲更出色！小丁香油麥菜，油麥菜好新鮮爽口，加埋小丁香魚乾一齊炒，令到油麥菜鮮上加鮮！香煎墨魚黑白卷，黑白色嘅墨魚膠被腐皮包住再煎炸唔但止有創意，食落墨魚膠仲好美味彈牙，沾埋泰式辣醬簡直一流！糖心滷蛋，滷到好入味，蛋黃仲要流心！薄荷柚子梳打，好refreshing

今日同米仔行花墟買盆栽，都唔知點解佢係都鐘意買多葉植物，全部都綠色，都唔知幾時先見到開花！由頭行到尾，又由尾行返到頭，再行去買心水植物，行到超累，係時候醫肚，我就搵左呢間蝦棧，眼見佢的蝦，隻隻游住水，非常生猛，新鮮，就入去試下！話明蝦棧，梗係食下蝦，無蝦不歡啦！三杯蝦 一上枱，色香味已經有齊！新鮮生猛的蝦，果然係好彈牙！三杯的咸香果然夠勁，入口就會令你著迷！隻隻都夠大隻，蝦頭入面仲有肉同蝦膏，蝦膏香甜，好味到不得了！一口炸豆腐 一口炸豆腐，配七味粉點綴，配上少許椒鹽，味道己很配搭！濃濃的豆味，加上外脆內軟，一口放入口，滋味了！黑麻油雞 入冬最好就係要進補！見到有麻油雞，就係要點啦~~充滿麻油香的滑嫩雞肉，加上老薑微辣與米酒甘甜醬汁，一入口，那股溫熱感從胃部緩緩蔓延至全身，不禁讓我感到滿足與幸福！羽衣甘藍羽衣甘藍係我喜歡的其中一款蔬菜，可以做沙律之餘，又可以炒。今次就來個蒜蓉炒，羽衣甘藍的質地係偏硬，個人認為多咀嚼才好，配上蒜蓉，配搭得宜，很不錯！

蝦棧2018年出街食飯第一餐，要食得豐富啲，同朋友去到太子食台式蝦煲。去到餐廳門口，已經見到魚缸入邊有好多新鮮嘅蝦，喺度不停游緊水，可惜佢哋好快就會落入我嘅肚中。呢間台式蝦煲小店，裝修簡潔，牆上有好多台灣嘅裝飾，亦都擺放左食物嘅照片，立即食慾大增。翻開餐牌，估唔到蝦煲有十款選擇，果然係蝦煲專門店，有：胡椒蝦、奶油蝦、檸檬辣蝦、麻油蝦、仲有港式限定：避風塘蝦、鹹蛋黃蝦等等……。經過一輪討論，我哋就試吓胡椒蝦煲啦。胡椒蝦煲＄188呢個煲傳來陣陣嘅胡椒味好香，帶微辣好惹味。胡椒蝦煲比台式最大嘅分別係，台式蝦煲的蝦會比較細小，但係呢一間店舖用嘅蝦比較大隻，仲有好多蝦膏添，由於食材都係門口嘅魚缸即叫即撈，啲蝦仲好新鮮，所以肉質彈牙爽脆。不過只得六隻蝦，如果多啲就比較好啦。菠蘿雪芭＄68雪糕吃得多會胖，忌廉牛奶糖不知不覺間成為脂方落戶到你身體裏，易請難送。雪葩雖然口感近似雪糕，比沙冰細緻，不含牛奶成份，相對熱量低。食完感覺都冇咁有罪惡感。雪葩原本是法式甜品之一，係西餐中的作用係食完頭盤和湯後，清新一下口腔味覺，準備品嚐較濃味的主菜，選材多以甜甜酸酸口味清新的水果首選，例如青檸、檸檬、西柚、奇異果等

今日同埋蝦妹一齊嚟食蝦煲～除咗蝦煲... 仲係蝦煲... 🤣 我住馬拉嘅味道，都係要個奶油蝦煲～奶油味香甜... 隻隻蝦肥美，大隻新鮮～😍東風螺，就係白灼一樣咁好食～上次試咗冰鎮冰菜，好好味...今次呢度有炒冰菜，亦試下... 冰菜熱食嘅感覺完全唔同，食落有啲似莧菜、潺菜嘅混合體～😛意猶未盡，嚟多個炸蝦卷～嚟杯薄荷檸檬梳打爽一爽～😋食飽，仲打算去附近甜品舖食糖水...點知職員推介佢哋有即日鮮制鮮製嘅芋頭西米露...即管一試... 嘩，勁清甜，我就想食呢種啖啖鮮甜味嘅糖水... 職員話唔係時時有，咁啱呢日啲芋頭靚，先至有做～ 我真幸運～

今日喺太子始創中心行咗一陣，走到去花園街，就諗住同媽咪食埋晚飯先返屋企。見到一間以蝦為主題的餐廳，就想係呢個秋冬天吃一個蝦煲暖下胃，感覺也不錯。這間蝦棧是台式蝦煲專門店，門口已經張貼了很多不同的報道。原來有不少的電視節目和報章都有報道過，我和媽咪都充滿期待的進去餐廳。天氣咁凍，就當然要叫個避風塘蝦煲，辣辣地，可以暖下身子！再加一個黑麻油雞煲，諗到都超正！前菜就叫左我最愛的醉雞！杞子醉雞捲$88冷盤杞子醉雞捲，咬落去啖啖肉又無骨，肉質鮮嫩，酒的味道剛剛好，又不會遮蓋了雞的鮮味，厚度適中，咬落去唔會覺得太大舊。糖心滷蛋＄15冷盤糖心滷蛋，味道真係好似台灣地道小食一樣，成隻蛋都滷得非常入味，金黃色的蛋汁好似就嚟流出來。黑麻油雞＄168一上枱，已經聞到黑麻油的強烈香氣。雞肉十分嫩滑，完全吸收了黑麻油的味道。味道很香濃，在香港很少吃到黑麻油雞，而這裡做得很出色。雞皮亦都彈牙，唔會很油膩。落咗單之後，見到店員真係拎個筒由清澈的蝦缸拎好生猛的蝦出黎，我覺得呢間鋪頭的衛生環境做得不錯👍🏻。好多蝦都係生生猛猛，水缸裏面的蝦數量不算多，可能係多人食又keep住有新貨返。避風塘蝦＄208主角就係避風塘蝦煲，

太子旺角 食店眾多 要揀間好食岩食又會特別少少既食店其實又唔係咁容易 食來食去都係個幾間知道近期太子開左間有個性之如 又岩口味既台式餐廳 一於同同事午餐走過去試一試蝦棧 就咁睇名 以為淨係食蝦食海鮮 飲下珍珠茶咁 但原來又係另一回事黎簡潔明亮既環境 乾乾淨淨 感覺舒服而且老闆服務細心詳細 感覺溫馨午餐有多個選擇 基本台式魯肉到特色咖喱都有 平均性價比都好高椰香咖喱烏頭魚飯$58熱辣辣咁上到枱面 咖喱香味都好濃而且椰香味都好吸引 食欲都即時增左唔少 而且白飯用上珍珠米去侍候 感覺用心又有個性 食落更加係彈牙又軟熟 水份充足 大小接近烏頭魚其實除左泰國餐廳外 其他餐廳都好少有得食 可能係處理上比較難去做得好 但今次棷中香咖喱配合得幾好 啖啖肉又無骨 食得滋味又放心 份量都唔少 食完都好夠飽 味道份量顏色好吸引到感觀既神經 不錯菠蘿梳打 加$15推介飲品 清爽去油賦感 菠蘿味好新鮮 加上鮮菠蘿既 garnish 又可以睇又可以食 鮮甜多汁 梳打又可以清胃氣 一舉幾得 值得再飲 特飲黎講加$15我覺得值得同性價比高

喺太子呢條街除左有酒吧之外，仲有好多唔同餐廳揀！好多間我都食過，有啲係sell 氣氛，有啲係真係好食，而呢間絕對係兩樣都有！新鮮蝦一入到去有好多人，睇下menu先，蝦應該係主打喇，一半以上嘅野食都係蝦，每樣煮法都有，有啲仲好新奇有趣！究竟有幾鐘意食蝦先可以做到咁避風塘蝦鍋呢個蝦鍋其實好正！啲蝦唔係普通嘅蝦，留心啲望下就會發現佢係頭大身細仲好少有咁有蝦膏！好似啜蛋黃咁啜佢出嚟先！不過份量唔多，可以扔Ｄ垃圾係呢度～醉雞卷er......感覺有點怪怪的~~都係蝦好食啲魯肉蝦米你可以當佢係一碗魯肉嘅米線再加隻蝦冇咩特別，純粹唔想叫飯叫啲飽肚啲嘅野食小丁香油麥菜緊係要叫翻個菜嚟平衡下今餐嘅有好多款菜揀~南瓜雪糕 $68呢個係我食過數一數二好味嘅雪糕唔單止個樣精緻，將啲雪糕裝喺小南瓜入面味道更加係超正！南瓜味有，但又有少少椰味同奶味，冇諗過有南瓜味嘅雪糕呢度平均一樣野食都要等15分鐘以上，比較耐，因為可能佢個廚房設備好似簡陋啲咁，而且坐得又舒服，令到有私房菜感覺，即叫即煮咁

上次去太子食飯，經過呢間餐廳，已經比佢餐牌吸引左裝修又好清新FEEL~ 所以特登搵時間去左試試!第一樣叫左小食:香煎墨魚黑白卷第一次食黑色既墨魚卷，煙UN就白色有口感D炸到金黃色，但又唔多粉，配埋個甜酸醬，開胃首選~~第2樣小食叫左醉雞卷賣相幾吸引wor~ 但食落酒味好重，如果鍾意既朋友應該會覺得好正d雞好大舊，唔老，多肉，份量都十足啊!之後就到蝦煲喇~ 我地揀左店員推介既奶油蝦一鍋有6-8隻，原來係計重量既每隻都幾大隻，有d蝦頭仲特別大，好多膏~奶油既香味滲哂落蝦到，下面仲有d洋蔥，個汁撈飯不得了~之後叫左魯肉飯，上面仲有隻半熟蛋啊! 魯肉碎超多~ 有少少汁我就鍾意撈埋奶油蝦d汁一齊食! 走既時候發現原來佢d蝦係係門口個水缸到即撈架!!真係好新鮮! 下次一定要再食!

今次去到被譽為全港獨家台式蝦煲專門店，因為朋友比較鍾意食蝦，所以專程兩個人去到呢度食lunch。餐牌嘅食物各有特色，平時係出面都好少食到，除咗有特色嘅台式食物之外，仲有不同味道嘅蝦煲選擇。餐前小食方面，叫咗糖心滷蛋同埋滷水雛鴿，滷水鴿子即叫即整，賣相非常吸引，外皮非常香脆，而且肉質滑嫩，必叫嘅小食之一。主菜方面，當然唔少得叫台灣最特色嘅新竹米粉，套餐仲可以跟一杯飲品，魯肉新竹米粉湯底好鮮甜，米粉有質感，食咗去煙煙靭靭嘅口感，加埋滷肉碎一齊食更滋味。另外台式蔥油雞飯雞肉很滑，蔥油好香，非常正。主角胡椒蝦煲遠處已經聞到好香嘅胡椒味道，一煲大約有八隻，全部蝦頭都好大隻，食落去有好多蝦膏，而且蝦肉爽口彈牙，非常新鮮。最後甜品叫咗有柚子雪芭，賣相好吸引，真係原隻柚有子上的，雪芭軟綿綿，食落去柚子味道非常濃郁，好正。

※本文以用餐當日的環境、服務和食物質素為準，口味亦因人而異，文章只作參考之用。-估唔到係眾多車房之中竟然藏身左這間餐廳「蝦棧」，就咁睇門面好似一間Cafe，但望真少少佢有設置魚缸架，缸內有好多隻生猛大頭蝦！原來餐廳係主打「台式蝦煲專門店」，仲有提供其他台灣菜式，岩晒小妹呢個台灣控。餐廳的環境不大，佈置卻舒適整潔，貼上部分菜式相片。清澈的魚缸內有圍數不少的生猛大頭蝦，即撈即煮，確保新鮮。餐牌除左主打多達十款口味既台式蝦鍋外，仲有不少台式食物，如麻辣臭豆腐、麻油雞、魯肉飯、台式腸等都有。糖心滷蛋 $15/隻滷蛋比想像中滷得入味，中間蛋黃夠晒糖心，好食！台式香腸 $88分別有墨魚汁腸同蒜香腸，味道都唔錯，咀嚼中會覺得很惹味，但就覺得定價有點高。醉雞卷 $88愈黎愈多餐廳都有推出小食「醉雞卷」，好唔好食取決酒味重唔重同肉質夠唔夠滑。平時唔太鍾意食有骨雞件，無骨醉雞卷啖啖肉就岩晒小妹。用上花雕酒、杞子等所製，未入口已聞到濃烈酒香，食落更甚，不過今次既肉質就較為實左少少。香煎墨魚黑白卷 $98用上腐皮包住黑白墨魚滑再拎去炸，炸過既腐皮好香脆，同中間彈牙既墨魚滑真係好夾，食唔到口，差唔多成碟比我食晒

我好鍾意食大頭蝦既蝦膏，簡單簡灼都夠我食好多隻，但香港好多地方都係燒，我唔太喜歡～睇食評有間「蝦棧」有大頭蝦食，第一時間約我honey去食蝦～今次叫左4樣野：1）奶油蝦 2）鹽煮北寄貝 3）黑白墨魚卷 4）灼花螺第一味上檯係北寄貝，我比100分，新鮮既食材、簡單既煮法、熟度剛剛好，無得頂。湯有濃濃既胡椒味～I like it!我飲曬d湯～～不過honey唔喜歡胡椒～第二味係黑白墨魚卷，70分，炸到脆卜卜，honey好喜歡，但我就覺得普通無驚喜（可能我對食物太高要求）第三味奶油蝦，85分，蝦好新鮮，膏又好正，肉唔會過熟，唯一扣左少少分係汁太咸啦。其實d汁充滿牛油味，再加上洋蔥本來無得頂，敗在太咸。（為左下次再黎食有驚喜，我同老闆反映左）第四味係花螺，無特別，唔多講結構：等我honey病完我會再去食麻油雞呢～～～～～^_^

今天和朋友在旺角行街, 行到太子花園街近街尾看到一個很大的蝦圖燈箱寫著蝦棧, 突然心血來潮想食蝦, 於是走入去。 原來這裡有很多特式煮法的蝦煲 ‚還有剛推出的火鍋, 天氣少少冷決定叫了個蝦煲及火鍋。奶油蝦煲很香的奶油味, 每隻蝦都非常新鮮, 需然平時我甚少吃蝦頭, 但今次不同, 因為蝦頭很乾淨且吸收了香濃的奶味食真的很滋味, 果然是蝦主打。 台式香腸, 紅色是以豬肉製作, 黑色的是墨魚香腸, 台式香腸口感香甜, 台灣人喜配蒜片一起吃。 鹽燒豬肋條, 肉味鮮嫩香口兼鬆化。 羽衣甘籃葉邊有波浪紋，口感爽脆, 營養價值極高，含豐富維生素B、C、K和大量的葉酸。 龍蝦飽魚火鍋2人份量, 有肥牛、菇、粟米、蜆、飽魚、龍蝦等, 將龍蝦弄熟後放在碟裡, 很清楚看到這隻龍蝦有多大, 真的很正。

如果喜歡吃蝦的朋友, 今次真的好介紹, 在太子花園街233-235号有一間 “蝦棧”裡面有十款不同的蝦鍋可以選擇, 如: 胡椒蝦, 奶油蝦, 檸檬辣蝦, 椒鹽蝦, 三杯蝦, 酸辣蝦, 鹽焗蝦, 避風塘蝦和鹹蛋蝦, 有些是限定供應的, 如果想食最好訂定了。胡椒蝦, 每隻蝦都很有份量, 新鮮彈牙, 好食到連胡椒味的蝦頭都不放過。 台式香腸一定要食, 和平時食的很不同, 食落香甜爽口, 不怕蒜片的可加在一起吃, 口感很豐富。 生燒海花螺, 口感厚實爽脆, 也可以加點醬料增添味覺。黑椒牛仔骨味道可接受。 一口烤豆腐, 外層色澤金黃, 味道香口富有彈性, 可止吃一口, 要吃多幾件才夠。醉雞卷, 冰涼的雞卷肉質相當嫩, 還有陣陣的清香酒味‚味道非常OK。可惜食得太飽了, 未能一試佢地的特式甜品, 菠蘿雪葩, 及南瓜雪糕……,