蝦棧 (已搬遷) 新店位置

這位置並不好找, 一到埗, 已被她門前的生猛大頭蝦吸引住. 這間臺灣小菜以蝦煲做招牌菜真是令我滿心期待. 我們一行4人, 叫了胡椒和黃金蝦煲, 說真的, 只要食材新鮮, 調味對味, 就一定好吃, 而這裡, 前者己有, 後者更做得十分出色, 不消一會兒, 我們已把蝦煲消滅得一乾二淨!!! 如果大頭蝦SIZE再大一點就更好!!另外小吃如黑白墨魚卷, 炸豬大腸, 炒椰菜, 東風螺, 椒鹽豬肋條, 臺灣香腸，全部都十分對味, 只希望份量多一點點會吃得更滿足. 因為大家意猶未盡, 叫了鹵肉飯, 蔥油拌麵和新竹米粉, 特別推介鹵肉飯和蔥油拌麵~!!價錢如果以吃臺灣菜來說, 略嫌貴了一點, 但平時食臺灣菜又沒有如此新鮮彈牙多膏的大頭蝦, 所以整體來說價錢合理~! 我下次經過花墟買花, 一定再來幫襯~!! 

今次同朋友一齊黎到期待以久既餐廳~一個星期前就BOOK定位置!作為一個極愛食蝦既蝦奴,當然唔會放過呢一間以蝦為名既'蝦棧'餐廳~ 除左出名食蝦之外,餐廳仲有好多生猛海鮮可以選擇! 選擇好多~由於太多選擇,有少少目不暇給,所以最終決定權都係經由老闆介紹推介菜式~P.S. 提提大家,餐廳唔算好多座位,想黎真係最好BOOK 定位~首先黎個油鹽水帆立貝,一睇就知又大又新鮮,勁鮮甜, 真係想連湯都飲埋! 而且完全唔會有沙.超正!之後係鹵水炸乳鴿,呢隻乳鴿可以用皮脆肉香黎形容,表皮脆口,入面勁JUICY肉油,唔會有油膩,好少有食到咁好食既乳鴿!再黎係主角~麻油蝦煲,賣相精緻好有特色,而且食落啲蝦好鮮甜,麻油味配合新鮮靚蝦完全無得輸!而今晚既主點主角,一定係呢一個主菜,睇得又食得!!!呢個叫'雪山火焰焗鮮魚'佢會首先用鹽焗住條魚, 然後再用白蘭地琳上魚身表面加熱火燒, 人未食,相機食先行!而且啲魚食落確實肉質嫩滑,非常值得推介.唔試過唔可以話黎過呢度~!今次食既所有推介菜式都回味無窮,期待下次再有機會再黎!

話說有同事介紹，太子附近有間食蝦既食店好好食，而且仲係用新鮮大頭蝦即撈即煮，所以就決定去花墟買完年花後，好好食餐飯迎接新既農曆年。夜晚7:30去到蝦棧，都唔算好多枱客食緊，心諗唔知食物好唔好食呢？偷望隔離枱，見人食緊既蔥油雞都賣相唔錯，即刻放心少少，準備開懷咁點菜。可能接近新年，餐廳推出左一個二人或四人套餐，二人套餐可點四款主菜($596)，主要都係餐廳出名既菜式，所以我同朋友就毫不猶豫咁決定左點鹹蛋黃炒大頭蝦、帶子炒露筍、雪山焗爐魚（要另加$88）同炒羽衣甘藍，半肉半菜，均衡飲食。😋富貴黃金蝦——<鹹蛋黃炒大頭蝦>等左無幾耐，餐廳越來越多人，我既鹹蛋黃炒大頭蝦終於上場了。雖然大大個煱只有8隻大頭蝦，但係味道絕不欺場，鹹蛋黃同蝦既味道完全配合，而且每隻蝦都好鮮甜，唔太「好」蝦既我都食到好滋味，我朋友更食到䑛埋手指，如果唔係仲有其他菜，一定會再叫多款去試。龍馬精神——<帶子炒露筍>不知不覺間，第二款菜-帶子炒露筍就到啦！呢款菜既size比我預期既細，不過香濃牛油加上洋蔥既甜味，令整個菜既口感好豐富。帶子雖然唔大，但都算新鮮，加上脆卜卜的露筍，好快就食完成碟

蝦棧！我還原以為是獨特，專做蝦類岀品的呵😜到此一樂，才明瞭啊！😊原來是專做台灣菜式的海鮮中菜館一一蝦棧！👏羽衣甘藍 98圓翠綠青青的羽衣甘藍，菜葉片片，極感特有纖維的，在一大碟青翠綠色羽衣甘藍菜上面加了幾點紅呀！猜猜那是啥呢？😜👍😁黑麻油雞 168 圓一陣陣香味誘人的黑麻油雞煲，香氣撲鼻而來，引人真有點兒按奈不住了呵！😜快來嚐嚐美食也就知道那是那樣的好吃呵！😁👍👍奶油蝦＄188 圓如此這般大大兼肉肥美的大頭蝦，我至喜歡吃那蝦的頭部嘀！此蝦的頭跟別的蝦頭可大大不相同的呀！牠是那樣的香，蝦膏極之多，真像在嚐那大閘蟹的蟹膏那麼地香香的，此蝦褒內還配有洋蔥及芝士汁，那可真是添加了更多的惹味，全美的樂享啊！👍😁👏黃金脆炸蓮藕片＄38 圓炸蓮藕，片片尤如像紙一樣簿簿的藕片，脆口加極香香的！再配有綠色的Wasabi似的醬汁，帶點儿酸味的，真是好醒胃👏😁👍葱抓餅＄28 圓外硬脆內軟的葱抓餅，不用多講，也知道是咋樣的呀！😁👍👍枝豆＄38 圓嫩綠綠的枝豆，帶些咸味的，真是健康之餘同是美味可口的呀！👍😁😁台灣金牌啤酒 ＄25圓一罐青島啤酒 ＄25圓一支有那麼多的美食饗宴，叫瓶啤酒🍻，更添

前排有FD介紹, 開左間台灣餐廳今日突登黎試一試依間門面幾靚, 幾吸引一眼就望到間野起邊一開始我地叫左個醉雞卷第一次食, 好好味!酒味唔太濃, 啱啱好依度出名係蝦煲可惜我朋友唔食得蝦叫左另一個黑麻油雞煲鷄滑味香, 唔油膩, 仲大份真心推介!要數台灣食物最出名o既一定非"魯肉飯"莫屬魯肉飯好大碗夠兩位一齊食魯肉唔會好咸，最啱拌飯依度除左蝦煲, 另一個招牌菜就係火焰雪山焗魚條魚好大條, 魚上面有鹽店員一點火, 燒著晒成條魚超壯觀, 呃like一流!!條魚除左好睇, 仲好食因為鹽焗關係, 咸咸地, 味香魚肉本身有夠鮮嫩，一D都唔乾再次真心推介!最後試埋個甜品菠蘿雪芭同椰子雪糕, 好味!個FD真係無介紹錯依間台灣小店真係好味可惜今次得兩個人, 試唔晒咁多款下次一定要再試多D先~~

係朋友推薦下，知道旺角有一間台灣野，係專食蝦仲要有不同風味可供選擇。店員服務周到，會同我地推介有咩好食。叫左D前菜，個醉雞卷一碟有6舊，啖啖肉，花鵰味唔太濃，剛剛好。加左粒杞子做點綴，相當有心思。另外，我地亦都叫左碟墨魚黑白卷。有2款分別有墨汁同無墨汁嘅墨魚卷，熱辣辣新鮮即叫即炸，加埋泰式甜酸醬，令味道更加豐富。值得嗌黎食。到左重頭戲啦，鹹蛋黃蝦。一鍋有8隻，聞到非常香。蝦嘅大細個人認為剛剛好，因為可以唔洗用手，一口就可以食得。加上，佢d鹹蛋黃包住d蝦殻，一定係用口”損”下先食到佢d味道。食完d蝦，一定要夾d鹹蛋撈飯。而菜方面，我地本身諗住試下樹子冰菜，但點知賣哂，所以我地就叫左羽衣甘藍啦。咁味道都幾好，因為食落有少許甜，絕對一d都唔油，幾好。

好朋友從日本返黎話想食下台灣菜 佢同我都係愛蝦之人 所以收工就黎太子試下呢間幾出名既蝦棧 一進店內已經有個大玻璃缸養住生猛的大頭蝦🦐店內環境光鮮簡潔，有日台感覺餐廳主打食大頭蝦，當然要叫一個蝦煲，店員推薦胡椒蝦煲同奶油蝦煲係台式風味，於是我地揀左胡椒蝦煲，另外再叫左生燒海花螺，滷蛋，黑白墨魚卷，同羽衣甘藍配蘋果汁🥗🍎先黎既係兩杯羽衣甘藍蘋果汁🍎草青味較重，淡淡的蘋果味，感覺清新黑白墨魚卷即是兩款腐皮墨魚肉卷，微黑色的是加了墨魚汁，墨魚卷爽彈有口感，富墨魚味生燒海花螺很新鮮滷蛋已貼心地切半，味濃嫩滑全晚最期待的蝦煲一上枱，香濃的胡椒蒜味傳進鼻子裡！大頭蝦有八隻🦐頭大身細，果然名乎其名叫大頭蝦，蝦頭裏有很多蝦膏，蝦身肉質較實，帶胡椒蒜香很惹味！這道蝦煲比較適合喜歡吃蝦膏之人最後補加了一碗魯肉鮮蝦新竹米粉🦐魯肉入味，大大碗新竹米粉夠我同朋友兩份分

冬天一定要暖身同滋補，位於太子嘅「蝦棧」就可以滿足晒呢兩種願望！尤其係主打嘅暖笠笠蝦煲（$188/鍋），即撈300gm大頭蝦，口味超級多，有奶油、椒鹽、胡椒… …小妹最鍾意胡椒味，叫咗一煲，300gm大概有6至8隻，視乎蝦嘅大細而定，而小妹嘅呢一煲有大有細，所以只有6隻，有啲Sad，因為小妹係大頭蝦粉絲，超級鍾意食佢啲膏同啖啖肉，始終感覺份量太少。不過有啲蝦都頗大隻，而且又爆膏，食到小妹不停吮手指。另外仲有「台式黑麻油雞」（$168），雞肉好嫩，麻油同酒嘅比例恰到好處，食起上嚟暖笠笠，比起食濃味雞煲更加滋補養生。仲有「樹子冰菜」（$98），冰菜喺香港比較少有，要睇季節性，既然見到有就嗌咗一碟，只係估唔到用台式醃料樹子炮製咁好味。

今日同左屋企人去食蝦棧應該係新開嘅，食飯時段滿座，我哋等左一陣先至可以入去食。我哋見到佢門口有兩個嘅魚缸，入面d水好乾淨，好多蝦都好新鮮，行嚟行去行嚟行去咁。我哋叫咗兩個蝦煲，一個係避風塘味，另外一個係鹹蛋黃味，兩個真係非常惹味。避風塘嗰種就有濃濃嘅蒜香味，而鹹蛋黃嗰個就係有超香嘅鹹蛋黃同埋鹹蛋黃油兩個都不相伯仲，都係咁好味。但係記住一定要用手食，咁先至食到佢嘅原汁原味。我哋叫咗個醉雞卷同埋黑白墨魚卷，黑白墨魚卷有啲似酒樓嘅鮮蝦腐皮卷，唔使形容都知都係好食啦，熱辣辣家常冇芫莤，好食到想嗌多碟。醉雞卷肉質比較鞋，但係尚算入味，如果能夠將肉質保持鮮嫩會更上一層樓。我哋叫咗兩個菜，一個係羽衣甘藍，另外一個係普通油麥菜。羽衣甘藍佢整到好似豆苗咁，仲有佢用上湯浸過，超級好味，又健康又好味，所以一定要叫！我哋想叫返一樣傳統台式野，就叫咗葱抓餅，好新鮮熱辣辣好煙un， 即刻令我想飛返轉台北食夜市傢感覺，完全冇誇大，你試咗就會明！我哋最後仲叫咗個番薯雪糕，佢真係比較番薯我哋，好得意，我地問吓個侍應，先知原來個番薯雪糕係made in JAPAN，連雪糕都咁用心，由日本空運過嚟，真係下次妮食都一定要叫雪

一入到蝦棧，環境乾淨，播著台灣六十年代的歌，好有台灣的味道，每一樣食物都有小黃花作點綴，好特別和簡單美。店舖中就有蝦池，員工在我們面前捉蝦去煮，如此實際的店舖在哪兒找到？先上一口炸豆腐，內裏十分嫩滑，和平時豆腐不同，外皮酥脆值得一試。之後上醉雞卷，聞下去好有酒味，吃下去一樣很有酒的澀味，而且不會有骨，再捲一舊圈圈，真是好特別，未試過的就要更加吃這道菜，喜愛酒味的食家更加要吃！滷水蛋好有滷水香甜味，中間流心的蛋黃也有滷水味道，吃滷水蛋最怕只有外面有滷水味，我可以說這是我吃過最好吃的滷水蛋。最重要的主菜是奶油蝦，真是好鮮甜，蝦大大隻，而且好有咬感和爽滑，吃蝦頭時會吃到蝦的鮮汁，下面有甜洋蔥之餘還有蒜頭，而蝦放在上面，重口味的食家會愛上這道菜當吃這道菜時，要分開蝦身和蝦頭時，要小心會爆汁，我的衣服就這樣遭殃了，所以吃的時候要小心。最後甜品時間叫了菠蘿雪芭，外面用菠蘿仔，裹面正是雪芭，啖啖雪芭和果肉融合一體，完全沒有違和感，整個感覺都好可愛，賣相好好，吃下去還更加好味。總括而言，如果你是想嘗試台灣的新料理，而又好喜歡吃蝦，那更加要來這店舖吃，最推介奶油蝦和菠蘿雪芭。

一入到呢間餐廳，就見到好有台灣風味既裝修，而且有一個大魚缸養住魚同大頭蝦，全部都眼仔碌碌好生猛。餐牌上就推介唔同口味的蝦煲，叫左個港式限定既避風塘蝦。黎到真係好驚喜，隻隻蝦都有手掌咁大，肉質好厚同爽，配埋炸蒜同少少辣相當之惹味。蝦頭入面仲有好多膏，啜左兩三啖都仲有！仲有叫左廚師推介既火焰雪山焗鮮魚，一開始唔明咩叫火焰雪山，因為好奇先order。上到菜原來會係魚上面點火，真係好似食火焰雪山咁。焗魚係偏泰式風味，魚肉好滑配埋香芧、青檸，感覺好fresh。而且條魚都好大條，如果一家四口黎食都夠！另外仲叫左個生燒海花螺，呢個食落唔似一般白烚既螺，面頭有d 焦脆既口感。另外仲叫左碟油麥菜，其他菜既款式都幾特別，有羽衣甘藍同之前好多人介紹過既冰菜。本身冇expect油麥菜都咁有心思，係用左魚乾同魚湯去煮，而且食落全部都係菜比較嫩既位，可見用心。對蝦棧十分之滿意，環境好乾淨，而且食物係用心製作，適合兩個人或者係一家人黎食！

舖名叫「蝦棧」就梗係專門食蝦。蝦煱係台灣都其實幾popular ，但係每次去台灣都有太多美食要排住去試，所以未有機會去到品嚐一下。今年趁預祝情人節，就打破傳統唔食西餐，揀下吃台菜！奶油蝦煱，熱辣辣又香噴噴地上枱，蝦肉鮮甜，奶油味重，好歡欣😋如果不是我近期太燥，我會試胡椒蝦，我估仲正🤔等我下次再光顧先至試。出乎意外地呢個滷水炸雛鴿先至係最精彩，好野味好Juicy 🤤我自己覺得個海花螺就極普通，的確有陣陣燒烤香味，但只算平平。不過我家男人話超正🙄正係邊方面就真係見仁見智😅醉雞卷，酒味過濃，而且肉質太實，差左少少。另外，我地點左冰菜，蔥抓餅和台式烤腸。全部味道都幾好。冰菜放左一種果實一齊煮，係酸酸地，不過幾夾，好開胃😊不過提下大家，佢地出菜速度比較慢，真係要俾啲耐性去等先至可以食完餐飯。

蝦控，上網睇到此店推蝦，於是一試！門口有一大蝦，紅色作主題，十分吸晴。小店裝潢特別，不花巧，具特色。一入到餐廳已經見到好大個魚缸，入面有好多蝦係到游下游下，隻隻都好生猛。餐牌款式選擇多，另有啲台式嘅小食提供，圖片吸引，菜式特別。生燒海花螺：份量都幾多，隻隻啲肉都凸曬出黎，好方便進食。因為個花螺煮嘅時候無落太多調味料，所以食到螺肉嘅原汁原味、鮮甜。重頭戲：避風塘蝦煲上檯時，其品已很吸引，超大隻蝦，仲有好多配料，例如香蒜、蝦米等等，重點是：蝦頭有好多膏，咬落去肉質爽口彈牙，非常滋味，正，好惹味。窩心的是：師傅系煮嘅時候廚師係蝦背界開，方便客人食用！另一推介：係火焰雪山焗鮮魚條魚超大，上面鋪滿鹽巴！需店員點火燒著鹽巴，令魚非常香。魚皮係不食的，魚經過燒之後，令到鹽味同魚好夾。可能係焗嘅關係，魚肉鮮嫩，不會乾身！值得再試。

挨年近晚我最鍾意去花墟行街買花，今日朋友帶我去附近一間台式小店食令人食指大動的蝦煲。蝦棧店小小的，位於花園街食肆林立那條街的街尾位置的地下舖。以蝦為主打，店面有很大的魚缸裝滿新鮮四圍游的羅氏蝦即我地叫的大頭蝦，菜單上蝦煲款就有十款咁多，有辣有唔辣。既然到台式店，我就揀左有廚師推介標誌富台灣特色嘅胡椒蝦煲，菜牌列明起碼有300g咁多，可能係蝦大少不一，所以用重量才決定數量多寡。在等待期間先後食左冷盤醉鷄卷，無骨啖啖肉仲酒香四溢，唔錯。個一口豆腐同港式分別頗大，雖炸得脆脆地但非金黃色，豆腐又是嫩的，而變了QQ的彈彈如魚蛋的質地，幾得意。跟住上左個邊爐我還以為是蝦煲用，但轉頭就聞到勁香的黑麻油味，就知是黑麻油鷄煲來了，鷄滑，味香ㄡ不油膩，值得推介。食到只餘細半煲鷄，主菜胡椒蝦煲到，這菜色、香、味俱佳，蝦頭一擲，金黃蝦膏急流下，搞到我急急把蝦放口中，顯得有點狼狽。羅氏蝦肉厚彈牙，膏多但蝦味較淡，好在D醬汁好嗆又濃郁彌補這一方面嘅不足。主食叫左 滷肉鮮蝦米粉，不愧台灣米粉，質滑配鮮甜上湯不油鹵肉及大蝦，好滋味。最後要提一提這裡份梳打特飲調得好好不容錯過。

被門口既游水大頭蝦吸引而黎，話就想食好耐，但每次都見滿座，今次晨早訂好位有備而戰😎自從響泰國食過新鮮既大頭蝦之後，返到香港就冇咩機會食到，今次就點左個胡椒蝦，好似去左轉新加坡咁🙈果然冇令我失望，個殼充滿胡椒既味道，蝦頭勁多糕，蝦肉勁彈牙，正呀😆堅係大隻ga🤟🏻🤟🏻黑白墨魚卷，腐皮炸得超級脆但又唔會油淋淋，個人比較鍾意黑色，可能多左墨汁，比較juicy,白色就比較乾身😊黑麻油雞，台灣既味道，暖胃一流醉雞卷，充滿花雕既味道，雞脾肉紮實得黎不失滑溜呢度仲有好多酒類供應，吹水一流