蝦麵店 (荃新天地) (已結業)

蝦麵店一共有四間分店，朋友話係荃灣呢間要加一，不過宜家全日有9折，當打和啦😂檳城尋味二人套餐（$228）呢個套餐包兩碗麵、三款小食、兩杯飲品同兩個甜品，CP值爆晒燈不過套餐既麵就比正常既細碗既，湯底總共有四款揀，當然要試佢地最出名既辣味蝦湯同叻沙，果然好濃味而且又唔會好辣小食份量都好夠多，當中最中意係雞翼同豆腐，好惹味飲品都有馬拉既特飲又有港式野飲，最後係個甜品香茅凍有d 伏😂 其餘呢餐飯都係好滿足既一餐

同事推介呢間店，Lunch Time就黎試試～有午市套餐，1 碗麵 + 1 小食 +1 飲品👍🏻揀左蝦肉魷魚麵（辣味蝦湯底）+馬來沙嗲雞脾肉串 +熱杏仁霜，共$69麵：湯底幾鮮味，🦐味濃郁，辣辣地幾惹味👍🏻👍🏻😋麵底選了油麵，蝦的口感很乾身，唔算太新鮮，魷魚就無乜味，總括來講，湯底幾好，但配料同麵就較為普通肉串：肉質唔錯，但個人認為串燒最重要係醬汁，呢樣比較失望，個醬汁有好多花生粒，只帶有淡淡花生味，冇其他味道👎🏻👎🏻唔好食😟杏仁霜：唔會太甜，ok👌🏻

今晚放工同180先生行完街, 去咗荃灣嘅呢間蝦麵店，鋪面唔算好大.有選擇得套餐或散叫，選擇都多。二人餐（ $228 ）有兩碗面、小食幾款、飲品兩杯同埋兩份甜品，相當豐富。抵!呢到麵類有幾款選擇， 包括油麵， 米粉，河粉，檬粉及掺掺. 湯底主要分 4 款: 辣味蝦湯、咖哩叻沙湯、豬骨雞湯 & 福建滷麵五香滷肉湯底. 我同180先生叫左個2人套餐.  我叫左咖哩叻沙湯; 180 先生叫左福建滷麵五香滷肉湯底. 叻沙湯底好香濃, 豆卜入哂味. 正!!湯味摻晒落摻摻度, 令摻摻變得超好味, 福建滷麵五香滷肉湯底就普通拼盤連豆腐, 雞翼,串燒. 雞翼-嫩滑的肉質，很不錯的串燒- 點上沙嗲汁，入口香濃而五香肉超特別, 豆腐都好脆,配上參巴辣醬. 好味道唔識形容腐乳通菜-個腐乳醬都唔錯,唔太甜..甜品方面:我叫左亞參脆多士和香茅凍.亞參脆多士-亞參係指一D酸酸地既果醬, 用黎夾整多士,係我第一次食. 個感覺都幾特別.香茅凍- 桔子配香茅味,有D特別. 飲品:兩杯檸檬茶.總結二人餐幾抵食, 埋單再有九折,即係免加一，都算抵食嘅！我地都幾鐘意食特別個麵, 有機會再黎食過!!

很久也沒到荃灣，今晚決定來這跟朋友吃一個粉麵，灣仔馳名馬拉蝦面店，這個區可以必試了！看到這個長龍面店，特色湯底任揀，包括豬骨雞、辣味蝦、咖喱蝦及福建面，今次竟不用排隊，因此也快快進入了～滷湯 雞旦雞絲我選了吃檬粉，加上雞旦雞絲，很特別，湯汁濃郁～面條鮮香。咖哩叻沙蝦肉魷魚招牌咖哩湯底的確惹味！湯底蝦味濃，魷魚爽口又彈牙。脆香魚皮一咬一嚼，鮮香魚味湧出，整個口腔也有滿滿鮮感馬來西亞炸雞翼實在太香，一上來就已嗑掉半隻，念念不忘那銷魂滋味～馬來西亞炸雞脾肉一口咬下去，雞皮酥香雞肉軟糯，外皮酥脆不油，鮮甜雞汁緊鎖於肉內。桔子香茅小凍有點香茅味道變得刺激，帶點東南亞風味這個二人來說，真的很美味，份量亦夠！GREAT

荃灣嘅其中一間店舖，叫咗一個二人套餐，份量其實都幾多，有小食、主食、甜品。當中比較特別都值得推介下既有以下白胡椒肉骨油條個人好鍾意呢個白胡椒肉骨茶油條，白胡椒嘅味都好突出。海鮮檬粉海鮮份量多，一個人夠晒食。粉入面加入左類似蝦子粉調味好香。榴槤咖央雖然話半份，但因為呢個二人套餐都幾豐富下所以已經好飽🤣榴連味尚濃，對於鍾意食榴槤嘅人就啱晒，好似我咁😬另外如果想食得清淡啲嘅主食既話，好似我朋友揀嘅豬骨雞湯蝦肉肉骨，係一個好好嘅選擇因為佢嘅湯底真係好清。

黎開荃新天地， 簡單食碗麵😊呢到麵類有幾款， 包括油麵， 米粉，河粉，檬粉及掺掺解釋一下掺掺是指油麵加米粉☺️湯底有咖喱喇沙，豬骨，辣味蝦🦐湯我個人比較比較喜歡喇沙味， 所以叫左雞絲雞蛋掺掺（$69）雞絲好多👍🏻喇沙味好香， 濃味特製阿參脆多士多士搽了果醬， 酸酸的魚片四寶檬粉（$69）有魚蛋，貢丸，墨魚丸，腐角配時菜- 通菜嘆左杯馬來白咖啡☕️我覺得甜左d, 不過幾香Lunch time 都夠時間食， 呢到上菜好快手👍🏻

今晚黎到荃新天地食馬拉蝦麵, 佢嘅湯底主要分 4 款: 辣味蝦湯、咖哩叻沙湯、豬骨雞湯 & 福建滷麵五香滷肉配一口脆豆腐 滷肉用切碎左嘅豬肉、香芋、馬蹄等材料整食, 再用腐皮包住, 炸到金黃鬆脆, 食落去有陣陣五香味道｡ 豆腐一口一啖, 夠晒香脆, 另配有 3 款醬汁海鮮麵 (咖哩叻沙湯底)湯頭係以豬骨及鮮雞熬製而成, 而且加入椰奶帶出香料及原材料嘅香味同鮮味, 質感好濃厚, 一 D 都唔油膩, 反而非常 惹味｡ 麵可以揀油麵、米粉、河粉、檬粉 & 摻摻, 配料夠多, 有大蝦、魷魚、青口、腐角、蟹柳, 份量十足貢丸魚片麵 (咖哩叻沙湯底)貢丸非常彈牙, 份量夠大自家製冰糖檸檬薏米水微糖, 味道清新, 薏米夠淋身, 份量又多

蝦麵店有3間分店，20年前由灣仔杜蘭街起家，荃灣店係唯一一間新界舖，裝潢帶點南洋風味，使用吊扇、竹簾、啡黃色調。這天一個人來吃一個late Lunch，午餐餐牌選擇都幾豐富，有13個餐，四種湯底選擇，在辣蝦湯底和咖喱喇沙湯底之間掙扎良久，最後都係揀咗喇沙湯底海鮮濛粉（$78）。個人建議先喝一口喇沙湯，感受一下它的辣味、咖哩、椰香不同層次，才吃下第一口麵。這個湯底是較薄身的，不會太厚重，濛粉不太掛喇沙汁，用匙一口吃下湯和麵，風味更佳。海鮮麵有一隻蝦，難得爽彈，不錯，還有青口、魷魚、腐角、和蟹柳。午餐吸引之處，是套餐已包埋小食一客，我選了馬來香炸雞翼，外皮脆身，有香葉的香，但是餣得未入味，肉身較淡。另+$18 點了半份亞參脆多士，有三塊，原來是在茶餐廳那種薄身白麵包上，塗上酸酸甜甜的醬汁。白麵包經烘焗，入口脆身，是一道簡單小食。套餐已包飲品，我+$10 要了青檸梳打，酸酸甜甜特別醒神。雖然要加一，但閒日午餐又一8折，都算幾實惠！

行開荃新天地，見到呢間新開嘅蝦麵店，勁多人排隊，見有時間，就去試吓啦！好彩我去嘅時間尚算早，排咗大概15分鐘左右，就已經有位，鋪頭細細，但係座位都算多，相對位置都會比較窄，適合快食嘅人士精選二人餐 ($246)套餐包括左兩個面、四個小食、兩杯飲品同兩個甜品面色有四款湯底、五款面、七款餸選擇，我哋揀咗一個辣蝦湯同咖喱喇沙湯，兩個湯底都超正！辣蝦湯用蝦頭辣椒熬製，味道惹味得黎又唔會太辣，好重嘅蝦味喇沙湯都係香濃，好似有少少椰奶嘅味道，同喺馬來西亞食嘅差唔多有個好特別嘅食物要介紹一下，就係「秘制囉吔」，就咁聽個名，諗左好耐都唔知係啲乜，原來係一個用好多種唔同嘅水果做成嘅沙律，但係味道有別於平時食開嘅沙律，因為佢係咸嘅呢個沙律醬嘅質地好似蠔油，鹹鹹地，再配搭生果同魷魚，好難形容嘅感覺，個人來講就覺得有啲奇怪另外一個小食，我揀咗炸豆卜，呢個正喎，外層炸得脆脆，再加埋一啲甜酸汁，送酒一流！埋單嘅時候仲有九折，即係免加一，都算抵食嘅！唯獨是上菜嘅次序有啲奇怪，主食之後先到小食，最後食返沙律，甜品又勁耐先上到，如果可以改善一下咁就好啦！

二人套餐 $248魚片四寶粉配豬骨湯底，湯底清清地，配料有魚蛋、貢丸、墨魚丸、 腐皮角, 肉丸爽口彈牙， 配上滑溜河粉， 十分豐富。蝦肉肉肉片油麵配福建滷湯底，湯底似碗仔翅相當稠身， 鮮味濃郁， 油麵煙煙靭靭， 掛上鮮味湯底， 加埋彈牙開邊 蝦肉， 豐富又惹味。小食拼盤 ， 有馬來香脆炸雞翼(兩件)、 馬來沙爹雞髀肉串(兩串) 、五香炸豆腐、 一口脆豆腐， 熱辣辣， 香噴噴 ，每款都令人垂涎，雞翼表面焦香，雞肉內裡多汁、油潤， 五香炸豆腐和一口脆豆腐 ，金香酥脆， 雞肉沙爹串， 入口嫩滑， 沾上有花生碎粒粒沙爹醬， 別有一番風味 ，令人想一吃再吃。榴槤多士( 半份)， 薄切， 烤得脆卜卜， 入口鬆脆之餘， 配上香香的榴槤果醬， 甜甜地， 好滋味， 榴槤控必食推介。沙爹醬雜錦魷魚秋葵樂樂，秋葵爽口， 入口不會有太滑潺潺的感覺， 魷魚足料， 肉質彈牙， 仲有爽脆銀牙， 配上沙爹醬， 非常搭配。馬來白咖啡， 檸檬薏米水( 特飲跟餐 +$10)，馬來白咖啡， 咖啡味不太濃，味道偏甜， 入口順滑。 檸檬薏米水， 薏米挺多， 煙煙韌韌， 微甜， 有去濕、去水腫功效， 健康有益。摩摩喳喳 ， 紫色

今日同J一齊在荃灣做嘢，佢帶左我來蝦麵店，佢話個湯底超正，我緊係要試下la!Menu選擇頗豐富，可以選擇套餐或散叫。今晚我們選擇了一個二人餐 $228 ，包兩碗麵、小食幾款、飲品兩杯同埋兩份甜品，相當抵吃！二人餐嘅小食，除咗有馬來香炸雞翼（兩件）和馬來沙嗲雞脾肉肉串（兩串）之外，仲可以揀多兩款。雞翼炸得非常香脆，雞脾串也十分惹味！其中一款小食叫「秘製囉吔」，個名好特別！原來係一種馬來西亞水果沙律，裏面有菠蘿、蘋果、魷魚、油炸鬼粒、蝦仔、花生碎等再加埋秘製囉吔醬，咸咸地，幾得意！我比較喜歡食濃味D，所以揀左咖哩喇沙蝦肉魷魚檬粉。湯底除了有喇沙還有咖哩，所以湯頭非常惹味，亦不會太辣，蝦肉很爽脆彈牙，鱿魚亦很鲜甜，檬粉浸滿湯汁好正，整體配合得很好！J揀左豬骨清雞湯蝦肉魷魚摻摻，同樣揀左蝦肉和魷魚，但湯底和麵底就截然不同。湯底用豬骨和雞湯淆製，清甜美味！麵底係掺摻，即油麵加米粉，口感豐富有層次，正呀！甜品方面~榴槤咖央多士~榴槤味好濃郁，多士香脆，J食到舐舐脷！柚子香茅凍係啫喱狀，有D似台灣飲品「青蛙下卵」，而且有柚子和香茅的香味，幾清新！自家製冰糖檸檬薏米水~薏米水清熱去濕，加埋檸檬汁和冰糖

今日路經荃新天地蝦麵店門口，聞到勁香的蝦湯味，忍不住即刻入去試試 . 原來平日有特別晚市套餐 ,一個價錢就可以有 湯，兩碗粉，兩款小食，還有甜品飲品，非常超值黑胡椒骨肉條湯有點像肉骨茶，不過少了藥材味，取而代之是有芽菜，望落清但是很濃的胡椒味。咖哩喇沙四寶河非常之濃郁，湯底很重香料味，不過食落又不是太辣。咖哩味和 喇沙味 平均春色， 最喜歡就是豆卜，吸進濃湯底,超惹味豬骨雞湯雞絲米粉清淡之選，這是全店最清的湯底，雞絲佈滿全碗，非常之多雞肉絲，很嫩滑。小食選了炸雞翼和雞髀肉串， 燒烤味濃，一人一隻， 每樣都可試試摩摩喳喳非常出色的一個甜品， 有我最愛的香芋， 番薯， 甜度適中， 不過如果食得太飽便不要叫這個甜品了，因為實在太飽肚。

星期日的荃新天地人頭湧湧, 一個人找吃的最好找小店, 趁未到午飯時候, 找了這間蝦麵店坐下來.一個人找吃總會有點困難, 但這裡卻有一人套餐, 非常好運餐廳外邊是商場平台, 還可偷偷的享受半點陽光叫了馬來白咖啡, 奶味比較突出, 但也入口香濃咖哩喇沙海鮮滲滲, 湯底微辣夠香, 材料很多, 好似吃來吃去不完的喜歡店子細心準備了 '骨碟' 放置蝦穀, 不用放在枱面入座時只有一位員工, 但客人已經不少, 看著那位店員姨姨左忙右忙, 下單給水送餐一腳踢, 單看著也夠累又亂, 但姨姨仍然非常好耐性有禮; 差不多廿多分鐘後其他員工陸續開工, 才見到她可以透一下氣, 這樣的員工現在實在難得呢. 

讚1. 無諗過套餐份量咁大，抵食2. 蝦麵唔錯，鮮味，辣香，香料味算重，豬肉煮得入味唔柴口；甜品好味道，滑溜溜又夠味，唔錯彈1. 串燒要改善，一來舊肉根本係炸既，二來沙嗲醬亦唔夠香2. 餐牌太複雜，侍應講完都唔太明

南洋美食都是我們喜歡之一，知道荃灣有一間食喇沙湯底的店，我們就決定去這家店了，因為我們星期五晚上比較早一點去就有比較好的位置，一看餐牌真的有很多選擇花多眼亂，我們三人決定不叫套餐就散叫了！我們叫了三個不同湯底分別是：豬骨雞湯底、咖喱喇沙湯底、辣味蝦湯底！三個湯底非常出色好足料濃味👍🏻👍🏻好好喝！另外叫了五香脆炸豆腐豆卜、馬來香炸雞翼！店𥚃環境就普通啦！好像茶餐室感覺⋯可是服務挺不錯的！👍🏻