蝦麵店 (荃新天地) (已結業)

每年總有機會去馬來西亞探朋友一次，每次去都想食匀咁多款美食。好似海南雞飯、辣椒蟹、福建炒麵、炒蘿蔔糕⋯⋯等等。但呢啲係香港煮得好食好困難😂所以好多時揀喇沙食一來本身好鍾意陣椰香湯底。蝦麵店本身都幾出名，所以係荃灣開分店時就好想試1. 雞絲雞蛋麵 配 咖哩喇沙濃湯湯底顏色上睇落好似好濃郁，不過吸入一啖麵之後，掛係麵條上嘅湯底唔多，而且感覺好水，定係因為冇味精？講笑不過湯底味道係分開，感覺到好稀，比起西九龍上面間喇沙差好多。雞絲有點鞋，其他味道都一般。唔想特登想再食⋯⋯

今日又出荃灣 屋企冇人煮飯 就同朋友食埋野先返屋企原來荃新天地開左蝦麵店以前喺灣仔返工 成日去蘭杜街食佢冇食2年 原來已經由小店發展到有幾間分店嘅餐廳 仲進駐荃灣！冇食咁耐 好掛住蝦味嗰種鮮味 毫不猶豫就同朋友入左去食照舊 我至愛 一碗蝦湯蝦肉肉片麵湯底嘅蝦味依舊濃郁 入口陣陣蝦嘅鮮味 朋友就揀左叻沙湯 海鮮麵叻沙辣味同椰汁香味十分均勻 唔會太辣 亦唔會太甜 好惹味啊！而且海鮮仲好足料添！呢到每款麵都可以自選麵款 包括油麵 米粉 河粉 檬粉 同摻摻 (油麵+米粉) 隨你喜好我同朋友比較貪心 都揀左摻摻 可以一次過食哂2款麵嘛 另外 我地都叫左2款小食食東南亞野 當然唔少得串燒！雞肉串 再配上秘製沙嗲汁 超香口 好好食仲叫左半份脆多士 配上特製亞參醬 味道十分特別 酸酸甜甜 令⼀塊普通多士 變成一款特別小食飲品方面 青檸梳打 好好味 唔會過酸 甜度試中 唔會蓋過 青檸嘅味道朋友 就點左檳城焦糖咖啡 咖啡香味濃郁 好有東南亞風味！久別重逢 味道 水準仍然依家仲開得咁近 之後一定多多幫襯 唔使再隔多幾年啦！

第一次去以蝦湯麵為主打既餐廳喺門口已經聞到陣陣嘅蝦湯味咖哩叻沙海鮮湯麵我揀咗最中意嘅河粉.. 仲有好多配料..蝦 魷魚翼 青口腐角同蟹柳 既爽口又彈牙至於個湯底 對怕辣嘅我嚟講濃郁嘅蝦味配上咖哩嘅辣味真係啱啱好豬骨雞湯海鮮湯麵另外揀咗油麵.. 同係落足料咖..如果唔食得辣嘅朋友嚟講可以試下呢個 真係好鮮味同個份量好足夠 食咗一碗已經飽曬馬來白咖啡又滑又香嘅咖啡味..奶嘅比例比較重一點..啱曬我嘅口味炸魚皮真係好香脆..浸落啲湯度食真係一流嘅享受啊

好一陣子都沒有外出進餐，趁著今天天氣特別好便去商場逛逛，補給一下物資，繼而吃個豐富午餐。我倆在荃新天地購完物，便來到蝦麵店吃午餐。這麵店出名是吃濃味蝦湯麵和各式馬拉美食，今天興致高，便點了一個二人套餐 $258，多款美食便可盡嚐。麵店採用電子化點餐，用手機嘟一嘟QR code，餐牌資料便可在手機上顯示，點餐方便快捷。【熱冰糖檸檬薏米水】少少甜，非常滋潤，在這個乾燥天氣飲，啱晒。【凍鴛鴦】咖啡、奶茶比例適中，彼此沒有搶去彼此之味道，完全融合起來。【福建滷麵 – 蝦肉肉片麵羹】湯底鮮味，糊糊的，有點似別碗仔翅，麵質幾滑。【新味蝦湯 – 魚片四寶麵】湯底超香濃，少少辣，很惹味。魚蛋好爽口。【馬來炸雞翼 + 馬來沙嗲雞脾肉串】啖啖肉的雞脾肉串加上沙嗲醬，非常好味。【沙嗲醬雜錦魷魚秋葵樂樂】濃味的沙嗲配上芽菜底，令到吃起魷魚來，感到既惹味又清新。【秘製囉哋】菠蘿、油條、花生等材料配搭得很夾，口感複雜，又開胃。【亞參脆多士】是一個甜品來的。脆多士上是酸酸甜甜的果醬，感覺很特別。

星期日在荃灣搵食車爸爸找到這間立場跟店子好襯色的蝦麵店和我午餐！ 蝦麵店位於商場內有落地玻璃，這天太陽伯伯勤力要下簾才行！店家主打四款口味的湯底麵食，另外還有一些小食和飲品等選擇！ 車爸爸的港式熱奶茶原價＄16跟麵可以＄10加配，在沒期望下他返而覺得還好起碼有點茶味哈哈。 想來這兒最主要的便是盯上了這客榴槤咖央多士！份量可選全或半份我們選擇了半份＄19，多士較薄身烘得不夠香脆，咖央醬不算太甜只帶少許榴槤坦白講不算好味道！ 我選了辣味蝦湯底的蝦肉肉片麵＄66，內裡除了蝦肉肉片外另有芽菜、通菜和炸蔥等配料在，湯底有點點蝦味但不濃辣度可以可惜不夠香！ 內裡的肉片份量不少但味道跟質感就十分一般，廚師好功夫將蝦肉起碼一開三，吃上來失去蝦肉應有的口感之餘感覺小家！ 麵底我選了口感確實不俗參參即油麵加米粉，可惜敗在湯底那似有還冇的蝦味！！ 車爸爸選了咖喱叻沙蝦肉魷魚河粉＄72，賣相十分香濃似的有期望呢！！嚐一口咖喱叻沙湯竟然只品出濃濃的冬蔭功的味道好神奇喔！ 河粉夠滑溜索盡湯的味道總是誘人如果您喜歡冬蔭功的話！蝦肉依然是吃刀功，但魷魚的份量絕對足秤味道就......

又到Happy Saturday, 今日約左C在荃灣打牌，之前約佢食左lunch先和行一陣街，我地揀左蝦麵館。環境整齊乾淨又開揚，不錯。辣味蝦湯海鮮麵$72~ 以蝦殼，洋蔥、辣椒等材料加入少量肉骨手炒熬煮超過七小時做成湯汁，味道濃郁鮮香而帶辣，再加入大蝦，魷魚，青口，蟹柳和腐角，配有芽菜，通菜和炸葱，無論口感和層次都非常豐富，惹味又可口。蝦肉彈牙而爽脆，青口也肥美飽滿。麵底揀了摻掺，即油麵和米粉混合而成的麵種，可以同時食齊兩種不同口感的麵真的不錯。福建滷湯海鮮麵$68~ 是類似湯羹的濃稠湯底， 以蝦，豬骨、雞等材料淆湯再加入多種調味和蛋漿而成。入口順滑而略帶鲜味，配料和辣味蝦湯海鮮麵一樣豐富和滋味。檳城小食拼盤$98~有五香鹵肉，馬來炸雞翼兩件、沙嗲雞髀肉兩串和五香豆腐豆卜。五香鹵肉外面炸得極脆口，裏面的肉質則是軟軟腍腍的，好特別。五香豆腐豆卜炸得非常香脆。沙爹雞髀肉和炸雞翼表面焦香，裏面的肉質嫩滑多汁，好正。冰糖檸檬薏米$15~淡淡的酸甜味，令人好舒服。

呢排都係home office少左出街食野一家星期六決定出去食lunch再次到訪citywalk蝦麵店水準依然保持得好好屋企人要左個二人套餐先要左豬骨湯底+蝦肉魷魚+摻摻份量都唔少 鮮味十足另一碗媽媽要左豬骨雞湯+魚片四寶+河粉佢話食起上黎都幾清甜四寶丸同魚片都爽口彈牙 不錯跟餐既小食拼盤有炸雞翼同沙嗲雞脾肉串 各2件我地再叫左個馬拉雞拼盤 放埋一碟雞翼炸得好香脆 裡面既肉都好juicy雞脾肉串沙嗲味好濃 正！跟餐既炸魚皮好鬆脆 又唔會太咸跟餐甜品亞參脆多士食落好脆口我要左福建滷湯+蝦肉肉片+河粉湯頭好濃郁 似肉羹既感覺 綿綿地河粉吸哂湯底都好正食到好飽好滿足

黎到蝦麵店，一定要食馬來西亞風味，好彩我哋早到唔使排隊，啱啱有位坐。好坐低睇有咩好食先，一人套餐好多嘢食，就叫呢個啦。蝦肉四寶麵，辣味蝦湯底小小辣，可以加錢加餸，所以加咗兩隻青口，喜歡食河粉因為食落爽口，麵底仲有菠菜，正！海鮮麵，咖哩叻沙湯底，好香好濃郁，重口味得來又好啱我口味，加上海鮮嘅味道，追住食。小食仲可以一人揀兩款，生菜綠油油，小食拼盤就有雞翼、脆豆腐、雞髀肉串，雖然燒得乾身，不過都夠香。飲品叫咗美祿和冰糖檸檬薏米水，薏米水清甜滋潤，唔太甜。摩摩喳喳，食飽飽跟餐仲有甜品，個香芋味好椰好香，仲有芋頭、番薯、香蕉，呢個好食！

荃灣西呢間黃店主打馬來西亞娘惹菜，好多款菜式，點左個抵食一人套餐，主食係蝦豬肉麵，可簡兩款小菜，我簡左一人小食拼盤＋雞翼，甜品就凍啫喱，蝦面簡油面最正宗，湯底好有蝦鮮味，但失色係蝦得蝦身，如果係蝦頭連蝦身就好正，豬肉唔太入味，小食拼盤係1雞翼，1豬串燒，幾塊炸豆腐，豆腐似臭豆腐，但完全唔臭，都脆口。雞翼就普普通通啦，勝在有青檸，酸辣醬可以點黎食，最後甜品就好好食，似啫喱又似大菜糕，味道清淡，易入口。最正係免加一，平抵食

肺炎肆虐，最近都少岀街食飯，就算岀去食都會揀返啲空間大啲，同隔籬枱保持適當距離。依日👨🏻👩🏻就嚟到荃灣citywalk嘅蝦麵店啦！依度都快採用電話自助落單，大大減低同其他人接觸嘅機會😷。.蝦肉肉片麵 (辣味蝦湯底，油麵) HKD66 🦐🍜👨🏻好鍾意食蝦，所以👨🏻叫咗招牌嘅蝦肉肉片麵。依個蝦湯底用咗蝦殼、洋蔥、辣椒，再加肉骨熬製超過七小時，蝦味濃郁。配料方面都幾足料，但美中不足係肉片比較硬。.墨魚丸魚片麵 (咖哩叻沙湯底，摻摻) HKD66 🦑🍜👩🏻就揀咗另外一個湯底—咖哩叻沙試下，麵就揀咗摻摻，除咗可以一次過食到油麵同米粉兩種口感，仲可以食埋爽脆嘅芽菜。咖哩叻沙比新加坡嘅叻沙重椰奶香，豆卜吸晒啲湯就更加正啦！配料方面，墨魚丸唔會好粉，細細粒，但都好味嘅，魚片就不過不失啦！.馬來沙嗲雞髀肉串 (HKD48/4串) 🍢雞髀肉幾嫩滑，佢哋自製嘅沙嗲花生醬有啲失色，花生粒有啲太大粒，都唔夠惹味。.最後，👨🏻👩🏻推薦佢哋嘅蝦湯，真係好正，暫時未係其他餐廳飲過咁濃嘅蝦湯，但係真係有啲辣嘅🌶，試到先好叫啊！另外，其實餐廳有個二人套餐都幾抵食，二百幾蚊有兩碗麵，仲可以試到三四個小食添呀！

落荃灣西食晏，見到之前喺灣仔見過想試既蝦麵店有d相似，就決定一試，原來的確係灣仔蝦麵店分店。最出名當然係福建蝦店辣味蝦湯底～今日試咗兩個套餐，加個肉骨茶同菜。咖喱叻沙湯 海鮮麵湯底不錯，有不同配料辣味蝦湯 蝦肉肉片麵蝦湯幾香，但唔係好濃好杰仲種馬來沙嗲雞肉串好食！套餐可選白胡椒肉骨油條個人覺得係最好食🤣三大舊肉肉質好嫩有驚喜💓胡椒湯底夠濃檳城焦糖咖啡特製亞參脆多士原來係羅望子果醬，酸酸甜甜幾特別通菜配腐乳醬總結：食物不錯，係一間良心之店，店員也親切有禮

心癮起想食粉麵，但又唔知食邊間好，咁岩見到商場內大大個海報寫住蝦麵店就決定去食佢地除左散叫外仲有一/二人餐，原先打算單點兩碗麵，但套餐乜都有真係好吸引落單仲可以用手機scan QR code自己落，好先進我地兩人分別叫左蝦肉肉片同海鮮麵，兩款都揀佢地推薦嘅辣味蝦湯底。湯底用蝦頭和殼及各種香料熬數小時才完成，一啖麵再配一啖湯底真係回味無窮套餐所提供嘅麵比單點細，但其實份量剛好，配料亦非常豐富，每碗麵都有足夠份量嘅芽菜同通菜，淨係麵食都已經好滿足。而小食最深刻嘅係白胡椒肉骨茶，配有兩條豬肉骨同芽菜，另外再有切件油炸鬼去蘸湯底，係套餐必點推介。一個二人套餐有齊小食、湯、菜、兩碗麵、甜品仲連埋兩杯野飲真係無得彈我地兩個食完都好飽，最緊要食物質素真係對得起個價錢，值得再食

老公話想食馬拉野，就過了去荃灣的蝦麵店，之前幫襯過一次，味道好貼近地道的馬拉味，叫了一個二人餐，有粉有小食，還有甜品及飲品，都係二百多元，超抵食。蝦肉肉骨配咖哩叻沙湯叻沙湯超底很濃郁，帶點咖哩等香料味，配上油麵混合米粉的摻摻，肉骨大件煮至腍。魚片四寶辣味蝦湯底蝦湯底真係用了很足料的蝦殼熬製，湯底濃香鮮甜，四寶丸都很彈牙。馬來香炸雞翼+沙嗲雞脾肉串+五香脆炸豆腐豆卜小食每人都有一件，串燒雞肉嫩滑有焦香，炸豆卜香脆。五香滷肉滷肉以豆皮包裹炸至脆口，裏面其實就是豬肉，味道普通。最後食埋個甜品桔子香茅凍及摩摩喳喳，前者比較清爽，後者有番薯及香蕉等，比較飽滯。

經過俾啲裝修吸引左，見餐牌又唔算貴就入去試下。我地咩都想試下就簡2人餐就最岩啦，睇到啲面係輕量，可以留肚食套餐包既幾款小食同甜品😋辣味蝦湯海鮮麵。有蝦、 魚腐、青口、魷魚、蟹樓。味道冇想像中咁辣，鍾意食辣嘅朋友建議叫佢加啲辣度～豬骨雞湯雞絲雞蛋面。有大量既雞絲，適合較淡口味嘅朋友👍🏼白胡椒肉骨油條。有濃濃嘅胡椒味，肉質滑。串燒、雞翼。加啲檸檬汁上去味道好夾！通菜配馬拉盞醬。榴槤咖央多士。多士夠脆香、榴槤味都好香！👍🏼

今日係荃新天地shopping，見到呢一間馬來西亞嘅餐廳有榴槤味嘅咖央多士，好吸引，即刻入去幫襯😝咖喱喇沙湯底海鮮米粉$88咖喱味同喇沙兩樣夾埋一齊恰到好處，唔會太過鹹或濃，湯係可以飲嘅，濃郁得黎唔會辣，唔錯！佢嘅米粉條條分明，掛到湯汁，海鮮勁多款式，有青口、墨魚、蝦、魷魚等等，超級足料，食完都覺得好飽啦！好滿足！😚凍馬來白咖啡加$12 好香濃，good!是日油菜揀咗通菜配腐乳醬$20 好大碟通菜，幾嫩，最鍾意夾腐乳醬食！❤️榴槤咖央多士半份$19 黎到最鍾意嘅榴槤咖央😍多士脆脆地，加埋榴槤醬，超香，我好中意！摩摩喳喳$25我又鍾意呢個甜品，好濃郁嘅椰汁味，仲有紫薯喺裏面，好有紫米露嘅感覺😚呢一餐食得好滿足呀！同埋價錢好抵呀，淨係食小食都夠晒飽🥰掃條碼落單，夠晒方便