蝦麵店 (荃新天地) (已結業)

今日同男朋友係荃灣行街食野 入左而間蝦麵店。見到餐牌價錢相宜又想試吓食海鮮麵，估唔到真係有驚喜。如果你鍾意食辣又食海鮮而間店就可以滿足你兩個願望首先我就叫咗個辣味蝦肉肉片麵。佢蝦味濃郁辣味又唔會蓋過蝦嘅鮮味，我最鍾意就係佢有大量嘅炸蒜係面，而且我轉左檬粉好吸湯嘅味道而且十分足料。之後男朋友叫咗一個咖喱沙嗲蝦肉肉片麵。而且可以自行加配料佢就再加多咗個墨魚丸同蟹柳，兩樣配料都好吸收到湯嘅味道而且沙嗲味好濃郁❤️要特別提一提呢間嘅串燒，難得都好好味 佢嘅串燒醬好出色，有啲花心粒好咬口。我哋最後買咗個榴槤咖央多，薄對一片好脆口。最後食咁多買單都係二百幾蚊真係好抵食。

今日又去左荃灣行街~突然心血來潮想食下星馬菜~決定去蝦麵店食下 🇸🇬 我地星期六3點鐘去到，佢地假日都有下午茶餐，平D仲包埋餐飲~我地叫左個麵餐、肉骨茶同小食~🦐蝦蝦蝦麵~呢個蝦都有3種蝦~包括鮮蝦、蝦乾同埋蝦丸~蝦湯濃得黎又少少辣，好醒胃~蝦丸新鮮炸起，香脆又可口~🐷肉骨茶呢度既係新加坡肉骨茶，胡椒味香濃~有3件大大件排脯同埋豆卜，另外仲有油炸鬼可以點湯~滷水豆卜豆腐係新加坡食過，一直念念不忘，估唔到係蝦麵店名以食得返~好入味!冰糖檸檬薏米水/青檸梳打冰糖檸檬薏米水好足料，有好多薏米~味道唔太甜，飲完好舒服

3年幾前幫襯過「蝦麵店」架喇，不過，當時喺鰂魚涌店分店（總店味灣仔店），原來，依家已經開咗好幾家分店。今晚，同一位死佬嚟到荃灣分店，品嚐吓馬拉嘢，因為大家都好鍾意馬來西亞，疫情下，相信有排都未出到門。仲記得嗰時去鰂魚涌店，店鋪比較細，但裝修就有幾典型南洋風格，牆上貼滿好多黑白嘅檳城相片，都喺一啲老照片，顯示舊時檳城嘅社會景象。荃灣店就截然不同，以色彩鮮艷為主，黃黃白白為主色調，部份座椅又用上搶眼嘅橙色，感覺年輕化咗。餐牌好大本吓，內頁有很多，不過，今次無詳細研究，主要都喺瞄準個「全日二人套餐」，因為$258 就有兩個主食、一份指定小食、兩份自選小食、兩杯飲品、兩份甜品，而飲品亦有升級優惠，可以講夠晒豐富，定價相宜。店家用維碼落單，而個二人餐本身選項多，尤其主食可以左搭右搭，我哋都搞咗好一陣子。不過，如果大家唔熟咁樣落單，就直接搵店員幫手好了，免得自己落錯，又再搵店員搞番正，咁就仲煩。馬來香炸雞翼+馬來沙嗲雞髀肉串先登場喺指定嘅小食，雞翼新鮮炸起，熱辣辣，脆卜卜，醃得都算入味，食落亦唔喺好油；雞髀肉串鋪滿大量沙嗲醬，夠晒馬來風味，而雞脾肉亦好夠滑，個沙嗲亦夠晒花生香。辣味蝦湯蝦肉魷魚摻摻

荃灣多美食就係人都知，但係有高質馬來西亞美食就未必人人都知，呢間蝦麵店相當出色，一入到去已經好有東南亞風味。咖哩叻沙湯 蝦肉肉片麵 檬粉［細］$73叻沙湯底勁香濃，又辣又有咖哩同花生味，就咁飲湯都已經好滿足，蝦肉俾得好多，夠彈牙，檬粉索哂個湯真係幾正，每啖都好邪惡，而且細都好夠食，女士可以多個選擇。馬來咖哩飯配雞肉 $60馬來咖哩同日本咖哩好唔同，有好香嘅香料味，一入口就食到香料，之後再係辣味同椰汁味，味道好有層次，雞肉嫩滑，不過最正都係啲薯傑，炆到勁粉又吸哂咖哩汁，可以淨係食薯仔飽。馬拉雞拼盤 $75拼盤有四隻雞翼同四串雞串，雞翼都係好香香料味，空口食唔會淡，仲係新鮮炸出嚟，熱辣辣，雞串上面嘅沙嗲醬簡直係畫龍點睛，沙嗲醬已經夠惹味仲有粒粒花生係入面，口感相當豐富，雞肉嫩滑唔柴，加埋個醬俾100分！五香脆炸豆腐豆卜 $28豆腐豆卜好香脆，點埋個醬唔會濟。榴連咖央多士（半份）$19啖啖嘅榴連再加咖央醬，好香甜好好食，可以叫半份，小小地，呢個結尾簡直係完美！

難得有時間拍拖梗係要搵啲特別嘢食啦😆今次去返之前食過既馬來西亞餐廳蝦麵店上次食已經覺得佢地個湯底幾特別今次就試多幾樣野🤟🏻海鮮麵辣味蝦湯底摻摻多餸足料夠豐富👍🏻鍾意食蝦就要試下了因為佢個辣味蝦湯底蝦味重🍤菜就揀左通菜配馬拉盞醬🥬馬拉盞醬放左係通菜上面，要你自己撈但個醬真係好鹹，夾走左9成先食到🙈如果個醬可以分開上會更好🙈小食揀左五香滷肉配檳城辣醬菜呢個小食好特別金黃香脆既滷肉配埋酸甜的辣醬菜口感更豐富了😏最後叫左個摩摩喳喳結尾呢個甜品好多料係入面味道同芋頭西米露好似，口感好豐富✨食唔哂外賣拎走店家好細心係個蓋開左個洞避免啲食物變淋，要讚一下🥰

呢間蝦麵店響朋友圈之間講左好多次終於夾到時間黎食喇我地叫左餐牌入面2個主食另加$24可以配一款小食同一杯飲品我見佢寫"特製"咪叫囉多士部份係香脆既只係無諗過個味道係咁特別佢無錯, 錯既係我係我唔知亞參果係酸酸地, 唔太岩我口味呢個就岩口味D喇~多士部份唔洗多講, 都係香脆既個榴槤咖央比預期中好食甜甜地又夾雜住淡淡榴槤味, 都幾搞笑沙嗲醬 : 勁多花生, 口感一流, 味道香濃中帶少少甜, 唔會越食越咸雞肉串 : 燒到過哂火, 搞到D雞肉乾噌噌湯底 : 先呷到蝦味, 然後辣味爆出, 但都幾油下蝦丸 : 唔知係咪自己炸, 同雞肉串同一個問題, overcooked....第一次食丸類係咁乾咁韌蝦肉 : 不叫好也不算壞, 屬於食完唔會記得果隻呢個係成餐飯最好食既一個係腐皮包住加左五香粉既肉碎同芋粒去炸芋頭控既我好鍾意佢芋粒比例比肉碎多口感鬆脆又惹味下次試下其他野食啦啦希望下次我揀得岩自己口味得黎都唔會有乾噌噌既問題啦

今日同老婆兩個去了行山，最後由荃錦落了荃灣補充體力，揀了這間蝦麵店。辣味蝦湯海鮮麵：蟹柳、青口及蝦等海鮮，豆卜吸收了蝦湯味，每啖都很鮮甜惹味。咖哩叻沙湯蝦蝦蝦：蝦丸彈牙，蝦仁新鮮，叻沙湯底比較杰身，比蝦湯更多了點咖哩香。馬來香炸雞翼及沙嗲雞脾肉串：雞翼不及雞肉串好味，主因沙爹醬有很濃郁的花生香。五香滷肉配檳城辣醬菜：滷肉份量頗多，以腐皮包著豬肉碎，滷完再炸，外脆內軟，滷肉入味。潮州滷水豆腐豆乾滷蛋：豆腐比較腍，而豆乾則有咬口，全部都滷得入味但不會過咸。榴槤咖央多士及摩摩喳喳：榴槤香味濃郁，味道天然；摩摩渣渣有點似渣喳，芋頭味濃又夠綿。凍馬來咖啡及檸檬薏米水：必飲咖啡，香滑無比，薏米水清新解渴。

最近都成日喺荃灣食嘢，今次喺荃新天地行咗個圈決定食一餐馬來西亞菜，順便撐一撐黃店💛。唔知係咪成年冇去旅行🧳，對食東南亞菜總有一種情意結😚🤟🏻。. 入到去已經唔想諗咁多，直接就叫咗佢個二人餐，包咗2款主食、2款小食、拼盤、甜品同餐飲，計落都真係幾豐富。.📍檳城尋味二人套餐（$258）.🔻咖哩叻沙湯魚片四寶麵 喇沙湯底完全唔辣，唔夠香又唔夠鹹，食落爭咁啲。麵底揀咗摻摻，亦即油麵+米粉🍜，再配上爽口嘅芽菜口感的確係幾有趣。配料有豆卜、魚腐、牛丸、魚蛋、墨魚丸，味道比較平實，特色唔大。.🔻馬來咖哩飯配雞肉 咖喱香辣🌶，食落比叻沙麵惹味，薯仔同雞肉比咖喱汁仲要多🥘。薯仔炸過🥔軟腍香口又入味，雞肉就正正常常🐓，以量取勝，咁多料啱晒用嚟送飯食🍚😌。. 🔻馬拉雞拼盤 (細) 雞翼應該用香茅醃製過🌿，非常入味🤤。經過高溫油炸🔥外皮香脆😍，中間肉質嫩滑。而雞串上面加咗啲肉碎同香料，唔夠平日嘅沙嗲醬咁惹味，只算喺正常發揮。. 🔻五香滷肉 配檳城辣醬菜 中間係用咗五香粉醃製過嘅肉碎，外面用炸脆嘅腐皮包住。味道上唔突出，點上旁邊嘅特製醬汁會好食少少。. 🔻脆香魚皮 魚皮炸得乾脆，脆卜卜又油膩，食完冇罪惡感。.🔻

這間位於荃灣的蝦麵店，主打東南亞菜式，其中蝦湯底更是鎮店之寶。二人餐$258，有主食、小食及甜品，十分豐富。魚片四寶辣味蝦湯底蝦湯味道濃郁，飲到超鮮甜的蝦殼味，麵底要摻摻，即油麵配米粉，十分爽口，四寶有魚旦、牛丸等，新鮮彈牙。馬來咖喱雞肉飯咖哩雞份量足二人分享，雞肉大件，下面以薯仔墊底，咖哩汁較濃稠，有些花生香，十分惹味。馬來香炸雞翼+沙嗲雞脾肉串雞翼香脆juicy，雞串表面舖滿了沙爹醬，有些花生粒。白胡椒肉骨油條入口胡椒味濃香，排骨炆得夠腍又入味。五香脆炸豆腐豆卜炸至金黃香脆。亞參脆多士+桔子香茅凍多士香脆帶點酸甜的果jam味；香茅凍十分清爽。最後飲返杯焦糖咖啡。

耐不耐就會黎蝦麵店食，因為佢個喇沙湯底真係好好味，就算係商場入面價錢都仲好貼地，值得支持啦。是日星期六，下午茶時段黎到係滿座嘅，得返bar枱。其實呢個位有櫃桶可以擺野，又對住窗口，我覺得幾好坐喎。朋友點左辣味蝦湯蝦肉肉骨檬粉，上枱時都幾香，有陣陣蝦味。湯底好鮮味，微微辣幾好，好容易入口。自己點左咖哩叻沙湯墨魚丸魚片摻摻，正呀有豆卜，吸哂啲湯汁超好味。湯底濃郁鮮味，同樣只是微微辣，好好飲呀～麵底要了摻摻，鍾意佢米粉加油麵雙重口感。點了一份馬拉雞拼盤，有雞翼同雞肉串。雞翼炸得香口，有強烈的香料味，落少少青檸汁勁好味噃試。雞肉串上面加了沙嗲醬，香濃花生味又係勁正，仲有粒粒花生碎添呀，好味好味。仲叫左蝦麵店特製亞參脆多士，多士超脆，酸酸的好味。最後嘅摩摩喳喳，呢個好好味，次次黎都叫，芋頭糖水加芋頭粒蕃薯粒同香蕉，又香又甜又滑，哈哈，自私食晒一碗。飲茶叫左凍檳城焦糖咖啡＆亞參冰茶，望落兩樣差不多樣，右邊係咖啡，左邊係冰茶。咖啡幾香喎，焦糖甜甜的。冰茶同多士一樣都係呢個酸味，羅望子酸味，冰冰涼涼幾好飲。朋友話個湯底好好味，飲哂～ 個喇沙湯都好好味㗎，不過太飽飲唔哂咋，哈哈。

夜晚去荃新天地食飯，難得見依間餐廳唔使排隊就入去～蝦麵店本店喺灣仔發跡，之前食過都覺得幾唔錯依度用QR CODE點餐的。二人餐有幾樣小食加主食同甜品，見每人百幾蚊都幾抵就叫左～亞參多士，佢隻羅果子醬係酸酸地嘅。另外叫左榴連咖央多好好食！！ 甜甜地榴連味又唔太重，我朋友平日唔好榴連嘅都食多左份。 不過唔記得左影相雞翼同串燒，雞翼脆口又入味 朋友叫左喇沙，我試左啖就覺得咖喱味有啲重，蓋左了椰汁味自己叫嘅蝦麵！ 唔錯個湯頭有蝦嘅鮮甜味， 又唔會太辣。唔食得辣嘅朋友都可以叫少辣。 蝦丸都好好食，而啲蝦仔都唔係無味嘅急凍蝦秋葵魷魚..清涼的前菜最後埋單300蚊，有哂咁多道菜好抵

【蝦麵店】佢晚市嘅時候有呢一個二人餐食👀個餐都算有幾多樣嘢食，而且晚餐人均黎講都唔算抵食🥸辣味蝦湯蝦肉肉片油麵🥢個湯底嘅鮮蝦味係幾濃，一食落口會食到好大陣鮮蝦味🦐 但係啲麵同埋肉片都唔算入味，如果入晒味會更好咖喱喇沙湯蝦肉肉骨麵🍜喇沙味略淡，啲麵同樣唔係好入味，相對遜色咗啲沙嗲醬雜錦魷魚秋葵樂樂呢個醬汁幾好食😋 幾match個魷魚🦑 呢個嗌得過！ 另外個脆香魚片都夠脆身唔厚，亦都夠新鮮，點落個鮮蝦湯度仲係會聽到辣辣聲😂 索咗啲鮮蝦湯味都幾唔錯👻馬拉雞拼盤呢個賣相睇落去好吸引，本身以為佢係沙嗲醬雞柳咁，點知原來面頭嗰啲一粒粒係花生粒🥜 我自己係幾鍾意花生粒有啲口感，但朋友就唔係太buy有花生😂 佢寧願直接沙嗲醬+雞就已經perfect，呢個就見仁見智啦😂🤣最後個甜品🍮榴槤咖央多士🍞係有輕微嘅榴槤味嘅，但覺得如果佢用夾心既方法整會更好食，咁樣食相對較乾同寡，會哽頸🤣摩摩喳喳其實即係類似紫米露加芋頭，但佢用呢個碗裝就真係失曬分😂🤣 味道係OK嘅，但佢淨係得熱食冇凍食，而且個presentation就唔係幾討好啦🥲🥲

耐不耐就會黎蝦麵店食，因為佢個喇沙湯底真係好好味，就算係商場入面價錢都仲好貼地，值得支持啦。是日星期六，下午茶時段黎到係滿座嘅，得返bar枱。其實呢個位有櫃桶可以擺野，又對住窗口，我覺得幾好坐喎。朋友點左辣味蝦湯蝦肉肉骨檬粉，上枱時都幾香，有陣陣蝦味。湯底好鮮味，微微辣幾好，好容易入口。自己點左咖哩叻沙湯墨魚丸魚片摻摻，正呀有豆卜，吸哂啲湯汁超好味。湯底濃郁鮮味，同樣只是微微辣，好好飲呀～麵底要了摻摻，鍾意佢米粉加油麵雙重口感。點了一份馬拉雞拼盤，有雞翼同雞肉串。雞翼炸得香口，有強烈的香料味，落少少青檸汁勁好味噃試。雞肉串上面加了沙嗲醬，香濃花生味又係勁正，仲有粒粒花生碎添呀，好味好味。仲叫左蝦麵店特製亞參脆多士，多士超脆，酸酸的好味。最後嘅摩摩喳喳，呢個好好味，次次黎都叫，芋頭糖水加芋頭粒蕃薯粒同香蕉，又香又甜又滑，哈哈，自私食晒一碗。飲茶叫左凍檳城焦糖咖啡＆亞參冰茶，望落兩樣差不多樣，右邊係咖啡，左邊係冰茶。咖啡幾香喎，焦糖甜甜的。冰茶同多士一樣都係呢個酸味，羅望子酸味，冰冰涼涼幾好飲。朋友話個湯底好好味，飲哂～個喇沙湯都好好味㗎，不過太飽飲唔哂咋，哈哈。

叫咗個豐盛海鮮麵，配咖哩湯底喇沙麵。誠實地講，上到嚟嘅賣相係咁，確實係差少少（起碼比之前進步了，以前面更差），不過重點係料同味道嘛。份量用料方面，兩隻蝦，兩隻青口，都頗多塊魷魚片，有豆卜，用料份量上確實唔少。蝦係冇殻嘅，不錯，而且唔再係以前咁細到蝦米仔咁又冇蝦味；依家蝦算大，都有蝦鮮味。其他配料不過不失啦。湯頭幾香，有好濃嘅椰奶味，唔會好鹹，事後都冇好口渴，飲兩淡都okay。麵嘅份量比較少，如果比較大食可能要加底了。店員好貼心，會俾多隻碗放過放殻，nice。

疫情下， 真係好掛著星咖坡😩… 為了填補我的思鄉情🤣⋯⋯就搵一間外觀與味道都比較貼近的餐廳。 真係不得不讚👍🏻， 他們服務太態度超好， 因為是用手機落單， 當中日遇到有唔明既地方， 店員樂意幫我地。 服務態度好之餘， 味道仲好好我心水推介- 馬來咖喱飯配大蝦當中咖喱薯仔爽脆， 咖喱是星加坡口味， 香而不太辣。可以的話， 多一碗飯， 亦可食完😂😘第二推介推 - 冬菇雞絲麪豬骨雞湯底， 香濃的蝦湯底， 清甜而不油， 冬菇與雞絲配上魚片， 足料之餘而不失清淡的口味， 是減肥中的良伴。 真心推介-馬來雞拼盤雞串同一般食的不一樣， 雞肉非常滑， 花生醬多之餘仲好味， 可以配白飯就超正， 雞翼炸得岩岩好， 外皮醃得嘢味