蝦麵店 (海光街) (已搬遷) 新店位置

好耐冇食正宗馬來西亞嘅福建麵同 喇沙。聽呢邊做嘢嘅舊同事講鰂魚涌海光街嗰邊 ，有间食正宗 檳城喇沙同福建麵。 今日放工經過嗰邊就一於去試一試。 店內面積唔算大， 只有十數個位。 今日又可以試下小店出品。餐廳座位唔算多， 廚房打後就有幾張好細嘅枱，簡單裝修。蝦麵店有三款鎮店湯底。辣味蝦湯， 咖哩喇沙湯底， 豬骨雞湯底。 全都是源自1942年檳城福建 祖傳秘方。 店員竟然說今晚嘅咖哩辣汁湯底已經售罄， 好失望呀。 好在我對蝦味湯底亦非常熱愛。辣味蝦湯底海鮮麵 $78材料本身好豐富，但我仍加了肉骨， 雞蛋。蝦湯確實鮮甜味濃， 呷一啖就感覺到各種蝦嘅精華， 愈飲愈上癮。 蝦湯帶微微嘅辣， 飲落冇咁膩。 我揀摻摻做麵底， 即係油麵加米粉， 口感特別。 材料都切得細細件， 好索湯。 魷魚翼都係細細塊，夠腍好入味。濃味食物配上可樂， 特別醒神。另外叫了青檸梳打， 味道較淡但都夠汽。加了的肉骨， 煲到好腍， 但冇咩肉味。蝦湯麵本身原來都有好多通菜喺底。 也叫了一碟油菜(腐乳通菜)， 都幾大碟，腐乳醬带少少甜， 味道唔錯。 另一款牛展豬骨雞湯$88， 清甜無比， 有豬骨嘅香和雞嘅鮮甜。 兩者融

雖然鰂魚涌而家已經變咗肥妹仔食堂，但係其實裏面仲有好多鋪頭肥妹仔仲未試過，所以星期六肥妹仔都特登同肥媽一齊嚟試下食呢一間喇沙麵。咖哩喇沙海鮮麵  $75呢一間係專食喇沙湯麵。所以肥妹仔我就叫咗一個咖哩喇沙海鮮麵黎試下。海鮮嘅配料有好多，有魷魚，青口，大蝦，豆下同埋蟹柳，非常豐富。大蝦爽口彈牙，魷魚食落去好爽， 青口同豆卜都索滿了喇沙湯底，食落去好滋味。個喇沙湯底食落去好香椰奶味，微辣，而佢嘅麵係油麵同埋粉絲，食落去麵質軟硬適中，不錯。咖哩喇沙雞絲雞蛋麵  $62基本上呢一個咖哩喇沙雞絲雞蛋麵同咖哩喇沙海鮮麵嘅湯底係一樣，唔同嘅只不過係配料。 佢嘅雞絲份量都好多， 而食落去個雞絲嘅肉質唔算太柴，唔食海鮮嘅朋友都可以試下呢一個，味道都唔錯。凍青檸梳打  $22 x 2喺呢個咁熱嘅夏天有咩爽得過飲一杯凍青檸梳打呢？青檸味好解暑同解渴，正。

今日經開鰂魚涌呢邊要食個快飯，見到有蝦麵店嘅分店就毫不猶豫入咗去！呢間分店同灣仔既好唔同，入到去如果想叫野食可以㩒mon點餐，仲有得即時八達通/碌卡，好high tech好方便！餐牌選擇同灣仔分店差唔多，所以叫咗辣味蝦湯底，要咗蝦肉魷魚翼再加大蝦同芽菜！上菜十分快手，湯匙入面既係一啲調味粉黎，我放哂入去都唔覺得湯底好辣！成碗湯麵真係好足料，物超所值！我仲追加咗個脆脆魚皮，份量唔係話好多，但已經夠哂止口痕！炸得岩岩好，咬落勁脆，愈食愈想食！

今日興致勃勃去左鰂魚涌探朋友，佢帶左我去附近海光街既小店食個麵！聽佢講好似好多街坊都會幫襯，貪佢惹味又足料！餐廳雖然唔係話太多位置，但坐得絕對舒服，除咗高枱，仲有少量既4人枱～餐牌都幾多選擇，最岀色既應該係辣味蝦湯底同咖喱喇沙湯底，所以我揀咗B7 咖啡喇沙湯底墨魚丸魚片麵，再加咗大蝦、蛋同芽菜喇沙麵好快到，一上菜就好香，飲咗一啖湯底，好香既椰香味，飲落好惹味！材料都好豐富！除此之外仲叫咗一個菜同炸魚皮，極力推薦個炸魚皮！炸得好好，食完會好想再encore！

鰂魚涌越做越旺，隱世小店像繁星般如數家珍。新來的馬來西亞同事同我講，佢思鄉嘅時候就會來這家麵店吃麵，一解鄉愁。既然是地道人介紹，相信這裡就是能找到地道風味的地方了！媽媽不嗜辣所以點了豬骨湯海鮮麵，湯底呈奶白色味道清而不咸。配料份量足，有蝦、魷魚翼、蟹柳、青口和腐角，我尤其喜愛魷魚翼的爽脆口感，不是很多地方能吃得到，腐角是富厚度的大方塊，味道不錯，整碗麵的配搭都有多重口感。喇沙蝦肉片麵，主角當然就是濃稠的喇沙湯底，辣得來惹味又充滿椰香，令人不禁將一把又一把的麵條連同湯往口裡送。豆卜把所有湯汁精華都吸收了，自然入味非常，想不到更伴有肥美大青口，肉片屬腩片，份量十足！魚皮置於大玻璃瓶內，薄而像薯片般脆，沒多餘調味，可口致極，是我必食之選！另外也要了灼通菜，新鮮翠綠，少油少鹽豐營又健康。青檸水也很有誠意，侍應小姐會預先幫你篤好令青檸出味，抵讚。

今日跟家人到鰂魚涌買東西後開始肚子餓，經過地鐵站B出口的海光街看到一間很低調的「蝦麵店」隱藏於街角！格調很舒適，以馬來西亞- 檳城作主題。 餐廳有三種（喇沙、辣味蝦湯底、豬骨雞），愛辣的我選擇馬來西亞版喇沙，只怪肚皮不夠空間吧！咖哩喇沙湯底 HKD 75 材料充足有 - 有蝦、魷魚翼、青口、腐角、蟹柳等配檬粉。喇沙湯辣度有一紅辣椒，味道屬微辣，湯底看似濃也不杰身。 蝦鮮甜且殻己脫，方便食用；魷魚鬚吃得多，店主選用魷魚翼挺爽有咬口，不錯！ 是日油菜 HKD 18 作個平衡點了個菜，加腐乳很對胃口。青檸 HKD 17 開胃又可解辣，一舉兩得！

做完野食個late lunch入左間麵食店諗住食得簡單啲平時都鐘意百勝廚嘅喇沙麵，所以叫左個喇沙海鮮麵🌶試下，而且都怕蝦湯🌶🌶太辣食唔到平時好少機會可以揀摻摻，見到有得揀就試試喺門口俾完錢就可以入去坐地方唔大，得十幾個位好彩我遲左啲，唔係都無位坐喇沙湯幾香口，有點點椰香味食落唔會好鹹，唔會勁口渴蝦已經抆好殼，啱晒我咁斯文😜(懶？)摻摻好得意，食到兩款不同感覺，有油麵也有米粉見到店面有參巴辣醬口多多請店員俾少少我試下店員說是為蝦湯加辣的感覺有點像XO醬，但又不是瑤柱絲，不算太辣加了杯白咖啡，馬來最興白咖啡比一般的甜一點，順滑一點，啱我！原來同黑咖啡嘅分別係咖啡豆不加焦糖直接低溫烘焙，所以會少了及炭烤嘅酸澀味食到尾真係標晒汗鬼叫自己揀個角落坐咩店員以為我辣得濟😛我就講喇沙辣度剛好，但怕蝦湯會辣店員又好好，俾左少少蝦湯我試蝦湯清澈但非常香濃蝦味，不會過辣下次可以試下呢款！

鰂魚涌接完朋友放工，嚟到呢條食街，有好多餐廳揀由於唔想食太多，所以揀咗呢間麵館入到去裝修幾別緻，有啲懷舊嘅感覺先叫一個推介嘅炸魚皮，分量唔算多，一小碗，但係特別脆，幾好味，浸埋湯一齊食，更加香我就揀左個辣美蝦湯底海鮮麵海鮮有大蝦、魷魚翼、青口、蟹柳、腐角加通菜全部都係我鍾意食嘅海鮮面類我就揀咗油面。比我想像中大碗多餸，自己一個真係食唔晒。炸魚皮點辣湯底，蝦味浸晒落魚皮朋友揀咗蝦肉牛展面，估唔到有好多件牛展，份量好足料。朋友揀咗米粉底，米粉唔會煮得太林，啱啱好咬口蝦肉都有好多，夠爽口兩碗面各送一罐汽水，我哋就揀咗可樂送面放肆一下

我們在海光街發現一間隱世, 味道仲不錯既東南亞食店, 店子雖然唔大, 但食物質素幾好呀用八達通點餐, 自助形式, 幾方便, 畀完錢, 等一陣間就有得食叻沙的湯頭是以咖哩配上椰奶所熬煮而成，湯頭裡面還有油麵條、豆卜, 蝦及墨丸海鮮等配料所製成湯頭的顏色鮮紅, 叻沙的湯頭超濃郁，咖哩與椰奶的味道調配的恰到好處，而且應該還有加入其他香料，相信加入了海鮮熬煮，所以帶點鮮味存在，這湯頭真的超讚叻沙的墨丸, 蝦同油麵條好Q彈，吸附了湯汁的麵條一口食入，更是能感受這叻沙濃濃的南洋風的迷人風味

今日係 側魚沖返工 收咗工就同朋友喺附近搵嘢食 見到呢間蝦麵店幾得意就入去試下食啦 鋪頭唔算大有四五張枱 裝修得唔錯 坐得舒服嘅可以喺度傾下偈 同朋友嗌咗一人一碗麵 我就叫咗牛展麵 加 手撕雞加墨魚丸 朋友叫咗海鮮麵 碗麵嘅份量好大亦都有好多配菜 佢會有通菜芽菜作為配菜 海鮮麵嘅料一樣多 有蝦 蟹柳 青口 魚頭通菜 同 牙菜亦一樣有 麵餐加26蚊有一個炸魚皮我哋都叫咗一個嚟試下 嘢飲係汽水 魚皮好脆好好食 牛展麵啲牛展有五塊塊塊都好大塊味道都唔差 海鮮麵味道龍澳都唔錯 整體嚟講份量大味道唔差 不過價錢偏貴 下面有啲想同大家分享下

這間蝦麵店，打正旗號是源自1942年馬來西亞檳城福建麵秘方泡製，幾十年歴史的秘方流傳至今，當然有其獨到之處。這家麵店主要提供三款湯底：辣味蝦湯底、咖哩喇沙湯底和豬骨雞湯底。麵類可選：油麵、米粉、河粉、檬粉和摻摻。蝦肉魷魚翼麵-辣味蝦湯底（$72)👍👍👍👍👍來到蝦麵店，當然要試試他們的招牌辣味蝦湯底，我們選擇了蝦肉魷魚翼配油麵。一碗顏色深褐的湯底，上面浮了深紅色的蝦膏，一上枱已聞到濃濃的蝦味，我先喝一口湯頭，味道果然是蝦有蝦味，蝦的鮮甜原味源源湧入。配合了已開邊和去殻的蝦肉、爽脆的魷魚翼和彈牙油麵，就是一碗味道獨特的檳城福建蝦麵。咖哩喇沙海鮮麵（$75）👍👍👍👍馬來西亞的喇沙同樣非常聞名，這個咖哩喇沙湯底，湯底比較稠，除了有咖哩香料味外，還有椰漿的香氣，辣味也比較輕。海鲜麵的海鮮有大蝦、魷魚翼、青口、腐角和蟹柳。大蝦的蝦身已去殻，方便食用，而特別一提的是腐角，口感和味道有點在魚腐與魚蛋之間，可以一試。麵類方面，我選了摻摻，摻摻即是有兩種麵底，油麵和米粉。脆脆魚皮（$18）👍👍👍👍魚皮又薄又脆，點些蝦湯一起吃，變成了魚皮有蝦味。是日油菜（$18）👍👍👍👍腐乳通菜，食些菜健康些，可以點腐乳吃

星期六同女友拍拖嚟海光街揾食，因為上次經過門口見到主打檳城喇沙既蝦麵店，女友話好想食下係唔係檳城既蝦麵味！ 咁我哋就約埋嚟食下！店内裝修都很有馬來西亞簡陋既色彩，不過只是裝修已矣，環境還是非常舒適！點内空間唔大，有幾張檯，適合幾個人嚟食！一入餐廳有個自助落單機，落單俾錢一take過，可以用8達通同信用卡俾錢，好方便呢！如果唔知有咩食，都係可以問餐廳拎張餐牌，睇左有咩食先再去點食物都是可以的！我哋今晚叫左呢幾樣野，女友叫左檳城蝦麵，蝦味十足，帶點辣，牛展既牛味濃郁而且超稔，勁好食！腐乳通菜，正正常常，幾爽口！勝在有條菜食下！青檸梳打最啱就係食完辣野，飲返兩啖！講返我叫嗰個咖哩喇沙，湯底咖哩味十足，帶點辣，十分惹味，配料多，有大蝦，尤魚，大大隻青口，腐角，蟹柳，我另外再加了魚片角，食完真係飽到上心口！至於個麵底，可以揀唔同既款式，例如米粉，油麵，河粉等，我同女友都揀左滿有馬來西亞風味既摻摻，即係油麵加米粉，食落會有兩隻唔同既口感！總括嚟講，呢度既麵都可以止到我既馬來西亞癮，下次想食喇沙，又多一個選擇了！

星期五梗係食好啲啦，中午時間黎到蝦面店，唔知是咪因為落雨，唔洗排隊就入得，開心！之前係灣仔店排幾耐先食得呀！同女朋友一人叫左一碗面，貪心既佢叫左雞絲、蝦肉、豆卜喇沙湯底油麵！個湯底好香，好濃既咖哩味，口水都流埋豆卜索曬啲湯汁，超級推介蝦肉唔洗自己剝殻，啖啖肉！我就叫左海鮮（雜錦）蝦湯底河粉，比起喇沙，呢個湯底聞落更加惹味，食落更刺激因為係辣辣地！我仲加左貢丸，好食！青口好新鮮，呢隻蝦就係要自己剝殻既，蝦肉好實好正！呢到環境幾靚，坐得舒服，冷氣又夠，食lunch好地方

朋友介紹話呢間麵店好食，今日去開呢頭，就試下啦。 我食嘅係辣味蝦湯底的蝦肉牛展摻摻，濃濃嘅蝦湯帶微辣，惹味又醒胃、厚切肉嫩嘅牛展，牛味濃郁、切片嘅蝦肉，配蝦湯最啱、嫩囗嘅通菜，解去肉嘅肥膩感，再加上油麵摻米粉，口感豐富。男友食咖喱喇沙湯底海鮮摻摻，另加魚片。一上檯就見好多蟹柳，魚片都好大片，仲有青口、原隻蝦、腐角、魷魚翼，塞得滿滿，我偷呷佢一啖湯，都唔錯wor﹐不過我更愛我食緊果碗辣味蝦湯底。兩碗麵份量都大，我地仲叫咗一碟通菜同一杯青檸soda﹐食到好飽。總括，推介辣味蝦湯底，有特色，始終比較少有，亦整得好食，牛展堅好食! 但若唔食得辣❨其實都唔算辣❩﹐就推介咖喱喇沙湯底，都好好味。

幾年前去過馬來西亞，很懷念那裏的蝦麵，所以今天特別來試試這間蝦麵店。這裏距離地鐵站也不遠，環境有些星馬感覺，座位不多，午飯時間遲來便一定要等位。咖喱喇沙海鮮麵 喇沙湯底也算香濃，不會太辣，油麵不會太腍、配料包括大蝦、青口、魷魚翼、蟹柳和腐角也算豐富。蝦肉牛𦟌豬骨雞湯檬粉 蝦切得比較薄，反而大大塊的牛𦟌很腍滷水味又濃，豬骨雞湯底只是一般。脆脆魚皮 炸魚皮脆卜卜，加落喇沙湯底也很滋味。通菜 通菜是灼熟的，不會油膩，配上少少腐乳醬也不錯。白咖啡應該是三合一咖啡粉沖泡，只是普普通通。