蝦麵店 (海光街) (已搬遷) 新店位置

今日因爲公事去開鰂魚涌，就順便係個度食埋lunch啦，係附近見到間檳城蝦麵店好似幾吸引！店面有種懷舊檳城感覺，但佢地既科技十分先進，係用手機掃qr code 落單！望到牆上既剪報，見到原來呢間店都好出名，令我更加期待！吃了碗蝦肉牛展湯麵，湯底是辣味蝦湯底！！湯頭幾濃郁入味！牛展非常厚切，好似x燒咁款，有3大塊，超正呀~另外我仲加左份墨魚丸。口感爽口彈牙幾好味。麵我就選擇了油麵，軟硬度剛好，幾入味！還有好幾隻左右分邊既蝦肉，都好食

放工約媽媽近近地鰂魚涌食野，唔使媽媽煮得咁辛苦，之前朋友已經介紹過有間小店主打咖喱喇沙湯底同蝦麵等，所以今晚就同媽媽去食，約七點二十分到達，店內無人但當我同媽媽坐低之後，客人陸陸續續入店，雖然唔算大但都坐得舒舒服服。入口處自助落order之後坐一陣好快有得食！ 除後入店內揾位。海鮮咖喱喇沙湯+摻摻(即係兩款米粉+油麵)$75香濃嘅咖喱精華所在，色香味全，海鮮有蟹棒，尤魚翼，青口，大蝦，豆卜，腐角，食落微辣香濃帶點刺激！其實覺得賓城車仔麵。蝦肉牛展麵配香濃豬骨雞湯底 $82啱晒媽媽清清地，先入口湯夠晒味，虾肉已摸晒殼每口都係蝦肉跟牛展更係出色軟淋又帶牛味，超正，牛展每片都係厚切更加大增口感！時菜 $18 腐乳通菜，新鮮脆綠爽口。炸魚皮 $18脆卜卜浸落咖喱喇沙湯又或者豬骨雞湯都好惹味！飲品如果間麵餐有優惠期的 ❣

是晚太累了, 不想走遠, 誤打誤撞來到了一間專食馬來西亞檳城的地道麵館! 餐廳挺乾淨企理, 而且靠牆有軟墊椅子, 坐下都舒適餐廳是用開放式的廚房, 一眼看通, 十分乾淨整齊 食物都圍繞麵類為主, 款式簡單專注 咖喱喇沙海鮮麵檳城喇沙是馬來西亞當地最為代表性的傳統美食之一, 湯頭加入了大量的高級椰奶, 增加了湯底的香味及濃稠, 令湯底擁有濃郁的咖喱和椰子香味,同時帶有淡淡甜味, 基本上是不太辣。 大廚更用上了地道的馬拉煮法, 加入芽菜, 香菜, 青蔥, 切片的大蝦, 魚餅, 魷魚翼, 青口, 蟹柳烹調, 成就了一碗豐盛的海鮮麵掺摻是米粉混合油麵一起食, 是馬拉人傳統的食法, 即兩溝的意思, 令口感特別, 變成了經典, 食馬拉地道菜, 怎麼不會叫摻摻一試呢 蝦肉魷魚翼辣味蝦湯麵每日用上新鮮的蝦頭, 蝦殼一起放進鍋子裡炒, 乾煎的蝦殼有點焦香味, 再加入豬骨及多種香料鮮製蝦湯底!配搭上蝦肉當然是膽啦, 然後可自由配上魷魚翼, 墨魚丸等。為了令蝦湯達極致,最後還會配上一匙的蝦米, 令濃濃的蝦味散發出來, 十分鮮甜, 蝦肉更爽口彈牙, 鮮味十足! 而湯底不是真的很辣, 反而令湯底更惹味! 總的來

星期6,特燈同女朋友去鰂魚涌食呢間 好出名嘅小店。顧名思義系馬來西亞風味ge面店,一于試下距有幾唔同!我地叫佐咖喱喇沙湯底ge魚蛋魚片面(加雞絲)咖喱喇沙湯底好香 好濃郁,味道好唔錯,唔會好辣,咖喱味好香,配埋個米粉,吸收曬d湯汁,好正!!仲有魚蛋同魚片頭,好彈牙,魚味好濃,果然馬來西亞ge魚蛋都係好有水準,我仲加佐雞絲,雞絲好滑同面好夾.豬骨雞湯底ge蝦肉牛展面豬骨雞湯同樣系好香,雖然無辣味ge湯咁濃郁,但就勝在夠清,好味,雞湯同面本來就系好夾,仲有d蝦同牛展系旁邊,唔錯,喜歡清淡口味ge人可以試下呢個湯麵.另外餐廳ge面都系有唔同ge配料加入去,例如:雞翼,肉片,豆卜等等,面類仲有油面,蒙粉等,唔錯ge麵店.

最近同一個馬來西亞朋友敘舊諗住不如食番馬來西亞餐雖知道係香港比起泰國同越南餐馬來西亞餐都算係甚少 市面上有的幾乎都是連鎖式星馬餐廳今次由當地朋友帶我黎試嘅馬來西亞檳城蝦麵今次仲要係小店形式 都有本事開到分店就知道應該有番咁上下支持者先可以做到我地兩個人簡簡單單 唔叫太多大魚大肉一人一碗粉麵 一杯野飲 同一碟菜 就已經好飽先講下呢碗蝦麵 份量真係好大碗！而且湯底好濃郁 好香海鮮味經朋友驗證 味道確實係正宗嘅檳城蝦麵用料非常十足 食得好過癮另外我地叫咗碗豬骨濃湯成條豬骨送上 仲啖啖肉添 份量一樣好大碗 但係相比起海鮮湯底 呢個嘅味道就無咁豐富最後加咗個腐乳通菜呢道唔係檳城小菜 相信係迎合番香港人口味加番碟通菜黎送麵 一樣好夾 嘻嘻

Working in QB, took my expat boss here as he don like Chinese food.Not much options but laksa noodles as all sold out.We both have prawn noodles, almost same same.I have beefshin, he have pork ribs. The soup very salty but have many prawns .Interesting that the soup base is different to wanchai so is the drink.the rice noodles were good because it soak broth. Food come fast. also drinks come fast.The lime soda is best, very bland but fizzy.Next time we will come again.

✿╮❤╭✿ ✿雜感女生 好味日記✿ ˚*•✰。蝦麵店．馬來風味。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 工作關係，再度經過鰂魚涌 發現一家平時沒有留意的小麵店 主打推出1942年傳統檳城福建麵祕方 特製豬骨雞湯底、辣味蝦湯麵、咖喱喇沙共3款湯底 感覺很有特色 一人飯局，簡單由一杯白咖啡開始 是地道的白咖啡風味，配合麵店馬來風味主題 主角：辣味蝦湯 蝦肉牛展摻摻 看似很辣，其實並不算太辣，卻充滿蝦香 濃香蝦味湯底是天天製作，從灣仔店直送鰂魚涌 蝦肉切片混入摻摻之中，入口更有蝦味 牛展大件厚身，入味夠嚼勁 店家力推的摻摻，即油麵拼米粉 配上辣味蝦湯帶出2種口感，好有東南亞粉麵風味 脆脆魚皮 即使是放著慢慢吃都保持到酥脆口感 放入辣味蝦湯中感受，又多了一份蝦香 油菜是腐乳通菜 也是條檢青嫩，配麵吃，最好不過 小評： 味道：★★★★☆ 環境：★★★☆☆ 服務：★★★★☆ 衛生：★★★★☆ 抵食：★★★☆☆

今日放假，同男友係太古城買完野之後行行下發現原來鰂魚涌都開左間蝦麵店（之前食過灣仔個間）就入黎回味下啦餐廳位置由地鐵站行過黎大約10-15分鐘位置不算多 大約只有15個位，主打小店風格湯底主要有3款，分別係辣味蝦湯底、咖哩喇沙湯底及豬骨雞湯底，如果想另加配料就加$7-$14飲品都有幾款，主要係罐裝蝦肉肉骨麵（辣味蝦湯底）肉骨有兩大舊，而且煲到好諗，蝦肉則比較乾身，口感唔似鮮蝦肉，似係蝦乾煮成肉骨好入味，湯底只屬微辣，唔食得辣既男友都食得津津有味麵底有一款叫摻摻，意思係由兩種麵底混合煮成既mixed noodles,食落口唔會有違和感蝦肉牛𦟌麵（豬骨湯底），湯底好清完全唔會油膩，牛𦟌屬較厚切，另追加左冬菇片埋單每人約$80，份量十足，湯底蝦味濃。

以前喺中環上班嘅時候，有段時間很迷戀吃喇沙、蝦麵，三日唔埋兩日就拉著同事陪我去吃，所以上環一帶凡有喇沙蝦麵供應的店舖都一一光顧過。記得新紀元廣場入面有間叫「蝦麵店」嘅舖頭，店內嘅蝦麵做得甚有水準，入口啖啖蝦鮮味、蝦香撲鼻，不過後來公司搬離中環，而筆者亦早已把這《喇沙蝦麵之旅》忘得一乾二淨。早前從朋友處得知「蝦麵店」舊年喺鰂魚涌開咗分店，吓！我咁大懵，竟然無發現到，話曬鰂魚涌都係我地頭，就一於趁這晚小鬼不回來吃飯，兩口子過嚟食碗蝦麵做晚餐。店子原來是位於海光街，離屋企只是 15 分鐘路程，方便就腳。門面以灰白色為主，門外除了掛咗一個迷你信箱外，就只貼有幾份雜誌介紹麵店，非常簡樸，難怪會走漏眼。拉門內進，地方比想像中還要細小，門口走廊設有三張高腳櫈，而入面座位亦不多，如果是午市繁忙時間到訪的話，相信必定要排隊等位了！先細看餐牌，食物很簡單，只有湯麵、小食和飲品，湯底有三款口味可供選擇，包括辣味蝦湯底、咖哩喇沙湯底同豬骨雞湯底，而麵類就可以揀油麵、米粉、河粉、檬粉或摻摻。選了冬菇蔬菜麵辣味蝦湯底 ($62)，另外加咗兩款配料，包括豆腐卜 ($7)  同蝦肉 ($14)，而麵類就揀咗摻摻、即「

湯清味醇厚是香港地道湯麵的特色，濃湯惹味香卻是東南亞粉麵的強項，蝦麵店強調採用源自1942年傳統檳城福建麵祕方，主打三款湯底，分別是辣味蝦湯麵、咖喱喇沙湯底、豬骨雞湯底，款款皆濃稠富霸氣，各有千秋。辣味蝦湯麵－蝦肉牛展麵  兩粒辣椒的標誌，配合赤紅色的湯頭，看來是款勁辣的湯麵！但實情是一點也不霸氣，對我來說只是微辣，所以無需擔心！ 開心見到配料份量十足，切片蝦肉彈牙香甜，勁厚牛展肉爽富韌度，配合粗身油麵，不失為一款惹味醒胃且豐富的麵食。 湯頭方面並非期望中的濃郁蝦香，反而肉味十足，若然未吃過灣仔蝦麵店轉手前之質素，不會有投訴，吃過的會覺得已經完全不是那一回事！我咁講，即是比較喜歡從前的一家囉！ 咖喱喇沙湯底－海鮮麵  湯頭濃稠順滑，材料新鮮度接受，份量亦足，大蝦、魷魚翼、青口、腐角及蟹柳，整體味道不錯，我們選了摻摻，即是油麵及檬粉配，食物頗有馬來風味。 另加配料$7-$14，我們點了炸魚皮及青菜皆分開上，這點值得讚，炸魚皮非常乾身薄脆，炸得好，青菜水準正常。 家庭店舖的格局，對客人尚算熱誠，簡簡單單食一餐亦不要有什麼特別要求，作為粉麵店，濃湯味厚足料是特色，價錢合理。

之前喺灣仔食過呢間蝦麵店覺得唔錯, 今日同老公嚟鰂魚涌分店試下。 呢度嘅門牌唔太顯眼, 可能因為今日避開咗繁忙時間, 餐廳外面無人龍。店內雖然唔大, 但我覺得比灣仔分店好坐。今日終於可以慢慢享受呢碗麵！上次叫過辣味蝦湯底, 不過對我嚟講太辣, 麵量亦太多食唔哂. 今次侍應細心提我可以要求小辣, 不過我就試左唔辣嘅冬菇雞絲豬骨雞湯. 湯頭十分清甜, 雖然話用豬骨煲, 但完全唔油膩, 配摻摻麵底, 感覺更地道。配料冬菇片夠鮮味, 雞絲份量好多。另外+$14有大蝦一隻。 老公揀嘅咖哩叻沙海鮮麵, 都幾豐富㗎. 有齊大蝦、魷魚翼、青口、腐角、 蟹柳, 各款配料都好新鮮, 老公仲喺湯底再加辣醬, 話咁先夠正喎。不過我都係鍾情於豬骨雞湯底, 推薦！通菜好大碗, 伴少少腐乳,18蚊抵食又健康。唔覺唔覺, 我哋兩個都食到見曬底, 連湯都飲晒, 超滿足。

平時真係好小去開鰂魚涌呢頭～今次朋友發板～帶我食好西🤙🏿👉🏿✨蝦肉雞絲麵 (辣味蝦湯底)Hkd 66 💸📌因爲喇沙底湯賣晒😭就試下佢呢款～呢款好彩都冇令我失望👀個湯底係超惹味，麵底仲有得叫摻摻😍本身已經有肉絲同蝦肉兩款送，唔夠候仲可以好似我咁加9蚊有貢丸食✨除左咁之外，佢入面居然有埋菜，仲要係通菜！即刻馬來西亞風味出晒黎🐖小店黎講質素又確係唔錯呢！啲粉索晒啲湯汁，愈食愈辣，但又忍唔住食晒佢，真係好正😽👉🏿✨脆脆魚皮 Hkd 18 💸📌佢既魚皮浸一浸個湯再放落口，脆得黎又唔會乾，唔錯呢！👌🏽👉🏿✨青檸梳打 Hkd 17 💸📌食到辣得濟，同朋友都頂唔順要叫杯野飲😂野飲就還好啦～如果多番啲汽就正～

上星期去太古坊見工，之後搵地方醫肚，不論夏天冬天，湯麵不嬲都係我的至愛，見到有間蝦麵店開左喺呢邊，之前喺灣仔都有食過，印象中係幾好味的，唔駛諗咁多，一於幫襯佢。時間尚早，未到食飯時間，唔駛迫亦唔駛等位。近門口處有部機落單可用八達通比錢啱晒我呢啲無乜帶現金喺身的人。我和男友一人點了一碗辣蝦湯麵，首先梗係試啖湯先，好重蝦味，鮮甜香濃又惹味，我的是鮮蝦魷魚翼油麵，蝦係開邊去殻蝦，食得方便保持儀態，一啖半隻。魷魚翼係最爽脆的地方，兩樣餸份量都好多。男友的海鮮麵，份量又係好足，佢話鮮蝦彈牙，腐角吸收了大量的蝦湯。值得一提係女店員十分細心，問了兩次湯底會否太辣，可以免費為我地加清湯中和。

經過這小店很多次，見它坐位不多，平時來已很擠。今天12:10已到，人不多，即刻入去試試。小店在門口設兩部平板電腦無供客人點食物，可以信用卡、八達通或現金付款：方便！但塞住窄窄的通道：不便。第一次試，我選最基本的辣蝦湯底配海鮮大會及鴛鴦麵：即麵線加米粉。盛惠 $75？因為信用卡收據也沒發給我 整體是好味的，但海鮮大會只有蝦、青口、魚角各一丶兩粒魷魚及大量蟹柳，有點失望。

cashier冇人收銀，係上網order再用qr code俾錢，都算幾方便。鋪頭係逼，不過都乾淨企理。lunch time多人，即完要快走。講返食物，好大碗，可惜食唔哂。湯底鮮甜，蝦由中間橫切面咁劏，所以冇腸，可以放心食，人少少唻唔錯嘅