蝦麵店 (海光街) (已搬遷) 新店位置

行過見到好盞鬼嘅蝦麵店， 外面裝了一個八達通機，有人很自覺在落單，落雨時會收在店內。豬骨雞湯底的魚蛋米確與別不同， 外賣自取湯與米粉是分開， 湯底香滑， 清新而不油膩， 果然有質素，一分錢一分貨。

晨早流流行完山 ，於是就去呢間喺灣仔開咗好多年，近排喺鰂魚涌開分店嘅呢間食東南亞麵食嘅店鋪試下啦。其實之前已經試過一次，不過是外賣。外賣已經很有心機， 把湯和麵分開， 以免影響面的質感。這次是堂食。他們有很特別的 ，落單機制 他們沒有收銀員，但就在店外設置了一部自動售賣機 ，用觸控式屏幕落單。落完單後用八達通或信用卡付費，然後到店裏坐， 等待食物就可。不用五分鐘，新鮮的面就馬上送到。 我點的是蝦面，朋友點的是喇沙湯底。兩碗的分量都很足 ，如果以女生的份量，一碗兩個人吃足夠有餘。 我們望望隔離枱的食客他們，剩下一大堆面。面的質感 沒有太大特別 ，配菜亦沒有太大特別 。 但是湯底就真的是一絕。 我不懂怎形容， 但只要我告訴你我們兩個都把湯完全飲得一滴也不留，應是最好的證明吧。價錢 100蚊以下， 七八十元一碗麵， 但能嚐到這麼美味的湯底絕對物超所值。

海鮮辣味蝦湯摻摻- 湯屬薄身，蝦味濃郁，混入辣椒、炸shallot、炸蒜、芽菜、通菜，甘香惹味爽脆共冶一爐- 腐角薄薄一片，表層的腐皮嫰滑不油膩，包裹着鮮味彈牙的魚滑，有驚喜- 大蝦新鮮彈牙但略為過熟，魷魚翼沒什麼味道，現成蟹柳很難好吃，假甜軟爛散開，混進粉麵中難以挑出，破壞了整碗湯麵- 摻摻即米粉溝油麵，能一口嘗盡爽脆吸湯的米粉與軟中帶彈牙兼滑捊捊的油麵，有趣- 所有點餐與付費，均由客自行到店外的自助機操作，方便快捷

以前食過灣仔間虾麵店，一直覺得麻麻地，但老婆係灣仔虾麵店勇躉，唯有嚟鰂魚涌呢間試下。一嚟開門侍應姐姐就話係門口出面部機買飛落order, 做乜搞到好似麥當勞咁，好多人咩？好彩無落雨，咁樣落order一定濕晒。雖然侍應都會係旁邊教下點落order，但唔明點解唔係入面坐低人手落order算？！結果都係order 咗兩個蝦麵摻摻，加D配料 同青檸梳打。。。入到去都係得十幾個位，坐低等咗5分鐘就有得食，但一嚟到個碗大到好似個洗面盤咁，一試個湯，無乜蝦味，試埋D蝦，幾啖摻摻，淡哞哞，D麵多到可以食兩餐，茶餐廳咁，食兩啖已經想走。我老婆話灣仔個間好好多，我就覺得一樣唔好食。最後去咗太古城food court食多餐！

不錯的檳城蝦麵店 - 在太古坊6至7 月開的新店，總店在灣仔, 鰂魚涌是第一分店，門口自助點餐機點餐後再入店內坐，好快就有得食主要有3種湯底，辣味蝦🦐湯底，可揀小辣，喇沙湯底同豬骨湯底，餸嘅選擇隻隻湯底都一樣，而麵有油麵，米粉，河粉，檬粉同摻摻(油麵+米粉)選擇。第一次7月初時試咗蝦肉魚片摻摻 $62 ，湯底都飲得出有用鮮蝦去煲，唔算好濃嘅湯底，不過都不錯，蝦肉係去晒殻半邊的，睇落似買現成，不過估唔到食落又幾鮮蝦味，🐟魚片就幾爽口彈牙，整體都幾好!今次試左海鮮小辣湯底摻摻 $75，有新鮮蝦一隻, 魷魚,腐角同蟹柳，除左隻蝦係有殼既鮮蝦外，其實都唔係太值，小辣相對係無咁濃味蝦肉肉骨辣味湯底摻摻$78，肉骨就有2-3條, 係胡椒味既肉骨，唔係藥材味，都好似0係星加坡食到既味

灣仔著名的蝦麵館🦐，係鰂魚涌開咗分店，不過分店能夠保持水準與否，就食過先知？▫️ 店舖地方比較狹窄，只可以坐20個人。而且午飯時間唔可以食太耐，一定要速食，因為好多人等位。另外，佢地無現金找續，所有消費都要用八達通俾錢。▫️今次叫咗辣蝦湯海鮮麵(油麵)🍜。麵質尚算可以，有點彈性；海鮮配料亦很多，特別是蟹柳，佔配料比例四公一；最鐘意個魷魚🦑、通菜🌱，爽口；不過蝦湯味唔太濃，有點淡，失望！下次都係去灣仔總店食。