蟹仙海鮮私房．蒸氣石碢 (環海大廈)

营业中

休息中

本人一向鍾意食海鮮，但自己烹調過程都比較麻煩，出去食價錢又唔平。今日試咗呢間先蒸海鮮，真係非常有驚喜。放工相約朋友過嚟，佢有set,大概四百零蚊一個，包十款海鮮，當中有啲可以自選。餐廳入邊有海鮮缸養住啲新鮮，睇落好生猛。原來老闆係香港海鮮入口商經營批發30年經驗,確保拎到最靚既海鮮，天天直接空運到每間店鋪，食落口真係無得輸，每款都好新鮮，仲要size 一啲都唔細！要讚嘅係佢哋將啲海鮮處理得好乾淨，食得好放心！野生琵琶龍蝦龍蝦大大隻，裏面都有幾多膏，肉質好爽好鮮甜！台灣九孔鮑魚鮑魚清潔得好好，肉質好淋。紐西蘭刀背蚌肉大大隻，好鮮甜，冇腥味。台灣花尾龍躉片龍躉片厚身，肉質又林又滑，冇腥味。最後，所有海鮮嘅精華煮咗個粥，實在太美味太滿足

蒸氣海鮮最能鎖住海鮮嘅鮮味，所以每次一諗起食海鮮就必定係清蒸首選！蟹仙海鮮選擇種類眾多之餘，佢哋嘅蟹特別肥美又新鮮🤤▫️尊貴海鮮套餐 $449正式開始之前，餐廳會把所有海鮮放於一個竹籃內，見到新鮮海鮮全部出現喺眼前，立即十分期待😍先上鮑魚及蠔，蠔身超飽滿一咬爆汁，鮑魚亦夠新鮮，不會太韌👍🏻接住落嚟的魚及扇貝，特別欣賞其扇貝超多汁❤️龍蝦則比較細隻，但鮮甜同多膏。主角奄仔蟹一出，立即明白餐廳名字為何要叫做蟹仙！蟹身超級大隻，又多膏又多肉，因為夠大隻，令蟹肉十分容易取出，滿足又滋味！蔬菜籃及粥底填滿肚內最後一點位置，食飽又滿足！甜品仲贈送椰汁燕窩，好味又唔膩👍🏻💬 推薦想食清蒸蟹嘅朋友來一試，天氣凍食蒸氣火鍋就更加適合❤️

揀左包羅萬有海鮮二人套餐，套餐包括：香辣海蜇青瓜、野生膏仔蟹、花尾龍躉片、青年龍蝦、九孔鮑魚、野生海虎蝦、野生青口、韓國斧山珍珠蠔、刀貝蚌和蟶子。除左海鮮仲有黑安格斯牛肉、濟洲黑毛豬肉、無激素蟲花雞件、芝心小籠包、瀨尿牛丸、蝦蟹棗丸、豬骨濃汁貢丸和蔬菜籃，一共18款食物，每款一件食完已經超飽。食物：海鮮🦞都係十分新鮮，刀貝蚌和膏仔蟹不用沾醬料，自帶海水的鹹香味已經十分美味。龍蝦、海蝦和鮑魚彈牙可口，每款海鮮只係蒸幾分鐘，保持到海鮮的鮮味。牛肉、黑毛豬肉每款每人有兩塊，肉質嫩滑易咬。四款丸當中我最鍾意芝心小籠包，一咬開濃濃的芝士味❤️蒸籠下面係煮緊豬骨粟米🌽粥，海鮮的鮮味流晒係個粥到，比平時的粥更加鮮甜。環境：乾淨簡潔，注重衛生，一開始店員先幫忙消毒，枱數不多，建議預先預約。服務：店員十分友善健談，亦會主動分享一些海鮮的知識👍🏼

朋友啱啱喺外國返嚟，問我有咩好食，第一時間諗起海鮮，外國所有海鮮都係冰凍，邊有喺香港咁幸福食到新鮮原汁原味嘅海鮮。今次同佢嚟咗尖沙咀分店嘅蟹仙，一早訂好位。我哋揀咗個10款海鮮嗰個餐，蟹仙嘅優勢就係服務員會一套服務幫你處理好晒啲海鮮，包括計時蒸海鮮，我哋淨係負責傾偈同埋食。每款海鮮都好鮮甜，好新鮮，食到海水嘅味道，所以根本都唔需要點豉油食，最難得就係食到原汁原味。今晚啲蟹仲要特別多膏，如果自己食到一隻會更加滿足，不過怕膽固醇高半隻都夠，最後仲有個甜品送係椰汁燕窩。

成日食打邊爐怕熱氣，蒸氣海鮮就適合我呢啲怕熱氣既人，蟹仙呢晅連鎖蒸氣海鮮餐廳真係好推薦。今次黎到尖沙咀分店，位置都方便，附近又有咪錶位，方便泊車。兩個人食，揀咗尊貴海鮮套餐有10款海鮮，兩個平時如果喺自己屋企食食唔到咁多款，出去餐廳食，最好就係有乜都食到啲最滿足。蟹仙名副其實就一定重點係食蟹，佢嘅蟹係來自菲律賓，我之前去過菲律賓對啲蟹印象都非常非常深，隻隻都超肥又多肉又多高又鮮甜，香港其他蟹完全食唔到菲律賓各種質素，重點係下線，服務員會幫你將啲海鮮夾啱時間整到啱啱好。

朋友介紹食蒸海鮮，性價比很高，就選擇咗呢間，店舖不算很大，但坐得舒服。每張枱有一個蒸鍋，魚夫帽做蓋子，很特式。一人海鮮套餐：有十款海鮮，每款海鮮非常新鮮，選料上乘，而且有專人服侍，所有海鮮都較咗時間制，所以時間啱啱好絕對唔會過老龍躉片：清蒸龍躉片，口感嫩滑鮮美龍蝦：半隻龍蝦，結實多肉有膏鮑魚：刷洗得好乾淨，食得好放心，而且鮑魚好淋滑，牙齒不好亦冇問題珍珠蠔：好大隻而且好嫩滑。由於所有食材都好優質，蒸嘅時間剛剛好，非常美味，還有一盆有機蔬菜最後一鍋粥：所有精華都在粥裹，而且粥底還有挑骨，所以好好味。以這個價錢有這個質素不錯👍

朋友們同我慶祝生日，去食蒸海鮮我地3人行，揀左松葉蟹海鮮三人套餐另外仲叫左個好抵食嘅海膽3人餐 每人一件 份量唔算好多好抵食又新鮮嘅海膽松葉蟹係蒸好先拎上檯比我地中間有好多蟹膏最後有個粥底，但我地都覺得偏淡唔知係咪因為海鮮唔算多

今日放工之後，同同事一齊去食蒸氣海鮮😌我同事話蟹仙嘅海鮮質素好好，服務態度一流，基本上唔洗自己動手去蒸，會有專人服務☺️ 侍應服務殷勤，好積極同我哋介紹每一款海鮮嘅獨特之處。我哋特別喜歡貝類嘅海鮮😋 之前食西餐，或者打邊爐嘅海鮮，多數都會加咗好重調味料醃製，或者要點醬食用，但係蟹仙嘅海鮮基本上係完全不用點豉油，直接食落肚，海水嘅鮮甜味已經充滿口內😝 係以往食過咁多間海鮮都未試過咁重鮮甜味，喜歡海鮮鹹香味嘅朋友，不能錯過🤩本店嘅蟹好鮮甜，蟹膏更加係比平常市面見到嘅蟹隻更多😍 而且我哋亦都叫咗琵琶龍蝦，一開始的確係對佢個樣有少少驚訝，但一煮熟咗，龍蝦嘅鮮甜味非常充足，甚至配有大量膏，對我呢個海鮮熱愛狂，非常滿足🤣最後配有粥底，海鮮嘅鮮甜味流入粥底，簡直係令到粥底更加昇華☺️喜歡吃海鮮嘅咁多位，絕對不能錯過啊👍🏻

蟹仙一向喺香港都好出名💪🏻今日咁啱book到位，所以特登去食一食😻店內環境寬敞潔淨，燈光充足，一入到去，侍應已經好熱情招呼我哋，而且即刻介紹餐單，對於第一次食蒸氣火鍋嘅我地，都感到好驚喜🫶🏻☺️☺️海鮮係非常高質😍😍一上到枱真係忍唔住嘩出聲🥰特別推介大赤蝦，鮮味清甜，而且蝦頭嘅蝦膏10分濃郁，喜歡吃蝦嘅朋友絕對不能錯過其次，仲有台灣九孔鮑魚，都係十分鮮甜😋而且鮑魚十分煙靭，十分爽口，特別推介大家食🥰最令我驚喜，簡直係貝殼類🥰之前喺其他店舖食嘅貝殼，往往都要點豉油，但係今次可以直接不用點豉油，已經充滿海水嘅鮮甜味，可以話係其他舖頭做唔到🥹🥹大家嚟到一定要食!另外仲有琵琶龍蝦，雖然樣子比較特別，但係食落口就好似蟹加龍蝦嘅混合咁，一嚟龍蝦膏好多，二來肉質爽口，十分鮮甜🥰🥰🥰最後梗係唔少得招牌蟹啦😍😍😍😍果然係名不虛傳，蟹膏非常多，而且蟹肉飽滿嫩口，甚至職員會教你點樣食得方便啲，不但只嘢食好，服務態度亦都一流， 10分推介大家去食😌😌

🐾 蟹仙海鮮私房·蒸氣石碢🐾作為一個海鮮愛好者嘅我，目標就係要食曬全世界最新鮮嘅海鮮。今次就試下呢間位於尖沙咀嘅海鮮蒸氣餐廳。主打極新鮮同抵食嘅海鮮。進餐前店員會先把餐具蒸一會消毒，而且全程由店員放入海鮮和預設蒸煮。 客人只需要食懶人餐。🤤🤤👑尊貴海鮮套餐👑共有10款生猛海鮮 🍴菲律賓野生膏蟹🍴取貨自菲律賓，在香港能嗜到實在難得。蟹肉清甜彈牙，連蟹鉗都蟹腳都塞滿曬蟹肉，蟹膏濃郁甘香，而且呈現金黃的色澤。🍴日本深海石斑一夜乾🍴魚肉經風乾後，肉質變得緊實，更有口感。但依然保留到魚的鮮甜味。蒸後配上特別的豉油，更是加分了許多。 🍴澳洲青年龍蝦🍴龍蝦肉身飽滿而且非常彈牙，建議原汁原味食，更能食到龍蝦的鮮甜。🍴台灣九孔鮑魚🍴鮑魚新鮮，肉質彈牙，不算太大隻。🍴日本野生大赤蝦🍴半隻手板大得蝦，肉質結實，入口鮮甜彈牙。而且蝦膏非常香🍴日本大元貝🍴彈牙鮮甜，配上自己調配的醬油，十分夾。🍴日本深海大刀貝🍴漲卜卜的刀貝刀𧢲，入口清甜有鮮味。🍴大西洋野生青口🍴海水味濃，配上蒜泥在青口上蒸，更加鮮甜惹味。🍴韓國釜山珍珠蠔🍴Size雖不是很大，但蒸熟後沒有縮小，香甜有蠔味。🍴有機蔬菜籃🍴粟米非常香甜，娃娃菜新鮮有

♡‎ ♡‎‎ ♡‎ ♡ 尖沙咀 - 蟹仙 ♡‎ ♡‎‎ ♡‎ ♡‎ 『食材新鮮 只靠蒸都好夠味』今次嚟咗尖沙咀蟹仙喺網上見到佢哋嘅菜式好特別一於嚟試吓先揀咗尊貴海鮮套餐海鮮入門級別十款海鮮 應有盡有店員每次會上食材並計時間蒸當計時器響起時，店員會過嚟幫大家分碟並介紹食材嘅最佳食法🔹蟹雖然唔算超大隻蟹但係都有好豐富嘅蟹膏🔸一夜干原條魚上 本身都好驚好腥好彩可能加咗薑一齊蒸完全冇腥 仲好滑🔹龍蝦每人都有大大隻嘅半邊龍蝦鮮甜又多汁🔸鮑魚🔹大赤蝦🔸青口🔹蚌🔸大元貝🔹蠔🔸蔬菜藍蒸晒以上嘅食材之後才會加飯煮成粥加埋菜甫食正呀呢碗雖然冇海鮮，但係用咗啱啱嘅海鮮精華粥底層次完全唔同晒◆*．◆*．◆*．餐廳資訊◆*．◆*．◆*．📍蟹仙海鮮私房．蒸氣石碢 (環海大廈) (尖沙咀)尖沙咀天文台圍2號環海大廈2期地舖

🐚🦀【 蟹仙 】🦀🐚⋄ —————⧫♟⧫————— ⋄真正嘅靚海鮮從來唔需要搞咁多花臣嘢，清蒸就係最佳嘅烹調方法♨️ 而「蟹仙」嘅海鮮質素絕對經得起清蒸嘅考驗，每日野生捕獲，由世界各地空運到港✈️ 烹煮過程更不加任何調味，確保每啖都係海鮮原汁原味的鮮美，超適合喜歡吃海鮮嘅朋友☺️✨為咗保持最合適嘅蒸煮時間，專業嘅店員都會幫忙即場蒸煮，確保火候⏱️佢地仲會細心講解每一款海鮮嘅產地同特點，令客人懂得品嚐眼前美食，體貼又細心🩵 店內供應罕有品種——太平洋饅頭蟹、澳洲琵琶龍蝦，屬市場上少有。前者鮮味突出，後者肉質爽甜，令人食指大動😋 野生膏蟹更係皇牌當中嘅皇牌，蟹身肥厚飽滿，爆膏之餘仲啖啖肉，不得了🦀💯享用完膏蟹、龍蝦、鮑魚、赤蝦、貝蚌、翡翠螺、珍珠蠔等一系列肥美海鮮，仲有新鮮蔬菜🥬同加入粟米、菜脯粒、芋頭、豬骨嘅綿密粥底🤍吸收晒海鮮精華，鮮味無窮🍲最後店家更端上椰汁雪燕作甜品，好滋潤好滿足🥰⋄ ┄ ┄ ┄ ┄ ❖ ┄ ┄ ┄ ┄ ⋄🏆【尊貴海鮮套餐（共十款）】🏆🔥每位$449 （原價$898）優惠高達5折起‼️🦀罕有藻食綠膏蟹/野生膏仔蟹🐡太平洋饅頭蟹/台灣花尾龍躉片（其中一款）🦞野生琵琶龍蝦/澳洲青

又到食海鮮嘅時刻了，今日嚟到位於尖沙咀嘅“蟹仙“，呢度有各種各樣唔同國家的海鮮一次過食曬，點解可以有咁多選擇，咪因為餐老細本身係做海鮮批發嘅。兩個人各自緊咗一款一人套餐，但其實呢度仲有二人套餐、三人套餐和四人套餐可選擇，仲有啲小朋友套餐，都幾得意嘅，連小朋友都照顧到。呢個449蚊可以食到九樣海鮮加一個蔬菜藍。”菲律賓奄仔蟹”夠大隻， 肉多膏多，多膏之餘仲有啖啖肉，蟹膏够晒鮮甜，食得滿足；“台灣花尾龍躉片”亦够原片鮮嫩；“野生琵琶龍蝦”size就細D，但真係好甜好甜；“台灣九孔鮑魚”有彈牙口感；“加拿大野生大赤蝦”、“大西洋野生青口”、“黄金翡翠螺”和“韓國斧山珍珠蠔”亦非常新鮮高質； “有機蔬菜籃”有幾樣蔬菜，最尾精華的海鮮原汁煲嘅粥都好好食。

昨晚和朋友來這是因為covid前曾經食過係新鮮，所以先想帶朋友試，點知尋晚成餐飯唔係d海鮮overcook, 就係唔新鮮，隻蟹係臭架！連鮑魚都可以唔新鮮！ 每人加左一都比左$525，其實呢個價錢可以再食好啲，唔駛再幫襯佢囉！ 唉！到最後個粥可以冇味，以前食係食到鮮味同有芋頭我問佢係味轉左手，點解差咁遠，但佢又話佢做左好多年！ 真心失望呀！另外，佢係張枱整左個裝骨既抽櫃桶，好肉酸，坐近既朋友成日要幫手倒，其實佢樓面都夠人，點解唔搵個桶比人倒！仲有，menu入面5選3，最終得兩樣有！

今日去食蒸海鮮，叫左蟹仙尊貴海鮮套餐 $449 / 位，包括野生膏仔蟹太平洋饅頭蟹澳洲青年龍蝦台灣九孔鮑魚加拿大野生大赤蝦大西洋野生青口紐西蘭月亮貝黃金翡翠螺韓國斧山珍珠蠔有機蔬菜籃呢度每一款海鮮都極之新鮮，店員會逐樣海鮮幫你計時去蒸，用最適當嘅時間去烹調海鮮啱啱好熟，野生膏仔蟹超多膏，青年龍蝦亦都極之彈牙鮮甜，仲有月亮貝唔需要點任何醬汁都已經極之鹹香鮮味。海鮮一路蒸一路流晒啲鮮味嘅汁落去下邊個粥，最後食蒸籠底下嘅豬骨粥吸收晒海鮮嘅鮮味，加埋菜譜同埋蔥一粒。而且呢度仲送埋甜品食，係椰汁燉燕窩，超好味又滋潤。