蠔站 (黃金廣場) (已結業)

又到了吃生蠔的季節～不想去酒店自助餐（貴又吃不下很多），朋友介紹這間的生蠔性價比超高的，於是決定去試一試！來到『蠔站』就當然要點生蠔！我們點了$10一隻的生蠔一打，真的超級抵食～～每隻都鮮甜又肥美大粒，質素可比某些酒店自助餐，很有衝動想要再叫一打，但要留肚吃其他菜色LOL「香芒牛油果大蝦沙律」配搭了香芒、牛油果水果，加上爽甜大蝦，非常清新開胃，作為前菜一流，份量亦不少，值得點來試試！小食點了「香辣炸雞翼」，看上去跟一般炸雞翼沒什麼分別，但味道有驚喜！大大隻雞翼炸得皮脆肉嫩夠juicy，惹味得來帶點香辣，雞翼愛好者必點～主食方面點了「黃金軟殼蟹扁意粉」，軟殼蟹的炸皮夠薄，外脆內軟，扁意粉彈口，醬汁creamy而不膩，加上爽甜青紅椒，整個配搭很夾～

呢間鋪頭個名有隻蠔字，嚟到無理由唔試下啲生蠔嘅！舖頭入邊有幾款唔同產地嘅蠔供挑選，但我見到佢做緊一個$10一隻指定蠔嘅優惠，所以我諗都冇諗就篤咗呢一款嚟試試🤣澳洲Tasmania 生蠔 $10/隻店員介紹返指定生蠔係來自澳洲 Tasmania ，蠔味比較重又新鮮，呢個價錢真係冇得輸！🥰石燒紐西蘭肉眼扒 (240g) $158石燒肉眼扒一上菜就聽到發出癒療既燒肉聲，然後散發出陣陣牛香。店員提示我地如果唔想過熟，可以先將牛肉放上碟，喺食既時候先放落石再燒。牛肉肉質肥瘦均勻，多汁有彈性而且肉味濃，再配合微脆蒜片一齊食，更香口惹味🥰茴香南瓜香草腸燴意大利飯 $78入口好香嘅茴味，加入南瓜粒增加口感。至於意大利燴飯煮得啱啱好，吸收了茴香南瓜汁而且帶有微微嚼勁，唔會過硬亦唔會太過多汁變成湯飯咁。入面更加咗切好既香草腸，食落更豐富🤤焦糖燉蛋伴雪糕加$38首先呢個價錢有呢個咁靚嘅擺款真係好驚喜，焦糖燒得啱啱好，而且散發住靚靚金黃色，唔會太燶而過於苦澀。脆脆既焦糖香配搭埋滑溜既燉蛋的甜味，再加埋個雪糕食真係好正🥰 雪糕既味道都好特別，食到香濃奶味之餘仲有焦糖香，再夾埋雜果食味道更清新❤️飲品分別叫咗白桃乳

女朋友鐘意食生蠔，今次決定帶佢去新開無耐，位於係銅鑼灣黃金廣場9樓嘅Oyster Station食蠔～～餐廳佔咗9樓嘅全層，空間好大，座位都好多。餐廳裝修以黑籃為主，仲有個大電視播住外國mv~ 餐廳主打生蠔之外，仲有意粉、薄餅等，選擇都好多～🔻愛爾蘭Harty生蠔味道：8/10價錢：$10/隻原來餐廳都會有定期特價生蠔，而今次就係愛爾蘭生蠔。雖然係10蚊一隻，但肉質都幾肥美，冇咩海水味，非常之高性價比！🔻檸檬柚子香煎比目魚味道：8/10價錢：$238今次叫左比目魚做主菜，比目魚肉質幾嫩滑，外層煎得幾脆。配菜方面都豐富，除左有粟米，脆肉瓜之外，仲有炒椰菜花，幾好食～🔻香蒜辣橄欖油天使麵味道：7.5/10價錢：第一次嘗試天使麵，麵身比較幼，食落口幾有口感～雖然佢寫辣，但其實只係微辣，唔太鍾意食辣嘅朋友仔都可以試吓～

Oyster Station勁近銅鑼灣地鐵站超方便環境昏暗 幾有情調職員好Nice 一坐低就同我哋介紹十蚊一隻生蠔咁抵食就梗係要試試佢愛爾蘭 Dooriel $10@10蚊生蠔日日都唔同款今日呢款就係愛爾蘭嘅Dooriel雖然唔係話好大隻但係十蚊一隻嚟講算係好抵食呢款dooriel 海水味適中唔會太鹹食落口感清甜爽脆 蠔味濃郁卡邦尼扁意粉 $128估唔到Carbonara都好出色面頭有大大片芝士 撈埋蛋黃之後成個意粉變到好香濃扁意粉口感彈牙 醬汁好濃稠食落口感柔滑豐富 仲有濃郁嘅蛋香味自家製焗蟹餅 $138一切開就見到好多一絲絲嘅蟹肉蟹肉非常清甜焗完都唔會dry外層酥脆 面頭仲有圓鱔黑魚籽仲有沙律菜伴碟Menu:

去完Sogo感謝祭，search到對面既黃金廣場開左Oyster station ，OpenRice 訂檯仲有折添！ 之前去過其他分店有$10隻生蠔，呢度都有。每日都有唔同產地既$10隻精選生蠔，呢日就係愛爾蘭生蠔海水味唔算重，肉質飽滿，口感清爽鮮甜，叫半打過吓口癮！除左$10精選蠔，仲有其他產地選擇。超級海鮮pizza 餡料有蝦、八爪魚、蜆肉薄薄既pizza 底如餅乾般，好脆口千島醬汁加芝士好惹味又增加食慾，真係perfect match ! 荷蘭大菇配黑松露野菌意大利飯大菇上放左d蒜片，切開好juicy ，好香Risotto既水份比例幾好，入口有質感一片片既野菌，爽爽彈彈加埋黑松露既香氣，好芳香！

星期六晚約左朋友去銅鑼灣食晚飯揀左係黃金廣場樓上既Oyster Station餐廳做緊$10隻指定生蠔今日既生蠔來自澳洲既TasmaniaTasmania出名車厘子就食得多估唔到佢地既生蠔又幾好食喎海水味好重又夠鮮甜香炸魷魚圈 ($98)魷魚圈即叫即炸外皮炸到脆卜卜入面既魷魚仲好爽口彈牙可以點埋沙律醬食添👍🏻自家製焗蟹餅 ($138)呢個大推😍😍😍一切開就見到好多蟹肉啖啖生拆蟹肉好好食😋龍蝦海鮮pizza ($228)主菜方面我地叫左個龍蝦海鮮pizza切好左6件仲有個龍蝦頭係中間做裝飾Pizza餅底薄身夠哂脆海鮮份量好多加埋拉絲芝士好好食飲品方面我地叫左兩款果味梳打白桃乳酸梳打 ($38)甜度適中好香白桃味仲有少少桃肉係入面荔枝乳酸梳打 ($38)荔枝乳酸梳打唔會好甜有淡淡既荔枝味好正

今日灣仔工作完成後好想食餐好，想起想食生蠔，記得有間餐廳有$10/隻生蠔優惠，就即刻OpenRice開飯喇 ，搵到銅鑼灣有間新開店，即刻馬上Book位，接待人員相當友善，食物水準一流，會再去幫襯，仲有已經做埋member添呀

見咁多食客都大讚這裏的生蠔又新鮮又抵食,就襯放工咁就腳上這所新店一試,果然鋪天蓋地的宣傳海報是十蚊一隻生蠔任叫,全日任叫都供應,小試牛刀,叫半打今天是愛爾蘭生蠔,雖然size畧細,但蠔味真是不得了,簡直齒頰留香,太座自然加碼再叫,之後當然亦都會嘗試埋餐廳其他的出品,首先大蝦牛油果芒果沙律,很清新,正好可以抵銷滿口蠔香,之後的冬陰功海鮮扁意粉,好有驚喜,這個配搭食味很神奇,微辣又有點甜,正合我口味,另外餐廳的蠔站至尊pizza薄以脆口而且topping的腸都很特別,結尾來一個甜品拼盤,心太軟熱辣辣朱古力又香滑,冧酒雪糕酒味極濃、剛食完熱再轉一個冰凍,然後到芝士蛋糕,很軟滑,最後兩件小蛋糕配水果。總括,這頓晚飯很滿意,又可試到主打生蠔,又吃到餐廳的好西,大滿足!

$199優惠7款不同產地生蠔+$30可升級Gillardean N.O、$10/1隻 指定生蠔、蒜香BBQ豬肋骨、法式煎鵝肝、煙肉洋蔥芝士焗蠔、芝士松露野菌焗蠔、法式焦糖燉蛋伴雪糕

$199優惠7款不同產地生蠔(2客)+$30升級(2隻)Gillardean N.O、$10指定生蠔(15隻)、蒜香BBQ豬肋骨、法式煎鵝肝、煙肉洋蔥芝士焗蠔、芝士松露野菌焗蠔、法式焦糖燉蛋伴雪糕。今晚2人用膳，推廣期85折後食咗$1304都抵食呀

餐廳位於Sogo對面，方便易達，F出口行1分鐘就到，我和朋友仲好彩地坐到窗邊枱，可以望到熙來攘往嘅大街，仲剛好影到Sogo廣告牌mirror廣告🤣餐廳主要以暗色調為主，有自助沙律、餐湯及白飯提供。我和朋友分別叫了石燒紐西蘭肉眼和石燒美國牛肩扒。當然亦唔少得要叫精選生蠔拼盤(6pcs)，加$120就有絕對超抵！精選生蠔拼盤(6pcs)🦪 由淡到濃咁食分別來自不同產地嘅生蠔，有蘇格蘭、愛爾蘭和法國。每隻都好新鮮，唔洗加甜辣醬，只是輕輕加少少檸檬汁已經可以帶出到生蠔本身嘅鮮味，海水味都好足。我比較鐘意法國品種，鮮甜得嚟有回甘嘅感覺！石燒紐西蘭肉眼&石燒美國牛肩扒一嚟到已經見到煙霧彌漫，足已見到石板熱力。如果唔想牛扒太熟嘅話可以先將牛肉整塊先放到碟子上，切開再放上石板上燒一下再吃。兩款扒牛味都好濃，再加上炸蒜片，完全係「牛魔王」嘅最愛！另外，我地仲有分別叫咗柚子梳打和荔枝乳酸梳打。

今日去銅鑼灣行街, 知道Oyster Station開左新分店, 去食下蠔先, 餐廳全層, 有大電視播著外國歌曲, 座位夠多, 舒適, 坐抵近窗口位, 見到SOGO大電視, 非常清楚, 都幾震撼, 先叫半打生蠔, 今日係來自塔斯曼尼亞的生蠔, 有大有細隻, 礦物味好濃郁, 真係好抵食, 之後叫了德國咸豬手, 廚師細心的切好晒一件件, 外皮好脆, 有好多筋同骨膠原部份,配了指定的酸蘿蔔絲, 中和膩口感, 還有薯角, 新鮮沙律菜, 好正呀!再叫了個荷蘭大啡菇配黑松露意大利飯, creamy , 黑松露味香, 大啡菇軟淋,  份量都多, 好飽肚。同朋友慢慢食下傾下計, 坐得好舒服。

-𝙊𝙮𝙨𝙩𝙚𝙧 𝙎𝙩𝙖𝙩𝙞𝙤𝙣 𝙓 𝙊𝙮𝙨𝙩𝙞𝙢𝙚 🦪回顧番上星期去左銅鑼灣食Lunch 因為見到網上話有抵食生蠔所以就帶左蘿蔔先生一齊去試下✨Lunch Set ： 而家只要係嗌一個Main 然後加$120就可以食到半打精選靚生蠔拼盤（原價 $218) 🦪精選生蠔拼盤（$120）首先生蠔分別有3個國家產地 每款2隻分別係美國＞韓國＞蘇格蘭味道方面淡至濃係跟上述次序排列3個國家嘅生蠔味道都唔錯3款都係新鮮 又有海水味 當中蘇格蘭係最岩自己口味 易入口👏🥩石燒美國牛板腱（$148）5成熟燒得啱啱好 石板keep 到好熱如果同行朋友食開熟d既牛扒 可以自己煎至自己適合熟度石燒既牛扒特別香 肉質厚實肉味濃🍝白酒香蒜辣椒蜆肉天使麵（$158）蜆肉好鮮甜 而且有淡淡嘅酒香 麵加左小小辣椒增加香味不過唔太食得辣既林芝連都食到所以呢個辣度係非常容易接受到整體黎講 性價比都幾高聽聞佢地仲有10蚊一隻新鮮蠔！另外餐廳有免費自助沙律 餐包 湯 同白飯任裝 唔洗驚唔夠飽~

🔴每日精選生蠔最喜歡這裡每天都會有$10生蠔，今天的是愛爾蘭生蠔，每個肉質尚算肥美，吃下去海水味不會太重而且很creamy，以$10來說性價比超高🤩🟠藍芝士海鮮羽衣甘藍沙拉貪得意叫個藍芝士醬的沙拉來試，強烈建議大家真的要不抗拒才叫，因為藍芝士味很重🙈海鮮的份量算很多，跟藍芝士醬搭在一齊也蠻配的，但是如果整個沙拉能多一點就好，始終現在只有半個碟子的份量🙈🟡超級海鮮 x 辣肉腸Pizza12吋的pizza不算太大，1-2個人吃就差不多了。超級海鮮有魷魚、蜆肉等，沒有想過會跟pizza蠻搭的，配上酸酸甜甜的tomato base很惹味。另外pepperoni跟傳統的不一樣，是用比較大片的辣肉腸每一片pizza上面放一大塊pepperoni，也蠻好吃的。pizza底是cafe常見的曲奇批底，而我就很欣賞這裡選擇用薄批的做法，令曲奇base更香脆，整個pizza又不會太重麵粉感

經愛蠔嘅朋友介紹，話呢度每日都有唔同款嘅生蠔做promotion，只係$10一隻！除咗主打生蠔，重有其他西式食品丶甜品等… 法國蠔 Tatihou (半打) $60特價生蠔今日款式係法國塔蒂蠔，入口味道偏鹹，慢慢滲出淡淡嘅鮮甜味，蠔肉嫩滑，口感爽脆香芒牛油果大蝦沙律 $138賣相唔錯，面層有2隻蝦，之後係芒果粒丶牛油果蓉，底層係沙律菜，仲有車厘茄伴碟，層次分明黃金軟殼蟹扁意粉 $158可揀長通粉丶扁意粉或天使麵，我哋揀咗掛汁嘅扁意粉，淡淡嘅鹹蛋黃醬汁，同脆炸軟殼蟹係好夾的！