西環碼頭 (已結業)

今晚去左新站堅尼地城新海旁嗰邊食海鮮！避風塘炒蟹388已經好耐無食過炒蟹喇，尤其係避風塘炒蟹，餐廳用上彩椒同干蒜豆豉同蔥花爆炒，獲氣不凡，肉蟹肉質肥美，少少微辛，有點刺激感，仲發現有蟹羔tim wow!! 豉椒炒蟶子加蒜蓉粉絲蒸元貝197蟶子超大，挺有睇頭，有“”食“”力，實質係蟶子皇黎，豉椒汁煮得香噴噴，蟶子肉彈牙又不un，汁料濃郁超鮮味！元貝一樣係大隻，蒜蓉炒得香口，配上入味既粉絲，元貝肉質嫩滑，鮮味無窮，特別的豉油，比普通的較淡，卻能更突顯原來的海產味！！綠茶益力多芭菲32好喜歡飲綠茶特飲既我，一見一定要試翻下啦！黎到大大杯，顏色亦幾靚呀！味道都幾重益力多味！綠茶味香但不濃，冰感解渴，兩樣風格不太相同既ya mix 賣一齊，竟然又啱key!!餐廳招呼幾好，員工勤換碟，食物水準也高，價錢合理！

Happy Friday 去左西環搵食去！ 柚子蜜蝦球，一碟的件數認真唔少o耶！黎到竟然係炸蝦球黎？！就有少少失預算，好彩呢個蝦既炸粉唔會厚，熱辣辣咁送入口，蝦肉好彈牙，十分新鮮夾脆，尤其加賣個柚子醬之後，個味格外清甜，完全係大啟發呀，下次做菜，加柚子蜜一匙煮菜原來有咁既效果！！！麻辣口水雞，上台既雞係微暖既，同食開既凍食感覺大不同，汁料以香辣個香佔大部分，辣度就好低，雞味不少，口水汁卻略嫌不夠入味，有點醬肉不交融！芒果益力多芭菲，香芒唔酸，用左甜美成熟既靚芒新鮮打成，同益力多加賣酸酸地咁好有胃口，芒果甜亦中和了益力多的酸，成杯特飲好match，唔會齋甜咁，like it!! 海鮮菜式比非海鮮類做得好，當然啦，游水海鮮，靠海食海嘛，《一字捧》……

食海鮮望全昂船洲大橋,夠哂型啦!今晚同老友黎到西環嘆海鮮,順便傾下聖誕節去旅行的安排.冰鎮咕嚕肉一大盤冰攞上枱,入面有大大舊咕嚕肉,鋪左士多啤梨和藍莓,賣相好有霸氣.咕嚕肉外冷內熱,爽口彈牙,味道好惹味杏片芥茉蝦球芥茉味重又不會太辣,反而更惹味.蝦球大大隻 爽口彈牙杏片鋪在上面 增加香口感覺.2樣菜都大大碟,送飯一流

蒸氣海鮮塔 夠哂霸氣🙌🏻望住昂船洲大橋食海鮮 有風味有味道🙆🏻6頭南非鮑魚 x2日本大元貝 x2蘇格蘭聖子王 x2游水海中蝦 x2新鮮海斑片花蛤王 x4波士頓龍蝦聽到都知好正👍🏻👍🏻海鮮入口鮮甜爽口 非常新鮮, 湯底泡飯吸盡海鮮精華 味道鮮甜惹味☺️唔想去到西貢 流浮山咁遠食海鮮, 近近地西環都係一個唔錯的選擇😉

西環是香港其中一個最早開發的地區,以往交通不算方便來到堅尼地城,看到這間西環碼頭餐廳,平時都見幾多人係到食 今日就約左個朋友一齊去對出係昂船州大橋，睇住呢個海景，心曠神怡冰鎮咕嚕肉：配上士多啤犁果香突出，肉排肥瘦恰宜,食落去爽口，感覺到有層次冰鎮鮑魚仔，洗得夠乾淨，食落去爽口，每一口咬落去都好有感覺蒜蓉粉絲蒸元貝扇貝本身，味道還算鮮甜肉厚，帶子燜得軟, 軟硬程度剛剛好,蒸得很好,食落不會太乾及黏牙,粉絲墊底完全吸收元貝的鮮味紐西蘭聖子蟶子非常大隻，新鮮又無沙, 味道鮮甜，爽口鮮甜.彈牙。杏仁片蝦球：蝦球外表沾裹的杏仁片..炸到金黃酥脆~蝦球彈牙，杏仁片香口，外觀漂亮。

恭碩良有一首歌，名叫《我在機場等船》，詭異莫名；而我今晚，就是《我在碼頭等食》，一聽也叫人摸不著頭腦。當初聽到朋友說去西環碼頭吃飯，還以為是海旁避風塘之類的大牌檔。的確，這家菜館是位於海旁的，不過就不是碼頭或大牌檔，而是一家主打海鮮的中菜館。店面以懷舊風為主調，朱漆色的木桌椅甚有傳統中菜館的風味。旁邊的魚缸養著各式生猛海鮮，透過玻璃也能略窺廚房的面貌。餐牌內提供多款海鮮和小菜，看著魚缸內的海鮮不斷向我們招手，當然要點一些海鮮，另外再加一點小炒和燉湯。避風塘炒蟹($388)：極具大牌檔風味的炒蟹，蟹身和蟹鉗都頗具份量，「鑊氣」充足，蟹肉爽口鮮美。伴隨的炒蒜香口，辣味點到即止，相當醒胃。油鹽水花甲($148)：侍應奉上這道菜時，是用錫紙牢牢包著的，揭開錫紙後濃濃的貝鮮香氣迎面撲來。花甲飽滿大隻沒有砂，奶白色的油鹽水除了充滿花甲的鮮味外，也加入了少量黑椒、蘿蔔和蔥，微辣的味道具暖胃之效，令人不經不覺吃完又吃。芥茉腐皮卷($88)：與平時吃到的腐皮卷大同小異，中間也是各種素菜如紅白蘿蔔絲、木耳絲等，不過配合芥茉醬又有另一番風味。芥茉味不算太嗆鼻，這裡的辣味菜式都不算辣，個人比較喜歡，因為不想辣

自從西環的地鐵站通車後，幾多餐廳在西環都終於等到出頭天。很多人覺得這裡的小店可愛，有那個賣飽賣撻賣左幾十年的茶餐廳，有那個潮州人的飯堂，有幾間精美的cafe ，有幾個走高檔路線的食肆，漸漸起革命，同為西環注入生氣。我最愛由泓都開始從東邊到巴士站的那一些餐廳，bistro du vin ，當然不在話下，呢個係一間城中我最最最最最最最最最最最最(再乘12呀唔該)的餐廳，另外前面的fish and chips 也是我愛不釋手的選擇，最喜歡泊車在這裡，方便無比，特別係好似fish and chips 咁，對住海景，悠然自得，喜歡得要死，呢啲地方溝女真係好，食完行下海邊，睇下個天，望星星可以望到終點在望。其中一間中式餐廳，我成日都好有興趣，不過未有機會食到，難得今晚有食友叫我來晚飯，當然立刻說好，不過星期五的晚上，三個男人的飯聚，似乎浪費過頭，基味十足，但有好野吃，基都照食，至少吃完後菊菊還在安心了。(你唔知菊菊係乜，那麼算吧)這裡是西環碼頭。這裡的餐廳外邊有無敵海景，同女食真係好一流，可惜對的地方遇上不對的人，我突然想起蔡桌妍姐姐同的士陳，唉，隔離又係坐著一對沒交流的情侶，也真是大煞風景。算啦

最近朋友介紹一間有靚海景，又有靚海鮮食嘅好地方，但初頭一聽到西環，心諗咁遠都係咪攪我啦，但睇下佢地址，原來都唔係好難去，而家去呢頭都好方便，可以坐地鐵到堅尼地城站，終於我踏出我第一步，搵食搵到西環。我今晚由牛頭角收工，嚟到都係7點鐘左右，話遠唔遠，同朋友由地鐵站行過嚟都係幾分鐘，行近碼頭果條街又係另一番景象，附近有酒吧，有好多外籍人士。而西環碼頭就位於最近海旁嘅爹核士街轉角位，好容易就見到。門口有幾張戶外枱，門外風景真係幾舒服，有點似我上次喺檳城Gurney Drive嘅環境，吹吹海風，遠望青馬大橋，漁光閃閃，談談心也不錯，又適合帶寵物嘅人士，但今晚都仲係有點熱，我地都係坐返入面有冷氣涼下好啲。 門外有幾個魚缸，海鮮種類都算多，全部明碼實價，豐儉由人，但隨左海鮮都仲有好多其他嘢食嘅。襯住天氣涼返啲，好想食返啲辣嘢同重口味啲嘅嘢食，呢個 避風塘炒蟹真係色香味俱全，侍應一放底碟蟹已經聞到超香嘅炸蒜蓉炸辣椒嘅香味，再仔細睇下配料有蒜頭、蔥、豆豉、乾辣椒、紅、黃燈籠椒，可以想像個香味已經好豐富。火候掌握得剛剛好，你睇隻蟹殼就知炸得幾咁乾脆，你睇隻蟹拑啲肉幾咁肥美，我即刻好衝動咁落手拎住嚟食

朋友放工, 特意過來西環一聚, 吹吹海風後就不知不覺來到這間餐廳, 大概被餐廳的名字吸引了又或被門外的生猛龍蝦拉進去。菜譜所顯示的圖都是美味吸引, 看到眼花瞭亂, 每道海鮮都有不同的烹調方法, 有豉椒的, 清蒸的, 咖喱炒的, 白灼的等等…各式各樣。我們就點了避風塘炒蟹, 話梅孔鴿皇, 杏汁敦白肺湯, 花甲, 聖子, 花酒螺等…..避風塘炒蟹, 一端上來時, 只見一隻肉蟹橫卧在碟上, 十分奪目, 肉蟹很大隻, 蟹蓋很多膏, 蟹鉗很粗壯, 炒得很乾身, 聞起來時, 一股股香辣味直撲鼻蕾, 辣度適中, 蟹肉多. 而且很鮮甜, 蟹膏很香濃, 軟滑, 甘香甜美, 大家都吃得津津有味。杏汁敦白肺湯, 還沒喝已經聞到香濃的杏汁味, 有傳統的菜乾豬肺料之外, 最重要是用杏汁來敦, 杏味汁雖濃,, 但也掩蓋不了菜乾的味道, 很清甜, 足料, 可以看到一大碗豬肺和菜乾, 如果有咳嗽又懶得在家弄豬肺, 可以一嘗這個, 夠滋潤,話梅孔鴿皇, 相信平常吃的乳鴿不是用豉油, 就是炸或鹵水, 而且你會感覺有一股羶味, 但這裏的吃法特別, 有一種話梅的味道, 整隻乳鴿, 甜甜酸酸的, 就算聞也會胃口大增, 這隻乳鴿

自從地鐵開左港島西線, 同貧友o既搵食版圖又可以擴大了第一次行黎哩頭, 原來堅尼地城站出左黎向海旁方向行幾分鐘就到叫西環碼頭, 估唔到真係對住個無敵大海景食店出面其實仲有2張枱不過因為天氣仲熱, 所以我地當然選擇坐入面但個人可能怕熱, 我覺得入面都唔係好夠涼食店隔離有個魚缸一早book左19:30, 黎到已經即刻可以入坐可能係平日關係, 黎到都未坐滿去到20:00先坐滿人坐位全部係卡位坐得都算舒服估下係乜?!油鹽水花甲($148)花甲都幾大隻, 冇沙, 幾鮮甜肉唔會韌, 除左花甲, 仲有白蘿蔔飲左2啖湯, 有花甲的鮮甜味, 幾好飲芥茉腐皮卷($88)腐皮都幾脆口, 芥茉味唔算好重怕辣o既人都食倒話梅乳鴒皇($128)用話梅黎整, 都係第一次食, 幾特別食倒話梅的酸酸地味, 幾清新o者o者芥蘭煲($88)個人本身唔係太鍾意食芥蘭但哩個整得幾好食好入味, 芥蘭冇苦味因為我地又食乳鴿又食花甲侍應見倒我地隻碟滿晒野都會幫我地換碟, 抵讚總結,如果想食海鮮又唔想去西貢鯉魚門屯門咁遠哩度都算唔錯又方便又有靚景

西環碼頭初開張時已很想去,但當時很難訂位,現在通了地鉄方便了，及週邊也開了很多美食店,所以得起心肝星期五那天和友人去了,時間上早所以很多位置選擇， 揀了 一 個 無 敵 海 景 的 位 置，真是心廣神怡 一點也不像在鬧市中， 後來風浪暗湧天色昏暗，下了一埸大雨，我們慢慢的在室内享受美食，室外風雲變色，也沒有所謂。先來一個冰鎮話梅涼瓜,涼瓜索哂話梅的味道，吃時有話梅的甜酸味加上涼瓜少少的苦味,味蕾當堂醒神。松露蝦多士,據店内的阿姐講,很受喜一杯杯中物的人仕用來佐酒,多士炸得很乾身加上蝦很新鮮，一定要趁熱吃，不然很油膩。蜜瓜螺頭湯， 據聞邵爵士非常喜歡此湯， 所以又名爵士湯， 蜜瓜的甜美，螺頭的鮮味盡在此湯中大瀨尿蝦，用避風堂煮法,但価錢颇貴，而蝦的肉不算厚身勝在新鮮。珍珠蛤,是白拾原汁原味，鮮甜無比。龍皇泡脆飯，内有蝦,鮮鱿，白身魚，珊瑚蚌，帶子,有多種海鮮所以湯非常之清甜及鮮味加上炸脆了的飯，吃時很特别脆卜卜又有軟棉棉的飯不知不覺吃多了。 最後奉送糖水，紅棗龍眼糖水，清甜滋潤，

西環沿海一帶進駐不少特色餐廳. 一邊可望着遠處青馬大橋的美景, 一邊享受美食, 實在難得.西環碼頭正位於沿海邊處, 從電車總站步行只須1分鐘, 非常方便.隨意的裝潢, 寬大的座位, 另人坐得輕鬆自在.悶熱的天氣, 點了碟冰鎮涼瓜解暑, 入口清凉爽脆, 話梅的酸又帶點甜, 非常開胃哈蜜瓜燉螺頭湯, 可滋陰潤喉. 湯底鮮甜度十足, 飲後喉嚨感覺滋潤, 連喝三碗黑松露蝦多士, 多士炸得香脆不油不膩, 是佐酒佳餚. 不過黑松露跟蝦多士味道夾夾不入, 有點做作椒鹽懶尿蝦, 件頭比較細小, 可食的肉並不多, 欠缺啖啖肉的口感. 鮮味是有的, 但$298一只似乎貴了點麻辣花螺, 麻麻辣辣的醬汁在喉嚨慢慢起了作用, 越食越起勁. 花螺肉質鮮嫩, 吃到愛不惜手珍珠蛤, 雖然細小但肉質飽滿, 非常鮮美, 原汁原味龍皇泡脆飯, 炸得金黄的爆米倒入泡飯時発出喳喳聲響. 材料豐富口感不錯最後奉送紅棗桂圓茶, 是愛美女仕最好的甜品啊…. 

今天复活节假期，地铁开通到西区差不多一个月，所以就去行下，堅尼地城下车才12点左右，走到海边找东西吃，走过西环码头，一个客人都无，所以都无进去，再向前走，都是西餐，同时也是比较多客人，再走番去西环码头，还是没有客人，算啦，试下啦。地方不大，都是木抬，地方不算清洁，以为一个餐很小，两个人就点了两个餐，其实，一个也可能够。午市一人定食（HK$118，75分）- 原来可一选两个炒菜，加一个青菜，仲有汤同饮品，合理的价钱，食完感觉是物超所值，  - 大澳海山骨   原来是虾酱淹过再炸，好是好在他表面没有其他炸物那么多脆粉，味道很香。  - 姜葱爆牛肉   可能是用蚝水淹过，很特别，牛肉是炒得老了一点。星洲炒米午餐（HK$118，80分）-  以为是普通的星洲炒米，但是绝不普通，虾很新鲜很多少，鸡蛋丝切的很幼，米粉不算辣。两个餐都是跟炒菜- 叫两个套餐，侍应还问介意放到一碟吗？ 最后厨师真的比较用心，炒了两种菜，生菜和白菜，虽然清吵，但不错啊。玉米汤味道比较咸

今日諗住同家人食餐好，見雜誌介紹，就落左去試，落到去就有位，點知問題出現好多，首先叫人落單，伸手成一分鐘都個個叫等等，終於有個疑似老闆娘死肥婆行過嚟落單，咁就問食咩，呢句態度十分差好似同佢有仇咁，咁我就點一個豪餅佢就話呢個菜要等好來，仲同我講你等得就等唔等得就唔好食，我即場火到離埋，新年時候我忍，詳情算啦唔在講，咁我最後就點一煲湯，一條老鼠斑，豉汁炒聖子，蒸元見4隻同一碟炒飯，首先講下煲湯呢到又話有營食府但好重味精，條魚蒸到好老同好多麟片，聖子多沙好咸，元貝多沙，炒飯生米，無樣掂，收費仲唔係平，比錢仲要買難受等於食垃圾無分別，唔洗錢都一定唔會反轉頭，最後對面有個公廁，仲見到一個廚房佬去完廁所唔洗手，真係好唔衛生

有地鐵開通後,去西環方便得多,一場嚟到西環食埋晚飯先回家,隨處逛隨處找,看到這間西環碼頭,門口擺放了很多海鮮,當然不能跟西貢,流浮山相比,個名好得意又可以望住海景食晚飯很特別,就決定入去試試.餐廳裝修很簡單撲實很有風味,主要用深啡色木做主題,配合昔日西環~店員很友善,還介紹電視劇集經常在這附近拍攝.蒜蓉粉絲蒸元貝及紐西蘭聖子,$148有三樣,可自由配搭元貝或聖子.元貝蒸得很好,沒有過老及黏牙,聖子爽口,鮮甜.元貝及聖子真的很大.如果可以再多啲粉絲會更好點了一條星班$288,真的很滑溜,魚汁再配上很鮮味的豉油用來撈飯,簡直絕配超正,幸好沒有叫泡飯,食魚一定要叫白飯係明知,沒法子兩個人的晚飯.因為在場見很多客人都點泡飯,坐在我們鄰桌看到他們的泡飯很香噴噴很吸引,當店員放下一碗炸香了的米放入鍋中,頓時香氣撲鼻還聽到米粒彈跳的聲音(噗落噗落)油鹽水浸花甲簡直很好味,湯底加上少許胡椒粒更加惹味但不會搶走花甲的鮮味.連湯都飲埋,不會令人口乾及口渴.望住海景食晚飯,真好~