諾亞半熟蛋糕專門店 (已結業)

朋友從澳洲來香港探親，當然少不了約我這知己談天說地。知道她好喜愛芝士cake, 想起諾亞的流心芝士，又她從未食過。草莓半熟芝士蛋糕：面上鋪滿新鮮，大大粒草莓及一層Jelly, 以香的草莓加上澳洲芝士忌簾，德國的鮮奶，有機雞蛋製成柔滑淺粉紅色芝士蛋糕，甜度適中，不似傳統芝士cake 硬身，“流心”，有濕潤的口感，有微咸味，有海鹽的味道，清酸香甜，一點也不膩

漫遊中環後，今天還要去深水埗美甲。美甲後，收到家人的短訊說要買蛋糕為家人慶祝。我個人就不太喜歡買連鎖店出品的蛋糕，不是嫌棄成品的機械化，而是蛋糕的款式沒有新鮮感。很久之前已聽聞過諾亞半熟蛋糕這名字，幸好西九龍中心有一分店，就馬上在這裡解決我的需要吧！舖面不大，可看到所有產品，包括蛋糕、泡芙及飲品等等。現今流行法式泡芙Eclair，諾亞也很跟得上潮流呢！香芒半熟芝士蛋糕畢竟我家跟深水埗的距離有點遙遠，幸好店員有安排乾冰放置在蛋糕底，才不至發生什麼問題。離開前，店員還提醒要放在雪櫃內兩日吃完啊！蛋糕盒底層亦放置了一套紙碟及餐叉，不得不讚這餅店的細心體貼。蛋糕分開三層，最上的一層的鮮芒果及啫喱，中層是芒果芝士慕絲，最底層是類似朱古力蛋糕的餅底。鮮芒果很鮮甜加上非常滑的芝士慕絲，配搭得宜。另外餅底沒有太硬的情況出現👍🏻，而且沒有過甜的現象。（我個人很討厭那非常堅硬的餅底，永遠砌蛋糕砌不到底的感覺很差。）蜂蜜薏仁水在Display櫃一樽樽的燈泡外型飲品太吸引眼球，還是點了一樽自私飲。這是沒有用砂糖去沖製這薏仁水，飲下去沒有半點人工化的味道，反而帶點家的感覺。樽底滿是薏仁，對身體有益，要多吃一點啊

之前諗住買個蛋糕同屋企人慶祝母親節，行左幾間餅鋪都睇唔岩啲款，最後媽媽竟然主動話想食諾亞，我就即刻撲過去買，因為驚半熟流心款比人買晒，好好彩都買到個！日式玄米奶茶，自己偷偷地買多左枝奶茶飲，茶味夠香，味道唔會太甜，用左紅茶黎沖製，而底部會有少少日式玄米，飲落去口感一粒粒，飲過後可以留起燈泡造型既玻璃樽，計番都有賺xd整體都唔錯～又到切蛋糕既環節～蛋糕底部依然貼心地有即用餐具同紙碟。芒果半熟芝士蛋糕，芒果果肉佈滿左成個蛋糕面，切既時候蛋糕已經變得軟淋，充滿金黃果肉既蛋糕係你眼前，好有一種幸福既感覺，而媽媽都好開心咁幫佢瘋狂影相。蛋糕分左三層，第一層係芒果同凝固左既啫哩，第二層係芒果味既半熟芝士蛋糕，最底層係咖啡味蛋糕底。充滿香甜既芒果味覺，果肉亦甜得到位，半熟芝士口感軟滑，帶陣陣既芒果清香，完全岩晒我地芒果控既人呀～creamy既口感仍然揮之不去，最中意佢既半熟芝士系列～

諾亞半熟蛋糕專門店我揀左一个香蕉芝士蛋糕，但見到士多啤梨外表都好靚，心亂如麻，但食唔到咁多，唯有下次再試。香蕉芝士食落去好香滑，作為甜品粉絲嘅我，必定試試近期大熱的半熟香蕉芝士蛋糕啦，果然真材實料，芝士嘅濃度和香蕉的酸甜度配合得剛好，蛋糕既香蕉味道濃郁，芝士淡淡散發出黎，加埋底層有薄薄既朱古力蛋糕，口感好豐富，味道好好，下次要試埋其他口味先。另外試左外型特別既薏仁飲品，冇糖，冇防腐劑，非常健康，消暑解渴一流！

熱辣辣的夏天黎到la~昨天上午同朋友出去深水埗睇電腦用品，之後順道過了西九龍逛街。由頂層掃落去地下，收獲也不錯！雖然已經在室內商場逛街，但也會感到又熱又渴。於是上OpenRice搜尋一吓….…看到這間有特式的飲品，還要是燈泡形狀的玻璃瓶好靚呀！但原來這間店鋪比較隱密，我們找了很久才找到！$18 紫貝天葵生楂水雖然味道比較淡，但酸酸甜甜的，也能生津止渴。店員還很細心的提醒我，由於飲品並沒有落防腐劑的，所以只能放在雪櫃兩天，要快快飲用。最後那個燈泡形狀的玻璃瓶，飲完洗淨後，成為了靚靚的花瓶。循環再用！

諾亞半熟蛋糕剛來港既時候人氣非常旺，之後越賣越好，一直開左幾間分店，不過我一直怕要排隊所以都冇特登買黎食，咁啱今日去完深水埗，經過見到冇乜人喎，就停低睇下蛋糕啦。店員見我停低睇，都好友善咁同我介紹有咩蛋糕，有半熟蛋糕、溶心芝士蛋糕同蛋卷等，每一款都好似好好食，搞到我停低諗左好耐哈哈😝最後揀左草莓溶心蛋糕，果日仲有特價好似$159咋，店員係幫我pack起既時候問我要幾耐先番到屋企，原來係為左準備足夠既乾冰比我雪住個蛋糕，又講解下食之前要點處理個蛋糕，真係細心，抵讚😁👍🏻番到屋企急不及待切黎食，原諒我心急影d相不太好哈😝🤓盒面亦有說明介紹蛋糕既食法，入面附有餐具、刀同紙碟，真係欣賞呢d小小既心思。蛋糕面層有士多啤梨同啫喱，而中間當然就係流心既芝士蛋糕啦，底層仲有朱古力蛋糕，材料好豐富，三樣都係我既至愛。😋中間一切開，流心效果真係唔錯！而且芝士蛋糕既口感好輕盈，完全唔會有好膩既感覺，加埋香甜既士多啤梨味，感覺都幾清新，連平時唔鍾意食芝士蛋糕既媽媽都讚好食啊😋

屋企又要慶祝, 屋企人鍾意食芒果, 特別去諾亞買個芒果半熟芝士蛋糕返黎.TOPPING一粒粒呂宋芒果肉再加芒果JELLY, 下層已經係流心, 最底層係CHEESE CAKE.芒果肉粒粒都起碼2CM X 2CM, 芒果肉清甜, 鑲進去芒果JELLY內, JELLY不會搶了芒果肉的味道!下面CHEESE CAKE的芝士味不會太濃, 幾滑而且有淡淡奶香味.整個蛋糕不會太甜, 食半個都無問題!另外買了一支蘋果肉桂蜂蜜特飲, 燈膽形的玻璃瓶, 清香的蘋果味還有淡淡肉桂味, 底部還有2支肉桂仲有少少果肉, 消暑必試!我留番個玻璃瓶, 可以用黎插花呀!

今天和朋友在深水步行街時，經過諾亞半熟蛋糕專門店，聽説這間店的蛋糕幾出名，又底食，自己一向也愛食🧀Cheese🧀，當然過睇睇啦😎店鋪內提供不少款式和口味的蛋糕，店員服務態度主動有禮，還很細心，他們會提供乾冰，和指教蛋糕食法。經過店員長細介紹後，我選購了香蕉芝士流心蛋糕。一切開蛋糕後，金黃色的芝士慢慢地湧出，口感是軟綿綿，入口即溶的感覺，十分好吃。另外，加上香蕉味的蛋糕，令甜味程度更加濃郁。可是，有點兒飽滯。建議多人一起享用。

今日同朋友行街，咁啱經過深水埗，就去到西九龍。差唔多返屋企嘅時候，途經一樓一間店舖，見到佢哋啲芝士蛋糕。適逢就黎母親節，都諗緊送D咩蛋糕俾媽咪，於是就詢問店員，呢度啲蛋糕有啲咩特色。店員就同我介紹，呢度啲蛋糕款式，有分蜂蜜同埋芝士。我就上咗去open rice 度search左，果然非常之出名。於是就二話不說，揀咗一個比利時朱古力芝士蛋糕返去，返到去之後全家人一齊分享。一開嘅時候家人都話個芝士蛋糕冇咩特別就喎，因為相貌平凡只係有一層朱古力溶喺面。一切落去果下就有啲芝士半溶嘅狀態流咗出嚟，於是就食咗第一啖。味道果然同我平時食嘅有好大差別。除咗係半溶狀態，個芝士味道仲十分特別，唔會太過濃郁，亦都唔會太過冇芝士味。恰到好處，個感覺有啲似食緊奶黃包入邊啲流沙咁，會令到人食唔停口，而上面嗰層朱古力甜得來唔會漏，濃得來又唔會苦。總之一個字講晒正。第一次食到啲外表平凡但係令人食過返尋味嘅芝士蛋糕。好快一個蛋糕就俾我哋全家人食哂。連最唔鍾意食蛋糕嘅細佬都食咗兩件。店員仲好窩心地問我需要幾耐時間返到屋企，如果時間耐可準備一啲冰放喺蛋糕隔離。臨走前我仲買咗一支山楂水，因為見到佢外型十分特別好似一個燈泡咁，

今日lunch 偷雞走左去西九龍廣場8樓食飯, 點知食左碗味精粉, 搞到我周身唔舒服! 唔使問我間嘢叫咩名喇, 唔好食既嘢我係唔會寫食評既, 隻字不提!一場黎到西九龍廣場, 梗係要去下呢間咁多人講既蛋糕專門店啦. 蛋糕今次我就冇需要買, 留個機會畀自己下次再黎 , 今次行過只係買左支蜂蜜薏仁水. 開頭係度睇食評以為細細支, 去到見到真身O左咀, 我諗起碼有350ml! 仲要係玻璃樽, 好重!買左我冇即時飲, 因為食完碗粉好飽, 飲唔落, 所以拎左返公司隔左一陣先飲. 話放左一陣其實支嘢都仲係好凍. 一開個樽蓋, 樽口有個膠塞, 開左個膠塞就有得飲. 第一啖飲落去既感覺係... 冇乜味... 又話有蜂蜜既? 我真係飲唔出喎. 薏米水就不嬲都淡味既, 又可能加上支嘢凍啦, 所以飲落真係冇乜味.飲到底食埋D薏米, 反而D薏米有味喎! 但係偏硬, 咁即係話做呢支薏米水既時候佢地基本上只係煲熟左D薏米加少少蜂蜜就入樽, 佢係一支 "飲料", 千奇唔好當係去祛茶咁飲呀 by the way, 個樽好靚, 我會留番佢既 

今天终於有機會試下半熟芝士蛋糕，真的—試難忘！選擇了比利時朱古力半熟芝士蛋糕和紫貝天葵山楂水。樣子甜美和细心的女店員，教我從雪櫃取出蛋糕，待十五分鐘才吃，便有更滑溜的流心效果。蛋糕上層是濃滑的65度比利時朱古力槳，中間是流心芝士配薄薄的朱古力蛋糕餅底。整個蛋糕可説是濃、香且滑，口感豐富而不會太甜和不會有滯的感覺。配上無糖紫貝天葵山楂水，感覺清新、開胃。下次要試試草莓半熟芝士蛋糕！

今日要去細妹屋企開House Warming Party，一於買個蛋糕上去開心share！路經Noah，見到有兩款新品上市，一種係「朱古力半熟布丁蛋糕」($168)，另一款係「蘋果半熟布丁蛋糕」($148)。兩款都想試，見係阿妹咋，一於豪多20皮買個貴野！蛋糕外形走粗獷路線，都幾Raw，面頭係香滑既忌廉同朱古力粉。切開一睇，發現有四層：海綿蛋糕、流心朱古力、布甸、餅底。海綿蛋糕鬆軟，幾香朱古力味；要做到流心朱古力效果，記得食之前要室溫放15分鐘，流心令到蛋糕更濕潤，唔會乾爭爭；布甸好香滑，未試過蛋糕+布甸咁食，好有新鮮感；個餅底都俾到我驚喜，好多蛋糕既餅底都係瑪利餅，但呢個餅底更似butter shortbread，好rich！蛋糕旁邊用合桃綑邊，脆卜卜更添口感。除左蛋糕，我仲買左一樽燈膽飲品。本身我係貪個樽靚，諗住飲完可以留黎放乾花，然後發現飲品種類都幾多：蜂蜜紅豆水、蜂蜜薏仁水、日式玄米奶茶、紫貝天葵山楂水。清清地，就揀紅豆水，估唔到，竟然係無乜甜味，非常清淡，感覺健康；飲到底仲有幾粒紅豆，真材實料。

上次食過這裏的半熟蛋糕,覺得好好味,今次行過見到出了新產品又買個來試試。買咗個朱古力半熟布丁蛋糕,6吋大。 買了支蜂蜜薏米水。當店員幫我包裝的時候,很細心問我會回家要幾耐車程,好為我預備足夠的乾冰。今次沒有生果放在面頭,旁邊有合桃。忌廉望落都幾厚,切落去,朱古力漿就流出來,食一啖,忌廉好滑,裏面的朱古力好creamy ,每一啖都好香朱古力味,朱古力控一定不可錯過,底層那些應該是焦糖,有些硬,但不是太甜。旁邊加了合桃,除了買相無咁單調外,還可沒有單吃朱古力那麼漏。上次沒有買飲品,今次試了蜂蜜薏米水,可以去一去濕。原價18元,現在買了蛋糕只需加8元就可以。店鋪用了燈胆型玻璃樽載著,比用膠樽更放心。 職員告知是沒有落糖的,所以,飲下是很清,飲到少少的蜜糖味,不搶喉,有薏米,好有咬口,容量都好多,飲完好飽

用密實瓶又係環保循環之作玻璃寬口瓶子有個密封蓋，摸上手瓶子的手感佳，提拉米蘇新鮮乳酪製成底層的慕斯風味可口, 慕斯上採用英國皇家消化餅口感佳一層奶油疊一層蓬鬆鬆，味道新穎！奶油滑溜燈泡奶茶,外形爆燈!!奶茶味道不錯,濃濃的茶香, 口感細滑,少少甜,奶味、茶味平衡有序

為左慶祝k小姐生日，特意買左個芒果半熟芝士蛋糕！其實賣相已經唔太討好，比自己整既更肉酸！估唔到味道係非常難食，個芝士餅不但冇芝士，而且應該係用粉溝出黎！味道簡直係差到爆！大家千其唔好再中伏！呢個奶茶係經典！完全冇茶味！飲完都唔知自己飲緊咩！係個瓶子比較特別....太難飲啦