豪隍點心 (已結業)

因為好肚餓既關係快速地點了好幾款點心之前報紙有介紹過D 有特色既中日合璧既鰻魚腸粉固然要試啦熱辣辣好正~ 雖然食唔出一片片甚至係一粒粒既三文魚, 但點埋帶少少芥末既汁就好好味~ 外層好甜, 而且味道有D 奇怪好厚既腸粉更顯得個鰻魚好少(雖然呢個唔洗compare 都係), 食落其實無咩特別蝦餃好大粒、好爽口, 味道幾出眾好大粒蝦, 好足料, 正!!不外如是既菜心, 白灼得爽脆外貌一個波咁幾得意, 但偏硬既馬拉糕瓊晒油同豉汁, 唔知係咪因為天氣凍呢!幾抵食既點心, 雖然款式唔多, 但味道也不錯~

我聽朋友講，佢係尖沙咀試左一間點心餐廳環境幾好，味道亦唔差，而我又鐘意食點心，所以就襯午飯時間「鼠」(‵﹏′) 出去試下。估唔到，俾我發現「驚喜」~!行到厚福街，睇到呢間店鋪門面，還以為係食西餐或食西式糖水，門口既靚女姐姐熱情咁問我試唔試下點心先知原來係我朋友講個間中式點心店。一入到去既感覺，無諗過一間食中式點心既店鋪內裡裝修得咁光猛、寬敞、感覺咁好...可能個時未有人住啦~佢就安排左我同同事二個人坐係四人卡位度。感覺真係好好，個位又舒服。呢個係俾我既第一個「驚喜」。坐低就即刻有人拿張點心紙黎俾我地填，而我仲要同個待應講要「普洱」茶，而個待應就笑住咁同我講：「唔好意思，我地呢度得玄米茶，不過好好飲，你可以試下」，第一次聽食點心用玄米茶，感覺有點奇怪，不過我都試下。茶一黎到，沖出黎，心中不奇然突左一突，心想：「哦~? 乜有米粒既.....?」一開頭以為洗唔乾淨個茶壺，原來係D茶既突別之處。飲落去又真係好突別，好清，好好味~!好啦~入正題~我地二個人，點左個糯米雞 (因為當時我太肚餓)、蝦餃、墨西哥餐飽同埋豬頸肉。先到既係蝦餃同埋糯米雞。第一下黎到，只係覺得的野好新鮮，因為點心都係岩岩蒸出

之前光顧過一次，對豪隍的馬拉糕仲係念念不忘，所以又去試下。下午時間，冇乜人，唔洗等太耐。茶－全部都係玄米茶，　好香。馬拉糕－　有兩種口感，上層係平時食的馬拉糕，下層係黃金糕。以為呢兩種糕唔太夾，但入口之後，真係唔錯。唔太甜，夠特別。三文魚長春卷－　話明係招牌野，當然要試，但三文魚粒又細又少。反而蝦粒又多又大。有Ｄ喧賓奪主。蝦餃／燒賣各2件－　見到個樣就覺得係即叫即蒸，因為蝦好新鮮，皮薄。豬潤腸粉－　用料十足。一夾開腸粉就有豬潤走出來。味道不俗。墨西哥包／鮮竹卷－　不過不失。呢度有卡位，最多可以容納六人。如果得兩個人去，又想坐卡位，係只可以坐一邊。我地今次得兩個人，佢地要我地坐埋一邊。但對面的人走左，佢地都唔拾碗碟。我地叫到第三次，佢地先執，話唔夠人手喎。講係咁講，但我地未食，見住人地食剩的野同我地Ｄ點心咁近，都唔太好受。同第一次幫襯相比，　服務係差左少少。

星期四晚晚上十時找野食,見到新點心鋪,店鋪光猛整齊,和朋友倆入去坐低,點了1)窩蛋牛肉飯2)豬潤腸粉3)鮮竹卷4)春卷5)蝦餃個窩蛋牛肉飯首先登場,上到枱,賣相正常不過,但望真D,點解無煙出的,摸一摸個碗,只是暖的,..........窩蛋暖牛飯上加隻蛋.....點搞呀.....撈起佢....成"PAT"野咁,硬哽下去.再來,豬潤腸粉,朋友二話不說,夾起一半放進口,我問他好不好吃,他說:"好食個個飯"...我又放進口....OK,入到口...我有習慣,會看看野食裡面的東西,第二條我用快子整開中間來看看,一看,,,,,豬潤未熟有血水.....頂.......叫經理過來,話換給我...我話"o仲換....."....最後換左其他腸....其他的東西都沒心經吃,蝦餃上枱時D皮可以爛哂....香港做食肆真係唔會死,人量夠多,一定有人幫襯,,,但都唔係做到咁呀哇.......好彩第二日無柯./..

話說呢兩日係公司睇上黎昅有咩好野食, 見排行榜有呢間朋友仔既出現喎!於是,一早同男朋友講定要黎食喇!!等埋佢放工,拿拿聲碌過黎厚福街..其實之前都有黎厚福街食飯, 仲要係食點心, 都唔知有間咁既野今日發現, 原來佢就係正個間點心鋪對面 = =入面D格局好特別, 一d都唔似食中式野既地方!d茶都好特別, 好食去左食迴轉壽司飲個d綠茶+玄米茶的味道@@入正題! 我地總共叫左8樣野..蝦餃: 皮厚左D, 不過都足料既, 外觀方面問題黎喇, 如果2粒一籠, 可唔可以搵個細少少既籠去載住佢, 咁樣上唔知以為俾人偷食左燒賣: 好大隻蝦係頂..入面D豬肉比較多,有D韌韌地..鳳爪: 一般, 不過不失之選菜苗餃: 餡好食! 但同蝦餃同一個問題, 就係個皮好厚! 好似一層膠GEL左上上面咁!!糯米雞: 都係餡好食! 大廚好有心思咁反傳統, 但始終糯米雞已經好HEAVY既一樣食品, 再加蛋去煎變左食2啖已經好滯口牛肉腸粉: 腸粉都係皮厚左D, 不過D牛肉餡0好香好滑!!腐皮卷: 好大件!! 一黎到嚇親!! 非常足料, 勁大隻蝦做餡, 外皮都好脆!排骨: 呢個唔得!! D排骨好大陣豬氣味**!! 連我男朋友

雖然响灣仔返工，但當日咁啱同同事 V 都响九龍區上完庭後差唔多食 lunch 時間，所以兩個人膽粗粗咁約埋「半蛇王」咁去食早 lunch。同事 V之前話呢間嘢新開食物唔錯，於是就落咗尖沙咀到食 lunch。環境 & 服務去到...真係窒咗窒 - 門面好 grand 好靚，雖然當時應係食 lunch 嘅高峰期，但入面人唔多，心諗肯定係貴嘢，但同事 V 拍心口話唔貴...OK..照入。一入門，幾個近門口嘅待應即時望住咁話歡迎呀、幾多位呀，反應好快。坐底後，待應即時沖茶＞ 放底點心紙（餐牌？）＞ 介紹有咩餐 & 有咩推介食物後，即刻行開比時間你諗食咩，唔會企响到係咁迫你落 order，印象分即時大加~可能裝修得好 grand，所以食客講嘢時都細聲 d，又有好柔和嘅 background music，絕對唔會好似出面食肆咁，嘈到爆。眼見都有唔少食客係情侶 & 疑似「上等人」。感覺好舒服。餐牌嘛...可能新開舖，所以只有一張紙咁比你 tick 食咩。但入面有成三十幾四十樣食物，冇相真係有 d 難揀食咩。都算有心嘅係 - 有 mark 星星果 d = 推介食物。第一次食，當然係穏陣咁食有 mark

一個人食點心，好似食唔到幾多款式，但係見呢間點心舖，裝修幾精緻，不妨一試。豪隍點心位於尖沙咀厚福街中段，招牌光猛，離遠都會被它吸引。門口則放了個易拉架，牆上亦貼有幾張海報，將d招牌點心或呢期推介貼出來，好大張相再加幾句精簡描述，頗有噱頭。一入去，感覺唔錯，全店以白色為主，再加上時下至興嘅灰鏡，感覺時尚，有別於一般點心舖；天花掛上簡單嘅水晶燈，枱用上白色帶紋雲石面配白色木枱腳，櫈則是紫灰色花絨布，很有時代感；牆上仲掛有不少老香港嘅黑白照，黑框裱白，與整間舖嘅色調匹配，雖然簡單，但亦見心思。舖面地下亦見乾淨企理，沿途行入洗手間，需途經廚房，但都非常乾淨，沒有絲毫水漬，確實值得讚賞。見到有客人飲冰鎮奶茶，我又要一杯；size唔算大，係一般酒家用開嘅水杯size，因為用來盛冰嘅碗唔大，亦唔深,，所以冰粒唔多，一啜入口，第一個感覺係唔夠凍，如果可以換嗰大d嘅碗來冰著杯奶茶，相信會凍d，這樣才算得上冰鎮；但呢杯奶茶嘅茶味香濃，入喉後亦有餘香，絕非”行貨”，難得，而且好似用煉奶，非淡奶，亦夠甜滑，係一杯唔錯嘅奶茶。先來脆皮墨西哥义燒飽，上枱時，覺得唔夠熱，只是暖暖的，有d失望；但咬咗一口，墨西哥皮鬆

尖沙咀新興食街厚福街，聽聞開左間點心店，饞嘴嘅我梗係第一時間約埋一班「識食之士」，一行５人浩浩蕩蕩「踩場」！去到已見「入座率」爆滿，可見豪隍點心應該名不虛傳！我地正想入內示意五位，這時店員已醒目地走出來跟我們打招呼，並著我們等一陣，好快有位！大約等了５分鐘左右，就可以入去開餐啦！（店員都係後生仔女，有禮貌、有笑容又有活力，令客人對食肆加分！）店內裝潢簡潔時尚，光猛舒服，既冇一般茶樓的籠統土氣，所見之處亦冇茶漬和食物殘穢，由桌面到座位都乾淨衛生，唔錯唔錯！我地一坐低就拎起點心紙點選心水美食啦！（茶芥只係每位$3，可惜只有普洱，如果可以有多Ｄ茶款就更好！）是次「踩場」，我地一共點左十幾款美食（當中梗係包括埋「豪隍推介」啦）：招牌蝦餃皇、海鮮粒燒賣、豉汁蒸鳳爪、豉汁蒸排骨、鮮竹牛肉球、鮑汁鮮竹卷、韭皇明蝦腸、姜米雞包仔、原隻馬拉糕、鮮菇豬潤腸、鳳爪排骨飯、雞絲脆春卷、潮州蒸粉果、古法馬蹄糕、脆皮叉燒包、鮮蝦腐皮卷、五香鹹水角！（最後雖然個馬拉糕漏左單，不過都冇減我地嘅「戰意」同食慾──因為眼闊肚窄，點左嘅有Ｄ都食唔晒！） 總括黎講上菜時間快、服務好、點心味道都唔錯，當中有幾款令我印象深刻同驚

因為添好運及一點心等店的成功，令坊間興起了點心專門店的熱潮，後繼跟風者更如雨後春筍，環顧各大旺區，不難找到相類似的店子，本月頭途經尖沙咀厚福街時候，發現了這一間新開的點心店，看門口介紹了幾道招牌點心，其中一道墨西哥叉燒包，應是向同類的班霸致敬，記下了地址後，就趁家人有點興緻之時，邀請他們品茗一頓，順道也試其水準。這新店名叫豪隍，當天約十二時光顧入內，看內堂的面積還算寬敞，被配在一張卡位之下，相比起添好運，已坐得頗為舒服。同時間侍應奉上了一壼清茶，看味道應是淡身的烏龍，當知道沒有其他的茶葉選擇，對於視普洱為「例茶」的吾家來說，總有一種若有所失的感覺。這樣的淡茶可收每位三元的茶錢........暫且按下不說，略看一下點餐紙，點心的款式約有四十項上下，數量還不算少，至於價錢則俳迴於十八至廿餘元之間。當天總共點了共十一項東西，除了一至兩款之外，其餘的也是由家人發辦。先來的是招牌的脆皮叉燒包，逐個計算可要六元一件，雖然心知是向人家「致敬」之作，這墨西哥包的奶黃外層，還是呈現鬆化狀，稍嫌碎了一點。再舀開包身之下，內裡的叉燒是大粒的切肉，餡料上可算豐滿，配合適宜的蜜味，雖與添好運比較下仍有距離，下不