賀喜 (雲疊花園商場) (已結業)

見馬鞍山冇乜嘢食，諗住走出大圍會好啲啦，點知中仲晒「伏」😤！今次真係忍唔住要寫一下意見，一個字「中伏」，今日第一次試呢間嘢，首先壽司&刺身唔新鮮，天婦羅唔好食，烏冬正常。當中最意想不到係壽司什錦中既吞拿魚（拖羅）壽司，一上枱我地不禁問服務員呢件係乜野，佢答我係拖羅，我地吓咗一聲，見個顏色咁樣，我就問係咪燒過呀？驚為天人既答案就黎喇⋯⋯服務員回應「我地呢d係新鮮拖羅，唔同其他店急凍果d」。有圖有真相🥵，件唔知咩既魚除咗顏色變咗，仲聞到有d怪味。服務員見到我影果件「壽司」，大概5分鐘後，就行過黎話「如果你覺得件壽司有問題可以幫你換，不過壽司師傅話冇問題架！」。老實說如果你師傅個標準係咁，換另一件又如何呢🥴。呢間野真係離譜到一個點。所以點解話係伏，只要有食過吞拿魚（拖羅）既人就會明白。講完！

不知道是甚麼原因，新界東沒有太多頂級的日本菜，要找高水準的日餐除了去大埔／沙田，大圍也是個不錯的選擇。一直以為大圍的日本菜都集中在同一條路上，幸有好友推薦，轉了個出口反而有新驚喜。位於田心村的賀喜，環境不俗，十足真正的日本小店。見到企理的壽司吧，當然是坐過去看師傅們表演。二人晚餐看著吸引，但胃口有限，就點了個魚生飯。去到陌生食店－點一道魚生飯，就大概了解師傅的刀功、醋飯調味、美感，還有食材的鮮度。眼見日本真蠔價值合宜，又點了一只，滑嫩的蠔肉沒有半絲異味，配上柚子醋和辣蘿蔔是日本正宗食法。沒想到街坊小店藏著如些高水準的貨色，實在是驚喜。魚生飯上桌，最誘人的當然是鮑魚，旁邊有三文魚和油甘魚的魚腩位，輕劃幾刀自己更易感受油脂香。其實我偏愛魚背，但我欣賞師傅把最好給客人的做法。還有我私下要求的一只蟹腳，鮮甜味美，也是佳品。最能知道中價日本餐廳的水準，就是看餐廳的甜蝦。蝦腦（蝦膏）有沒有異味和苦味一放進口中就知道，來貨檔次的差異沒得騙人。坦白說我沒預計這樣的價錢會嚐到好的甜蝦，我把蝦膏放在蝦身上，一放入口中，就是鮮甜，只有鮮甜。真是高水準！帶子也鮮美，貨色也不俗，這個魚生飯絕對物超所值。最後的驚

娘家係大圍田心村附近，一向只知田心村有泰國菜，唔知原來有間日本菜。今晚两口子出街撑枱腳，就試下哩間「賀喜」，結果有D驚喜。餐牌主要係定食。好多款，A到丁。揀左個天婦羅餐。有魚生三色拼，三文魚腩肥美，帶子甜。天婦羅就炸得酥脆。白飯較硬，美中不足。另外加多一個鰻魚星魚飯餐。跟三文魚壽司。鰻魚味道及格。星魚第一次食，肉質比鰻肉較有質感。三文魚同樣肥美，壽司係手搓的。的的色色。意猶未盡，再叫一個白象拨蚌刺身拼盤。時令推介。鲜味十足。整餐飯比預期的好。有驚喜。田心村有錶位，遊車河人士福音。

今晚放工入大圍搵個朋友食晚飯，為咗就佢住沙田所以就專登入嚟新界搵嘢食。經過見到呢間日本料理好似唔錯就入去試吓。吞拿魚、三文魚、活北寄貝同埋鯖魚刺身味道都幾鮮甜。牛舌同埋煙肉帶子串燒係即叫即燒嘅，熱辣辣味道唔錯。芝士焗蠔芝士份量唔算多，主要係沙律醬，同燒蠔一齊食味道都幾夾。土佐豆腐個外皮比較口，外邊嘅木魚絲炸得好香，都富嘅口感幾軟滑，加埋醬汁一齊食，味道唔錯。鵝肝煙肉炒飯，仲有啲蟹肉撈埋一齊炒，味道都唔錯。但感覺鵝肝同煙肉嘅味道唔係太夾，反而蟹肉令到碗飯食落幾清新。

是日與好友到大圍一帶閒逛，大家行行吓見到有間日式的店感覺不錯就入去~~~呢間店的晚餐看上去賣相不錯~~~鱆紅魚刺身，望見一片片薄又切得平均的鱆紅魚，加上放上碟的美感，可以看到師傅的用心，鱆紅魚點醬油入口就感受啖啖新鮮的感覺~~~賀喜時令雜錦魚生丼餐，望見呢個餐的刺身件件都幾厚，飯剛好唔多，食落件件都冇雪藏的感覺~~~呢個餐配炸餃子和味噌湯，餃子熱辣辣幾好食~~~燒河豚乾，食落感覺好似食燒魷魚片咁脆，味道特別過燒魷魚片，最重要係冇鯹味~~~辣味日本黑豚鍋，呢個鍋材料都幾豐富~~~和好友品嚐，好在唔算好辣~~~個餐配赤貝刺身，食落感覺都幾鮮甜~~~鹽燒鮮雞腎，個人覺得夠入口又彈牙~~~食到最好仲有晚餐配埋的糖水，感覺真仔係好飽足=]

同同事去左大圍田心村食 Lunch, 同事最近發現左呢個隱世日本餐廳叫賀喜，外表平平無奇，店內亦唔算大但都坐得舒服的，還有吧枱或普通枱選擇，幾個人被安排四人枱。有多款午餐 Set提供，佢地食就左幾次，我就第一來感覺良好，講翻食物先，快靚正還太滿足。朋友各自揀心水 D set $76已經包左日式蒸蛋6件壽司配豚骨湯烏冬 何其豐富壽司都好新鮮美味！自己想食烏冬所以緊了$68 日本鍋燒烏冬也可選拉麵架，還g配卷物同日式蒸蛋，材料足有蝦天婦羅，雞肉，魚片蟹棒同流心蛋，烏冬有彈性 QQ湯底夠晒味，真係有點驚喜又食得好飽。不得不提他們有個超抵嘅蒲燒鰻魚丼特價由$92 變$52 但每日限賣10個架咋！想食又平又正就記得早點到，賣完就要$92架啦

大圍一帶愈黎愈多食市, 有時間我地都鍾意四圍去試, 今日黎到係雲疊花園下面的日本店~店全只有10張檯左右, 小小的刺身吧, 較簡單LOCAL的裝修~想想不到, 刺身, 壽司, 定食的質數非常高!原條真鯛刺身 - 人工十分好, 每片刺身的厚薄平均, 肉質結實無惺味, 十分新鮮!魚骨還可以放麵豉湯, 一魚兩食!蒲燒鰻魚星鰻丼二重奏(定食) - 一次過食到2種不同的鰻魚, 星鰻係更細條的, 較薄身, 鰻魚是我們一般食到的肥又厚的2款鰻魚口感不同, 不過一樣好味, 個人較喜歡鰻魚, 因為夠曬肥又厚皮, 可以啖啖肉!定食仲有2件三文魚壽司, 好肥美好厚, 油甘味滿分!牛仔骨柚子燒配三色刺身(定食) - 搽上了柚子蜜去燒的牛仔骨更香, 牛仔骨多肉多汁, 配飯一流, 最讚係三色刺身 (三文魚, 蟹鉗及帶子), 三文魚厚切十分肥美, 蟹鉗好鮮味, 帶子非常鮮甜!還有甜品 - 椰汁南瓜西米露, 甜度十分好, 唔係好甜, 大大粒的西米及非常香的椰汁, 好好的ENDING!估唔到呢到的食物好高質數, 可以再ENCORE! 

朋友喺大圍放工，所以夜晚喺度食飯。我地搵到呢間日式小店，佢唔係起大圍食嘢嘅中心，而係起田心村附近屋苑大廈地舖，不過都好容易搵到嘅！去到嘅時候都係得一張枱剩。店舖細細，但係估唔到餐牌有咁多選擇！仲要有三四本menu😂夜晚除咗可以單點之外仲有唔同嘅set，價錢都係百零蚊左右，仲有包一碗味增湯，飯，卷物，同埋甜品！我哋每人嗌左一個set，再嗌多左個魚生。鰝鰺魚薄切 ($280) (1份）平時好少見！好特別。刺身好新鮮，切得夠薄身容易入口，而且仲有好多塊！值得一提個醬料，一個wasibi 另一個酸酸地，調得唔錯，同魚生好夾。日式金蒜牛肉眼 ($182)高質牛肉，有牛肉味，脂肪同肉嘅比例都唔錯，係略嫌有少少熟得滯。金蒜好加分，好香，配飯都得！銀雪魚西京燒 ($145)條魚好嫩好滑，煎得非常唔錯！而且平時嘅銀雪魚成日都有雪味，哩個又無。個人鍾意銀雪魚餐多啲配菜都唔hea wor！卷物好足料，而且仲有鰻魚同埋牛油果，正！甜品以為係楊枝甘露，點知原來係南瓜味😂，正正常常啦！其實仲有好多食物選擇，見到都好多人食刺身，刺身幾新鮮， 下次會再嚟試多啲魚生，天婦羅等等

朋友帶我去食隱世日本菜，哈哈～唔係住開附近都好難會搵到呢間高質日本菜！但其實唔遠，係大圍站行過黎大約10分鐘就到～先黎一個北寄貝刺身，平時好少食，估唔到幾爽口，唔錯！壽司大大件，件件都高質，大讚火炙三文魚，燒一燒，油脂迫晒出黎，正！加拿大海膽鮮甜，一啲都唔會腥！炸物都唔錯，蕃薯、南瓜天婦羅炸粉剛好，脆～厚燒牛舌都要推介，咬落爽口，唔會韌！鹽燒五花腩串都香口，肥瘦適中～再order左個鵝肝煙肉炒飯，份量剛好，用鵝肝炒飯好香，鵝肝油香配煙肉炒飯好夠味，驚喜粟米好清甜！

好朋友生日，梗係要同佢食餐生日飯啦 ！搵一間近鐵路沿線嘅日本餐廳同佢慶一慶祝先！ 呢間「賀喜」位於大圍站附近， 由大圍站行去大概需要七至八分鐘，地點非常方便！入到去，見到見到佢好細心咁分咗三個menu， 一個係main menu， 一個係set menu，另一個係夏日menu！同時，見到有一個好大嘅刺身吧檯! 可見佢嘅刺身item係放咗唔少嘅設備同期望！我知我一定要點刺身同壽司喇！入座後，店員立刻斟杯茶，體貼非常， 而餐具都印埋靚靚logo！襯到絕！ 縞參魚刺身～ 刺身係薄切， 配咗兩個醬汁 ，但實際上佢嘅魚肉本身好甜，變相有三個口味！刀功了得！透到見光！勁！日式金蒜牛肉眼配招牌卷（set）：1. 招牌卷～本身有濃厚嘅鰻魚醬汁 所以我都冇再點豉油，內裡卷住嘅， 就係有咬口嘅蟹子、青瓜……等等，口感一流！2. 金蒜牛肉眼~ 用咗肥瘦參半嘅牛肉肉眼薄切， 有油香，再配上炸過嘅金蒜， 非常香口，送飯一絕！鹽燒鮮雞腎～ 雖然係串燒，但係無燒到乾爭爭嘅感覺！ 雞上保留脆口嘅口感 ，加上「鹽燒」呢個調味，帶起佢嘅鮮味！刺身帶子煙肉燒～ 外層煙肉燒到甘香！ 內裏嘅帶子亦都好嫩，形成外脆內軟！呢款串燒

今次呢間日本料理餐廳位於大圍，雖然店鋪細，但食物種類繁多，有刺身，壽司，卷物，沙律，手卷，魚生飯，串燒等等呢度晚市都有套餐叫，價錢又平，所以我同朋友分別叫左一個set同啲小食。刺身壽司定食，刺身新鮮，入口即溶，而壽司用料新鮮呢啲基本吾講，最緊要壽司飯比例岩岩好 一淡食落去好滿足。日式金蒜牛肉眼配招牌卷，最鍾意呢個肉眼扒，肉質鮮嫩多汁，加上有啲炸左既蒜頭粒配住食，口感一流。雜錦天婦羅，有蔬菜同蝦，即叫即炸，而炸粉又唔會太厚，食得出原本味道，值得推薦。日式炒雜菜，有黑椒味但調味有點單調，整體嚟講有啲dry。香草羊架，中規中矩，羊肉味比較重，但肉質不錯，幾嫩下。跟餐有面豉湯同甜品，甜品系南瓜西米露，食落去南瓜味唔重，而且又唔太甜，味道啱啱好

今日同朋友去大圍食日本野🇯🇵入到餐廳，見到餐廳雖然細但環境幾乾淨周不時會見到佢地清潔周圍環境👍🏻我叫左呢個E餐刺身壽司定食🍣三文魚肉質厚實，好清甜🍣最驚喜係佢個餐附有既鰻魚壽司，壽司餡有我最愛既牛油果非常之甜，推薦大家一試🍣朋友叫左個J餐-日式金蒜牛肉個牛肉唔會煮得熟頭，配埋啲炸蒜，脆卜卜，又香口又有濃厚既牛肉味，值得一試👍🏻去得日本餐廳，當然要叫雜錦天婦羅啦🍤最正係炸蝦又多肉，南瓜同茄子非常好味必試架👍🏻👍🏻👍🏻我地唔夠侯叫左個香草羊架🍗驚喜在佢唔會有羊羶味，燒得嚟唔會太焦唔夠飽既朋友可以叫嚟食👍🏻🤤最後最後我地叫左個日式炒什菜呢盤菜多到我同朋友食唔曬，味道唔會太咸剛剛好👍🏻每個餐都有個甜品-南瓜西米露好特別既甜品，一入口唔會有南瓜渣，入口好滑伴有西米粒粒，一啖一啖咁好快食曬👍🏻

好朋友係大圍地膽，佢推介我一定要黎賀喜食飯今次我就同佢黎試下有幾好食啦！我地點左個2️⃣人dinner set入面有好多野食，其實都幾抵食但因為太大多既關係，我地再點左個象拔蚌刺身真係好好食👅大推呀！象拔蚌好新鮮，入口爽彈，食到有咸香海水味，連朋友都大讚！另外佢既燒三文魚腩🍣真係好正食落好有油香，入口即溶🤤omg!係減肥既大敵呀🥺🥺😈另外天婦羅都唔錯，可以將平平無奇既蔬菜🥬升價十倍！正呀！

又係大圍keke 😚發現日本小店❕❕⚡️#雜錦魚生盛 $268 有七款魚生種類 選擇困難症可以叫呢個🤪 帶子大隻鮮甜🥰🥰 三文魚肥美韓國產海膽比其他魚生遜色ㄱ 帶點腥味 ⚡️鰝鯵魚薄切 $148 半份落單後需要等3-4個字時間 🤭🤭原來係即點即切附上柚子醋汁沾魚生片食 前菜黎講都開胃 魚生油脂十足😻主食叫左⚡️#海鮮湯烏冬 稻庭烏冬幼身麵質順滑😎配料有鮮蝦帶子好豐富 要襯快食 麵泡湯耐過軟🤕🤕🤕⚡️#軟殼蟹天婦羅 炸漿薄香脆 軟殼蟹多肉咬落去爆汁🤤🤤🤤⚡️#豬腩肉串燒 $45/2 pcs不過不失 外皮燒得香口————————————————.💡賀喜 (大圍)大圍田心街雲疊花園商場地下5號舖————————————————

這天吃了下午茶，差不多九時才覺餓，又想吃日本菜，近近的行了去雲疊花園的賀喜。東京雜錦刺身盛(7色) $268三文魚、油甘魚、吞拿魚腩、甜蝦、帶子、八爪魚、海膽，整體來說刺身算新鮮，温度亦剛好。三文魚、油甘魚和吞拿魚腩都夠厚切夠肥美，海膽味道不算濃郁，但口感creamy甘甜無苦澀味；帶子大大件夠厚肉；甜蝦大隻又夠甜。軟殼蟹牛油果反卷 $72軟殼蟹新鮮炸起很香口，但又不會很油膩，反卷捲得夠紮實不易散開，加上熟成度剛好、口感軟滑的牛油果，爽脆青瓜絲，還有粒粒卜卜蟹籽，好味道。日式金蒜牛肉眼 $168份量不少，有約270g，一上桌便聞到陣陣香味。上面鋪滿炸蒜粒很夠蒜味，不過蒜粒有點硬，牛肉眼燒到剛好，口感軟稔不粗糙。鰻魚丼 $108鰻魚算肥美，口感有彈性。鰻魚汁的量恰到好處，味道甜甜。這個價錢能吃到7色刺身拼盤再加幾款食物，也很合理。如果想再經濟點，也有不少套裝可以選擇呢。