賀喜 (美孚新邨) (已結業)

去美孚曼克頓山探朋友，佢邀請我一同食晚飯，問我有乜想食，忽然想食日本菜，佢話帶我去一間附近食開的高質日本菜試試可能朋友帶我過來前的關係有訂位的關係，店員帶我哋坐獨立卡位小食-炸三文魚皮，燒鱈魚乾超香，而且酥脆，彷如食薯片般單點了五款刺身：三文魚-三文魚味重，厚切，而且很肥美藍鰭吞拿魚- 赤身，大大件，魚味濃油甘魚-足滿魚油深海牡丹蝦- 超大隻，肉質超爽，新鮮帆立貝-爽甜，肉厚深海牡丹蝦頭還可以要炸左佢來做送酒小食，香，脆，可以食到蝦膏壽司拼盤-壽司比刺身做得更好，更顯師父手藝，有海膽，北寄貝，甜蝦，油甘魚、帆立貝，三文魚，劍魚腩，藍鰭吞拿魚土佐豆腐-薄薄的外皮令醬汁更易沾上豆腐，而豆腐很滑，豆腐與醬汁的完美結合令人食完想再食最後主食係自家製鯛魚湯手打烏冬，湯的魚味濃，而且真的有塊魚片烏冬就細滑，入口後，啜一聲就呑了甜品-紅豆丸子，熱食，清甜不膩

今日突然口痕想食海膽，又出左糧所以決定豪食。美孚附近落左車，見到荔枝角公園對面有呢間賀喜，店細但有師傅即席切魚生。店員服務都唔錯，坐低叫左個特上雜錦壽司拼盤，有齊哂我想食嘅魚生種類。海膽creamy量多，我最欣賞油甘魚香，係口中留下一陣魚香。三文魚腩肥美同埋爽口蝦壽司。上菜係唔會太趕，傾計係啱嘅！慢慢食先食到珍味！10件份量剛好而且係新鮮飯，感覺係日本立呑店。甜點係南瓜露，個樣似南瓜湯但有清清甜味，好滿足！餐牌好多野揀下次要叫多d朋友分享

成為了美孚居民已經一段日子，在本區內搵美食真係比較難，雖然多餐廳選擇，但質素及味道就比較一般般。今次連同美孚居民一起搵食，我們決定了吃日本料理，在街上走來走去，終於見到一間位於美孚新村第5期的「賀喜」日本料理。餐廳門前有大大個「賀喜」燈飾，非常搶眼，餐廳裝修跟一般日本料理餐廳差不多，只是燈光比較暗一點。前菜點了生蠔是法國黑珍珠來的，體型比較細小，海水味極濃，很新鮮。再來一個烤烘的銀鱈魚干及炸魚片，兩款前菜都十分惹味。刺身是新鮮由日本空運的「日本的紅衫魚」又可稱為金絲鯛，魚質彈牙，魚味濃，鮮甜爽口。魚骨再加工烹煮成豆腐魚湯，湯底清甜，熱騰騰飲後暖笠笠。壽司方面有三文魚腩，梅子油甘魚，池魚王及加拿大海膽，魚生新鮮，魚味重，一口一啖，十分鮮美。串燒有厚燒牛舌，煙韌有嚼勁。鹽燒手羽，皮香肉滑，滋味十足。京蔥及燒日本青椒仔，味道正正常常，沒有令人失望。整體上餐廳食物質素合格，味道不錯，環境舒適，服務態度也很良好，值得再來幫襯。

午餐已經不算便宜，食物質素一般。平民食堂，不入流侍應，求其的食物。飯是日本餐廳的主要食物，生米。拉麵完全不在餐廳級別，半熟蛋是散了，也上給客人，但收費可以係收近百元。真的可以這樣做飲食嗎？真的做到「求求其，Holiday!」

男朋友接放工， 美孚呢一區其實我地就真係唔熟悉，好彩OpenRice就搵到呢間日本菜，六點鐘晚市一開我哋就到啦，得我哋兩個客人哈哈！叫咗兩個餐，一個係刺身定食，一個係三文魚腩定食。另外仲加咗少少刺身，刺身來講都算新鮮，佢嘅漬物都幾好食， 而且價錢都唔算貴，兩個人都只係食咗三百幾。如果刺身嘅種類多啲就更加好啦。總括來講佢係一間性價比唔錯嘅餐廳。大家可以去試試

一直都是我的口袋餐廳 ， 次次都晚餐. 今日第一次食午餐. 叫左個手握壽司餐 77 元 午餐真是抵d 6 件壽司 + 冷麵 （ 可選熱）+ 茶蒸旦 仲有3 款優惠價加錢的小食. 但我沒有+ 怕太飽.覺得咁的價錢 這個質素 性價比是幾高-材料不錯， 最鐘意佢厚切 抵食-價錢定價不錯 ， 午餐最抵玩， 女仔一定飽（女仔我是大食的我認為😎）* 雖然佢唔係超新鮮 ， 但絕對好過好多店 . 推推

服務極差，訂了枱，冇遲到，已經早到10分鐘，竟然説訂滿，在大門口加一張枱給我，那張檯佔了大門一半，如果有人出入是要側身經過，否則會將枱撞倒，簡直當會客不是人，一怒之下走人，永不再光顧！

一直認為還不錯的日本餐廳，今天午餐打破了我的觀念。一款非常普通的滑蛋豬扒飯，只要蛋滑、味偏甜伴著洋蔥和香🍄的香氣，這已屬佳品。但是當吃到這豬扒時，即刻知道師傅的水準，真是嚡得無法下咽。這可能是快餐店的水準，什麼都是用半成品。只要炸一下，即成店內佳品。而不是像日本人的店家，什麼都是要自家製造的。

美孚區既餐廳話多唔多，話少都唔少。如果講到食日本菜，都有幾間選擇，但我就會推介食賀喜！12點3左右黎到，仲未有好多人黎食，同同事分別點左唔同既午市套餐，每個套餐都跟一個茶碗蒸，蒸蛋上枱嗰陣仲係熱辣辣，日式既蒸蛋入面仲有蟹柳、菇及嗚門卷，而且仲好滑，相當唔錯。套餐方面，刺身好新鮮，呢個價錢黎講，真係幾抵食！！我食左限定10份既午餐A , 有6件壽司加一個迷你烏冬同茶碗蒸。壽司好新鮮，係稍嫌海膽比較失色。但烏冬好味。另外同事食午餐C,刺身都好新鮮！

hubby連續幾晚工作至深夜，難得今晚大概八點可放工。適逢我明天出差，不約而同想一齊食番餐好嘅 一 日本菜差不多9點半才到餐廳，雖營業時間至晚上11點，但店內已冇其他食客。hubby做嘢又熱又攰，第一時間叫支冰凍啤酒比佢降温兼減壓。懶得諗嘢嘅我哋，好快就決定叫二人餐，不過我唔食羊，要求店員為我更改，最後由羊架改為同價的燒蝦；另外，餐原有嘅燒茄子售罄，我哋選擇了燒帶子。最後，發現我哋不知不覺間就變咗食海鮮全餐 其實日本嘢只要食材新鮮，好難唔好食埋單仲送咗張$50優惠券下次用

賀喜日本料理餐廳, Lunch時間我哋成班同事由荔枝角行到美孚就係為咗食佢, 中午有套餐食材新鮮價錢平民, 我最常點既就呢個有壽司6件, 由師傅揀選當日最新鮮既食材即時手握壽司, 烏冬很簡單可但味道非常好, 用熬咗好耐既高湯煮的烏冬, 非常滑而且有𡁻口, 日式蒸蛋, 裡面有蟹柳, 瘦肉, 冬菇, 日式魚片, 好滑好味。每次我都提前預約再過來就唔怕無位, 同等候太耐。不過最近食材方面已經有點而退步, 希望多加留意及改善。

一入去鋪仔細細，菜式又不多，以為野食一般，但又唔係喎，又幾好食喎！🤓什錦壽司🍣同什錦刺身丼🍙：刺身夠新鮮、飯不會太硬或太散加拿大海膽：噢賣桔‼️很好味哦！平時食既會有腥味，但今次食，竟然無哦！銀雪魚西京燒🐟：好滑哦😍串燒方面：三文魚腩、鹽燒手羽、鹽燒雞腎、厚燒牛舌～全部都幾好味，咸味都岩岩好👍🏽鰻魚炒飯：就麻麻地，油左啲叉燒拉麵🍜：都只屬一般

今晚老公ot, 我就要食自己，放工返到美孚搵野食，揀左賀喜日本餐廳。佢平時d set 都幾ok, 🍣都幾新鮮。佢見我一人， 安排左我坐bar 枱。佢轉左晚餐menu, 平左少少。佢個招牌牛油果天婦羅大蝦卷都幾好食嫁，但凍冰冰， 我都係想吃火鍋。我揀左-自家製立魚湯海鮮涮涮鍋。個海鮮都幾新鮮嫁，有蠔 蜆 蝦 帶子 立魚個湯底我就略嫌淡咪左少少。我鍾意落晒d菜先，食完菜 慢慢食海鮮！望住店內可愛小擺設打一人邊爐， 拋開一切公司煩惱吧！

今日約左表姐去美孚撐台腳係openrice話呢間係隱世小店12點左右黎到得幾個人以為自己中伏點知坐低無幾耐越來越多人放lunch黎食十二點半一點左右就坐滿曬人了我叫左呢set，有一碗烏冬，蒸蛋同埋兩件壽司🍣全部都唔錯，幾好食，好飽！表姐叫了呢set，仲加左兩件三文魚壽司，魚生好新鮮，表姐食唔曬😂整體黎講，唔錯，只不過服務員的態度一般，一叫三不應

在美孚住左甘耐都唔知道有這家餐廳😅😅反而是無意中在OpenRice看到，見到很多好評就去試下。但OpenRice的地址是錯的😨😨 明明是荔灣道9-11號地鋪(圖書館對面) 卻寫的是蘭秀道24號，害我找了很久，餓死我！同店員反映，佢地話唔知點样更正由得佢😨😨打開Menu見“賀喜限定”Lunchset 有海膽就選左呢個餐，來到發現是三文魚腩更高興所有魚生都很新鮮蒸蛋好滑好多料，加埋大大碗烏冬。成個餐CP好高！以后係美孚近近地，一個人都可以食好野！😋😋