賀喜 (美孚新邨) (已結業)

今日考試完左，大家都想食好d 賀賀佢。 所以訂左賀食。 午餐定食都好多選擇，最後揀左好耐冇食既三文魚定食🤤魚生片好厚身， 成碗魚生飯都好新鮮， 份量好足料， 蒸蛋好滑嫩， 味噌湯唔鹹，飯唔多 , 但一個set 已經好夠飽。 🤤🤤🤤🤤

我在去這店的途中我才知原來我真的不知美孚這麼大。從來沒去過這一邊，這個有點吊腳的地方的這家店真的有【隱世美食】feel.其實他離美孚站三分鐘腳程但真的是識途老馬才知道它呀!午市套餐從62元到百多元不等。店面大约可坐30-40人。坐位蠻舒適的。朋友們點了樱花壽司丼餐，有跟湯和蒸蛋。67元。豬扒丼跟湯，蒸蛋和沙律。豬扒炸得好但要等15分鐘以上我點的是壽司餐跟湯稻庭烏東，還有蒸蛋。72元。 湯烏東湯頭是猪骨湯底，味很優，配滑滑的烏東，很正!蒸蛋很滑，料也多!很赞!沒有將價就貨的感覺!壽司餐的壽司用料很好，很是驚喜!它雖然有點遠但真的可考慮再来。質素超值!這裡那茶也不錯。沒有加一服務費。整體就是大寫的喜出望外!

太好了, 又來到打工仔最開心的Happy Friday啦~所以和同事們食好嘢啦 今次我們選擇了美孚只開業半年多的日本餐廳"賀喜"由於午飯時間都較為人多, 建議先訂座較方便今次我選擇了價值$85"F餐-挪威三文魚海鮮魚生丼", 而魚生飯的材料有:三文魚, 帶子, 甜蝦, 蟹子和玉子。 由於是套餐, 所以都會包麵豉湯以和日式蒸蛋的。先評論食物質數, 三文魚間中有筋但新鮮, 帶子鮮甜, 甜蝦肥美不腥而且大隻, 蟹子及玉子亦可口。 而麵豉湯就較為濃但好油, 味道亦一般; 日式蒸蛋非常好味, 即蒸即食, 夠熱以及蒸蛋內的材料豐富。總結: 先訂位就保證有得食, 魚生新鮮甜美, 但美中不足是三文魚間中有筋位, 而麵豉湯就太油感覺一般, 但日本蒸蛋非常好味值得一試, 價錢合理, 還有包括餐湯,主菜和蒸蛋, 而午飯時間不收加一服務費, 美孚打工們值得一試。

朋友相約附近, 隨便到了這餐廰, 在毫無期望又亮不知這店聲譽下, 就'醫肚'吧不作多想, 翻著餐牌不想思考, 便指著二人晚餐, 點了一個懶人餐了先來蟹籽沙律, 份量不錯, 蟹籽不少, 沙律難得沒出水, 很乾身, 不錯再來刺身拼, 簡單的每人一件, 雖然件件厚切, 有點過份的口感, 但總算在沒期望中可接受的各式魚類及蝦等, 都不錯接著壽司拼, 每款雖然一件, 都是大大件, 縱使太大不正宗, 但街坊食堂的層次, 還可以吧, 反正賣相都ok吧軟殼蟹卷都不差, 內裡的蟹當然脆身, 是剛炸好的, 飯不過份地多, 恰到好處最後還有一人一飯飲的鰻魚飯, 都不過不失吧...整體沒什麼投訴, 很相宜的價錢來做的街坊生意, 這些質數也算驚喜了...

第一次來這間位於美孚的日本餐廳午餐，午餐款式多，而且食材很新鮮。店內標明每日新番食材，在bar枱見到師傅們的細心製作，真的難得，雖然七/八十蚊一份午餐左右，但是值得。唯一是收野太快。其中一個餐每日限定十份，欣賞連蝦頭都炸過一起上菜。其它刺身亦很肥美同新鮮。以這價錢算大件夾抵食。本人較喜歡這個香芒沙律。另外，我們加錢追加三文魚壽司，估唔到飯仔細細但大大塊魚生，超正。唯一不滿意是要支付現金，我們一行七人食左六百幾蚊，不收信用卡，大家要注意。

有質素的日本料理通常都不平宜. 發現這家日本料理餐廳提供出色的午餐定食,平均由60多元至100多元不等, 食物質素算高. 麵豉湯,不過不失,夠熱.蒸蛋很滑,有水準.刺身定食, 有三文魚,油甘魚,蝦刺身等等. 很新鮮, 夠香鮮甜.芒果蟹子沙律, 不好青瓜, 內有大量青瓜絲.肥牛豆腐火鍋定食, 很不錯的一人定食, 肥牛份量剛剛好, 溫泉蛋很滑口,豆腐東菇很滑很鮮.整體很滿意, 不過比較多人幫襯,如果晚了到達食午餐很大機會要等位.

開舖至今都keep住間唔中有黎食下野，因為住呢頭附近。但係近兩三次真係明顯比以前水準下降左！佢都唔係平，黎食唔好味既話真係有少少dum心呀!首先個二人套餐上菜既次序亂晒大龍！首先就直接黎左條煎魚，都算啦，但係佢非常油，未食完佢都已經飲晒杯茶之後再黎埋炸雞先上番個沙律，都ok，無咩問題算係咁！肥牛烏冬就差啲，淡某某，唔係幾好食但好彩佢細細碗好易食得晒食完晒啲野佢先上番壽司同剌身，三文魚 蝦 吞拿魚同蟹子就唔錯! 不過其他就麻麻地喇！

美孚區有數間日本餐廳，賀喜的價格定位屬於較優惠的一間，所以不時和另一半到賀喜醫肚。是晚點了刺身套餐。這裏的刺身套餐比較奇怪，配的是普通熱白飯⋯所以我會選擇另外加錢配刺身飯！賀喜的刺身每次食都覺得新鮮，特別是魚類刺身如三文魚，切得很厚及大件。 小貼士：有不喜歡吃的刺身可嘗試要求轉換其他類的，通常都可以！但侍應的服務質素真的每況愈下！之前開店的師傅及侍應小姐都很有禮貌，但這半年來有些新侍應不但笑容欠奉，而且對客人的態度亦有點欠耐性！希望賀喜的員工有機會看到我及其他食家的評論，作出改進！否則再好的食物質素也不能吸引別人再次光顧。

今次乃小弟第一次因為遇到極不公平待遇兼不良消費手法（回想幫襯咁耐都已經不祇第一次）並打算將今次不愉快個案交“消費者委員會”處理話說今晚趁仲係新正頭大約晚上8點半落呢間“賀喜”吃晚飯事源落單時打算 order 一客壽司套餐大約＄150（有一個烏冬及大概有7-8件壽司，包括1件海膽壽司）但有名比較做得耐之前食已見過佢好多次應該資歷最長久“後生D高DD女侍應” 話賣晒“加拿大海膽”所以嗰件會改為三文魚子壽司佢建議如果想食海膽可以散叫“北海道海膽”味道比較鮮甜咁我聽咗佢推介oooorder 咗一客海::佢即刻落單並報上價錢＄100:::來到此刻情況仍::但半小時後隔離枱來了3位::觀察到應該不是經常來光顧的::但不尋常事情::她們3位竟然同時 order 我頭先打算叫的壽司::意想不到是上菜::嗰3份壽司::上枱的時候3份餐都各有1件海膽壽司::並目測到每件壽司的海::與我剛剛散叫 order （價值＄100）的海膽手卷::即時感到::唔明白點解早到同叫1份就話::（中途又無見過有人送貨入來）但遲來叫3份反而可以有貨唔::所以立即找回那女侍應::佢有走去問::但回來答我：唔::唔清楚……支::

有冇食過熱白飯配刺身拼盤？有冇見過日式定食係散餐上？有冇試過一放低筷子就即刻比單你埋？如果你未試過既話；我誠意邀請你去尼度好好同體驗下！一開始見佢人少少咪入去試下d lunch set, 我地3個人，咁我地嗌左2個北海道刺身定食（set A),同一個挪威三文魚定食（set C)再一次講喇，叫得定食既就算唔比個和盡盤一齊上枱都希望會一齊同時間送晒係你面前呀，結果，等左差唔多10分鐘，首先上左個挪威三文魚飯，再等多5分鐘左右先比個蒸蛋同麵豉湯我地。但跟住再等埋個北海道刺身足足等多10分鐘，要我地催先切好幾舊刺身。好，終於上齊晒，已經用左差唔多30分鐘。味道就。。。一般過一般，係刺身配熱飯超有"驚喜"係我地enjoy既緊時候，我地見到切魚生刺身檔既幾位男師父係度擒高擒低咁搵d乾貨落黎，心諗一個咁講衛生既位置竟然會擺d唔常用既貨，已經驚緊會唔會有塵等污漕野跌落去。係我地討論緊既時候，我地既考慮已經覺得係多餘左，因為我地見到其中一位師父帶住緊切魚生既透明手套去處理岩岩擺最頂角落頭既乾貨！！！之後見佢再搞下d刺身咁，突然我地見到有張$50紙飛下飛下咁，原來個師父拎左張$50比左個侍應 塵，污漕野

 假日的午餐，代表一週的完結，不想迎接星期一的我，星期日當然要過得慢活，所以不會選擇吃快餐。美孚雖是高度密集的住宅區，但餐廳的種類尚算多，幾步路又會找到另一家餐廳。這次來到賀喜吃日本料理，看看餐牌價位算是合理，於是就決定給它一次機會。  接近三點才到達賀喜，已經過了高峰的午餐時段，所以店內人不多，這樣環境比較清幽寧靜，好讓我好好享受這頓午餐。那裡的佈局十分有格調，暗暗的燈光配上日本的緩慢流行曲，給食客的感覺很舒適，吃飯時不會感覺到匆忙。裝潢方面亦找到不少日式風格的特色呢！  坐下之後，服務員隨即端上茶。他們使用的是茶包而不是泡定的綠茶。落一大個茶包的好處是茶葉仍然會留在水杯內，因此茶味會更加濃，解滯能力也可以提高。  自家製滑蛋吉列豬扒定食($65)。這份滑蛋吉列豬扒飯內還有冬菇、洋蔥、紫菜。雖然吉列豬扒外多了一層滑蛋，但亦無減吉列豬扒的香脆；日本米夠大粒有嚼口，濕度亦剛剛好。然而，豬扒的厚度偏薄，假如厚一點應該會更好食。紫菜端上後已經變淋所以有點失色。  食完個飯當然要食埋日式蒸蛋和喝麵豉湯才覺得完美！麵豉湯不過不失，如常地，湯內有豆腐、昆布、葱圈。個人不太喜歡喝麵豉湯，因

聽聞美孚開咗間日本親民小店，決定搵一個閒日嘅晚上同朋友去試一試！步入店內，裝修尚算簡潔亦寬倘，店員好有禮貌，感覺唔差！坐低之後，店員主動過來介紹有咩推介，可能見我哋係生客掛。等野食嚟嘅時候，望下格離枱，留意到店員真係好親切，同顧客都好似好friend咁，有講有笑！我哋一人點咗一個Set，再點多份池魚刺身添！朋友嘅Set B：沖繩豚肉泡菜鍋 + 一客刺生（細）個泡菜鍋好大份，泡菜酸酸辣辣好開胃；仲有豆腐都好香，豆味好重。啲刺生好厚啊，平時出面啲三文魚，都係好薄過種，呢度唔係㗎， 好厚好大片甜蝦如其名，真係好甜；劍魚亦唔腥以百幾蚊嘅價錢有咁嘅質素，真係唔錯！我嘅Set D：什錦魚生定食 + 關東煮 + Miso Soup今次刺身飯多咗帶子同八爪魚，帶子口感帶點爽口，唔似出面食開果啲同埋平時我唔食八爪魚架，但呢度嘅八爪魚好好咬，我咬得開㗎池魚刺身:店主推介，所以要試下 ！入口即溶嘅感覺，朋友一試就愛上了！唔係太腥，我覺得可以！食完之後會問魚骨想炸定放湯，我哋選炸，可以送酒嘛個味okay嘅，個人應為可以再炸脆啲，而家呢個有啲腍同油咗啲啲最後仲有Cheese Cake 食添！但佢嘅locatio

30/4 當時已經是晚上九時, 所以有位是很正常的. 我們還在擔心會不會關門了, 但原來餐廳門貼著收工時間為晚上十一時. 雖然set dinner好像很抵吃, 但老公一如以往不會考慮抵不抵, 只考慮合不合心水. 所以決定散叫. 1) 海膽手卷 : 已經選了日本板海膽, 因加拿大海膽不太合口味. 味道OK. 只是海膽份量太少. 紫菜keep 到頗脆.2) 軟蓋蟹手卷: 熱熱的軟蓋蟹是剛炸好的. 今次份量合理. 紫菜繼續脆. 3) 牡丹蝦刺身: 成幾十蚊一隻架. 不過出面都差不多. 係幾大隻和鮮甜, 的確好食! 食完之後仲問我們個蝦頭打算點整? 可以炸 (免費) 或者煮湯 (加$10). 我們便選了湯. 可以當多一個項目.4) 雞翼申燒和牛舌串燒: 雞翼無乜味, 失色. 牛舌遲遲沒有上, 我們懷疑送錯了或漏單, 所以再催. 之後很快便來了, 但是非常之"un", 失色! 總括是不要叫串燒.5) 叉燒拉麵 : 以防唔夠飽, 都叫了個主食. 都有3片叉燒, 正正常常.最後$321, 即每人$160.  在附近算是走平民路線了. 雖然食物有好有唔好, 不過價錢唔算貴, 街坊街里都可以再來的.

黎到美孚開餐👅店家既位置都相當䕼搵😂😂好彩有google map姐😈😂搵路真係好麻煩LOL#1st 牡丹蝦刺身 $72/2隻評分: 7.5/10大大隻牡丹蝦，蝦身爽口味鮮#2nd 生蠔 $116/2隻評分: 7.5/10大隻蠔，即叫即開，蠔身厚身creamy，大滿足喔#3rd 恍忽魚 $260評分: 7.5/10吾知係未咁寫😂但一定係咁讀🙊好有趣既名🐟店員話依隻魚冬天食先正，於是便決定一試🙊上圖中間紅紅地個舊就係恍忽魚刺身啦👅食落十分有咬勁，而且魚味鮮甜，點上帶酸甜既醬汁，估吾到幾好食#4th 和牛刺身 $338評分: 7/10佈滿雪花既和牛刺身，入口嚐到那油脂既香味❤️入咬未至於入口即溶，反而帶點嚼勁👅配上葱絲一齊食就無咁膩啦#5th 厚燒牛舌 $52評分: 7.5/10薄牛舌食得多，今次食厚切版👅外表燒得微脆，內裏保持多汁外，更保留那煙韌感😍雖價錢吾算平，但特別的#6th 煙肉帶子卷 $45評分: 6.5/10內裏採用帶子刺身，食落鮮甜，外層包上肥肥煙肉👍🏻味道不錯，但未見驚喜

一心想吃友樂亭午餐，專誠不吃早餐，還較正12時即入座，1時前結賬享9折，人算不如天算，今天竟裝修沒午市。拐個彎，試這間從未試過的賀喜，午市菜牌有十多款，由50多元至80多元，吉列豬扒炒烏冬韓式炸雞燒青魚壽司拉麵，大路貨式，款式是不夠友樂亭細緻，寧選刺身套餐。先送來的茶碗蒸蛋，熱辣辣，冬菇雞片魚蛋卷片齊全，蛋也十分滑嫩，佳作。刺身一到，便知賀喜應可再試，午餐三片三文魚厚重肥美，甜蝦是大件頭的，連皮的鰤魚不單不腥，更出奇地豐盈甘香，帶子八爪魚片也十分新鮮，我原本擔心飯太大碗，結局也因刺身味美，三兩下也把飯吃完。比之友樂亭午市薄薄瘦瘦亁乾寒寒酸酸的刺身(特別是三文魚)，這裡的剌身無論是新鮮程度件頭肥美也是大勝。