越一越南牛肉粉專門店 (已結業)

來到越一越南牛肉粉專門店 我當然係食生牛肉湯河粉，每一次食都好食，牛肉粉來到時好像熟了，但你一翻開就見到下面的牛肉是鮮紅的，上層的經熱湯淋熟了，因為牛肉是薄薄的。湯底很鮮的牛肉味，加上有些紫洋蔥圈及另上的肥芽菜，紅辣椒九層塔等，今個湯更香更好味。香茅豬扒湯河亦是不錯，薄薄的豬扒很香 好入味。今日我想讚的是椰汁三色冰，太好味了椰汁濃厚，開邊綠豆硬度啱啱好，吃了一碗粉 加上一杯冰，很滿足。

同朋友係荃灣行街，見到呢間越一就來食個午餐先，見佢價值幾平！因為好早去，所以無咩人坐得好舒服❤️ 呢間座位闊落，傾下避都幾開心！兩個女仔食野梗係share! 叫左一個越式三寶飯，酸辣蝦頭膏扎肉湯檬粉同一d小食！牛油雞翼、春卷同兩杯野飲！一來到仲有小沙律，酸酸地好開胃！ 酸辣檬粉酸辣度啱啱好， 店員仲好貼心問我地怕唔怕辣！女仔都食得嘅程度，檬粉方面我就嫌諗身左少少，個人比較鍾意食硬身彈牙少少的質地，可能撈檬更岩我啦～ 蝦就值得一讚，兩隻蝦都幾大隻，半隻手版到，蝦膏當然就多啦，甘甜味幾舒服入口，蝦肉都彈牙啖啖肉！扎肉口感好好，唔會粉粉諗諗，超正！吸埋湯汁正到喊！越式三寶飯可以一次試多幾種餸！有扎肉、雞翼同豬排！最推薦係牛油雞翼，仲encore左，炸得勁好，唔會話太油，皮炸得薄脆，入面又有肉汁，仲有炸蔥蒜係上面，加埋牛油香夾到絕！扎肉就都係好好食☺️ 豬排就覺得略乾左少少，但分量都係好足，一個男仔食都夠飽🤣隔離伴碟的蕃茄青瓜好refresh, 唔怕食得多炸野油膩，中和下再食！香矛雞翼encore，因為好好食！香矛味好出！必食！岩岩炸起真係無得輸！春卷唔同平時中式酒樓食個種，皮薄唔厚粉，入面料好多

今晚就返嚟荃灣呢邊力生大廈樓下地鋪食越一，同朋友講左好耐好想食越南野，終於約到一齊食！😍😍😍嚟到越一，店員安排我地坐位，成間店鋪都好大，可以容納好多客人，店鋪裝飾方面主要都係以綠色為主，非常貼合越南風味。好喇講返食物方面，首先，我地叫左香葉辣肉碎生菜包$68，超喜歡食生菜包嘅我，覺得肉碎好足料好大份，仲有啲辣椒仔辣辣地好香口，唔會太辣，酸度好適中！生菜有四五塊左右，食完唔夠的話可再問店員refill，呢樣野係非常好，如果俾著其他餐廳就要加錢refill了，呢個值得讚！第二樣就係芒果軟殼蟹米紙卷$62，共有四件，整個米紙卷包得好靚，擺設得好靚，佢個米紙卷入面材料非常多，有蘿蔔絲、粉絲、青瓜、芒果、沙律菜仲有軟殼蟹，呢個米紙卷帶俾我好多驚喜！芒果係完全令成件事加分！軟殼蟹係剛剛炸出來！仲係脆卜卜架！食入口好fresh好多層次！酸酸甜甜正！🤤🤤🤤之後就係我最期待嘅串燒喇👅👅👅佢係有三串（分別係牛柳粒、雞肉、豬肉）再配上沙嗲醬$38。我最中意食牛柳粒，佢唔會燒到全熟，令到肉好硬，佢食落口係入口即融好有牛味，再有串燒烤出嘅味，唔洗點個醬都已經好正！我朋友就中意食雞肉，好嫩口好好味！串燒真係值得一

今日同事約我去吃晚飯，她說常常吃西餐有點悶，不如去吃越南嘢，於是放工後她就帶我去這裏。這間餐廳地方很大，燈光光猛，環境乾淨整齊，坐得舒服。餐牌選擇不少，我們點了炒菜，炒飯，魚，兩款飲品及甜品。菜是馬拉盞炒通菜，賣相很好，菜炒得碧綠，爽口，很有鑊氣，但又不會吃到滿口油。最底有湯的關係，所以浸湯的地方會鹹鹹的，適合我這位重口味的同事，而上面就適合我這個淡口的人，滿足了不同口味的我們。炒飯是大蝦菠蘿炒飯，真的是用半個菠蘿上碟，份量很多，賣相討好。炒飯是炒蛋底，上面有兩隻大蝦，裏面配了一些魷魚及櫻花蝦。大蝦肉質結實，爽口。魷魚煮得剛好，入口不韌。炒飯炒得乾身，很有鑊氣，不太油膩，味道剛好不太鹹，好味。魚是鹽焗烏頭，賣相很好，很大條。上面鋪滿厚厚的鹽，有三塊青檸作裝飾。同事開魚比較有技巧，所以就由她代勞。魚是嫩嫩的，入口有淡淡香茅及辣椒的味味，口感不錯。如果開魚技巧不好，魚就會沾上鹽而非常鹹的。另外要小心吃到辣椒，辣椒很辣呀。飲品方面，我點了椰青。這裏的椰青很大個，水有很多，味道清甜，椰青肉容易挑起，椰肉味道亦很好。同事就點了一罐越南啤酒，她說味道跟普通啤酒差不多，不會特別濃或特別淡，味道可以。

呢間舖頭點解重可以做生意? 上星期五想食個 quick dinner. 點知真係有意外驚喜. 本想跟它的公司反照換來的是(識X).所以本人已經連絡食環署. 各位再去吾去就任隨尊便.

近排日日都要加班，冇時間亦都唔想煮晚餐，所以今晚去左路德圍揾野食越一越南野一直想試，今晚有機會啦估唔食店內環境咁舒服睇睇餐牌, 夠多原化，有湯粉有飯有小食，而且價錢大眾化店內10張枱有8張枱都食湯粉，我今日就食另類野慰勞吓自己先黎個酸辣鳳爪 $56，前菜都竟然咁大碟酸酸辣辣夠哂開胃，不錯的選擇大蝦菠蘿炒飯 $108夠鑊氣，除了大蝦、菠蘿外，仲有腰果、魷魚同埋貌似辣椒嘅櫻花蝦，個菠蘿開得好深，所以可以放到好多飯紅色一點點既起初以為是辣招，但食落又唔辣喎？！後來睇清楚原來係類似櫻花蝦嘅蝦仔嚟㗎，有心思鹽燒烏頭 $98一上枱就好香靑檸味！魚肚內有放青檸等調味料.魚肉鮮嫩店員介紹的鮮果汁，不加水不加糖夠曬天然（我叫的係西瓜汁）$28越南啤酒 $25

This is a well-known Vietnamese restaurant . It is a bit early for dinner so the restaurant not yet full of customers.The waiter and waitress are very polite. They introduced their special dish with nice manner.椰青水～ must order this with acceptable price $36 very big sizeSeafood salad~ the taste is good with sour taste👍🏻Pineapple 🍍 fried rice with octopus and shrimp 🦐 ~ the taste is delicious 😋 Salt baked fish~ very fresh~ it will not be too salty good try the size is big too~ we were very full t

越一越南牛肉粉專門店，目前有3間分店，分別位於九龍區嘅黄大仙，新界區嘅荃灣及粉嶺，有好多朋友吃過，都話好吃又抵食，我當然也唔例外。今日來到荃灣呢間，由MTR行過去僅僅需要5分鐘，實在非常方便。今次叫咗兩個午餐，分别係香茅豬扒湯河粉及香葉辣肉碎煎旦飯，香茅豬扒同湯河係分開上，仲有啲配料例如辣椒粒，芽菜，香葉亦都係分開嘅，我覺得咁樣做真係好好，可以跟番自己口味適當調節，豬扒好入味又有勁香的香茅及蒜片，口感極好，成個餐好perfect。煎蛋飯勁多肉碎，煎蛋又有小小流心，話明係小辣，但我又唔多覺，所以唔吃得辣嘅啱哂。越南小食嘅越一春卷及牛油雞翼僅僅賣12蚊及22蚊，勁抵囉。 而加18及22蚊又可以享用到鮮搾沒有加水的菠蘿汁同埋椰青，又一推介之選。店员推介嘅加配甜品朱古力雪糕及咖啡奶凍令呢餐寫下完美句號。

那天來這間是吃午餐 兩人吃一個豬頸肉飯一個辣鳳爪 薏米水 喜歡這間送餐很快豬頸肉飯跟是我每次必叫的 配搭薏米水感覺上挺健康😂 這裏位置很大午餐來的時候也不會太多人 放飯時間也是很好的選擇

收工約咗朋友喺荃灣食飯，打開openrice搵食，之前就日式、西式都試過，又唔想食茶記，有間叫越一嘅越南菜，於是去試下。離遠就見到間餐廳喺邊，因為啲燈光好sharp。佢間舖好乾淨，同埋燈火通明，都幾多人食。雖然佢係越南牛肉粉專門店，但係我地冇叫到，叫咗小食拼盤，馬拉盞炒通菜，胡椒粉絲大蝦煲，青檸梳打同埋椰汁冰。打頭陣嘅係馬拉盞炒通菜，通菜好碧綠，有少少肉碎同埋辣椒同蒜蓉加埋馬拉盞去炒。本身以為佢會好辣，但係佢唔辣之餘仲好夠味，唔會太鹹，通菜都好爽口，加埋啲肉碎，好惹味。跟住係小食拼盤，佢有四樣嘢，有粉果，蔗蝦，牛油雞翼同埋春卷。蔗蝦有啲似飲酒食嗰啲蟹鉗，但味道唔會好鹹，蝦肉都煎得好金黃，食落好香脆彈牙，食完蝦仲可以咬下啲蔗，一鹹一甜幾得意。粉果好足料，粉果皮都好爽，食落唔會覺得佢個皮好厚，調味唔會好鹹幾清淡，可以調劑一下其他嗰啲煎炸野，因為佢冇煎炸過。雞翼同春卷我冇影到所以呢就冇相啦春卷啲餡同埋粉嗰啲餡其實係一樣只不過做法唔同食但其實有啲相似，佢整到啲餡個質地好似隻蝦咁樣有啲彈牙爽口彈啲餡又同春卷一樣，所以可以話係兩者結合，但係佢啲粉果皮係剪過嘅所以好香脆。而牛油雞翼呢個皮就有啲厚，加

有一排冇食越南野啦,今日興起就同朋友去食。我地都叫左幾多野下,分別叫左個多汁既椰青同埋新鮮榨既菠羅汁,冇加水,仲要係新鮮架,佢個價都幾抵,所以我有問多次係咪真係鮮榨的。因為我都幾抗拒濃縮果汁或罐頭果汁,所以真係驚喜呀!我叫左個胡椒粉絲鍋,小食拼盤同埋通菜馬拉盞。有得食通菜好感動呀,雖然成日在家都會食呢味菜,但佢既煮法有少少唔同,所以好有新鮮感呀。胡椒粉絲鍋多湯汁,粉絲唔會太林唔會好硬,剛剛好,胡椒味好重,有勁多隻蝦,多到嚇親,隻隻都好大隻GOOD呀!小食拼盤好大份,有我最愛既春卷,可用生菜包住佢,有粉皮,有3隻大雞翼,仲有蔗蝦添。真心超飽呀!呢間環境清靜,大家都好專心食野,食物上菜快,可以快食亦都可以慢慢嘆。

星期四晚市時間，嚟到荃灣搵嘢食，行行下見到呢間越南菜門面非常整潔光亮，菜單都幾吸引，即刻入去試試佢😌入到去見到餐廳內部環境都好整齊，然後牆上有一幅越南河畔嘅畫，即時增添咗幾分越南嘅味道👍🏻坐定定就即刻睇睇menu叫嘢食，我發現呢度除咗傳統越南菜式，例如越南河粉，另外都有唔少東南亞菜式可以選擇，選擇非常豐富。我就order咗一碟大蝦菠蘿炒飯、椒鹽軟殼蟹、小吃串燒三串，飲品方面，我同朋友就分別點咗一杯椰汁紅豆冰同埋一碗椰青。兩個飲品同埋小吃就率先上菜，上菜速度非常之快👍🏻值得一讚。三式串燒分別係牛柳粒、豬肉同埋雞肉，沙嗲汁就分開上，分量雖然唔算多，但味道就唔錯，有興趣嘅朋友值得一試👍🏻馬上就上兩碟主菜，分別係椒鹽軟殼蟹同埋大蝦菠蘿飯。軟殼蟹嘅份量比想像中大份，大大盤兩個大男人食都完全夠食，唔似平時食到嘅軟殼蟹咁樣得炸脆嘅殼，呢度嘅軟殼蟹連蟹肉都非常豐富，份量十足，味道就偏辣，好過癮😋非常推薦。另外大蝦菠蘿炒飯一睇賣相就已經好滿意，大蝦味道鮮美，炒飯入面仲有魷魚圈、肉鬆、菠蘿肉同腰果，非常足料、好吃👍🏻最後值得一提嘅係，侍應主動比咗兩隻碗我哋share個炒飯，碗嘅設計係有個握位可以比你用手拎

超滿足既一餐兩個人叫得有D多😂全隻燒春雞 $98無諗過咁大隻仲啖啖肉，四個人食都無問題！髀肉好滑😋，雞皮面有調過味，唔會太濃！越式炒金邊粉 $88好好味👍🏻👍🏻估唔到個金邊粉可以咁煙韌咁好食，仲要用炒個底都唔會好多油，料好足好大份，食完都已經半飽啦😂馬拉盞炒通菜 $58每餐都要有D菜食下先唔會咁油膩，通菜係我最喜歡既菜，用馬拉盞仲香口，冇得輸！不過係個底油左少少😆.兩個人食太超過，不過經過努力只係剩一件雞啫🤣好勵害！其實兩個人半隻燒春雞都夠啦～

見到舖頭 "越一越南牛肉粉專門店" 感覺好吸引，於是就入去幫襯 。越一生牛肉河 $45，味道是否正宗就不得而知 , 因為我始終都未去過越南，冇資格講正唔正宗 ; 但湯底味濃 , 有魚露味 , 亦有辣椒 , 故此也帶點微辛 , 鮮甜都有幾分清香 , 完全晤覺油膩 , 而且食不出有味精 ; 說是生牛河 , 但牛肉不夠生就是事實 , 有牛肉味 , 亦算是腍滑香嫩 , 牛肉跟湯頭的味道都很夾。食越南粉，當然要落埋一啲香草嚟食，鵝帝、金不換、芽菜、蔥花、青檸，真係少咁一樣，都會大失風味，所以食嘅時候一定要全部落曬，先是好味。

越南菜喺大家嘅心目中可能只係得牛油雞翼，生牛河。其實越南菜有好多都同其他東南亞菜好似嘅，都一樣咁好食！今日去開荃灣，心思思想食東南亞菜，見到尼間越式餐廳喺正大街旁邊，都係一個好選擇。餐廳喺正大街旁邊，雖然望住街景，但尚算開揚。餐廳燈光光猛，座位闊落，坐得好舒服。枱凳都係木造，感覺有啲東南亞風味。今次叫咗大蝦菠蘿炒飯，燒大蝦柚子沙律，鹽燒烏頭，菠蘿汁同甘荀汁。果汁係鮮榨嘅，店員話無添加糖，原汁原味。菠蘿汁大家就飲得多，尼度嘅菠蘿汁甜度酸度都啱啱好，又夠冰涼，好好飲！甘荀汁嘅甘荀味好濃，而且好清甜，幾特別👍🏻燒大蝦柚子沙律嘅柚子好多，一梳梳咁，食落好滿足！大蝦燒得好香，肉質彈牙！西芹再加上紫洋蔥再加上酸酸辣辣嘅汁，好有熱帶風情呀！加埋腰果一齊食，口感更豐富！鹽燒烏頭大大條，肉質實淨，冇泥味！燒得熱辣辣，食到停唔到口！大蝦菠蘿炒飯又點少得個菠蘿殻呀😂上面嘅大蝦同頭先嘅大蝦一樣，好彈牙，好好食！炒飯入面有魷魚同粒粒菠蘿，再加上紅蝦仔，好惹味呀！