車仔麵世家

营业中

休息中

這間車仔麵已開了多年，我以前一直也有來，味道也好；直至數年前麵尊開店，我就沒有再來，因為麵尊的質素明顯比他高了數班，不能相提並論。今天下午茶，本來也想著去麵尊的，但剛好麵尊沒有開，又想吃車仔麵，就再來這間。他們下午茶有三餸淨餸，再加一杯凍飲，HKD28.00，價錢 ok，就坐下了。凍檸茶也是那些，其實沒有甚麼特別。我想說的是這個三餸剩餸，我沒有吃過，是這個樣子的：好像是別人吃剩的一樣。如果價錢做不到，我想也不會介意付多一點，但端給客人的，未吃過的，份量之少，好像是別人吃剩一樣，真的是他好意思給我，我也猶疑是否要拿。魚蛋味道也變了，7-11 的四洲魚蛋也好過他。不明白為何會有這麼大的轉變，以前不是這樣子的，即使餸份量少，也可以配多些菜舖面，讓它好看一點吧？這是常識。未知是否轉了手，也看到不是有很多人，如果長此下去，想有生意也難。想和大家分享，別要以為這個世界甚麼人都不聰明，自己做甚麼別人也看不到；其實別人甚麼也看得到，只是不當面說明而已。完全不要來，一次也不要。

  下午茶時間,在食店林立的上環街頭最終選上沒甚名氣,不大起眼的它-車仔麵世家.  店舖小小沒有豪裝坐位不多,但非常乾淨企理;捨劃紙仔點餐方式用回舊式的排隊手指指想食邊樣指邊樣,未食落肚已先添上"回憶"這調味料;老實說選在這裡下午茶純粹貪平,就算不幸中伏也心甘命抵,殊不知遇上隱世高手,這碗車仔麵著實精彩萬分,驚為天人.  點了三餸豬皮魚蛋豬腸配河粉多腩汁+大支可樂,豬皮偏腍夠味有水準;咖喱魚蛋細細粒彈牙爽口,咖喱味不霸道剛剛好,還隱隱帶魚味,單是這一味超班魚蛋如獨立成檔,在銅鑼灣日賣三千粒是起碼;更不得之了是滷水豬腸,望落油亮肥美,食落唔過肥唔韌有咬口入味之極,暫列它為鎮店之寶;下次必試是牛腩,因今次只點了多腩汁,那腩汁香氣濃郁帶稠身,配幼身滑溜河粉居然有點掛湯效果,一碗三餸車仔麵驚喜處處(驚喜到食前冇影到相),肯肯定有下次.  缺點不是沒有,但只屬很個人,頗不喜歡它的名字-車仔麵世家,實在太"行"太娘,我送多兩個字給它,加在世家之前,就是"第一"!!對,在我的排名,它已超越榮記和車品品,名副其實的車仔麵第一世家!!

第4篇食評，估唔到要俾負評 上星期lunch 同同事出去食飯，由於有少少趕時間就隨便入左呢間食車仔面諗住黎個quick lunch…點知咁就中伏啦 呢間野唔算好大，但勝在人流快，大家食完個面就走到有位時，店員忍唔住大鬧我地點解揀咁耐… 入到去坐，我地已經一肚火，諗住快快食完走，點知一食，第一啖我地懷疑自己味蕾，因為就好像食左前日煮左但唔記得放入雪櫃既豆腐味道。後來我地終於搵到源頭，原來係佢既牛腩同佢既"牛腩湯"= =||| 一咬落舊牛腩就有d"忘記放入雪櫃"既汁b出黎，就係佢滲入d湯度令到D湯都有同一陣味我地已經停晒手唔食，諗住飲埋佢個檸檬茶就走，飲料係正常ok既 廚藝唔好，食物可以淡味可以濃味都可以唔好味; 但"忘記保鮮"既味道真係接受唔到，食完番去都有D頂住唔舒服。我地3個人叫左8個唔同既餸，最好味冇變壞既算係白蘿蔔同魷魚…

今日4點係上環見工, 見到5點三, 見仲有時間, 就返公司前搵間餐廳食埋晚飯, 打發下時間先返去。離我見工只有幾步路, 見咁耐無食車仔麵, 係出面企左一陣, 就入去食啦！間店都幾家庭式, 應該係一個家庭開既。其實仲係下午茶餐, 咁我就叫粗麵, 墨魚丸, 貢丸, 時菜(原來係紫菜), 走辣, 清湯底。粗麵恰2野就上碗, 讚, 因為太冧唔好食! 2隻丸都係擺定係蒸籠備用, 食落去味道唔錯, 雖然唔係佢地自己親手整, 重點係個湯底, 佢將成粒丸既味道迫出黎, 食完成碗麵又唔覺得口乾, 證明味精唔多, 係健康既選擇! 佢有沙嗲同麻辣湯底, 驚皮膚敏感, 所以無選。總之, 食麵最緊要係個湯底, 好味得黎又無咩味精先犀利!!!麵(3餸)加熱檸水=$32

因工作需要去上環，記憶中的上環食一個午餐最平都要$40以上(唔計M記/KXC)，本來沒打算在此午餐，但當天因下雨延誤了行程。在街上走過一間又一間餐廳，餐牌多數為$40以上，等待的人也多。此店在路角，當時沒有人在等，看到餐牌價錢，3餸麵配汽水$35，最後我沒要汽水收$32。我點了牛腩/豬腸/雞翼+米線。米線比起譚X連鎖店的分量為少，但由於店員一個個麵煮，所以煮得不太軟，可以入口。牛腩略硬，未夠入味。豬腸入味加上脂肪不多，好吃。雞翼浸在滷水汁已久，一入口骨肉分離，但未能全隻入味。職員很勤奮的收碗收杯。整體來說，$32在上環食到個午餐，味道也不錯。

在上環見完客後想食個快既午餐, 於是就黎到呢間車仔麵世家食個麵環境:細間, 圓枱圓櫈, 冇特別上菜速度: 車仔面三分鐘就有, 算快食物味道:鴨腎, 獅子狗, 雞翼尖粗麵, 獅子狗一般貨色, 鴨腎做得爽口有咬口, 雞翼尖豉油汁適中夠滑, 粗麵一般. 而上面SATAY 醬香濃不太辣, 甜度剛好, 湯底豉油汁, 十分好味.多豉油味但不太咸, 浸落麵度食幾正價錢大慨35 中規中舉

有時候午餐不想吃得太多，但又想吃得夠飽，簡簡單單來一碗麵都足夠了，甚麼麵都不成問題。上次來到上環，當時在下已經吃過飯，恰巧經過就發現了這要上樓梯的車仔麵店，於是盤算著下次是否來吃一個車麵？但沒有了下文。今天再經過這車仔麵店，也問問自己是否上去吃碗麵，心想既然簡簡單單吃碗麵，就上去吧，不用再想。上到去後就發現就有好幾位食客正在排隊叫麵，在下也要排在最後等候。等候其間，店子面積不大，只可容納十多個顧客堂食，幸好店子裡尚有坐位，而且輪候的顧客不多，可以堂食。在廚房裡看著車仔餸直接落單，連飯品也是同時點來。在下的車仔麵有蘿蔔豬皮及魚蛋，加上油麵和芽菜，已經算是十分豐富，簡單的車仔麵就是：蘿蔔夠腍，沒有渣，而且很清甜；豬皮也做得很腍，但久缺了爽口；魚蛋也是彈牙的，有點辛辣；油麵是在下吃車仔麵的時候，是經常會點的麵食。點菜時阿姐問在下是否要辣，在＆要了小辣，所以湯底有點辛辣味道，而湯底不算很濃，而且整碗麵的味道不算是濃味，較為淡口。喝一口熱奶茶，有茶味和甘醇，奶和茶調和得宜，茶中也有滑溜怠覺，味也甘香茶味。其實在上環吃一個車仔麵也只不過是三十多個大洋，已經很化算了。

漫遊上環的午餐本打算來個地道叉燒飯,可是剛遇上午飯繁忙時間,經過門口也嗅到飯香的燒腊飯店坐滿顧客,只好走到不遠處的蘇杭街繼續找尋,結果發現這家幾級樓梯上的車仔麵仍有座位,今天一於吃久沒嘗試的車仔麵。現今流行的剔紙仔點菜這裡就用不上,還是以舊式車仔麵方法,先點麵底再點菜最後付款,還要自己拿麵回座位的傳統流程,這樣好像更有風味,點車仔麵都是要望著一格格餸菜來點才好玩,這也很容易點得過多餸菜;點菜時另一位女孩子問要什麼飲品,原來午市車仔麵附送飲品的,那又比其他要加錢才有飲品化算一點。凍檸茶在口乾的時候最有用處,不單望梅止渴,望凍檸茶也能渴的!當日口乾至連檸檬也未篤已先來一口,原味的紅茶還有點紅茶香但不香濃,茶底也不會令舌頭澀澀的,甜度適中的甜茶在篤檸檬後變成酸甜得宜,寒冷天氣警告下仍來一杯加冰凍飲,只因吃麵後通常會很熱,其他客人更配樽裝汽水哩,更爽!最能飽肚的米粉底真的夠多,幼身米粉達爽口水準,吸湯力後味道不錯; 湯底沒加辣汁故味道不會太特別,加了幾款車仔餸汁後濃度也不太高,此店的車仔餸似乎都是不太濃味的。豬腸是大大圈那種冷凍豬腸炆成,厚厚腸衣層煮得夠淋,裡面尚帶少量肥膏,也沒有什麼豬臊味,

是日媽媽偷懶、曠工，不煮晚飯，所以便繼續「吃盡上環」。第四站依然徘徊在家附近，終於小妹跟家人都較懶惰，又不熟路。之前也有吃過車仔麵世家，覺得真的不錯吃。今天在最後一秒才決定吃車仔麵世家的。一時之間想不起有什麼菜式可供選擇，但經一輪思考和掙扎，便選了五餸：豬腸、芝士腸、豬皮、豬紅和蘿蔔，麵類就選擇幼麵。經歷十多個小時的學習，加上沒吃午飯，肚子已經扁了。食物到來就像餓鬼投胎般，把食物以光速掃光。但也要來個總結的：雖然店鋪來看像地道的日式餐廳，但食物卻港味十足！濃濃的湯雖然是用味道造成，但卻因此，為麵保留著正宗車仔麵的精髓。既然湯是味精造，那當然是不建議飲用，但當中的配料和麵條吸飽味精湯。蘿蔔熟得夠腍，咬下去不會有殘渣，湯汁會從蘿蔔肉中"咇"出來；豬皮、豬腸和豬紅都很新鮮，豬紅結在一沱不會散開來；豬皮爽口彈牙；豬腸厚且乾淨，在洗豬腸時應該花下不少功夫，而且豬腸沒有外面車仔麵檔的那種臭味和尺厚的脂肪。雖然談不上是百份百老港，但是那種風韻仍可透過車仔麵世家拾回部份回憶吧！

第一次到車仔麵世家 第一次寫食評一碗車仔麵看似簡單但是要有質數卻是有些難度這間小店外表並不顯眼有很多次經過也沒去光顧今天終於有機會了叫了豬腸牛膀魚肉春卷烏冬連凍飲和時菜合共31元(烏冬+1元)在中上環區算是便宜呀豬腸好好好好好好食好厚好咬口一食便令肉肉小姐上癮了牛膀不錯不過其實沒什麼特別魚肉春卷炸的跟南記的相比還是喜歡吃南記的魚肉春卷下次應該不會叫了唯一要批評的是食物好像落了很多味精令肉肉小姐很口渴不過因為這裡的豬腸太好吃相信肉肉小姐我短時間來會再來光顧的

好味呀!今日出差經過依間野,外表睇佢有d "和風"的味道 哈哈趕時間的我就諗住入去快快趣趣食個lunch...喜出望外呀...以前以為車仔麵d質素唔妨好,但今日就食到lamlam脷..唔好講笑. d蘿白勁清甜 love it!!牛腩夠林 鍾意食辣的朋友就更加唔可以錯過!!無辣不歡的我 口快快咁叫左多辣 唔聽老闆再三提醒的我 知錯啦!!辣到我都標晒汗..heheee 不過真係幾爽..無諗過依間鋪仔會整得咁用心...平時o係九龍果邊食親d車仔麵都hea hea地 唔趕時間我都唔會食..哈哈..今次真係有surprise~~~題外話 依間野係由老闆同老婆兩口子經營,感覺好sweeeeeeeet又好warm...嘻嘻可惜依度對我黎講遠左dd,都唔知仲有無機會試lu......

今日到車仔麵世家, 叫左油麵, 牛南, 大腸, 东菇, 冻啡湯底濃, 牛南大腸入味, 东菇蘇香, 加上特制的沙爹醬,大大碗, 配冰coffee. 快捷好味, 入到店唔使五分鐘有得食跟老闆閒聊, 方知出身飲食世家, 對飲食什有研究, 所以要求食物要保持高水準但平民化價錢, 好有heart.招呼很好, 座椅枱乾淨, 快捷有水準, 老闆還幫我挮碗麵和飲品上枱.p.s: 老闆個樣成個反町隆史吟, 如果唔講, 真係估唔到佢做飲食的

要介澱粉質, 故沒有叫面底叫了: 生菜, 蘿蔔, 冬菇, 雞翼, 牛腩, 連熱檸水, 共$34.生菜 - 脆口, 但只得一小棵 蘿蔔 - 清甜, 量多, 抵食冬菇 - 好入味, 量一般雞翼 - 雞中翼 & 雞追各一, 入味牛腩 - 奇小, 肥, 食唔出好唔好食, 實在太小食完, 一d都唔飽................一試無妨, 但生記比較抵

這一間車仔麵店幾乎是我每星期總會吃的，lunch $28 三餸 + 一麵和菜 + 飲品；不跟餐更只須 $20自助排隊選購形式，再找坐位，午膳時間好多人，所以最好別一個去，否則好難霸位。這店用心煮食，最簡單的紅腸、午餐肉都煎香過，其他冬菇、雞翼、咖哩魚蛋都好入味。雖然在舖內，但很有小時候街邊車仔麵檔的風味。我最愛咖哩魚蛋、魚肉春卷、冬菇，還要加秘製辣汁，不吃辣也加少少試試，好香。

作為一個上環寫字樓的上班族, 我會選擇平, 靚, 正, 快呢四項原側為我吃午餐o既標準, 現在一碗好味o既車仔麵真係好難求, 唔係D餸唔掂就係湯底唔得, 但最近比我好好彩咁遇上呢間"車仔麵世家", 剛剛裝修好的舖, 整整齊齊, 乾乾淨淨, 始終食車仔麵o既地方你唔會要求佢好似酒店般o既裝修吧! 今日我選擇左我至愛的油麵, 牛根, 雞翼, 咖喱魚旦, 蘿蔔和家鄉雞腳, 每一味都是老闆精心泡制, 尤其以咖喱魚旦最為出色, 加上香濃o既湯底, 同埋老闆特制o既沙爹醬, 太耐冇食過一碗如此認真, 令我咁回味o既車仔麵喇!呢個價錢, 食倒一碗有質數o既車仔麵, 仲要有埋凍飲, 真係好滿足呀!