辣媽川湘私房菜

营业中

休息中

細佬多次推介，今晚做節就一家人試下啦…由於當晚做節，6點半大約等左45分鐘先有位，我地坐卡位都幾舒服同寛闊👍🏻川菜食物種類都幾多，而且味道都不錯，雖然重點食辣，但好多食物都可以揀走辣。碟碟都好有份糧….😝！食到飽飽好滿足清炒萵筍絲 $78哩個菜清炒，但食落幾香幾有鑊氣，同埋好爽口，我一家人好快清曬🤭🤣牙簽羊肉串 $119我平時唔食羊肉都覺得哩個好食，完全冇蘇味嘅羊肉，可能俾啲香料蓋曬啲蘇味，其實有啲似牛肉😂同樣炒得好香，同洋蔥好夾，小炒推介🤪膠原脆皮豬手 $99抵食夾大件，一碟5大舊，每舊皮都脆卜卜，但入面真係冇乜肉食，係全骨膠原，舊舊膠，我自己就鍾意食肉多啲🤭😆酸菜桂花魚 $219餐廳十大推介之一，我地揀左bb辣都有啲辣，酸菜十分多😂，魚好滑，粉絲好入味😋溫馨提示可揀少油少咸，都好夠味🙈

知道呢間酸菜魚喺元朗都好出名，今日終於有機會試酸菜爐魚：原條鱸魚份量多，朋友唔食得辣所以叫咗唔辣，唔辣一樣好食涼拌花甲：醬汁甜甜的，好味道，要來送飯食一流孜然牛肉：牛肉啖啖肉，薯仔亦都浸滿牛香蒜泥白肉涼麵：呢個反而好少，得五舊肉，涼麵四份，但撈埋醬汁食尚算惹味芥辣魚皮：超鍾意呢道涼菜，好味道，魚樣爽滑，芥末有少少攻鼻，但唔影響口感紅糖糍粑：呢樣係我唔鍾意食嘅，但朋友鍾意所以叫咗，雖然脆卜卜，但我始終覺得唔吸引

朋友介紹，食辣嘢就食呢間！見到佢lunch set都唔錯喔！仲有酸菜魚叫添！份酸菜魚好多嘢啊，仲可以揀唔同嘅辣度添！套餐配襪，飯同埋嘢飲真係好第日食到好鬼飽。 見到呢個蒜泥白肉好的，日日第一次見又有麵又有肉嘅蒜泥白肉。如雪泥真係超級多，撈埋啲麵食真係啱啱好。

終於得閒入嚟元朗了。朋友介紹左呢間中意食辣嘢嘅人就啱曬啦。好貪心！兩個人點咗兩個套餐同埋一個小食。酸菜魚套餐，酸菜魚，超大碗，入邊有菜，有份，肉都好多添！酸酸辣辣，好開胃，入邊啲芽菜吸曬啲湯味，真係好正啊！另外一個喺泡椒肥腸真係好少見到啊，咁啱朋友又好鐘意食肥腸，呢個肥腸同啲泡椒喺埋一齊，我嗌咗中辣，真係有啲辣咖！同啲辣椒炒埋一齊真係冇曬油膩感覺越食越開胃啊！仲有見到一個好特色嘅蒜泥白肉真係好少見啊！原來果白玉都有面噶，真係食到我哋飽死啊！

疫情嘅情況下返唔到大陸食川菜，呢間都算幾頂到引，佢好有大陸川菜嘅味道。呢間川菜成日都大排長龍要等好耐🥹，今次醒目一早係apps拎定飛，係車打機到差唔多到先行過去😜◾️酸菜魚🐟個湯係金黃色好濃郁，🐟魚肉好嫩滑，配埋薯粉一齊食啱啱好，因為太鍾意食薯粉所以再另外加咗一份。◾️牙籤羊肉串🐏因為都幾濃味所以無食到臊味，非常香口美味，份量都幾多，因為有好多辣椒🌶️一齊炒，食到最後要細心啲搵返啲羊肉岀嚟。◾️水煮田雞🌶️田雞肉好嫩好滑，份量都好多，同埋田雞都好肥美好多肉，鍋底仲有好多萵筍片，所以都唔使另外叫菜都夠🥬因為唔算好食得辣，所以全部都係叫少麻少辣🌶️全部都覺得啱啱好，完全過足哂川菜引

今日同朋友特登嚟呢度識佢嘅🧡酸菜魚晏晝嚟有套餐食，價錢平，非常親民🍽餐廳環境非常大！所以佢哋都係自動用手機下單！方便大家✨酸菜魚份量夠晒加，而且味道非常好味又特別！肥腸嗌咗個中辣，超級惹味香口蒜泥白肉麵，出邊真係食唔到！賣相吸引又特別！食落去超級涼爽！因為係冷麵底！整體來講值得入嚟食一次！佢哋都好多人排隊！可能因為晏晝食飯嘅關係～下次再入嚟元朗一定會再幫襯多次🤤❤️酸菜魚套餐🧡肥腸💛蒜泥白肉麵

最近又去搵酸菜魚食 去到元朗搵左呢間辣媽試下 呢間有招牌酸菜魚 有多款川菜美食選擇入到去大部分係鮮紅色卡位 坐得很舒適👍🏻🐟酸菜桂花魚 餐牌寫有「強烈推薦」一定要試下今次叫小辣🌶 一上菜聞到香噴噴魚片大塊又嫩滑的 無碎骨配有幼滑粉絲 吸埋d湯味道好正 個湯底唔會太咸 餸飯食一流呀🤤真係要推薦比大家 必食之選😁🐔經典口水雞辣油好香 灑上炒香既芝麻雞嫩滑 浸住辣油 味道很好🍚午餐肉炒飯午餐肉粒煎得好香口 飯粒夠乾身

喜歡吃辣的朋友可以試試有lunch set 小菜 有湯有飯 cp值高當中特別推介酸菜魚 味道濃 酸辣味平衡 魚肉份量多 肉質熟喜歡素食 也可以試試炒豆角夠鑊氣 又夠辣口水雞好味 但份量就比較小

每次經過這一間川菜都很多人排隊，今日得閒就試一試。排隊時間大約等了45mins，雖然等得耐但係絕對值得🤭由於疫情呢幾年都冇得返大陸食酸菜魚這一間絕對可以止渴。酸菜魚必點的份量多而且魚肉的鮮嫩伴隨著酸菜的香氣和口感，味道特別的鮮美。豬手；完全做到皮脆肉亂滿滿骨膠原感水果茶；分量多裏面滿滿的生果。

元朗有好多間川菜餐廳，呢間人氣都算高企，每次晚市經過都見人排緊隊，一於試下推薦菜式。酸菜桂花魚$189/例｜小辣呢度既酸菜魚選用桂花魚，魚肉食落都幾嫩滑，不過有少少骨，食既時間要小心d，味道都夠酸，但唔算好麻辣香口，湯汁偏油膩，寬粉夠煙韌，係厚左少少。例牌大概係半條魚，酸菜魚份量比較少。膠原脆皮豬手$98/5舊必食推介👍🏻豬手炸到外脆內軟，外層佈滿辣椒孜然等香料，少少辣，夠晒香辣惹味，內層食到煙韌有咬口既骨膠原，真係要戴手套用手揸住食，先食得爽快😋整體來講，川菜味道同賣相都算唔錯，特別係豬手，缺點係偏油左d，價錢略貴，同埋walk in要等得比較耐，建議book定比較好。好味：4/5環境：3.5/5客服：3.5/5

我諗住元朗好多人都食過呢一間🤔呢間如果鍾意食重口味既野絕對啱你食🙆🏻‍♀️不過要預咗要排隊😅因為真係幾多人下⋯呢一餐我哋叫咗酸菜魚、乾鍋土豆雞、炸藕餅、炸饅頭、擔擔面👅而飲品就叫左 至尊水果茶，金橘青檸特飲❤️酸菜魚：湯頭味香濃，酸味啱啱好，同埋最緊要啲魚好滑身冇骨👍🏻乾鍋土豆雞：我覺得呢個太油膩，啲雞冇咩特別⋯可以唔使叫😂炸藕餅：啲炸粉唔會過厚，炸得好脆卜卜👍🏻炸饅頭：新鮮炸起，熱辣辣好好食呀🫶🏻擔擔麵：冇咩特別🤭🤭不過啲汁都OK好味🙆🏻‍♀️至尊水果茶❤️成杯都係滿滿嘅生果😂 讚喔❤️金橘青檸特飲：酸酸甜甜幾好味🙌🏻總括嚟講呢間嘢好多都係煎炸嘢，用大量油整既菜式，其實都幾油膩，重口味😂 如果鍾意食清淡少少嘅人絕對唔啱食🫣🫣

今次山長水遠到元朗，朋友話呢間餐廳非常出名嘅左好多分店！咁就要試下佢啦～去到應該因為星期六假期既原因，超！級！多！人！然後發現原來GULU app可以攞飛，早知一早攞定啦 我前面有20 幾個人等緊位。好彩出面準備左好多凳比walk in客等～都等左成45分鐘....因為其中一個frd唔係好食得辣，所以order啲菜色都走辣或者bb辣對於我黎講真係有點難受同失望，品嚐唔到佢真正味道。芥辣魚皮 $59涼菜黎講幾特別，非常值得試！魚皮好有口感，而且唔會腥再加埋芥辣好開胃。酸菜鱸魚 $189魚肉都好滑同份量都多，但酸菜相對比較少。平時會有芽菜的但呢間冇，仲有少量粉絲。湯頭正常冇話好特別，價錢同味道都值得食的。火爆腰花$99因為走左辣既原因所以冇乜色，變左個普通小炒咁。但值得讚既係，一啲異味都冇，處理得好乾淨而且好嫩，非常好送飯！如果加返啲啲辣應該更加好食！手撕包菜 $??呢個應該漏單，差唔多食晒先上到黎....然後完全冇味！係油+菜得味道見佢地好忙原本想cancel算 佢係都要我轉其他菜然後就轉左乾煸四季豆 $69味道都唔錯，都好入味同埋有鑊氣既。但因為都食飽先上所以最後都浪費左總結黎講係正常

成日聽朋友講「辣媽好食！辣媽好食」今次放假特登帶埋鍾意食辣嘢嘅朋友 去淺嘗一下😌 真係無失望喎( ´ ▽ ` )ﾉMenu寫住酸菜魚「非食不可」，咁就真係要嗌嚟試吓啦😚酸菜桂花魚~ 🐟💰$189/例💰$299/條我同朋友兩個人 嗌咗例牌，份量都唔少 仲有粉絲墊底 好飽肚！魚塊好滑冇骨 啱晒我呢啲懶人🤓酸辣啱啱好 忍唔住係咁飲啲湯(⁎⁍̴̛ᴗ⁍̴̛⁎)真係非食不可喎 must try try ~

住元朗的朋友説這間川菜餐廳好好食，今日就專程入元朗試試，餐廳環境寬敞舒適，平日中午時段去到已座無虛席，餐廳用電子落單，十分方便，辣度有不同級數選擇，由走辣到大辣，適合各人口味，十分貼心！酸菜鱸魚飯午市套餐一人份量的酸菜魚，價格超值，魚肉挑選肉多刺少既鮮鱸魚，魚肉切得大片，肉質鮮嫩香滑入味。膠原脆皮豬手外皮炸到脆卜卜，肉質又軟又滑，煙韌彈牙，滿滿的骨膠原，灑上孜然粉十分惹味。芥辣花螺螺肉很彈牙，微微的芥辣味，不會很攻鼻，配青瓜食真的很開胃。蒜泥白肉涼麵腩肉肥瘦分明，包住青瓜片食落口感更豐富，也可解油膩，蒜泥伴涼麵醬汁味道也配搭得很好。椰王燉雞原個椰皇燉雞，湯料很充足，湯底雞味濃郁，散發出淡淡的椰子香，飲得出真材實料。涼拌手撕雞手撕雞皮爽肉滑，配麻辣汁十分香口。至尊健康水果茶整杯水果茶都滿滿水果，有西瓜、橙、士多啤梨、奇異果、熱情果等，味道非常好！粒粒芒果沙冰芒果味濃郁，夏天消暑解渴！

呢間絕對係食辣/重口味人士必試嘅店！餐牌上面好款菜式都想試！水煮魚好味！！魚超滑的！辣得黎又好香❤️入面仲有啲薯粉！份量都好足！口水雞朋友唔係好食得辣，要左少辣咋！我覺得唔夠辣，冇計啦要將就下朋友～雞滑嘅！醬汁係正！蒜泥白肉有啲涼麵拌碟，撈埋醬汁食幾好！蒜泥白肉我朋友就話麻麻，但我就覺得幾好味喎🤔清炒萵筍絲爽口，輕微辣，好食！孜然牛肉超惹味的！！薯仔夾埋牛肉食真係絕配呀！單單係呢個餸我就可以食到兩碗飯！