辣媽川湘私房菜

营业中

休息中

朋友介紹左一段時間今日突登入左元朗去試依間辣媽6點半左右去拎飛，都要等20張飛炸豬手外脆內軟，濃郁孜然香味，要襯熱食蒜泥白肉擺盤精緻，但味道欠逢，得個油🥲酸菜炒肥腸十分入味，非常好送飯，酸菜味適中，肥腸不會有騷味毛血旺有八爪魚，鴨血，午餐肉，寛粉等等味道一般，而且偏油酸菜魚味濃，魚滑無骨，酸菜味道好，夠熱湯底還有粉絲，非常飽肚忍唔住會飲幾啖湯炸饅頭雖然好多地方都有，但依個饅頭係數一數二好食！！熱Laklak, 外脆但內裡非常鬆軟！仲要唔會食完食口油！明明已經好飽，但都食到兩個，十分推薦！依杯水果茶少甜少冰都係恰到好處！所有水果都好新鮮，酸酸甜甜，冰冰涼涼，令到個人好開胃都好解辣4人食左980蚊左右，全部人都好滿足，價錢合理

特登入去元朗去食辣媽，之前係朋友介紹嘅，一試難忘。大概六点鐘等位七點幾先有台，經理話廚師全部都係四川人老闆係香港人，同行有四川嘅小夥伴，一齊試下正唔正宗。芥末魚皮 好好食 四川人都好食到講粗口毛血旺料好足 除咗平時d食材竟然仲有大腸 水煮桂花魚 唔錯下 魚肉嫩滑酸菜鱸魚 十分之驚喜 用炸蒜鋪面淋油 酸蘿蔔酸菜都好正 鱸魚同桂花魚片一樣都係甘滑膠原脆皮豬手好大舊三個人食唔曬 表皮好香脆 入面嫩滑有嚼頭乾鍋脆肥腸好好食 有少少脆卜卜又唔會好辣田雞味道有少少唔夠鹹 肉質嫩滑 賣相同四川差唔多加酒水 人均五百

辣媽湘川私房菜❤️特登揸車入嚟食❤️呢間餐廳食過一次留下深刻嘅印象決定今次再嚟食！椰王燉雞（$59）🥥🐓真正椰皇燉雞，湯料很足，湯亦都不混濁！湯散發出淡淡嘅椰子香，好有濃郁嘅雞味，飲咗少少湯刮埋啲椰肉落嚟一齊食真係好夾，呢個價錢絕對係值酸菜桂花魚小辣（一條$329）🐟🐟🌶🥬唔係講笑個湯真係好好飲，濃濃嘅酸菜味好鮮甜，魚好滑亦都好厚肉，魚頭亦都有炸過，撈粉絲真係一流水煮田雞（$118）🌶🐸🐸田雞唔太新鮮，肉質爭少少，不過個味道真係唔錯撈飯真係好正誘惑香鍋（$169）🐙🦐🐸🥔🥦🧅包羅萬有，魷魚，薯仔，豆皮，花菜，蓮藕，蝦仁，辣汁好惹味，但係味道唔夠濃，但係比出面就到已經好好食芥辣魚皮($59)🐠芥辣味好重，魚皮夠凍，食落爽口，我就俾啲芥辣公道好精神😂芥辣花螺($89)好新鮮，肉質彈牙，辣汁配埋啲青瓜食真係好開胃呀火爆腰花（$99）味道好突出，炒得好有鑊氣，完全冇內臟嘅味道，炒嘅時間亦都拿捏得好好乾煸脆肥腸小辣（$98）肥腸真係脆卜卜，辣又唔會太辣，豬大腸嘅份量都比較多，好啱作為小食或者撈飯都可以扁四季豆（$69）肉碎嘅鹹味同四季豆好夾，雖然鹹咗少少但係有白飯一齊食就啱啱好清炒萵筍絲 （＄78）

平時食開一味泡椒田雞仲要係攞走嘅今次可以坐低試下 6:15攞飛都要成7.0幾分先有枱 下次要再早啲先得 用餐時間個半鐘泡椒田雞即場食仲正 個豬手都係牙籤羊肉冇乜特別油左啲串串蝦非常之油雖然肉爽但唔建議食有驚喜嘅竟然係個炒花甲 係不錯 肉又大粒個人覺得比大排檔好食 😋🙈芒果沙冰好香芒果味 解辣一流整體唔差 但係比較油啲 一次半次冇問題😅

我哋以前介紹好多朋友過嚟呢間餐廳食, 但係一次比一次嘅服務態度差， 裏面啲人做嘢七國咁亂， 唔識做服務性行業就返屋企休息啦， 我以後唔會再介紹其他朋友過嚟呢度食㗎啦。失望

夜晚冇堂食真係好難搞, 知道呢間平時好多人排長龍都要入到去食, 今次就過黎試下佢!😇- 酸菜桂花魚(1條) $324之前食過其他外賣分得好散好多個碗, 但今次呢個2個大碗裝住好方便!酸菜味完全入哂桂花魚, 好好味而且夠滑同埋配料夠多, very good!- 鐵板魷魚鬚 $100呢個對我黎講有的spicy, 不過係正既, 份量亦都好多!- 青椒皮蛋 $53佢唔係黑色個種皮蛋, 係透黃色既, 而蛋黃都好入味- 幹鍋土豆雞 $100雞粒比較少而土豆就起盆都係咁制, 呢個比較低分不過我食完覺得好口渴，應該都幾重味精下😢念在佢地既員工都幾快手同有禮貌, 呢個係加返的分既🙂

🚇今日同朋友過來元朗 佢介紹我吃這間話平時好多人排隊要早啲去6點就到店門口 岩岩好有位 唔使等😁（我們入座沒有多久 後面真係好多人排隊）打開本餐單 突然間覺得是曾相識⋯同之前去吃的”烤魚工坊”好似特飲一模一樣😂本來想吃酸菜魚🐟但見到餐單的水煮手切牛肉🐮好正咁就放棄左酸菜魚 可能期望太大 有啲小失望～牛肉係嫩 但好少好少 配料也少 味道好淡 圖片睇上去好重口味 但其實沒有～吃左個寂寞👉🏻辣子雞丁雞丁好脆 好香 好過水煮肥牛 但也是好少😮‍💨👉🏻午餐肉炒飯真係不如吃個炒飯 仲可以填飽個肚👉🏻金桔青檸特飲之前去‘烤魚工坊’飲過 覺得好飲 今次再叫 味道一模一樣🤣👉🏻擔擔麵好濃的花生醬味 叫俾小朋友吃的 一個小朋友一碗岩岩好 👉🏻黃金炸饅頭唔使多講 炸饅頭+煉奶 有唔好吃的麼 哈哈

今晚約左朋友一行6人做冬去食辣媽，之前黎過但超多人，今次醒目左，6點就到，終於可以唔洗等。店內裝修新淨，衛生都唔錯。但座位編排較密，人多嘅時候有d焗，我食食下都有d不適，但野食真係好食，所以下次我會帶風扇😂食物選擇好多，多d人黎食就可以叫更多野share。我地order左膠原脆皮豬手、辣子雞、酸菜魚、牙簽羊肉串、乾煸脆肥腸、爽口芥末魚皮、蒜泥白肉涼麵、青椒皮蛋、黃金炸饅頭、水煮手切肥牛。 膠原脆皮豬手，外皮係勁香孜然味嘅脆卜卜皮，入面係又軟又滑嘅質感，骨膠原好豐富，煙韌彈牙。 辣子雞，辣而不猛、香味濃郁，我地呢dBB級辣都能夠食到。雞粒外脆內嫰，麻辣中透出鮮香，係肉嘅份量唔算多，最尾大家唔夠喉，努力喺辣椒堆中尋寶。 酸菜魚，湯頭味香濃，酸辣度剛好，魚片夠滑溜，肉質鮮嫰。 牙簽羊肉串，羊肉大小、肥瘦適中，肉質比其他肉細嫰，肉味濃但唔會太重羊羶味。陣陣孜然嘅香味，配以大量乾辣椒，非常惹味。 爽口芥末魚皮，好似食緊海蜇咁，非常爽口又好滑。芥末味濃帶點攻鼻帶點辣，但好正，食完好開胃。 蒜泥白肉涼麵，腩肉肥瘦分明，再包住青瓜絲，食落更有咬口，青瓜絲亦發揮得好好，提升腩肉層次之餘亦帶走油膩感，再加

聽講辣媽都係元朗名物之一2013到現在 致力於追求還原四川味 試一試佢個酸菜桂花魚Boiled fish fillet with pickled vegetables $299 魚滑 個魚湯都唔油飲得 底有蘿蔔 粉絲 索哂啲湯汁😋酸菜反而一般 整體來講都推薦大家可以食 晚餐時間人特別多 大家可以早點去 早點食千祈唔好以為辣媽只有辣野好食呢個炸饅頭 大家行過路過都千其唔好錯過 勁新鮮 無油溢味 勁好食 忍唔住要食哂😋Deep-fried bun $49 only @ 6pcs至於重慶辣子雞 我就不太推薦因為骨多過肉 而且好乾身但就香口都夠辣 配啤酒吃尚可接受Deep-Fried diced chicken with dried chili $119

等位等佐個半小時，差不多兩個小時、禮拜要去食既要早小小去等位.落單時叫服務員少鹽啦，但都超鹹、希望店家可以同廚師反映一下，酸菜魚有小小腥、豬大腸炸到好脆，粉絲好吃，

每次都一定係要試勁爆骨膠原蛋白BB豬手p(^_^)q，外脆內軟，勁多骨膠原蛋白同埋係夠晒淋，一份有5隻 另外值得一試就係水煮桂花魚同酸菜桂花魚 超級足料 真係唔會有魚骨，勁滑香口 有得選擇辣度(⁎⁍̴̛ᴗ⁍̴̛⁎)今次叫菜～炒菜心仲有豬油渣係面，完全係無得彈 都係脆卜卜 ^ω^好香口同埋雖然每次都很多人食 但職員服務態度真係好好~\(≧▽≦)/~P.S如果想食真係要早少少去↖(^ω^)↗，每日都見到門口排長龍，9點幾都仲見到( ・∇・)

之前食細鋪 依家搬咗大舖 裝修靚咗 坐位闊落咗晏晝兩點幾去到 都要等5張飛食物：全部嗌咗中辣 好惹味🔥🔥小炒肉好足料 多肉唔會大部分都係辣椒 ✅會提供常溫水 但中途頂唔順都嗌咗杯芒果沙冰 解辣一流😙

每次去親元朗必定諗起辣媽🔥買完貓糧🙂就去立刻食辣媽🙃次次去到都要等一等位🤪太多人食喇😂😂好在今次等左十幾分鐘就到我地😊脆皮膠原豬手 必食！趁熱食脆卜卜永冇失手羊肉串 好入味又夠惹味，少辣都好正！口水雞 之前好欣賞佢嗰醬，但今次麻麻地，唔系好夠味。干煸四季豆 叫左套餐系細碟d不過d肉碎好正又辣辣地，好開胃呀飲品！凍檸茶。比正常嘅大杯d，所以都ok服務Ok 。冇特別。系大聲d 姐🤣🤣去元朗食辣野不二之選🔥🔥🔥🔥🔥

好少俾咁差嘅劣評，實在覺得太差，不管食物定服務什至衛生狀況！！！星期六晚市等左個半鐘位，仲要係同佢哋理論完先有枱，識嘅入先？係咪當門口嘅人傻㗎？！！！坐底張台有層油嘅！！張枱好似未抺過咁！！！！真心吊左聲出黎！！！！自己抺枱係咩玩法！！！！再黎落完單再等40分鐘先有野食到！！飛轉四川再返黎都夠時間啦！！呢間咁嘅垃圾不可一不可再！！！！野食。。。。咁嘅過程好食到識飛都無用啦！！何況真係唔係吹到咁好食囉！！

我已經食左好多次，有2樣野係「必食」，就係豬手 & 豬油渣炒菜心，好食到不得之了。所以留言話俾大家知。另外，小朋友最鍾意食羊肉串，串串蝦「串串蝦價錢偏貴，但的確好食」😋😋