迎‧潮 (已結業)

每年的新年,兩家的一聚。在我暗中指示下,棄舊意;「迎」新意。估不到除食物滿意外,環境也給大家驚喜。雖是掛著20樓的樓層,但景觀如幾十樓,很開陽!稻香集團,來來去去也差不多,但「迎」的點心,確是走新派意念!好像脆網紅米卷,紅米皮煙韌,脆網夠脆,是炸兩的升級版。山葵炸腸粉,把腸粉炸後再加wasabi沙律醬,不攻鼻。想不到無文無味的齋腸可以變得咁interesting!鮑汁金蠔炆E麵,不油膩,而且每條麵也沾滿鮑汁,正!中意煎薄撐,少許芝士味+蛋香。味道受到,身於中式酒樓,口裡卻是pizza西式口味,的不歉調,怪怪。糖醋麵,煎得夠脆,沒鹼水味,是我我favour。福建炒飯,米飯甜甜地,個汁很企理。碟頭較細。整體味道很不錯,屬淡少少,對健康來說,也是好事啊!

‘迎’位於the one20樓，是日坐在落地玻璃窗旁，飽覽維港美景。是的，有好風景，心境都會有點不同，點心都可多吃兩件。而且是日為慶祝公司某計劃營運一週年，這頓飯是由老闆作東的，心情當然好呢。‘迎’的環境好，晚飯經常被人包場，是次午飯時近兩點半，服務員已忙於為晚上的活動佈置，排出多張麻雀枱，換去小舞台的背景字眼等，很忙啊！而就這麼一頓飯，發現坐於身旁的盡是貴氣的太太們，看到她們說話的樣子，就知一定是訴說著一些閒話了^^‘迎’是稻香旗下的酒樓，食物都有一定水準。例如：鮑汁鳳爪，又入味又夠 ‘淋’，仲有幾片肉，不知是否用以調汁的。餃類如蝦餃、菜餃、菇餃等，皮很薄，裡面的涵又夠多，最重要係有汁，又不會過多，這非常難得啊。可是素米粉便有點失色了，簡單說是 ‘料’太單調，只有菇類，但上湯又過鹹，因此吃一碗都覺得too much。最後，當然是甜品的世界，糯米飯、楊枝甘露、芝麻糊和焦糖香蕉燉蛋。同事話出面食過焦糖香蕉燉蛋這麼特別的甜品，所以一定要試一試，我說：我都未見過有拉左花既芝麻糊，所以一定要試。芝麻糊是自家磨制的，因此是不濃不淡剛剛好，而且加個椰汁拉花，混合起來更加別有一番味道。糯米飯也是心水

星期日,來到"THE ONE" 飲茶. 中午12點,人流不多,不用等位.這裡地方不大,勝在樓底高,落地玻璃,窗外景觀優美.芝麻卷有濃濃的芝麻和椰汁味.春風得意腸很滑.本人最欣賞是足料福建炒飯.點心很精緻,價錢合理,值得推介.

星期日好多人啊，系門口等左30分鐘先有位~不過後來食到d野覺得好值得咯~因為第一次去，有沒系openrice做足功夫，所以隨便點~大概5分鐘左右有得上啦~叫左白腸粉( ⊙o⊙ )哇，都沒試過食到甘軟的腸粉！我家鄉（順德）的茶樓幾乎沒一間的腸粉夠距好食！Good！極度推介！自家醬叉燒包咬下去，入邊d醬好濃好多好好味！去到唔好錯過！鴛鴦雙潮原來系蝦餃同埋糯米飯，都ok~環境唔錯~d服務員的服務都好好PS：入邊的冷氣好勁啊！記得拿一件長衫去~或者問服務員拿披肩~

今天是朋友CK WONG作東,我等一届清貧有幸作食客,能一嚐居高臨下的飲茶在此謝過友人”CK”了,當日”一號風球”正懸,眼見對岸風雲變色,時陰時晴,我等則蝦餃燒賣,少有的一次經驗,一般都是在山頭野嶺看此等景色,今日是飲着茶,隔岸觀雨,跟平日行山見黑云便抱着頭走又是兩碼事,今日品嚐點心如下:蝦餃(特)- SIZE偏小,適合節食人仕,內餡沒有筍絲,蝦仁亦不是完隻只是碎切,蝦餃皮自己感覺OK夠韌有咬口,餡嘅醃味亦OK雖說是碎蝦仁但口感還是爽口的,燒賣(特)- 四粒,每粒都包得結實,咬下去肉汁在口內四濺,放面的蝦仁亦鮮味十足牛肉球(小)- 此點心除了是小點之外SIZE亦是超小球, 有點似鯪魚球SIZE, 味道一般鯪魚球(大)- 感覺很普通, 又係超小球及只有6球,爵士奶皇飽(中)- 賣相漂亮, 因為有了爵士所以不會流沙!脆網紅米腸(大)- 比較有驚喜的一個點心, 腸粉皮煙韌帶赤紅色,內餡是脆脆的網紙包住蝦膠,先是軟跟住是脆再咬落是彈牙及蝦的鮮味, 比較有心思的一點飽汁蒸鮮竹卷(小)- 飽汁其實是什麼?我只感到是蠔油味,鬆軟义燒飽(優)- OK的义燒飽蜜味义燒腸(大)- 比較普通的义腸飽汁炆雞腳

在尖沙咀THE ONE 二十樓上的"迎"，是稻香集團旗下的高級品牌。位於這個地段，價錢自然比稻香超級漁港，潮樓等高。而且在THE ONE高層，望著窗外的景觀，的確有種君臨天下之氣勢。收得比同集團其他品牌貴，就是這些原因。上年某日的下午來試，主要是來試其點心。其點心分成五級制，小點＄16，中點＄21，＄大點＄26，腸粉＄24，最貴的特點為＄30，另外茶錢為＄8一位。雨過天青的下午，維港景觀盡收眼簾，那時候新世界中心尚在，如今看回這張照片，不禁欷噓。此店的點心除了一些大路貨式之外，還有一些新派創作，第一道點心金網窩貼餃，以金網舖在窩貼上面，好像女仕面上的絲網。其實只是賣相上加強美觀，窩貼只是平常吃的味道。高溫芝士年糕也是外面酒家難找，連同西蘭花一起焗。沒錯芝士入口Cheesy，味道香濃，但年糕還未夠入味，相信焗多一會，效果會更加好。嬋衣海皇卷以蘿蔔皮代替粉皮，感覺更清新，包著的是海蝦.菠菜,鯪魚肉等材料，蘿蔔皮薄，但沒有爛，餡料味道清新，是考手工的點心。魚翅四喜餃一籠一件，賣相精緻，四喜即是面口的鹹蛋黃，紫椰菜，蟹籽，芫茜。四種顏色做出美麗的外表，內裡的是蝦肉和魚翅，入口感覺豐富，餡料很鮮

迎 Joyous One，是稻香集團的(風味酒樓)系列，亦是該集團的新派潮粵點心和菜式食肆。位置座落於The One 之(空中食府)的20樓中，亦是該集團位處最高樓層的食肆，The One樓高29層，前身為東英大廈，拆後再重建，於去年中落成的新場，屬於全港最高的零售商場。天朗氣清的星期天，太座想到尖咀逛遊，約同友人，一行五人，先來這裡茶聚。早上約10:30時，到達了The One 地下，上來這裡，有點轉折，首先是要乘抉手電梯上兩層，到達UG層大堂，然後排隊轉乘升降機才能到達20樓，出Lift後，走廊通道有點狹窄，來到門前，沒有客人在等位，此時，侍應已招待我們內進了，也許是時間尚早關係，人不多，但可惜是近窗的位置已被訂了。進入廳堂後，看到場地呈長方型，佔地不少，估計這場應可開20多圍的，通道空間亦算闊落，樓底超高感覺自然舒適，廳堂中央沒有一跟柱子，東西兩旁全為落地玻璃窗，視野廣闊又開陽，遠眺景觀東至北角、銅鑼灣，視線再向西移便是灣仔、中環IFC、西環等等，而180度維港景色盡入眼簾，向南的正前方巍峨的K11就在眼前，西邊為露天平台，開放式摺門，全可以趟開，遠望維港西南一帶海景，近景為九龍

朋友推介這家"迎"的食物質數不錯,當然,價錢比起其他酒家亦相當之高 正因是人家請吃的生日飯, 所以無後顧之憂地盡情點, 盡情吃... 10:45am去到, 最後一枱靠玻璃的位置都比埋我喇!! Yeah!!兩個人一共點了7款點心, 不過點心紙上的選擇亦不太多只是賣相比較好看而已, 而食物質數亦不覺得有什麼特別但服務態度真的一流,真的值得一讚!!如果只是想吃環境及服務可以一試, 不過點心的質數真的一般 埋單一共$220, 確實有點貴

今日為咗慶祝同事生日，lunch時去咗 迎 飲茶，為免無位，仲故意早兩日book定，點知...大失所望。1. 無樣嘢好食e.g. 鮮杏片芋棗-竟然有強烈嘅油"益"味，一入口仿佛係臭咗一樣。2. 名不符實e.g. 鵝肝波斯球-由於唔知係咩，所以點嚟試吓，估唔到只係薯蓉包住啲菇，再炸成球，請問啲所謂嘅鵝肝呢？3. 份量細少e.g. 排骨陳材粉-得五粒排骨，而每粒排骨(連骨磅)都不足5g，最爆笑係用隻7寸碟裝，但係成份嘢夾埋晒都唔知有冇3寸範圍。4. 服務員...唔識點講呀e.g. 當上述嘅"鮮杏片芋棗"上枱時，我哋問佢"請問...呢個係咩嚟架?"，服務員答"芋...芋芋....嗚~"....跟住走咗。 做咩呀? 唔知咪話唔知囉。

都是因為有優惠卷，才有幸來到這間酒家品嚐精點。首先，要讚的是店內所有服務生都很有禮貌，能媲美酒店內的服務媲美。來了水仙，味道特別清香，淡淡的茶味，正合我意。點心紙上的選擇不太多，但感覺高尚，是文字的取巧。點了六款點心，當中有兩款是甜品。 高溫芝士年糕起初還以為會是日式年糕般，表面炸成金黃的。但原來是中式的做法，芝士是一般 “芝士龍蝦伊麵” 中的芝士，中間有兩隻蝦，兩件西蘭花，兩件年糕。這小小的梳乎厘杯載著的是二人份量。年糕是上海年糕，粉粉的，不太吸引。芝士很香很多，每啖都很滿足，但有點肥膩呢。西蘭花有點生，煮得不夠熟。整體來說，對愛芝士的朋友，它是美點。 海鮮波菜餃 (真實名稱忘記了)用薄薄的白蘿蔔包裹著，吃上去有點像粉皮。波菜多得很，整個餃子都擠滿了。遺憾的是，眼見有顆粒狀的蝦，但吃不出味道，是被波菜搶風頭了！喜歡吃菜的朋友，你會愛上它的。 蝦餃它是送的，那部長說是每逢星期一至五，每位客人都有一粒。那餃皮的韌度適中，並不會太韌或太濕。內裡包裹的，是三隻切開了的蝦及馬蹄粒，蝦的爽度適中，加上清甜的馬蹄粒，絕配！這是名乎其實的精點！ 珍菌餃(真實名稱忘記了)這個餃子的外貌其實並不討好

係9月14日見晨早免費報紙有現金券送,每食滿150元可作50元用,剛好放假,虛榮心作祟,想望靚景食飯,決定去貪便宜.11:00去到,剛營業,坐到落地玻璃前,景觀真係一流,兩人共點了: 一口潮州粉果 - 一籠五只, 細細隻, 都幾別緻, 味道ok. 豆蔻海斑腸粉 - 腸粉都幾滑, 份量少, 味道也可以. 山竹牛肉球 - 一般貨色, 一般味道, 但真係超細粒. 泰汁脆雲吞 - 個人最愛, 雲吞皮鬆脆, 個汁都好味, 又係超細. 自家醬义燒包 - 個皮就一般, 唔夠美心酒樓發得好, 但個醬真係幾好味. 蝦餃 - 免費送的, 每人一隻, 試食, 反而大大隻, 味道ok.唔夠飽, 因菜牌內大中小點無價錢,唔知夠150元未,追加: 蝦子遼參伊麵 - 88元, 都幾大碟, 夠味道, 好食.埋單: 260元,減了50元現金券,實收: 210元,整體來說份量少, 價錢比較貴.

訂左位, 入座個時近WINDOW位仲有好多吉檯, 但都唔比轉, 話要訂位時提出.成個場都係靚, 不過食物就....1. 分量勁少2. 點左既食物未必有, 個時先係7點幾, 點左8個菜, 落好單之後, 有2個都話賣曬, 要轉其他野3. 味道OK既都唔想逐樣野介紹了, 因為無咩好感, 唔會再黎喇!

上兩次已經想去試下"迎" 嘅菜式，不過都話訂滿，所以無緣品嘗! 今次可以訂到位，心中都有一份喜悅。 the One 嘅"迎" 佔盡地理優勢，位於高層20樓，可望維港夜景。用餐方面，招乎比一般中式洒樓好。經理介紹左魚翅四喜餃，佢話雜誌有介紹過，所以我地點了一試。顏色吸引，蝦肉爽口，重有少量魚翅增加貴氣，做得精美!個蠔煲就麻麻，個煲上菜時唔係熱到啫啫聲，啲蠔肉比較實，粉就厚左啲, no good!39 頭日本吉品鮑 雖然可以用刀义去享受，不過真係細隻左啲, 鮑汁味okay.個木瓜燉魚皇湯就中規中矩，算唔錯。玉盤鮮豔素碟上賣相差左啲，唔夠正，味道算係清淡。堂煎德州牛扒本來想賣弄服務技巧，增添視覺享受，可惜，員工技術有代改善 雖然味道okay, 不過賣相唔得, 同肉地比較韌!黑瓜子斑 反而唔錯，有魚味唔沙皮，而且抵食!!! 甜品方面, 經理推介豆豆千層凍餅, 個樣 okay, 即係紅豆多層 pan cake, 但係比較乾。

媽咪去完旅行回港，晨早接了機吃了早餐，各有各休息過後約好一起吃晚飯。老公仔提議去THE ONE，而他之前又抄起了「迎」的電話，六點打去訂七點又剛好有位，只是8:30pm要交枱，立刻召集一起出發。和阿妹、媽咪等一行五人，七時正到達，要轉一次電梯才上到20樓。此洒樓是稻香集團的，有信心保証。樓下有停車塲很方便，消費有泊車優惠。上到去第一個感覺是環境舒適、樓底高，又見到維港夜景。擾攘了一輪，點了以下菜式： 海蜇拼青瓜 (冷盤) 涼伴皮蛋 (冷盤) 凍蟹 - 約8両 潮式鹵水併盤 桂花BB鴒２隻 薑葱生蠔肉青煲 沙茶牛肉炒河雖然我們點的都較晋避，但食物水準不錯，平均分有75至80分，如加上地點、環境及大衆化的價錢，平均分應有85分以上。服務也算週到，侍應都面帶笑容: 例子1 - 阿妹買了個蛋榚請侍應先放雪櫃，她會問是否雪糕蛋榚，要否放冰格例子2 - 每次打開茶壺不用三秒就有人拿走加水例子3 - 上菜先後次序得宜，先上泠盤小食，再上鹵水併盤、凍蟹，最後才上炒河這裹也有茶市，已訂了位下星期日同老爺、奶奶來喝茶。所以呢，好的餐館一定有回頭客！

我之前見呢個場好靚, 佈置同海景一流, 所以諗住嚟食嘢睇下佢地D嘢食得唔得, 如果OK, 就響埋呢到擺喜酒.所以我哋點既菜都係盡量似擺酒既食物.1. 厚切叉燒併乳豬件2. 花膠扣鵝掌3. 香煎釀帶子佢全部嘢都係超咸, 唔知係咪我哋唔識叫嘢食, 但我真係未試過食完之後會咁唔舒服, 我一離開就衝咗去買朱古力食, 先好番少少咋.