金公館 (康怡廣場北座)

营业中

休息中

以前灣仔的金公館只做川菜，遷址康怡廣場之後川粵混合、走大眾化街坊飯店路線，現正推廣大閘蟹餐及北京填鴨套餐，還有吸引了我的秘製古法羊腩煲，原價$288，星期一至五優惠價$188，別以為會將貨就價，事實上是份量十足，而且味道相當好，相當抵食。秘製古法羊腩煲 $188 （原價$288）明火烹調羊腩煲是基本的必須做法，熱辣辣，食完更加暖笠笠，天氣開始涼，正合意！ 羊肉連皮，皮下有脂肪，已經煮至完全軟熟，羊肉骨膠原豐富，口感黏稠柔韌豐厚，肉質鬆軟香嫩，吸收了湯汁，完全是滋味的感覺。其他配料亦非常充足，腐皮盡吸湯汁，充滿羊肉香；大而厚的冬菇粒，味香柔滑；馬蹄爽口大大粒；配生菜一碟，湯都撈埋。真心推薦，平靚正之選！除了可以秘製古法烹調之外，另有川式風味可以選擇。 成都麻辣水煮牛肉 $158見到水煮牛肉如此大盤，證實是親民價，牛肉非常嫩滑，相信是以梳打粉預先處理好。窩內有大量芽菜，喜見有若干鴨紅，亦有我至愛的寬粉，我認為辣湯與寬粉是完美的配搭。 干鍋花菜 $108既然來到川菜店，普通的蔬菜已經不能吸引我，所以來了一道干鍋花菜，最後證實是正確的抉擇。這個干鍋炒得很好，香辣有層次而又不過度霸氣，椰菜花沾上

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。金公館位於太古康怡廣場3樓，太古地鐵站出發大約七分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人共點了幾道小菜，一起互相分享。雞湯龍抄手(⭐⭐⭐⭐⭐)抄手一共有七至八隻，大大隻，用料十足，脹卜卜，兩三人分享剛剛好。川式風味羊腩煲(⭐⭐⭐⭐⭐)終於到我們整晚最期待的羊腩煲。有別於一般廣州羊腩煲，我們選的是麻辣味道，湯底用了種種不同香料調味，吃起來有點麻，味道層次感豐富。羊肉份量也頗多，肥瘦均勻，冬天氣溫急降，進補一流。靈芝菇炒萵筍絲(⭐⭐⭐⭐⭐)萵筍是平時少吃的蔬菜，主要因為處理較為繁複，但其實營養十足，排毒降血壓功效一流。萵筍絲炒得爽口，吃起來味道較為清淡，配上味道濃的羊腩煲剛剛好，作為間場，中和一下。南瓜肉絲炆米線(⭐⭐⭐⭐⭐)另外我們還叫了個炆米線，吃點澱粉質才飽肚。米線份量十足，配料包括了肉絲，冬菇絲，南瓜等等，吃起來不太油膩。米線原個南瓜上的，連南瓜也可以吃。總括而言，這間餐廳食物質素不錯，而且價錢十分大眾化。

今日凍凍地，又心思思想食羊腩，經過太古城康怡商場裏面就見到這個古法羊腩煲去試試。原來這間餐廳不只食廣東菜，原來有三款不同主打菜式，真係可以三個願望都能達成。先來一個古法羊腩煲，上枱時時買相已經非常吸引，香噴噴…..大大嚿的羊腩，加上好足料配裏面有馬蹄，筍，支竹等等…..已經一路煲一路聞到香噴噴。原來仲有另一款選擇是川味羊腩煲，如果鍾意食辣嘅就可以選擇這個。羊腩煲最重要就是那個湯底，非常入味！每一件羊腩都好淋，而件件多肉而且羊肉皮是爽脆煙靭。好暖身呀！這個加送了一碟生菜，食肉嘅同時又能夠吃到菜。其實真的是非常好的配搭！然後媽咪又想食他喜歡的上海菜就是年糕，所以我哋又可以轉其他菜式，就是這個紹菜肉絲炒年糕。 年糕非常煙靭，以及菜味道非常之平均，不是太鹹又有菜味再加上炒肉絲，所以整碟年糕，食到津津有味， 我們不用15分鐘就已經K.O.咗。最後又想食返中菜，所以就叫了翠塘紅燒豆腐，真係估佢唔到豆腐滑脫脫，豆腐味濃郁。

進入秋冬季節，又係時候食至愛的羊腩煲。今日約了好友吃晚飯，她提議到她住所附近康怡廣場內的金公館，這是一間提供粵菜、京川滬菜的高質小菜館，最重要喺現時逢星期一至四推出羊腩煲優惠價$188，十分吸引。店舖裝修明亮簡潔，有不少卡座位，啱晒我哋喜歡一邊吃一邊說話的客人。每枱都附設一座熱水機，店員開茶後，客人便可自行添加熱水，省卻不少等候添水時間。餐牌上食物款式非常多，當然第一時間點了期待已久的羊腩煲，還有這裏招牌菜之一的酸菜魚。古法羊腩煲配田園蔬菜這裡的羊腩煲設有兩款口味，有秘製古法或川式風味的，好友喜歡古法製作，所以我們點了古法羊腩煲。熱騰騰香噴噴的羊腩煲份量十足，羊腩啖啖肉，肉質軟腍、鬆化多汁，蘸上椒絲腐乳醬更提升鮮味；材料還有爽甜馬蹄、冬筍、枝竹，配上生菜吸收了湯汁精華，香甜濃郁，份量足夠四人享用！金湯老壇酸菜魚（小）酸菜魚係我最愛的傳統川菜美食之一，要了小份，但份量也不少。一片片無骨的魚肉嫩滑無比，湯底還有酸菜、菊花瓣、透明滑溜的冬粉、加上紅椒和芝麻，香辣又惹味。食又熱又辣的美食怎可少得了冰凍汽水，要了兩罐無糖可樂才算完美。原先想點甜點，但食物份量實在大，大家都非常飽肚。這𥚃座位舒適、

香港這兩天降溫 天冷就想吃一些熱熱辣辣的 第一個想到的就是川菜這家店我和朋友經常去吃主打京川粵菜 菜量很大 價格又實惠進店就看到他家近期新推出羊腩煲 看起來就暖笠笠的 果斷嘗試下^川氏風味羊腩煲滿滿的一大鍋端上來 先點上爐子煲內主要是羊腩 蘿蔔 腐竹搭配的時令蔬菜是生菜羊腩份量足 沒什麼羶味 一口下去全身都暖了！蘿蔔要煮得久一些才入味羊腩煲吃得差不多後加水燙生菜 超級滿足！重慶辣子雞經典川菜辣子雞 雞肉火候剛好 腰果香脆整體來說不功不過靈芝菇萵筍絲羊腩煲和辣子雞口味比較重萵筍絲較清淡剛好能中和口感清脆十分爽口北方蔥油餅主食點了蔥油餅和印象中薄薄的蔥油餅不一樣外皮炸至酥脆 內裡軟糯香甜 當作主食ok不過差在沒什麼蔥油味道

今晚天氣寒了不少，約了朋友來到位於港鐵太古站上蓋，康怡廣場三樓的「金公館」吃晚餐。見到以推廣價$188的優惠可嚐羊腩煲，即時已垂涎欲滴。❣️ 羊腩煲配田園時蔬特設兩款口味 - 「秘製古法」和「川式風味」。朋友喜愛四川風味食品，就選了「川式風味」的羊腩煲。暖呼呼的羊腩煲，份量十足，以手提卡式爐保持熱度。  湯底用上花椒、八角、辣椒等帶來麻辣味道，入口味美濃郁，辣而不膩。辣中帶甜突出羊肉鮮味，但又不會掩蓋羊肉香味。羊腩肉帶皮，沒有太多脂肪，肉質爽而不韌，鮮嫩多汁。沒有烹煮得軟爛，保留其皮脆肉彈的質感。枝竹、白蘿蔔片和蔬菜盡沾惹味湯汁及羊肉精華，吃起來味美豐腴，香濃惹味。吃這道暖胃驅寒的菜，即感身體暖和不少。❣️ 金湯老壇酸菜魚(小)金湯老壇酸菜魚賣相漂亮。一股酸爽鮮香的香氣撲鼻而來。金湯酸辣味道剛好，不會嗆喉。新鮮桂花魚魚塊大大片，魚肉已去骨，新鮮嫩滑，不會有絲毫的腥味，吃起來鮮美滑溜。酸菜酸香爽脆，開胃十足。跟脆爽的萵筍和軟滑而帶彈性的寬粉一起吃，口感豐富。❣️ 擂沙湯丸　流心黑芝麻擂沙湯丸，面層蘸滿了花生蓉。入口還是暖暖的，口感煙韌軟糯，味道微甜不膩味。

之前經過金公館見到有片皮鴨食，一直都想來試。今日終於有機會，點知原來除了片皮鴨，還有時令的羊腩煲，因為天氣凍咗，所以最後我哋選擇了羊腩煲，暖暖身。秘製家常羊腩煲（配田園時蔬)$188除了暖身，另一個叫羊腩煲的原因是，羊腩煲新推出，當天有優惠價！羊腩煲原煲上，下面有Gas爐，一直滾住羊腩煲，羊腩的香味一直湧出。羊腩肉嫩滑，皮咬落爽口，羊味重但是越食越好吃，最重要是熱辣辣，越食身越暖。羊腩煲仲有配菜，包括枝竹、馬蹄、冬菇，配菜吸左羊肉汁味，夠入味！食到一半，還可以滾埋附送的生菜，生菜同羊肉又係一個絕配，可以減輕羊肉煲的油膩。羊肉煲份量足，最後由頭食到落尾，依然熱辣辣。喜歡的話，可以叫碗白飯撈汁。夫妻肺片$78夫妻肺片是我們喜歡的菜式，牛肚和牛展入味而不油，調味不算辣，反而幾香，作為前菜很適合蒜泥白肉$78這裏的蒜泥白肉擺碟很好，每一片白肉中間包着一片青瓜，令到白玉和青瓜的比例剛剛好，上面鋪了厚厚的蒜泥，蒜泥有預先調味，所以不會辛口，我幾喜歡這種夾住吃的蒜泥白肉，夠平均。四川擔擔麵$52擔擔麵發揮正常，面煮得啱啱好，不會過淋而散晒，味道不錯，而且好大碗，好夠飽！

今次去咗康城廣場嘅一間中餐館，金公館壁畫貼上粵劇表演，應該幾合老一輩口味～ 食物質素唔差，見到羊腩煲做緊限時優惠，馬上點個來試試先😆川式風味羊腩煲（配田園時蔬） $188羊腩煲有兩種款式選擇，秘製古法/川式，未試過川式羊腩煲嘅我表示想試下😋 羊腩幾入味，香辣惹味，一點羶味都冇👍🏻 冬菇好正又淋又多汁🥰 仲有勁多生菜🥬 好大方👍🏻金湯老壇酸菜魚（細）$188 估唔到細嘅酸菜魚都咁大煲，份量一啲都唔惹少，有大量魚肉，酸菜，甘荀，金湯濃郁又惹味～辣度適中👍🏻紅油龍抄手雲吞好大粒，啖啖肉，而且湯汁好香麻惹味。

入座所有部長完全態度差，不理不睬，唉，一看OpenRice, 剩下一間！好彩D吊帶低級員工反而你理睬客人！其實我們也是第一次過來，裝修和餐具還可以，坐得來舒服，但是部長級的人員令人太失望了

今晚去的餐廳位於太古，主打京川粵這三款中菜，餐廳很光猛，有不少卡位，整體感覺舒適。烤北京填鴨 🦆透過食店的玻璃櫥窗可以見到廚師在一片片切鴨，點了半隻試試。上枱時其醬料及配菜的擺盤十分吸睛，好似全盒。將烤到金黃色，皮香脆，肉香嫩的烤鴨，自行選擇四款不同醬料和四款不同的配菜，加上溫熱的超薄麼麼皮，包著吃，感受到多重口感。蒜泥白肉🐷滿滿的香蔥和蒜蓉鋪在透白的豬腩肉，中間夾住爽口青瓜，浸在辣油上，口感香辣。夫妻肺片 牛舌、牛肚和牛肉等薄切，爽口，加上辣椒油和芹菜等，滿滿的麻辣滋味。金湯老壇酸菜魚 🐟酸菜魚一向是我最愛的菜色之一，嫩滑的魚肉配上滿滿的酸菜，又有爽口萵筍和滑溜薯粉等，酸酸辣辣。麻辣水煮滑牛肉 🌶️牛肉很香滑，配上爽口牙菜、嫩滑鴨血和晶瑩通透的薯粉等。大量的辣椒，有種麻辣的感覺令人忍不住一口又一口。紅糖滋粑甜品外香脆，內香軟，感覺像糯米。紅糖令整個味道提升，又不會太甜。

本身我對片皮鴨唔算特別喜好不過🐻話佢好鍾意食，加上價錢又唔貴，就陪佢去食喇當下我真係唔明點解咁多人鍾意食片皮鴨‼️係我字典中，我覺得片皮鴨係非常肥膩，肉質又鞋霎霎••••••不過今日之後，完全打破左我以往嘅諗法「烤北京填鴨 - 半隻」係我暫時食過最好食嘅片皮鴨塊皮勁脆，肉質又嫩‼️最欣賞係去走哂油膩嘅肥膏餅皮好夠薄，唔會比蒸氣整濕哂，食落Q彈軟綿❤️而且呢度除左甜麵豉醬外，仲有幾款醬，可以試吓新口味冰梅醬、胡麻醬、桂花糖醬，不過我還是鍾意傳統嘅甜麵豉醬「酸菜魚」呢盤酸菜魚已經係細份，但份量非常之多未開始食已經聞到勁香用左桂花魚，魚肉無骨，即刻加哂分‼️口感非常細滑酸辣味道好適中，口水不斷翻騰，越食越想食❤️仲有薯粉、萵荀，吸收酸菜+麻辣嘅精華，非常好食「蒜泥白肉」蒜泥相當豐富，每塊腩肉都好薄又大塊，口感係爽嫩的，夾左一大塊青瓜片，成件事清新左🌶紅油再加埋爆多嘅蒜泥，真係難以抗拒「紅糖糍粑」係即叫即整㗎外脆內軟糯

天氣漸漸轉涼了！已經唔會好似之前熱到溶晒！真係最鍾意呢啲嘅天氣！秋天！特意相約吹水friend食辣給料理享受一下呢個天氣😬⋯⋯🥢🥢金公館🥢🥢（康怡廣場）📍太古康山道1-2號康怡廣場3樓餐廳座位非常闊落！服務高質！上菜😬享用完才上另一款菜式添👍⋯⋯蒜泥白肉肉質鮮美⋯⋯肥瘦均勻！白肉包裹着青瓜片多了一份清新口感！爽丶香丶麻丶辣集於一身！夫妻肺片主要材料有牛肺丶牛心丶牛肚⋯⋯朋友最鍾意呢一款！鍾意內臟嘅朋友唔可以錯過！味道麻辣辛香！令人垂涎三尺！加咗花生更加香喎！北京填鴨外皮油亮酥脆！北京填鴨佢嘅皮一啲都唔油膩！師傅刀工高超沒有半點肥油！肉質細嫩！附上粉皮😋用熱嘅水保持粉皮嘅溫度😬可以慢慢享用⋯⋯提供四款醬汁，加埋一齊超級惹味👍金湯老壇酸菜魚湯頭非常香濃！忍唔住飲咗一碗！魚片細嫩！味道鹹鮮酸辣⋯⋯香氣濃郁誘人⋯⋯大量嘅酸菜加咗爽滑嘅粉皮！魚肉份量重好多添！麻辣水煮牛肉牛肉肉質非常嫩滑！有大量嘅花椒和辣椒突出川菜麻辣嘅香味！粉皮吸收晒麻辣和牛肉的鮮味！超正！萵筍非常爽脆！加埋大量嘅芽菜絕配！紅糖糍粑紅糖糍粑乃是四川街頭特色美食！糍粑軟糯口感加上外層炸得非常香口！口感超棒！加上濃郁的紅糖醬汁味道

好耐冇食過酸菜魚啦，今晚同妹妹去咗康怡廣場嘅金公館大擦一餐😁位於康怡廣場，太古站一出就到，非常方便。卡位坐得舒適，服務員有禮貌。❤️🦆片皮鴨鴨皮脆卜卜好好食，用麼麼皮包住再加入 青瓜，蜜瓜，京蔥等，配以唔同嘅醬汁，如甜醬、桂花蜜 ，口感豐富。🐟酸菜魚魚片嫩滑新鮮， 配料有酸菜， 茼蒿，寬粉 ，酸辣適中。🐃水煮牛牛肉好滑，辣辣地好刺激， 仲有嫩滑嘅豬紅。🐽蒜泥白肉蒜泥香口，豬肉片包住青瓜片，有層次感。 🍅夫妻肺片麻辣味道衝擊味蕾，好刺激。🥢甜品：紅糖糍粑係川菜傳統甜品，呢度整得好鬆脆 ，唔會油膩。

臨時起意約晚餐，就近，撿咗呢間：金公館印象中，呢間餐廳收費都幾貴！但今日睇menu，感覺都OK！最主要係～多選擇👍因為前晚食咗大閘蟹餐，今日就撿片皮鴨餐啦！2人套餐如下：1）雞絲粉皮：賣相與味道具佳👍2）青城山杏汁白肺湯：可惜杏味唔夠白肺太細粒3）烤北京填鴨: 與香港一般食肆的片皮鴨處理唔同，呢度的各種材料就排場大，鴨子被完全皮肉分離，脆皮在上，鴨肉在下。幾特別🤩4）老乾媽帶子象拔蚌：海鮮還是不要混合辣椒醬吧！蜜豆倒是很鮮甜～5）京式小籠包：除了皮有啲厚，其他冇問題6）蒜蓉炒時蔬 ok！7）杞子桂花糕：就是甜啫喱😝茶位和小食都+1，買單後價格比餐牌貴100蚊喔😆發現呢度仲有唔少我鍾意的，應該會再來幫襯㗎！

今日去康怡廣場購物,  買了多件秋天新衣.  要找地方坐坐食晚飯.   看見 金公館 門面闊, 川菜辣派合口味. 牆上有京劇男女老官照片,  甚具特式.看見玻璃櫥窗內,  師傅忙著工作,  掛著巨型大北京鴨, 顏色令立立好搶眼.   大家好想食.餐廳裝修大方雅緻,  座位闊落, 燈光充足, 環境熱鬧.  侍應招呼有禮, 我們坐下,  點了鐵觀音茶,  每台設自動煲水機, 方便又乾淨, 水滾茶靚, 店員快速送上餐牌.   餐牌印刷清晰,  食物豐富, 有北京填鴨,  配惹味醬料. 四川名菜, 有酸菜魚, 鍋巴.......  又有水煮牛肉,  乾鍋, 可辣或少辣. 價錢中等.我們先點了, 夫妻肺片, 面上鋪有芝麻及芫茜, 肺片, 片片薄切, 好吸晴, 肺片以牛舌, 牛肚, 牛腱,  牛心 , 煮得入味,  味道麻辣鮮香,  好食.蒜泥白肉五花肉切得薄, 肉片夾著青瓜一片接一片, 沾滿蒜蓉醬, 和蔥花, 擺設靚.入口冇肥膩, 反而彈牙又含膠質感, 品嘗到肉的鮮甜, 配上辣油, 好醒神.北京填鴨(半隻)北京填鴨半隻, 鴨皮片得好薄, 沒有肥膏, 皮薄, 最值得一讚就係鴨肉軟滑及鴨味香濃.摩摩