金凡潮汕菜

营业中

休息中

魚翅撈飯套餐價格親民， HKD88就有得食仲送熱飲， 轉凍飲加HKD3, 特飲加HKD8, 加多HKD30可以叫埋迷你小菜， 未食見到餐牌都覺得好豐富呀🫶🏻為咗打卡效果靚啲， 我同朋友將沉咗係底嘅魚翅搵出黎，經我地一番努力終於將2碗嘅翅全部收集齊係呢一匙度，大部分都屬於無骨翅邊， 我連讀碩士都揀photography真係無揀錯科❕涼瓜炒雞柳真心好食， 味道濃郁夠晒入味，連平時唔會食涼瓜嘅我都可以食到！ 蕃茄牛肉炒蛋最令我印象深刻， 未食已經聞到濃郁嘅味道尤如擦身而過嘅路人飄出嘅體味， 擺入口咬咗一啖忍唔住獲利回吐，味道同餵豬嘅不相百仲真係好震撼，所以邀請店員一齊品嚐， 但店員話餐廳選用嘅雪牛味道絕對唔可以同鮮牛比較而拒絕品嚐。最後叫咗2杯熱菜蜜， 其中一杯等咗半個鐘就黎到啦， 係呢度絕對可以享受無拘無束自由奔放嘅慢活生活態度✨

今晚去的餐廳位於尖沙咀，主打潮汕菜，滷味、打冷和小菜都應有盡有。餐廳以白色為主調，十分之光猛，店員服務亦加分。避風塘炒蟹🦀蟹用了避風塘方式去炒，蒜香與辣味互相輝映，味道濃郁，蟹肉鮮甜，十分惹味。魚翅撈飯 🍚魚翅用了瓦煲，保持其溫度，亦令魚翅更美味。魚翅是一梳梳的，鮮甜矜貴，配上爽口牙菜和上湯，撈飯一流。豬油喳炒菜 🥬用了炸到十分香口的豬油喳加上蒜頭🧄來炒菜心，火喉控制得宜，令翠綠的菜心爽脆可口。

放假去開尖沙咀，咁岩想食潮州野，就去左「金凡潮州菜」，估唔到食落係好正宗嘅潮州美食。魚翅撈飯，這道菜以魚翅為主角，配以鮮嫩多汁的精選的食材。魚翅的質地細嫩，搭配飯的口感，有極豐富的層次和口感。每一口都充滿了魚翅的鮮味。小菜分別有迷你蔥爆豆豉雞和迷你滷水拼盤。迷你蔥爆豆豉雞是一道潮州經典菜式，嫩滑的雞肉搭配蔥和豆豉的香氣，帶來了一種獨特的風味。而迷你滷水拼盤則結合了各種滷水的小吃，每一款小吃都入味鮮美。

今晚同朋友不約而同想食潮州野，經過金凡，唔使等位，又見裝修得古色古香，於是就入去試下。人氣魚翅撈飯辣蟹餐 套餐當然係有魚翅啦😛份量好大，夠4個人食👍🏻朋友唔係好食得辣，辣蟹我哋叫左BB辣，蟹好大隻，特別要讚一讚避風塘炒蟹啲蒜炒好好香又唔油，送飯一流🤤豬油渣炒菜心，好香口😋大大份都清晒，仲要唔記得影相😆我哋另外單點左九肚魚蠔仔餅，炸得香口，九肚魚好滑，好好味😋食潮州野唔少得滷水，我哋叫左鵝肝拼滷水蛋。平時女仔gathering好少食潮州野，侍應一般比較有性格😆要讚一讚金凡服務好好，同埋菜式選擇好多👍🏻

🍽 金凡潮汕菜同女去打冷，估唔到打冷都有魚翅撈飯食，又幾富貴哦，仲有避風塘炒蟹添，你哋以為好貴添，實際係普通價錢就可以食到呢個餐，真係平靚正👍➰➰➰➰➰➰➰➰➰➰➰🔱魚翅撈飯辣蟹餐 $750🍒招牌避風塘炒蟹 避風塘炒蟹蒜香味濃郁，隻蟹好大，夠新鮮，喜歡食炒蟹嘅人你呢度都可以試到啦。🍒金凡魚翅撈飯魚翅撈飯清淡得來又幾爽口，好大排嘅魚翅加上豆芽呢個泡飯唔使餸都好好食😋🍒家鄉炒魚麵魚麵好似炒麵一樣，加啲配菜食落好似魚片一樣彈牙鍾意食辣嘅可以加啲辣椒醬食嗰日去都見幾多人食㗎，裝修亦都光猛舒服

今晚同老婆去了這間新開不久的潮州菜館，平時中午經過見到都幾多款式的小菜，價錢亦都不算貴，小菜都是$60起，比集團式經營的茶餐廳還要便宜，所以今晚專呈幫襯一下。避風塘炒蟹：原隻肉蟹以避風塘方式爆炒，表面舖滿了炸蒜及辣椒，十分香口又惹味，蟹肉鮮甜又新鮮。豬油渣生炒菜心：菜心炒至翠綠爽口，而且完全無渣，細心去掉近菜頭部份，只留嫩位，所以十分爽脆。金凡魚翅撈飯：一大煲魚翅湯，紅燒翅味香濃，下面有大量的芽菜，豐富骨膠原，撈飯好味。

🐽 魚翅撈飯佢哋嘅魚翅好多，質感好豐富。魚翅湯底嘅味道濃郁，金華火腿味好出。撈埋飯一齊食 ，增添咗層次同口感。最重要係儀式感滿滿🐽 避風塘炒辣蟹辣蟹新鮮又大隻，炒得香辣味十足。辣蟹個殼薄身肥，肉質飽滿，入口滑嫩，每一口都能夠品嚐到蟹肉嘅鮮甜。避風塘炒辣蟹嘅辣蒜亦都好惹味，有獨特嘅蒜香辣椒味道，撈飯一流。如果你鍾意辣味同海鮮，呢款菜一定係你嘅首選🐽 豬油渣生炒菜心以新鮮嘅菜心同香脆嘅豬油渣炒製而成。豬油渣炒菜心嘅特色係菜心保持咗脆嫩嘅口感，同時豬油渣嘅香脆質地帶出咗濃厚嘅豬油味道。食落去，豬油渣嘅獨特風味同菜心嘅清爽口感完美結合

🚩金凡潮汕菜魚翅撈飯聽就聽得多啦｜你哋又食過未呢😌今次推薦一間超抵食魚翅撈飯套而且絕對係貨真價實｜真材實料‼️體驗一回富貴人家的感覺～〰️〰️〰️〰️〰️〰️〰️〰️〰️〰️〰️〰️〰️🌈魚翅撈飯辣蟹餐 $750✨招牌避風塘炒蟹 估唔到呢個價錢又食蟹又食翅🫣避風塘最緊要個炸蒜香脆而不焦黑味苦🧄每啖蟹肉都夾帶着少少蒜香味｜完全唔會搶風頭隻蟹手掌咁大隻｜殼薄肉厚✨金凡魚翅撈飯主角來了‼️肉眼可見的翅塊湯底鮮甜帶點膠原的黏性每粒飯粒都可以裹滿湯汁🦈工作那麼累｜呢一啖完全滿足晒✨家鄉炒魚麵初嘗魚麵😎口感比較似長條型嘅魚腐軟淋得黎又略帶點彈性店員推薦配搭辣椒醬食｜又是另一番風味

放工約朋友食餐飯，朋友介紹尖沙咀一間潮洲菜館 "金凡”。一入餐廳見到裝修別緻，地方寬敞舒適。坐低先黎一個金凡魚翅撈飯，金黃色的濃湯，一疏疏魚翅，魚翅浸滿上湯好入味， 咸度剛剛好，啖啖魚翅好好味，撈飯更加一流。第二度菜係金凡招牌辣蟹，上菜時睇到大大隻蟹鋪滿金黄色炸蒜，風味十足，味道似避風塘炒蟹。食了一口，就想繼續食，蟹肉鮮甜，食得出係新鮮蟹，加上炸蒜同香蔥，味道豐富。最後食埋豬油渣炒龍鬚菜，現時講求健康，有豬油渣嘅地方買少見少。難得見到有得食，即刻點左。見到一舊舊油渣加上翠綠龍鬚菜，賣相吸引配搭新鮮。油渣鬆脆肥而不膩，搭上青菜爽脆可口，油香味濃。絕對係一間優質潮州菜館，值得推介。

今日黎到尖沙咀，經過見到呢間潮汕菜餐廳就決定入去試下魚翅撈飯這道魚翅撈飯絕對是潮汕菜的經典之作。魚翅質地滑嫩，撈飯時與飯粒完美結合，每一口都能感受到魚翅的鮮美滋味。撈飯的醬汁濃郁，充滿海鮮的鮮味，讓整道菜更加豐富。這道菜不僅味道鮮美，而且給人一種濃厚的潮汕風味招牌避風塘炒蟹這道招牌避風塘炒蟹是這家餐廳的招牌之一。蟹肉鮮嫩多汁，炒至剛熟的狀態，保留了蟹肉的鮮甜。避風塘的炒製技巧使得蟹殼外層炸得酥脆，帶有香氣和微微的辣味。每一口咬下去，都能品味到蟹肉和避風塘炒蒜的完美結合。這道菜絕對是海鮮愛好者的必點之選黃金豬脊仁炒時蔬豬脊切得薄片，炒至嫩滑多汁，保持了肉質的鮮嫩。這道菜醬汁適中，豬脊和菜的味道完美融合，每一口都帶來一種清新爽口的感覺，給人一份健康美味的享受

這間位於尖沙咀的【金凡潮汕菜】，裝修充滿懷舊風味，全部都是實木桌椅，乾淨企理。餐廳主打潮州汕頭菜，食物款式甚多，多款傳統的潮州菜價錢貼地，更有魚翅等高級菜式，豐儉由人。今晚點了2人人氣魚翅撈飯辣蟹餐，全包價$750，有魚翅及炒辣蟹。金凡魚翅撈飯魚翅湯足2-3人分享，有一梳梳翅群及芽菜，紅燒翅湯送飯一流。金凡辣蟹炒蟹可選辣度，蟹肉新鮮，避風塘炒蟹十分惹味。豬油渣生炒菜心菜心炒至爽脆，豬油渣外脆內軟。

好耐冇出尖沙咀食飯喇, 今日同朋友試下呢間潮汕菜先,入面好大好闊落,餐具都很精緻試下老闆推介-避風塘炒蟹嘩,好香的炒蒜頭味,蟹肉份量都好足,試一啖先,我地叫左BB辣,辣度啱啱好,蟹肉鮮嫩,味道不錯,忍不住連續食左幾嚿!人氣魚翅撈飯感覺好豪氣,魚翅煲酸酸甜甜的,果然撈飯啱啱好,好開胃豬油渣生炒菜心聽到豬油渣,感覺很油膩,不過食落又還好窩滷水拼盤-鵝肝最中意就係食鵝肝,滷水好入味,而且鵝肝有好多塊,好大方!不錯不錯九肚魚蠔仔餅從來無試過九肚魚蠔仔餅,九肚魚好軟綿綿的肉質,全部都是軟骨,魚肉新鮮,蠔仔餅炸得好乾爽,好脆,我好喜歡,好好味

尖沙咀開咗間新嘅餐廳，供應多款潮州菜式。今次要咗個二人餐，用優惠價就可以品嘗到呢度嘅幾款招牌菜。招牌避風塘炒蟹好大一隻，膏算多，蟹肉鮮甜，而且夠惹味。金凡魚翅撈飯會分開窩同白飯上，方便大家按個人喜好落幾多飯嚟撈。魚翅份量足料，配上白飯好容易入口。另外有炒時蔬，帶油香氣，咬落爽口。呢個餐仲會免茶位費同加一服務費👍整體性價比都幾高，夜晚到嘅時候都有唔少客人。而且店員和服務態度都唔錯，經過可以試吓😃👌

餐廳位於尖沙咀加連威老道，嚴選新鮮食材炮製多款潮州地道小菜。裝潢行懷舊風格，採用香港街景主題，設有木枱凳，晚上到訪都有唔少大枱食緊，適合約一大班friend嚟聚餐。避風塘炒蟹係呢度嘅招牌菜之一，辣度可按個人喜好選擇。辣椒蒜頭再加上多種香料爆炒，非常惹味，送飯一流。肉質鮮甜爽口，值得一試。魚翅撈飯又係另一個必點嘅，用窩上，熱辣辣，可保持溫度，魚翅唔杰，入口順滑，配料豐富，感覺健康。另外有黃金豬脊仁炒時蔬，唔油膩而且夠新鮮，食飽飽去下站食甜品。

近年興起北上遊玩吃潮汕菜，我們特意搜查下香港有沒有潮汕酒家，除了最近新插旗的陳鵬鵬，便是尖沙咀金凡。金凡位於地舖，門面裝修非常矚目，氣氛甚好，樓面侍應招呼周到，主動推介個人心水菜式，期間都有詢問菜式合不合我們口味，令我們找回久違了賓至如歸的感覺。唯一要注意的是空調風口，感覺太大令食物很快凍掉。我們點了兩大招牌菜式 —— 砂窩魚翅和金凡辣蟹。套餐還包括了豬油渣炒龍鬚菜，白飯兩碗，盛惠$750，性價比高。砂窩魚翅份量不欺場，兩人分着吃每人都有3碗，我們伴着白飯吃，加上魚翅一梳梳，十分滋味。招牌金凡辣蟹味道十分驚喜，廚師是第一代橋底辣蟹的師傅，功架和鑊氣十足名不虛傳。蟹肉新鮮鮮甜，炒得香口不油膩。黃金炸蒜是亮點，我們用匙羹吃，一口接着一口，十分滿足。豬油渣炒龍鬚菜味道清新，將我哋嘅味蕾中和一下。我們第一次吃龍鬚菜，爽脆沒有渣，配上豬油渣同吃，又是另一風味。總結金凡潮汕菜十分出色，我哋已經book定另一日打算再試吓佢嘅小炒。